وصفات حراير الكوزينة الجزء الثاني - الصفحة 51

sarah 3 · 2015-05-06, 17:56

Ya3tikom saha wasafat raw3a lah yahfadkom jami3an

idron0 · 2015-05-06, 20:40

وصفة السمبوسك om wassim

2 كاس فرينة
2 م كبيرة لحظة
ملح
3/ 4 كاس شاي زيت
ماء ملازمش جي طرية لازم شادة روحها باش تقرمش
تخليها ترتاح
توجدي الحشو لي حبيتي
انا درت بصل مقطع قليتو حتى تبدل لونو + صدر جاج و فلفل اسود و قرفة ،ملح
كي يطيبو نقطعلهم معدنوس و ندير الفرامج قريار و تاع الحبة يعني لي يكون متوفر
نشكل الحبات ندخلهم لثلاجة يريحو منبعد نقليهم فزيت سخون على نار هاديه.

إضغط هنا لرؤية الصورة بحجمها الطبيعي.

idron0 · 2015-05-06, 21:19

الدهان ام سهام 02

احكمي الزبدة اتاعك وديري لها الماح والماء وخاليها اتبات باه ايذوب الملح غدوى من ذاك اخدميها واعجنيها بصباعتيك ودخلي في بعضهم ومليح امنبعد احكمي بالكمية واعصري امليح بيديك حتي اتشوفي حتي قطرو ما تنزل هكذا حتي تكملي , بلاك مع السخانة ما تقدريش اتلميها دخليها في الماء باااااااارد واخدميها .

إضغط هنا لرؤية الصورة بحجمها الطبيعي.

idron0 · 2015-05-06, 21:23

الهمبرغر ام ايمان 11

هي لاحدى عضوات المنتدى و انا غيرت شوي في الوصفة الصراحة اسهل همبرغر و خفيف و نشكلو تاني خبيزات
المقادير
500 غ فرينة
مغرفة كبيرة خميرة الخبز
سكر+ ملح +نص كاس تاي زيت
ونعجنو بالمائ الدافئ حتى نتحصل على عجينة طرية ثم نخليها تخمر
نشكلها كويرات او خبيزات و نخليها في الصينية ترتاح و نخليها حتى تخمر مليييييييح وندهنها بالبيض و نرش عليها السانوج و نديرها تطيييييب . و شهية طيبة .

إضغط هنا لرؤية الصورة بحجمها الطبيعي.

idron0 · 2015-05-06, 21:41

شباح سفرة اقتصادي ريتاج التيارتية

هايل مانعرف لا تعرفوه ولالا انا ديتو على ماما تخدمو من بكري
كي تطبو الحلو نتاعكم ديرو قطعة تاع صدر دجاج معاه يطيب كي يطيب نحوه وفتوه مليح وديرو نفس الكمية نتاع الجاج كوكوكاو مرحي نضيفلها مغرف صغيرة لافاني وشوي قرفة

إضغط هنا لرؤية الصورة بحجمها الطبيعي.

ونخلطهم مليح ونلمهم ببياض البيض ونشكلهم كرات ونرمدهم في الكوكاو مرحي خشين

إضغط هنا لرؤية الصورة بحجمها الطبيعي.

ونحمرهم في شوي زودة ومن بعد كي نولي قريب نطفي نرميهم في المرقة تاع الحلو يغلو غير شوي ونطفو

إضغط هنا لرؤية الصورة بحجمها الطبيعي.

*بيتي مملكتي* · 2015-05-06, 22:13

السلام عليكم و رحمة الله و بركاته

حبيت نطل عليكم نشوف وإلا نسيتوني ولا مازالت عندي بلاصة صغيورة في قلوبكن
قبلاتي للجميع إن شاء الله تكونوا كاااااااامل في صحة جيدة

ام سهام 02 · 2015-05-08, 14:38

اقتباس:

المشاركة الأصلية كتبت بواسطة أم إياد أحمد أمين

السلام عليكم و رحمة الله و بركاته

حبيت نطل عليكم نشوف وإلا نسيتوني ولا مازالت عندي بلاصة صغيورة في قلوبكن
قبلاتي للجميع إن شاء الله تكونوا كاااااااامل في صحة جيدة

اهلا وسهلا بالحبيبة ام اياد واش ركي وواش راهم الاولاد ان شاء راكي في صحة جيدة

مازالتي قي صموم القلوب وانتمنى اتعاودي ترجعي معنا كما قبل

أم محمد علي · 2015-05-07, 18:58

جزاكم الله خيرا

idron0 · 2015-05-07, 19:41

غربية الكاوكاو ام سوهيل

عبر زيت او سمن يكون دايب من قبل وعود جمد ,
عبر سكر قلاصي تقص صبع
وحلطيهم مليح حتى يولو كما البوماد
ضيفي عبر كاوكا مقلي ومرحي رقيق وحلطي تما عبر فرينة مقلية وخليها في صفاية بش مدرلكش كويراة ولمي ما تبق بي الفرينة عادي ختي
تتخصلي على عجينة طرية
اما ديريها في مول تع المعمول او كما انا طبعتها بي الطابع وزينيها كما حبيتي
اما الحميرة انا استعملت كيس حميرة الخلوة عي لكن هي في الوصفة متستعمليش كامل الكيس.

idron0 · 2015-05-07, 20:25

طريقة حفظ الخرشف ام ماجد

انا نقيه ونعصر عليه الليمون ونحطو في كيس بلاستيكي والى الثلاجة,او رمديه في الفرينة وحطيه في الثلاجة حتى تحتاجيه اغسلي واخدمي جربي وشوفي.

idron0 · 2015-05-07, 21:09

صوص البوري ام ايمان11

ديري الزيت قلي فيه سنينات توم قليهم شوي بلا مايتحرقوا راح يعطك بنة هايلة بعدها +ملح +فلفل ك + شوييييية كمون +فلفل احمرحلو نص مغرفة صغييرة +ملعقة طماطم مصبرة +ورقة رند+ ديري فيه تاني تومات مرابية قليها مليح+و كمشة زيتون مقطع قليهم مليح ثم ضيفي شويا ماء حوالي كاس و خليه يغلي مايطولش و يعقد و طفي .على فكرة يجي بالمعدنوس بصح انا ماكانش عندي .

إضغط هنا لرؤية الصورة بحجمها الطبيعي.

idron0 · 2015-05-08, 07:57

تارت التفاح ارزاق

انا درت عجينة الترتلات تاع ام اماني تخرج رووووعة بعد مطابت وبردت حطيت عليها كريم بتسيار ودرت عليها ابراج التفاح ساير داير يكونو شويا رقاق ذريت شويا قرفة اذا تحبي ذوقها لكن متكثريش رشة خفيفة برك وذريت السكر العادي و شعلت من من فوق حتان يذبال التفاح وكي تخرجيها ادهنيها بمعجون مخفف بشويا ماء يمد لمعة.

idron0 · 2015-05-09, 11:40

تحلية دائمة الحمد

قسمي الفراز قطع وتصبي عليه قليلا من سيرو الفراز لي يتباع في قرعة تاع الزجاج طلعي الشونتي خمسة مغارف كبار وفنجال حليب بارد جدا + قليلا من سيرو الفراز او الرمان وطلعيهم +اثنين علب ياوورت فراز باردين ومكسيها مليح وخلاص في لي كوب صبي شوي سيرو +قاطو ماجور مفتت +طبقة شونتيي +طبقة فراز بالسيرو تاعو +الشونتيي وتزيني من فوق وحطيهم يبردو.

إضغط هنا لرؤية الصورة بحجمها الطبيعي.

idron0 · 2015-05-09, 17:47

اصابع السمك بالخضار ام طيري الجنة

وهي من بنات افكاري هههه
نفتت السمك ونحي منو الشوك ( يكون طايب طبعا لاننا قلنا بقايا السمك )
نرابي الخضار اللي تحبي على الطول انا هنا درت البصل و الجزر و القرع و نفلي كل واحد وحدو او مع بعض ما راحش ياخذو وقت طويل و حتى اذا حبيت نص طياب راح يزيدو من بعد يتقلاو و حتة اذا بقاو شوي كخوستيون مليح وبنين
نخلطو هذالمكونات مع بعض و مزيدو الفرماج و نشكلو اصابع نديروهم فالفرينة ومن بعد في البيض و لا شابلور و نقليوهم و نقدموهم مع صلصة نتاع فرماج او من غير
صلصة الفرماج هنا لم اتبع طريقة معينة بل فقط درت حليب+ قليل من المايزينة فوق النار زدتلو الملح غير شوي برك مع الخلط و كي سخن زدت فيه قطع فرماج و معدنوس و قعدت نخلط حتى ذاب الفرماج
وهذو بعض الصور

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

rahma2014 · 2015-05-10, 18:38

جلبانة مرقة حمراء لدائمة الحمذ

الجلبانة راني ننصب مرقة حمرى عادي فيها زيت ماتكثريش وبصل مرابي ولحم لما تتقلى مليح نزيد الثوم مرحي مع لفاح وقليل من الفلفل الاحمروكعبة طماطم مقطعة رقيقة وشوي طماطم كونسونتري نقلي مليح ونمرق بماء مغلي ونرمي الجلبانة وعصرة قارص ونخليها تغلي شوي وهي مفتوحة ثم نغلق عليها
كي طيب الجلبانة نرمي البطاطا طيب شوي برك لانها رقيقة نقسم حبات البطاطا على اثنين بالطول وكل نص نقسمو على اثنين بالطول دائما ومن بعد كل قطعة نحط عليها الطابع ونخرج الشكل
نحي البطاطا كي طيب بجيهة ونرمي الكفتة تكمل طيابها وخلاص وهذا الطابع لي شكلت بيه

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.