الجزء 152 من واش طيبتي اليوم - الصفحة 51

um alaa · 2015-11-08, 09:19

ترحب بيكم الجنة حبيباتي جا لوسي و صاحبو درتلهم حساء الكابويا و مافن صالي و سلطة متنوعة و بوراك و بوزلوف فالفرن تشخلطتو بصح جا يهبل و درت تحلية الكابريس لاسمهان بصح للاسف ما صورتش البيسي كان حابس صورت غير التحلية على خاطر درتها ليلة من قبل

2015-11-08, 09:19

صلى الله عليه وسلم
ههههههههههههه ام ابراهيم الغالية ظهرت غااااااااااااالطة على بيها حرت
لكن الصح راكي فنانة ومن درجة اولى ربي يبارك وزيدي اتحيفينا معاك يعني الحلو تخدميه وتتفنني فيه والتحميل صعاب ههه ابعثيهملي وانا نعدلهم لكن نسرقهم خخخخخ

اليوم غدانا محاجب لعيون ام يسرى ولو حبيبات لاني درتهم من قبل ونزيد نشوف واش نزيد معاهم وبلاك بسبوسة كتطبيق تاني
نخليكم ونوض لشغلي قعدتكم متتشبعش
استغفر الله واتوب اليه

Oum yousra · 2015-11-08, 09:21

صباح الورد و الفل و الياسمين لاغلى حلوين حبايب قلبي الطيبين وأغلى من الغالييييين

lyzzabel · 2015-11-08, 09:21

ام يااسوو وااااع هبلتني الكونيكسيوون هاكي وصفتي تااع الطيحاال المحشيي

الحشو ندير الكفتة و الملح و الفلفل الأسود و شوييية كموون غي شوية يعطي نكهة عجيييبة و رااس الحانووت و قصبر و معدنووس مقطعيين و لا شابلييغ ،، نخلط كلشي ملييييح و نحشي الطيحاال و نخيط ،، نحطه فالكوكووت نضييف كمية قلييلة من المااء و رشة خفييف ملح و رشة فلفل اسود و شوييييييو زييت خاطرش الحشو يطلق ليداام تااعه ،، نقفل الكوكووت و نخلييه يطييب على مهل حتى تنشف الصلصة و نخلييه يحمر فييها على الجهتيين و النار تكون طبعاا قلييييلة ،، هادي الطرييق تجي خييير ملي تديرييه فالفرن ،، راه يجي طري و بنيييين و تااع الفرن تجي فييه قشرة ياابسة من فووق ،، و الف صحة و هناا

أم أماني وعبدو · 2015-11-08, 09:26

صباح الانوار وتساهيل الرحمان
صباح الخيرات لأغلى اخوات
الله يسعد صباحكم
يعطيكم الصحة كل وحدة باسمها على الاطايب والخيرات وش نعد وش نشكر الله يبارك فحلات
ام كوثر هذا نورك والا نور القمر الحمدو لله على سلامتك واطباقك رووووووعة ربي يشفيك حبيبتي ويعطيك الصحة والعافية
ام تاجو وش راهي الريم انتاعنا
البنات جدد ان شاء الله تعجبكم لمتنا وتطيب لكم الاقامة بيناتنا
ونستفادو من بعضانا
استغفر الله الذي لا اله الا هو واتوب اليه

oum islem · 2015-11-08, 09:29

أم ياسين أعضاء الكوزينة كامل بما فيهم انت تعلمت منكم بزاف بعدما ما كنتش خايبة واستفدت حتى من أخلاقكم وطيبتكم رانا نتعلمو منكم بلا ما تحسو
والغالية مياسم الصمت طيبة وطباعها هادئة وحكيييمة سقسوني أنا نعرفها مليييح
أم أنس 69 وأم ماجد ودائمة الحمد وأم ريمة وأم سهام وأم رحاب و......... وبزاف حراير راهم ركائز الكوزينة وما نستغناوش على حضورهم وعطائهم جمعتو حسنات تدخلكم الجنة فواصلو الدرب
شكرا أم ابراهيم على كل ما تقدمين بارك الله في جهودك حبيبة
البحر الصافي صباحك سعيد حتى أنا بقيت غير نشوف مع أطباق توبة
وعجبوني ما شاء الله حتى نسيت نعلق يا بنتي
هيا البابيشات صورو غداكم وحطوه ولو كان كسرة وطماطم متعونا بحضوركن
كثرت بزاف اليوم عجبني الحال الكوناكسيون مليحة والمنتدى راض عليا
هيا سلام للجميع
في أمان الله
اللهم اغفرلي ولوالداي وللمؤمنين والمؤمنات يوم يقوم الحساب

ام رويدة · 2015-11-08, 09:30

شكرا غالياتي جربتهم كااامل ماحبوش بلاك الكونكسيون

منبعد ان شاء الله نزيد نحااول

ام الاء الحلية تشهي يعطيك الصحة
ام ياسين نعم الراي

Oum yousra · 2015-11-08, 09:30

اسمحولي البارح خرجت نجري مين حطت ام وسام عشاها و شفت الروجي وااااع تفكرت بلي الصباح كان جابلي المرلون و الروجي و كنت خارجا نتغداو برا حطيتهم في الثلاجة و قلت كي نجي نخدمهم مي كي جيت بقيت نجري من داري لدار الهام خخخخخخخخخ نسيتو نضت نقيتو و غسلتو و الحمد للاه ضرك راح ندير محاجب مي ماهمش راح يكونو كيما نتاع ليزا العزيزة طبعا المهم التطبيق و الحوت نخليه العشاء ضرك نروح و من بعد نراجع سلااااام

أم شيماءْ · 2015-11-08, 09:32

https://[/URL]
صباحكم عسل يا حلوات
اهلين ام كوثر منورة حبيبتي
ام يسرى مبروك اكوزينة
وصباح الخيرات للملتحقات

omomnia15 · 2015-11-08, 09:33

سلام يا غاليات شفتكم غير تعيطو وتحلو في باش نجي راني جيت في خاطر عيونكم
راكم الله يبارك 4444444444 كل وحدة باسمها
فطوري عدس حاااااااااااااااااااار وكاش سوفلي ولا كوكا المهم حاجة معاه للاكراد سلام

الأمنيات · 2015-11-08, 09:33

السلام عليكم وتبارك الله عليكم كامل
ام ابراهيم من زمده طوييييله ما تلاقيتكش واش اخبارك
ام كوثر يعطيك الصحه
ام تاج واش راكي
هاني جيت نشارككم بعض اطباقي اذا طلعوا الصور
الشاورما الطريقه تاع العلب هههه خرجت لي تحفه تاع شاف

كيكة التمر معروفه نسيت صحبتها ربي يجازيها

كسره تاع دائمة الحمد ربي يبارك في صحتها

x ام رحاب x · 2015-11-08, 09:34

هاد طياباتي تاع نهارات الي فاتو
هادي ضولمة تاع الفلفل

وهادي ضولمة تاع السردين

وهادي لاسوب تاع الكابويا والكبدة تاع الجاج

x ام رحاب x · 2015-11-08, 09:37

صباح الخير عليكم جميعا
الله ايبارك عليكم كل وحدة باسمها باه مانكثرج الهدرة وراكم كامل فوووووووووووووووووووووووووووووور
الامنيات واش راكي ومادابيك كون تفهمينا كيفاش درتي الشاورما
سلالالالالالالالالالالالالالالالالالالالالالالالال الام

lyzzabel · 2015-11-08, 09:37

يا سلاااام الكوزيينة بداات تثقاال بالخيراات الله يبااارك

ام عمااااد كلشيي روووعة روووعة الله يبااااارك

صبرييينتيي شفتي العسل شحاال هاااايل حتى انا ما نستغنااااش علييه نخدم غيير بييه و بصحتكم المحااجب و البسبوووسة

ام اسلااام حبييبة قلبيي الحمد لله كي ريحتي شوية ربي يتمملك الشفااء و تولي أحسن من قبل ياارب

ام كووثر الحمد لله على سلااامتك و أخييييراا شفنا أطيبااقك توحشنااهم و شكراا على الإطرااء غااليتيي

ام يااسوووو وحححدك هههه بصح تعجبيي

ام ألوووءة بصحتهم ضياافك و التحلية توووووب ،، قولييلي البوزلووف شا تشخلطتي فييه خخخخخ

سرووور ديرييهم حدا الشوفااج نوغماال ،، احرزي غي يجو يقعدوولك فووقهم و يروح تعبك خساارة خخخخخ

ام فضييييلة سامحييييني حبييبتي والله غير نسييت نقوولك تسسسلمييي على الوصفة كااش نهاار ان شااء الله نجربهاا عجبتني بزااااف سيييغتو كي قلتي فيها الزعتر ،، ربي يحفظك حنووونة

ام اسلااام ديرييلها المخبز رااه قااتو لكل المناسباات و زينييه رااكي فناانة في التزيين ولا ديرييلها صاابلي بريستيييج تااعي خخخخخخ ،، اما الشي لااخر نتمنى يفيدووك الشيراات انا رااني كييفك ولا اكترمنك ماراني نخرج ما راني نشوووف

نخلييكم و نرووح لفطووري ولا نجي و نجييب ليزابااش تااوعي عند كاش وحدة منكم تفطرناا و ن ع نقووله ياكل براا خخخخخ

اللهم صل و سلم و بارك على نبينا محمد

ام اماانيي و ام يسرى صبااح الأنواار و البركااات غاالياااتييي

oum islem · 2015-11-08, 09:40

سرور غطيه ببلا اخر وزيدي دفيه مليح بكوفرتا كي يخمر يجيك خفيف
أم امنية والامنيات منورين ان شاء الله تسمع البقية النداء
اوريسيا يعطيك الصحة وديكورها يهبل
ام يسرى وأم أماني وعبدو وليزا وكامل لبنات صباحكم سعيد

أستغفر الله العظيم من كل ذنب عظيم وأتوب اليه