كوزينة رمضاااان...أرواااحوا نحكيوا على الوصفاات لي نديروهم في رمضان ...متجدد

[أم سهيــر]

المشاركة الأصلية كتبت بواسطة **أم انفال**

المقادير
3بيض

2علب شكولاطة حسب دوقك

50غ ذهان

الكيفية
ناخد البيض نفصل الصفار عن البياض

ناخد كاسرونة نظع فيها ماء وفوقها صحن نظع فيه الشكولاطة تدوب ومعها

50غ ذهان

من دوب نظيف صفار البيضونخلط وننزعها من فوق النار

ناخد بياض البيض المضرب بالخلاط الكهربائي ونخلطو مع الشكولا وصفار البيض ونذخله ببطىء حثى تصبح كريمة موس ومن الفوق تزينيها كما تحبي او تاخدي الشكولا تسكرفجيها وتزينيها من الفوق

منقوووووووول

يسلمووووو حبيبتي عجبتني بزااااااااااافــ
لازمــ نجربها ...
تحياتي ... و صح فطورك

[douniazed]

المشاركة الأصلية كتبت بواسطة ناشدة السؤدد

السلام عليكم و رحمة الله و بركاته

بارك الله فيك
باينة ساهلة
بالصح وشنهي هي الصلصلة هذيك
اللي تتباع؟

الصلصة هي ملعقة طماطم مصبرة

[جولنار1000]

السلام عليكم
بعدما جربت عصير الجزر والقراتان جاو هايلين يعطيكم الصحة اليوم نجرب الوصفة انتاع الاخت دنيازاد والموس شكولا للحبيبة ام انفال وامبعد نرد الخبر باينييييين بنان
والله مشكورة حبيبتي ام انفال انت وكل العضوات رانا استفدنا بزاف صح فطوركم

[wassila21]

نسقسيكم البنات ، عندي شرائح من السمك الأبيض و ما عرفتش واش ندير بيه من غير مقلي ألي عندها كاش وصفة تمدهالي

[khawla-b]

المشاركة الأصلية كتبت بواسطة **أم انفال**

المقادير
3بيض

2علب شكولاطة حسب دوقك

50غ ذهان

الكيفية
ناخد البيض نفصل الصفار عن البياض

ناخد كاسرونة نظع فيها ماء وفوقها صحن نظع فيه الشكولاطة تدوب ومعها

50غ ذهان

من دوب نظيف صفار البيضونخلط وننزعها من فوق النار

ناخد بياض البيض المضرب بالخلاط الكهربائي ونخلطو مع الشكولا وصفار البيض ونذخله ببطىء حثى تصبح كريمة موس ومن الفوق تزينيها كما تحبي او تاخدي الشكولا تسكرفجيها وتزينيها من الفوق

منقوووووووول

شكراااااااااااااااااا حنونتي والله يخليك راني جربتها بعد لفطور ونردلك بالخبر

[&أسيل&]

لي كريب بالدجاج
وصفة غنية بكل مكونات الغذائية

أتمنى أن تجبوها


عجينة لي كريب:

100غ فرينة
2بيض
قليل من الملح
ربع لتر ماء
ربع لتر حليب

خلطي كل المكونات مع بعض بالباتور ثم بملعقة الأكل الكبيرة (la louche) ضعي في مقلاة تيفال متوسطة الحجم مدهونةإذا استلزم الأمر وتكون على نار متوسطة فرغيها وخليها اطيب..




وقلبيها على الجهتين حتى يصير لونهابني



وحطيها في منديل وغطيها أهم شيء وكملي بقية العجينة حتى تتحصلي على فطائر لي كريب..وحاولي توزعيهم على المنديل ماتحطيهمش فوق بعضهم البعض حتى مايلصقوش في بعضهم البعض



الحشو

-حبة كورجيت أو كوسة خضرا مرابية
-حبة جزر مرابية
(والإثنين اطبخيهم في الماءوقليييل من الملح وصفيهم واتركيهم على جنب)
-فطر (شومبينيون)
-زيتون أخضر مقع دوائر
-موزريلا أوفرماج رابي
-صدر دجاج أو أفخاذ دجاج مسلوقة
وضعي أي نوع توابل أردتي أنا مثلا وضعت الزنجبيل وفلفل أسود
وأمزجي باليد الكل مع بعض جيدااا



ثم ضعي فطيرة من لي كريب ووزعي الحشو عليها ثم ضعي فطيرة أخرى فوقها من لي كريب وضعي ايضاالحشو فيها ثم الويها (مثل البيسكو غولي)وبعدها قطعيها دوائر متوسطة العرض يعني عرضها ممكن يقطعلك 5قطع اقلبيها وضعيها في الفرن وضعي فوقها الفرماج رابي كما في الصور











وادخليها في الفرن ليذوب الفرماج وتتقرمش شوية

[lyna2010]

مساااء الخير الاخت ام انفال انا لينا او ام كوثر . اشكرك على هذا الركن الرائع
انا ايضا لديا وصفات سوف اطلعكم عليها قريييييبا
انتضرووني

[lyna2010]

مشكووووووورة الاخت ام انفال

[جولنار1000]

والله هايليييييييييين كامل الوصفات اللي جربتهم يعطيكم الصحة

[جولنار1000]

المشاركة الأصلية كتبت بواسطة wassila21

نسقسيكم البنات ، عندي شرائح من السمك الأبيض و ما عرفتش واش ندير بيه من غير مقلي ألي عندها كاش وصفة تمدهالي

انا اختي عندي 2 طرق
الاولى نقليه او نشويه في الشراية بعدما نذوبو نغسلو ونعصرو شفتي يحكم بزاف الماء نرابي 2 سنات ثوم +عصير ليمونة +ملح وفلفل اسود+جوزة الطيب+شوي كمون مانكثرش قرصة نخلية في هدا الخليط مدة ساعة وامبعد نديرو في الفرينة ونشويه يعجبني بزاف
الطريقة الثانية :في الفرن نحطو في مول نرابي عليه ثوم+1طماطم+1/2 بصلة ممكن نقطعها+دبشة+فلفل اسود+ملح+ 3مغارف زيت+جوزة الطيب +كمون+3حبات فلفل حلو مشوي ومقشر ومقطع وندخلو للفرن
ملاحظة :نقدر نقص البطاطا دوائر نفورها وندير طبقة بطاطا نصب عليها الصوص نحضرها بنفس المقادير السابقة+ مغرف كبيرة طماطم مصبرة ونزيد فوقها الفلفل المشوي مقطع وندير طبقة حوت+الصوص+اللقل المشوي
الطبقو الاخيرة بطاطا ونزيد نصب الصوص
ان شاء الله تعجبك

[douniazed]

ماشاء الله بارك الله فيك
موضوع جيد
بانتظار جديدك

[koukou_bioch]

مساء الخير الله يبارك راكم ناشطين بزاف انا مانكذبش عليكم خايبة و ماعندي حتى وصفة بصح نحب نجرب حوايج جدد
بابا جابلنا الفلفل الحلو بزااف و كرهت من الحميص اذا عندكم وصفة مليحة حنو على اختكم بيها و تاني اذا تعرفو كاش غراتان باللوبيا الخضرا و شكرااااااااااااا بزااااااااااف

[wassila21]

مساء الخير الله يبارك راكم ناشطين بزاف انا مانكذبش عليكم خايبة و ماعندي حتى وصفة بصح نحب نجرب حوايج جدد
بابا جابلنا الفلفل الحلو بزااف و كرهت من الحميص اذا عندكم وصفة مليحة حنو على اختكم بيها و تاني اذا تعرفو كاش غراتان باللوبيا الخضرا و شكرااااااااااااا بزااااااااااف

شوفي أختي أنا عندي كيفية خفيفة و تقدري أديريه بطريقتين :
تغلي شوية أرز ،
تقلي لحم مرحي (على حساب كمية الفلفل ألي تحتاجيها) تزيديله فلفل أسود ، ملح ، و كمون و السر كامل فيه و شوية معدنوس
كي يطيب الأرز خلطيله اللحم الطايب و حبة بيض باش تحكم الخليط
عمري حبات الطرشي بهذا الخليط و قليه على نار خفيفة ،تقدري تتناوليه هكذا
و إذا حبيتي ديريه غراتان وجدي صلصة طماطم عادية ،حطي شوية في المول و حطي فوقه الطرشي المقلي و زيدي فوقه شوية صلصة و من الفوق رشي جبن مرحي و دخليه للفرن يطيب
إن شاء الله أفدتك ولو بالفليل

[koukou_bioch]

الله يسلمك تبان بنينة اليوم انشاء الله نجربها
صح فطوركم

[فادو2010]

مــــقــروط الـــفــريــنــة


المقادير :
أولا : العجينة
- كيلو فرينة
- 500 غ. زبدة طرية أو مرغرين
- كأس متوسطة الحجم من السكر الناعم (1tasse moyenne de sucre glacé)
- بيضة واحدة
- ملعقة كبيرة من الفانيليا
- نصف كيس من الخميرة الكيميائية
- ماء زهر.
ثانيا : الحشو
- غرس ( عجينة التمر)
- قرفة
- قليل من الزبدة أو المارغرين
- ماء زهر
- جلجلان محمـّص ( يمكن الاستغناء عنه facultatif

ثالثا : عسل ساخن
التحضير:
نضع في إناء عريض أو جفنة كل مستلزمات العجينة : الفرينة + السكر الناعم + الفانيليا + الخميرة الكيميائية + الزبدة أو المرغرين الطرية ،لا داعي لتذويبها إنما نخرجها من الثلاجة قبل تحضير المقروط لتطري وتلين +البيضة .
نمزج ونخلط جيدا كل هذه المكوّنات ونضيف ماء الزهر تدريجيا لجمعها حتى نحصل على عجينة طرية ومتجانسة متماسكة ثمّ نتركها ترتاح قليلا .
ملاحظة : تحضير العجينة لا يتطلب مجهودا كبيرا ، ونحرص على إضافة ماء الزهر شيئا فشيئا أي بكمية قليلة للحصول على عجينة طرية .
• نحضّر الحشو بخلط الغرس بعد أن نكون قد نزعنا منه كل الشوائب اليابسة ونحتفظ بالعجينة الطرية نضيف القرفة وقليل من المرغرين والقليل من ماء الزهروإذا أردنا نضيف الجلجلان المحمّص حتى نتحصّل على عجينة طرية ونشكل منها حرابيش( أو حبال ) بطول 20 أو 25 سنتيمتر، ونتركها جانبا.
• نشكل حرابيش من عجينة المقروط ( Boudins) ، ونجعل في وسطها فتحة نضع في كل واحدة منها حربوشا من الغرس ونغلقها جيدا ونقطـّع الحربوش بشكل مقروط .
• نترك المقروط مقبب ولا نضغط عليه حتى يبقى شكله جميلا ، ونزّنه بواسطة النقـّاش أشكالا حسب الذوق .
• نضع المقروط في سينية بترك فراغ بين المقروطة والأخرى لأنها تنتفخ قليلا وحتى لا تلتصق مع بعضها البعض ، ونتركها تطهى مدّة 10 دقائق فقط في فرن ساخن ، أو 15 دقيقة في فرن متوسّط مع الحرص على أن يبقى المقروط أبيض (لا نتركه يتحمّر ).
• نخرجه من الفرن بعد انقضاء المدة اللازمة ونشرّبه بالعسل الساخن عند إخراجه من الفرن مباشرة.