الجزء149 من واش طيبتي اليوم كوزينة التجديد والتنويع في الاطباق - الصفحة 51

omjoujou · 2015-10-15, 19:36

اقتباس:

المشاركة الأصلية كتبت بواسطة omhadil

مرحباااااا اختى الرجاء الامانى ومساءك منور انا رانى بخير وانتى واش احوالك
واش درتى عشاك

لوكان عرفت انك من باتنة مايدخلنى الشك ههههههه
والتصاور اكيد ماتقدريش تصورى قدامهم تحشمى
المهم مبروك عليها وربى يهنيها لعقوبة لكل واحدة يارب

ههههههههه
اميييييييييييييييييييين ويبارك فيك حبيبتي

الرجاء الاماني المجد · 2015-10-15, 19:38

ام هديل درت فريت املات وسلطة

omhadil · 2015-10-15, 19:38

اقتباس:

المشاركة الأصلية كتبت بواسطة أم ياسين الزهراء

اللي سقسات على صور فلة تاع قاطو اسبنيول راهم عندي شوي صور بصح صابريني كينقعد نحطهملك واكيد ماشي مع الويكاند مشغولة بصح ماننساكش اختي

اهلا ام ماجد ليك وحشة

ام هديل ام جوجو منهنا عندنا راكي غالطة هههههههههههههه

دائمة نموت على البروكلو خاصة كيصبح امممممممممممم

نزنق شوي واسمحولي مانراجعش عجدزت صح

مرحبا اختى ام ياسين شفتى مخى وين راح بعيد

البحر الصافي · 2015-10-15, 19:38

ام جوجو هاكي الباروك موسكوتشو زهرة الريف لكن السكر نقصت درت مقدار واحد

omhadil · 2015-10-15, 19:39

اقتباس:

المشاركة الأصلية كتبت بواسطة الرجاء الاماني المجد

ام هديل درت فريت املات وسلطة

بصحتكم اختى الرجاء

omjoujou · 2015-10-15, 19:43

اقتباس:

المشاركة الأصلية كتبت بواسطة البحر الصافي

ام جوجو هاكي الباروك موسكوتشو زهرة الريف لكن السكر نقصت درت مقدار واحد

اممممممممممممممممممممم شهيتيني فيه يعطيك الصحة انا ندي مورصو نشرب بيه لحليب غدوة الصباح والباقي يقسموا مورصو لي بقا خخخخخ

البحر الصافي · 2015-10-15, 19:45

ام جوجو بصحتك المورصو وهدا للبقية تقاسموه

omjoujou · 2015-10-15, 19:52

حبيباتي شكون تحطلي الرابط تاع تارت التفاح بالعجينة المورقة لام انس ولا اعطيوني وصفة تكون ساهلة بغيت نديرها غدوة ان شاء الله

البحر الصافي · 2015-10-15, 19:58

اقتباس:

المشاركة الأصلية كتبت بواسطة دائمة الحمد

حبيبتي سوسو شكرا على المعلومة وراح نقول لسي السيد يجيبلي عسل التمر
واحيانا حبيبتي لما يكونو الصور كبار ما تتفتحليش الصفحة تتبلوكا خاصة وانو النت عندي ضعيفة

البحر الصافي هذا راه بروكلو باني او شوفلور كيما تسموه اسمحولي راني نحب نستعمل لهجتي في الكلام

بعد لا تنظفي البروكلو وتقصيه زهرات تحطيه يطيب في الماء مع شوية ملح وسنة ثوم وما تخليشو يطيب خلاص لازم يبقى شوي حاكم روحو
لما يطيب صفيه وحطيه يقطر
في صحن غامق ديري 2او 3عظمات حسب حجم الراس تاع البروكلو +شوي ملح +ثوم مرحي مع كمية افاح+كمون مرحي +فلفل اكحل للي يستعملو انا مانطيبش بيه +2ملاعق فرينة
وحطي زهرات البروكلو بالوحدة في الخليط ثم في الشابلير واقليه في زيت ساخن وقطريه وقدميه بالطريقة المناسبة

وهذي راهي سفيرية البروكلو

طيبي البروكلو في الماء كيما الطريقة الاولى وتخليه يطيب مليح تصفيه تخليه يقطر وارحيه بالفرشيطة برك +ملح وما تكثريش الملح +فلفل اكحل +كمون +ثوم مدروس مع افاح +ربع ملعقة صغيرة موتارد+عصرة قارص ولي يحب الحار شوي هريسة+معدنوس مقطع رقيق+2 او 3 ملاعق فرينة وكي يكون وقت البصل الاخضر قطعي شوي من المنطقة الخضراء رقيق تعطي فيه بنة كبيرة فرماج رابي او قطع فرماج وخلطيه مع بعض وهزي بالمغرفة واقلي في زيت سخون ما تقلبيشو حتى يبدى يحمار اذاكان تحل راه ناقص فرينة زيدي شوي لما يتقلى حطيه يستقطر
وتكوني مطيبة صوص باللحم خاثرة شوي اذاكانت الصوص بيضاء ديري معاها شومبينيون اذاكانت حمراء ديري حمص مرنخ
لماتطيب لاصوص قدميهم بالمعدنوس والقارص

شكرا دائمة الحمد الاولى مالفة نديرها لكن بانتلي حاجة اخرى لكن الثانية نجربها بادن الله كي نشري الشوفلوغ تسلمي

zahra30 · 2015-10-15, 20:15

اقتباس:

المشاركة الأصلية كتبت بواسطة دائمة الحمد

مساء الخيرات
النت ثقيلة تقتل
زهرة الف اهلا وسهلا وسلاد دو بلاكات كاووكا ثاني هي مقبلة تونسية كنت حط
يتها قبل وجربتها كان ما خانتنيش الذاكرة ام اسلام

تقطعي خبز الباقيت دي ترونش وديري عليه هريسة محلولة في شوي ماء وزيت زيتون +كوش سلاطة مشويةوتقرني من فوق بواش حبيبتي فرماج طن زيتون كابر عظام مشرشمة كورنيشون
احنا راح علينا الحال حتى الزيتون ما درناشو
ام وابنة انا نحط غير الرخساس في الفريجيدار كي نعود مزروبة ويروح عليا الحال
باقي المعجنات بصراحة نحبهم فري فرشك
باقي العزيزات بصحتكم الاطايب لي حطيتوها النت ثقيلة
نروح ندوش ونرجع نكمل نراجع اذا خفافت
الامطار راهي عاملة عنا حالة اللهم غيثا نفعا

اقتباس:

المشاركة الأصلية كتبت بواسطة lyzzabel

آب آب آب آب آب ام و ابنة ويين رااكي دااية الطبسي وراايحة برااس ما ما تاكليها وحدك من سيوى مرة بمرة انا ويياك حتى نكملوو الطبسيي هههه

صح فطووركم حبييبااتيي و صحة قهوتكم اليووم كاان نهاار شااق و الحمد لله كملت كلشي و دوشت و رااني نرااجع لقييت بنت ما راايحة و دااية الطبسي تااع الرشتة معااها مزية لحقت علييها خخخخخ

بصحتكم قااع شا طيبتوو حبييبااتيي و مأكوول الهنااا

زهرتيي الحلوة سلااد بلوونكاات هي سلطة فووق لي تخوونش تااع الخبز تاع البولوونجيي محمصيين كي تدخل دااءمة الحمد تزييد تفهمك حنوووونة

ام جووجوو تسلم ايديييييك و شكرااا على الطبسي تااع الرشتة تشهيييييي مالغريي ما نااكلش اللفت بصح نبغيي نطيب بييه المرقة تااعهاا و بصحتكم الخرجة

إكراام علااااه تعجليي حنووونة علااباالكي صورك كبااااار بزااااف نص سااعة و انا نقاارعلهم يطلعوو باش شفت بارووكك يعطييك الصحة و الدليييل درتيي الصاابلي بالقلااسااج بلونيين أبيض و أسود و الثااني نظن تشارااك العرياان او غرييبية ما بانلييش زييدي جيبييلنا نشووفو كاشما لبزتيي ما نطلقوو واالوو

ما غاادييش نعلق على كل وحدة بإسمهاا العصر أذن لاازم نرووح نصليي ،، سلاااااااااام جمييييييل

أستغفر الله العظيم من كل ذنب عظيم

شكراااا حبيبتي ليييزاااا العسلية ودائمة الحمد وربي يحفظكم راني افهمت

احسبتها حاجة كبيرة تالمون مانيش متواصلة معاكم

كنت نشوف في الخيرات اللي حطوهم حراير الجلفة ماشاء الله يعطيكم الصحة وبصحتكم وكل وحدة باسمها

كنت انسيييت نهني حبيبتنا ام ياسووو على عيد ميلادها عيد ميلاد سعيييييييد وعقبال مائة سنة من الصحة والهناء ومبرووووك الكويزينيار راني شفتها تستعمليها بالصحة والهناء ان شاء الله
عشانا شربة فريك وسلاطة ومطلوووع والحمد لله

ام سارة18 · 2015-10-15, 20:16

https://www.djelfa.info/vb/showthread.php?t=1327489
ام جوجو هادي هي

الرجاء الاماني المجد · 2015-10-15, 20:16

ام جوجو انا راهي تبانلي مفهمتش لاه مهيش تبانلك
اعطني طريقة صنع الديول حابة نجربها

omjoujou · 2015-10-15, 20:17

حبيباتي نخليكم تصبحوا على خير ومتنساوش تجاوبوني على سوؤالي لي هو الرابط تاع تارت التفاح بالعجينة المورقة لام انس ولا كاش وصفة تكون ساهلة تاع تارت التفاح بالعجينة المورقة
هدرت بزاف
يلا سلااااااااااااااااااااااااام

الرجاء الاماني المجد · 2015-10-15, 20:18

دائمة الحمد عطتني طريقة هايلة باه نطيب شيفلور نجربها

zahra30 · 2015-10-15, 20:20

ام جوجو القيت هذي انتاع لهوووومة ربي يذكرها بالخيييير توحشتهاااااااااااااا ههههههههههههه

https://www.djelfa.info/vb/showthread.php?t=1779739