موضوع مميز وصفات من حراير مطبخ وش طيبتي اليوم - الصفحة 51

lahna moka · 2014-03-19, 22:03

موز بصلصة الشكولاطة
awladi
على حمام مائي
100غ شكولاطة+2 م ك حليب+م ص زبدة
عندما توجد نتركوها تبرد شوية
نفتح الموزشوية و نسقي بالشكولاطة و من فوق ايضا
نزين باللوز افيلي محمص
انشاء الله تعجبكم

إضغط هنا لرؤية الصورة بحجمها الطبيعي.

lahna moka · 2014-03-19, 22:28

السفنج أو لخفاف
lyzzabel
الطريقة سهلة و ماتعبش خلااااص ندير فرينة ملح حسب كمية الفرينة انا درت تقريبا رطل قرصة سكر نصف كيس خميرة الحلويات خميرة الخبز و نلم بالما دافئ تدريجيا و العجينة تجي شوية جارية مانعجنهاش نغطيها بطرف من البلاستيك و طورشون مالفوق و نخليها تخمر مليييح
نخبطها بيدي بحيث ندخل صباعي تحت العجينة و نرفدها و نخبطها و نعاود هاك عدة مرات باش ندخللها الهوا و نعاود نعطيها و نخليها تخمر نكرر نفس العملية مرتين او ثلاثة انا كررتها مرتين راح العجينة تولي ايلاستيك و نخليها تخمر للمرة الأخيرة
في مقلة نحط زيت ما يكونش غزير باش مين نحط الحبة تاع السفنج ما تتغطاش بيه
نوجد حدايا إناء ولا بول تاع شوربة فيه شوية ما نشمخ يديا غير شوية باش العجينة ما تلصقليش فيهم بزاف
نرفد بيدي قيس حبة متوسطة ونحلها مالوسط قبل ما نديرها فالزيت يعني تجي مثقوبة فالوسط هههه باش تفهمو ونقليها مين نشوفها دارت فقاعات من فوق نفرغ عليها الزيت بالملعقة راح تزيد تنتفخ و تجي فارغة من داخل و مين نشوفها حمارت من تحت نقلبها على الجهة لخرى و ما ننساش نحمرها ما لجوانب طبعااااا

lahna moka · 2014-03-20, 19:04

بسكوي رولي بسيط
ladymillion
مركز تحميل الصور

الصينية المستعملة 22 سم *30سم
شعلي الفرن 180° قبل ماتبداي تخدمي

3 بيضات كاملين يكونوا دافيين
6 م ك سكر
علبة ياؤورت ( تقدري تستغناي عليها درتها للنكهة برك ) وتعوضيها بالفاني
رشة ملح
م ص قشور الليمون
6م ك فرينة مغربلة + م ص ونصف خميرة حلوى

الطريقة سهلة و واضحة ( تخفقي البيض + الملح + السكر + الياؤورت +قشور الليمون + الفرينة والخميرة وتخلطي بالشوي )

فرشي ورق الطهي فوق الصينية أو ورق الالمنيوم وحطي الخليط في الصينية والى الفرن خليه يطيب وملازمش يتحمر بزاف بزاف

جيبي منشفة مطبخية بلليها بالماء البارد مليييح وأعصريها وخليها بجهة لما يطيب البسكوي ثم ثم انزعيه من الصينية وحطيه فوق المنشفة المبللة وروليه وهو سخون وخلييييه بودان وحطيه في الثلاجة حتى يبرد تماما ،،، اجبديه وديريلو المعجون ومن فوق السكر الناعم

lahna moka · 2014-03-20, 19:40

دوبارة
دائمة الحمد
نرنخ الحمص بالملح والما طبعا ليلة كاملة
الصباح نحط الماء يغلي في الكوكوط ولما يغلي
نغسل الحمص ونرميه في الكوكوط واعملي الملح نص ملح يعني
خليه شوية مسوس لما يغلي اقفلي عليه ونقصي النار يعني لازمك تنوضي بكري في خاطر سي الحمص
ولما يطيب تكوني موجدة الدرسة الّي هي
كل حاجة منها ملعقة قهوة افاح كمون هريسة طماطم مصبرة موتارد سكر راس ثوم نقيه وارحيه مع الدرسة وكملي الملح تاعك وقليل من الخل والزيت زيتون
طفي عليها وارمي الدرسة وحركي

lamia zina · 2014-03-21, 16:03

وضفة طبيخة الفول لي omhadil

طبيخة تاعى ساهلة ماهلة
انفور الفول فى كسكاس ونخليه حتى يطيب ثم نحضر لصوص
نحط فى مقلة ثوم +زيت +ملح +كمون +فلفل اسود +ملعقة هريسة +ملعقة طماطم مصبرة ونضيف شوية ماء ونخلى الثوم طيب ثم نحط الفول الى يكون طاب وخليه يتشرب مليح واممممممم يجى هايل
بصح اسمحليى رانى فت 2دقايق ههههههه

رياحين الجزائر · 2014-03-21, 17:04

وصفة البسباس لام رحاب

انجيب الجاج انحطو في الكوكوط مع الزيت وانخليه يتقلاو وانجيب حبة بصلة وحبة طوماطيش نرحيهم وانحطهم فوق الجاج وانحط شوية ملح فلفل اكحل شوية سكنجبير وشويو بسباس مرحي يابس وانخليهم يتقلاو شوية وانقي البسباس وانحطو اطيبو مع الجاج وانكون غليت الزيتون 3 مرات وانحطهم اطيبو كاما مع بعض والحاجة الي نوصيك عليها ماتكثريش الماء ايلا كنت رايحة اطبيها في الكوكوط امبعد اقلي البطاطا مقلية وكي ايطيب ديري البطاطا من التحت وديري البسباس من جوانب ورمي المرقة من الفوق والجاج واقطعي المعدنوس وحطيه من الفوق

رياحين الجزائر · 2014-03-21, 17:07

بربوشة بيضة لافروديت

ليزابال نورمال داوي الجاج تاعك بالفلفل و راس الحانوت وادا ماكانش فيه زعفران ديري شووووووووووية باش تجيك مرقة مصفرةو ليزيبيس اللي نوالفة تديريهم ما تديريش برك فلفل عكري و الطوماطيش و هو يجب اللفت و كتري الحميصة و المرقة تجي خفييفة

sirina_angel · 2014-03-21, 19:47

سيڨار اللوز
بريق الامل

إضغط هنا لرؤية الصورة بحجمها الطبيعي.

125غ زبدة
نصف كاس لوز منقي مرحي
نصف كاس سكر ڨلاسي
2صفار بيض
نصف باكي خمارة فاني وقرصة ملح وفرينة
سيڨار في بياض بيض ثم لوز ايفيلي يطيبو ويتعسلو وتدهنيهم بلاجولي وتحطي نصف سوغيز كونفي

x ام رحاب x · 2014-03-23, 22:55

هدي الدولمة تاع القرنون بلاصوص بيشامال بصح انا غيرت فيها شوية

المقادير القرنون الحم مرحي 2طراف دجاج الي حبت اديرهم ويلا حبيتي تقدري تستغناي عليهم بيضة بصل معدنوس ملح فلفل اكحل قرفة هادو التوابل للحم

ادوزني مرقة بيضة واديري فيها بصل وحبة طوماطيش واتحطي فيهم ملح فلفل اكحل شوية قرفة واتخليهم يتقلاو وتكوني دوزنتي الحم مرحي واتخليه بجنب وتنقي القرنون وديريلوالقارص اوبعد تعمريه بالحم مرحي واتحطيه في الكوكوطة واديريلو شوية مرقة ماتكثريش باش مايتحرحرلكش القرنون كيما تعرفي القرنون يطيب بلخف وغلقي عليه على نار قليلة مدة 20دقيقة كي يطيب نحيه وديريه في السنيوة الي تدخل للفرن واتوجدي لاصوص بيشامال وتعود ثقيلة شوية وديريهم من الفوق وديري شوية فورماج من الفوق والى الفرن غير يحمارو نحيهم وشهية طيبة

دائمة الحمد · 2014-03-24, 12:12

شطيطحة السبناخ اوالسلق
تغسليه عادي وتقطعي وتقطريه ثم فوريه
دري صوص باللحم عادي والحمص او باللحم المرحي الصوص تكون حمرا لكن ماتكثريش الملح والطماطم خاطر تجي ناشفة لما يطيب اللحم ارمي السبناخ لما يطيب ارمي بيضات حسب عددافراد الاسرة دون ما تحركي ولما تنشف البيض اطفي النار مع المعدنوس والقارص وقرن فلفل حار تجي روعة
وهي بطماطم الكعب تجي احسن

اولادي لقيتلك صورة من الارشيف تاعي

إضغط هنا لرؤية الصورة بحجمها الطبيعي.

سندس1967 · 2014-03-24, 13:38

اقتباس:

المشاركة الأصلية كتبت بواسطة أم إناس

ام يسرا
الكروكي

. شكرًا لكن حبيباتي ضرك نعطيكم الطريقة حتان كي نعاودو و نصورهولكم 7بيضات 2 كيسان سكر عادي 3 كيسان زيت 1 خميرة نتاع القاطو zest نتاع 2 حبات قارص و 1 نشاء و كملي شيحي بالفرينة ماتيبسيهاش بزاف اقسمي العجينة على. 2 و زيدي كاكاو لنص و من بعد تهزي طرف من البيضاء تقرصيها شويا برك و تزيدي فوقها طرف من الي بالكاكاو و تحطيها فوقها مليح و من بعد تقرصيهم رقيق و من بعد تروليهم و تعملي حربوش و تحطيه في البلاطو و تحكمي عصير 2 حبات قارص و تضيفي لهم المعجون و تحليهم امليح و تدهني بيهم القاطو و من بعد تحطيه يطيب و من بعد خرجيه و زيدي ادهنيه و هو سخون بنفس الخليط ضرك يشربو و عاودي رديه للفور 5 دقائق و نحيه و البنة امممممممم مانحكيلكمش مع القارص citron

ماشاء الله يعطيك الصحة ان شاء الله اجربه و اضع لكم الصور

*عاشقة الجنة* · 2014-03-24, 18:51

parfumdor1

قاطو الكابريس

كيلو كابريس + 2 علب شوكولامنى نواغ +2ملاعق زبدة +كاس حليب تذوبيهم في حمام مائي ثم تضيفيلهم كيلو كاوكاو محمص ومدشش تحطي ف يمول السيليكون بالملعقة وتنظميه خليه ينشف واقلبيه وفي الفتحة حطي الشوكولا البيضاء وحبة بندق
الكيلة هاذي تطيحلك 55 حبة

lamia zina · 2014-03-24, 20:07

وضعتها بريق الامل
المقيرط لفارس جيدي قناة سميرة
3 كيلات سميد حرش محمص كما تاع الطمينة
كيلة سكر عادي
كيلة زيت
كيلة جلجلان محمص ومرحي
قشور حبتين قارص
كيلة بيض
تتحصلو على عجينة جارية ما تغطيهاش وخليها تريح راه السميد يشرب البيض
بيستاش للزينة يقطع مقروطات صغيرين مش كما المقروط العادي لهذا سمي بهذ الاسم تصغير مقروط
شكليه بعدما يشرب شكلي حربوش وقطعي مقيرطات واقليهم ولازم هو سخون والعسل سخون باش يطرا في كل حبة ديري رشة بيستاش

*عاشقة الجنة* · 2014-03-24, 21:32

ADRARI

عمروهم بلاو تومات معاها شوية لحم مرحي ولا الطون والزيتون ولا البيض المقلي والبطاطا المقلية كي يطيبو

وعجينتي لا غنى عنها لكل المعجنات

لكل كاس فرينة مغرفة لحظة غبرة + مص سكر
مص خميرة الخبز + مص ملح وفي الاول نبسس بالزيت حوالي فنجان زيت ل 3كؤوس فرينة وقاعط خمارة القاطو

lilouchaf · 2014-03-25, 10:15

نخلة نعطيك عفسة اديرها بلا ما تعجني العجين تع المحاجب
انا ندير 600 غ فرينة وملح وزيت زيتون حوالي 7 مغارف وخميرة الخبز 02 مغارف صغار
ونعجنها بحليب سخون
ونخليها تخمر مليح
نقطعها كويرات صغار ونخليهم ينزلو
نحل كل كويرة دائرةونحليها رقيقة شوية
ونعمل الحشو تع المحاجب او اي حشو تحبيه في الجنب ونطويها على 2
ونغلق بالفرشيطة
نطيبها فوق الطاجين تع الحديد من الجهتين

وهدا تطبيق تع نخلة وراهو ممتاز