طلبات الاعضاء........... بشكل جديد - الصفحة 51

*ام يونس* · 2014-02-01, 05:52

اشكرك كثيرا اختى السطايفية على المساعدة و التوضيح

نور الامل 12 · 2014-02-01, 09:09

مشكورة اختي على التوضيح بخصوص النوار راني فهمت مي القندورة واش ندير للفولون لي مبليسي باش مايرقدش نديرلو لتوال والا الفزلين باش تنصحيني شكراااااااااااااااااااااااا

سميرة2 · 2014-02-02, 17:13

اقتباس:

المشاركة الأصلية كتبت بواسطة شوشانة77

خواتتي الفضليات صباح الخير عليكم هذا القسم راه حقق الهدف نتاعو وهو انه ينظم طلبات الاعضاء بشكل جيد راه صبح يقصدو حتى اللي ماعندوش طلب يجي باش يضرب دورة ويشوف ويدي فكرة عامة تساعدو حتى مرة اخرى لما يصادف مشكلة في الخياطة نتاعو مشكورلت يالفنانات يعطيكم الصحة على هاد الفكرة

والأن جاء دوري ياحنونات في طلبي المتمثل في مساعدة في هاد المودال من فضلكم قولولي واش هو القماش المستعمل

وشحال من متر يلزمني
مازال مازال ماتقلقوش مني في ساع

الباترون اذا امكن وكيفية وضع الرسومات واشي هو الشي المستعمل باه نخبي الحواف نتاع الرشمات
الله يعطيكم صحتكم ويعاونكم باه تعاونونني

السلام عليكم سامحوني اول مرة راح ندخل وجاوب على قد ما نعرف لاني خاطيني لخياطة نعرف نلبس برك لقنادر هاها
شوفي ختي الموديل الاول الاخضر و الروز هداك تستعملي مثلا متر ونصف من كل لون و منبعد هادوك الرشمات ترسميهم فو طرف تاع القماش لي قعدلك و تلصقيهم فوق القندورة و الحاشية تاع الرشمات ديريها بالسمسم و لا لقصب و لا الشعير و لا ليستراس نتي واش يساعدك ومن بعد تشري القالون لي يتلسق بالحديد و ديري الخدمة لخرى
المودال الثاني ساهل على لول و شباب تحكمي زوز الوان رزرق و لصفر من اي قماش ستان مليبحة و تخدمي القندورة عادي ومن بعد هادوك الريشات او الرشمات تشري قماش وحد خلاف وكاين بزاف فالاسواق وتخدميهم ومن بعد تلسقيهم فو القندورة تاعك وكيف كيف الحاشية تاعهم كيما المودال لول
نزيدك هادوك الرشمات يلسقو بالحاشية تاعهم يعني تحطي الطرف على القندورة و تخدمي الحاشية بواه قتلك باه تلصق فالقندورة تاعك
منعرف لاكان فهمتي ولا لا سقسيني برك نزيد نفهمك والهاد الموديلات يعيطولهم موديلات الطروفة

ranim emo · 2014-02-02, 17:34

سلام
ممكن طلب من الاخت سطايفية او بقية الاخوات كيفية تفضيل هذه القندورة

شوشانة77 · 2014-02-03, 07:59

شكرا يالفحلة على الإجابة بارك الله فيك ممكن تزيدي تقولليلي واش هو القماش تعيشي

سميرة2 · 2014-02-03, 10:24

السلام عليكم لا شكر على واجب اختي استعملي مثلا اي نوع من الساتان

ام ظافر · 2014-02-03, 10:40

صباحكم سعيد
الله يجازي كل من يقدم مساعدة في هذه الصفحة خاصة الاخت سطايفية
سؤالي اختي ليس عن الفصالة ولا الخياطة لان الموضوع كفى ووفى واي مودال كاين شبيهو هنا
سؤالي عن الورود الي في هذي القندورة بغرزة الدودة
حبيت نعرف الخيط المستعمل لان الوردة تبان كبيرة برغم انو عدد الدورات قليل يعني الخيط خشين ولكن في الوقت نفسو صعيبة في الخيط الخشين لانها تحب خيط الحرير حتى تزلق وتعطي الشكل المنظم لها ولكن بخيط الحرير لازم نكثر الدورات حتى تكبر الوردة عكس الي في الصورة
الي تعرف اسم الخيط المستعمل ربي يجازيها

crono · 2014-02-03, 15:33

[QUOTE=ام ظافر;
صباحكم سعيد
الله يجازي كل من يقدم مساعدة في هذه الصفحة خاصة الاخت سطايفية
سؤالي اختي ليس عن الفصالة ولا الخياطة لان الموضوع كفى ووفى واي مودال كاين شبيهو هنا
سؤالي عن الورود الي في هذي القندورة بغرزة الدودة
حبيت نعرف الخيط المستعمل لان الوردة تبان كبيرة برغم انو عدد الدورات قليل يعني الخيط خشين ولكن في الوقت نفسو صعيبة في الخيط الخشين لانها تحب خيط الحرير حتى تزلق وتعطي الشكل المنظم لها ولكن بخيط الحرير لازم نكثر الدورات حتى تكبر الوردة عكس الي في الصورة
الي تعرف اسم الخيط المستعمل ربي يجازيها

مساء الخيراختي وشركي

اختي هادي غرزة الدودة تلف الخيط على الابرة ثم نسحب الابرة ونشكل بها

الخيط هناك عدة انواع
كاين لي في الصورة و لي وسمو (خيط تاع لفساكر ) في الحقية ما نعرفش اسمو لا بالعربية الفصحة ولا بالفرنسية أأأأسفة
يعني الاسم المدرج هو بالدارجة لكن اصحاب المحلات يعرفونه ونا نخدم غير بيه و خيط عمليه على 4

ام ظافر · 2014-02-03, 17:23

شكرا ليك اختي كرونو والله يعطيك ما تتمناي واكثر وتسال عليك العافية والهنا

نعرفو في الصورة فقط وما نعرفش اسمو حتى انا
راح ندور عليه ان شاء الله لانو اللوانو زاهية تهبل
هذا الخيط انتي تستعمليه ديما في الطرز اليدوي او في شيء اخر كالخياطة بالماكنة مثلا
وايضا نعملو على ربعة حتى في غرزة الدودة هذي والا في باقي الاستعمالات
لاني سخفت على هذي القندورة وخيطتها خلاص وبقالي غير نعمرها وحبيت نبدا على اساس صحيح

mim6633 · 2014-02-04, 10:05

سلام ممكن تساعدوني كيفاش نفصل هاذ القندورة من فضلكم
https://im34.gulfup.com/NsssQ.jpg

crono · 2014-02-04, 11:28

اقتباس:

المشاركة الأصلية كتبت بواسطة ام ظافر

شكرا ليك اختي كرونو والله يعطيك ما تتمناي واكثر وتسال عليك العافية والهنا
أميننننننننننن
نعرفو في الصورة فقط وما نعرفش اسمو حتى انا
راح ندور عليه ان شاء الله لانو اللوانو زاهية تهبل
صح حت أنا كنت نشري منو بالبواطة أفيه كل الألوان و دورك راه ناقص منعرف علاه

هذا الخيط انتي تستعمليه ديما في الطرز اليدوي او في شيء اخر كالخياطة بالماكنة مثلا
لا لا نستعملو الا في الطرز اليدوي
وايضا نعملو على ربعة حتى في غرزة الدودة هذي والا في باقي الاستعمالات
نستعملو في غرزة الدودة وفي غرزات الضل باش لغرزة تخرجلك شابة
لاني سخفت على هذي القندورة وخيطتها خلاص وبقالي غير نعمرها وحبيت نبدا على اساس صحيح

بصحتك وان شاء الله تلقاي الخيط.

crono · 2014-02-04, 11:31

اقتباس:

المشاركة الأصلية كتبت بواسطة mim6633

سلام ممكن تساعدوني كيفاش نفصل هاذ القندورة من فضلكم
https://im34.gulfup.com/NsssQ.jpg

أختي هادى تتفصل درابي كما عملت أختي stayfiya

mim6633 · 2014-02-04, 11:44

ربي يعيشك اخت crono و ربي يجازيك كل خير و الخلف كيفاه يتفصل

سندس الصحراء · 2014-02-04, 15:25

السلام عليكم اختي سطايفية
اختي حبين نخيط روب سواري من الفوق كيما هاد الستيل و سؤالي يتعلق بالحمالات الخاصة بفساتين السواريه لي تركب من الداخل باه يجي الصدر مشدود بهاد الطريقة انا شريتهم و لكن معرفتش كيفاه نركبهم ولا الأصح معرفتش الطريقة الصحيحة المتقنة باه يخرجلي الصدر كيما في الصورة يا ريت تكوني فهمتي عليا واش نحوس و في انتظار ردك
موفقة اختي

[IMG]

[/IMG]

ام رشدى · 2014-02-04, 16:58

الفستان العسلي الموجود في الصوة جابلي ربي الرقبة ماتتفصلش تكون مع الكتاف قدقد ومبعد نلسقو الكتاف مع بعضاهم والقبة انكمشها بابرة وخيط والله اعلم