~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[omelbanin]

حبيبتي اسيا عليك بسهام الليل ،ادعي ربي يخرجك من هذيك الدار انت وزوجك ،واش راكي تحكي كامل جاز علي ،وننصحك ما تربحيش العيب لحتى واحد يجي نهار تخرجي تخلي بلاصتك نقية
وكي قلت كنت مريضة انا نافسة وما يحوسوش علي ،بوليدي الاخير نفست في رمضان عجوزتي قالتلي ما نقدرش نجي عندك في رمضان بوغتو هي ما تصمش يعني ماشي راح تعيا وولادها كاين لي يطيبلهم .
هكذاك نافسة نطيب لفطور لزوجي ونوض في السحور ساعات كا نرقدش .
ونفس الشئ كي طهرت وليدي ،كيف كيف واحد ما لقيتو قدا مي وانا بابا كان غير كيمامات .حسيت راني وحدي في هذه الدنيا لا اب لا ام وزيد عجوزتي ماشي حنينة .اسمحولي حبيت نونس ختي اسيا ،يقولك البلوة اذا عمت خفت

[omelbanin]

[SIZمالزعافE="6"][/S فكرتوني في همي ،رحت درت رفيس وكليت حبةIZE]

[سيرين 5]

كل وحدة فرغت قلبها نقولها ماعليش والله دوام الحال من المحال و تكوني مظلومة أحسن من ظالمة يجب مقابلة الإساءة بالحسنة ، من هاذ التصرف أقل حاجة تكسبي راحة بالك و كيما قالت الأخت لجين يعطيها الصحة هدية بسيطة تكسبي بيها أم زوجك أنا عن نفسي
عندي ما بكيت في المنتدى و حكيت واش دارولي لحقت حاوزتني مدتلي طبسي فيه محاجب و قاتلي هاكي و بالسلامة .... مانيش حابة نرجع لهاذ القصص لأنني الحمد لله تجاوزتهم
بعد ما زادت بنتي ما طلتش عليا في السبيطار و ما حوستش على بنت وليدها كامل تشوفها قعدت شهر في دارنا كنت زعفانة عليها ما تتصوروش شحال ؟ بعد ما رجعت عمباتلها راح نشد بنت وليدها عليها لكن أنا خليتها ترفدها و تغسلها و تقمطها يعني الحق قامولي بيها كيما يلزم فرحو بيها و الآن رجعت للخدمة و هي لي تشدهالي و عمرها قريب 80 سنة قاتلي بنت وليدي عيب عليا لوكان نخلي الناس يشدوها ؟ الحمد لله نخرج مهنية ما نخممش كامل بالاك كاش ما يصرالها لا قدر الله
أنا كي تبكي عندي تعيطلي من تحت وشبيها علاه راهي تبكي و تطلع تجري رغم أنها 80 سنة كبدت عليها ، و الحق تلقى حوايج مغسولين تنشرهوملي ، تلقى حوايج ناشفين في الحبل تنحيهوملي العام الماضي نقاتلي شكارة جلبانة و نشرتلي الكوفيرطة تلقى زبل تخرجهولي .... الحمد لله
أنا نحاول نجتهد في الطياب و نبعتلها و ملي ولات تشدلي بنتي خصصتلها مبلغ مالي كل شهر و مرة على مرة نشريلها حاجة و كي نقضو نشرولها مرة جاجة مرة فاكية مرة خضرة ....
يعني أحيانا نخمم نقول هوما فيهم بذرة خير بصح علاه مرات يقرصوني و أنا كي الميش تمتم نشعل و نربح العيب ؟؟؟؟
لقيت الخطأ من ردة فعلي ما كنتش ذكية في الرد (ما نقصدش نرجع الاساءة بالاساءة بالعكس نترفع عليهم و نبينلهم بلي أنا أخلاقي و تربيتي خير منكم) لكن للأسف ما كنتش نعرف و جروني حتى و ما وليتش نعرف روحي صدقوني لحقت رفعت صوتي و سبيت أستغفر الله من بعد قالو شفتو كي ماشي مليحة ؟؟؟ و أنا أقسم أنني ماهي تربيتي ماهي أخلاقي ماهم طبايعي .....
عملت بوووز مع نفسي و راجعت نفسي أنا كيفاه لحقت لهاذ الحالة ؟؟؟؟ علاه ما رانيش مهنية في داري رغم أن زوجي الحمد لله و ربي رزقني ببنت و الحمد لله ؟؟؟؟
راجعت نفسي و قلت التغيير من نفسي تحدثت مطولا مع لوستي و حطينا النقاط على الحروف و قاتلي ديريني صحبتك سقسيني يما كبيرة كلخيلها ووو
لحقت رحت لعمي قوقل و سقسيتو كيفاش نتعامل مع أهل زوجي و الحمد لله لقيت الإجابة و طبعا ما نخليها لفسي راح نشارككم بها صدقوني راح تحسو براحة كبيرة نفسيتكم ترتاح بالاضافة إلى ذلك عمرت وقتي و اشغلت فكري بأشياء أخرى لأنني أصبت بالضغط أثناء الحمل و من التقلاق كنت ناكل الأخضر و اليابس إلى أن فطنت و قلت خلاص راح نجيبها غير في صحتي باراكات حاجة ما تستاهل ؟
استمعو إلى طارق الحبيب في العلاقة بين الأم و الزوجة ماذا قال :
https://www.youtube.com/watch?v=sZoxkWRPBvw
نصائح لكل من ستتزوج كيف تتعامل مع أهل زوجها
https://www.youtube.com/watch?v=CDYskbziey4
كيف أتعامل مع الاساءة حتى لا أدفع فاتورة العقاب من أعصابي (هذي عجبتني بزااااف بزااااف)
https://www.youtube.com/watch?v=gWVqn_Pba8s

[سيرين 5]

المشاركة الأصلية كتبت بواسطة حياتي كلها امل

شكرا اختي سرين راكي كلما نحط صورة تخرجيهالي.
بالنسبة لموضوع اليوم انا ساكنة مع اهل زوجي لكن في اتاج قاسماتو انا وسلفتي صراحتا انا عجوزتي وشيخي لباس عليهم وناس ملاح انا لواساتي لشوية واعرين ويحبو يدخلو في كل شيء حتي حياتك الخاصة، باه منكونش ظالمة مشي كامل لكن الاغلبية وانا كيما الاخت الي قبلي منحبش نهدر ومنحبش المشاكل وزوجي نفس الشيء،وسلفاتي ملي جيت عروسة وهي قاتلتهم الغيرة خاصة عندما شفوني مليح مع دار شيخي وعجوزتي تحبني.

الله يسلمك حياتي كلها امل
الله يبارك ربي يدومها ، صح الغيرة هي لي تخليهم يتصرفو بوقاحة بصح حنا الأحسن نترفعو

[سيرين 5]

المشاركة الأصلية كتبت بواسطة امّ اياد

صباح الخير موضوعكم جميل ومنوع راكم تحكو على تحضيرات رمضان يدخل علينا بالصحة نسمة التوابل كل واحد وذوقو وكل منطقة وكفاه انا فلفل اسود منستغناش عليه نستعملو في كلش تقريبا وراس الحانوت نخلطوه ندرو قصبر الجاف وشوي بسباس وشوي حبة حلاوة وحبيات فقط حلبة وكمون نتعملو فالحبوب مثل العدس والحمص والوبيا ومرات في بعض طواجن البيضاء نستعمل قليل من القرفة تعطي ذوق مميز وكروية نديرها فالحريرة تاع الغرب وراهم كل مرة بخرجولنا بتابل

الله يسلمك أم إياد شكرا المعلومات لي قدمتيهم فيما يخص التوابل حنا في دارنا ما نستعملوش التوابل بزاف غير فلفل أسود راس الحانوت العكري و فلفل أحمر و (كمون و القرفة) ما نستعملوهمش بزاف كيما القرفة غير في الكباب و الكمون في شطيطحة سردين و اللوبيا ..

[سيرين 5]

المشاركة الأصلية كتبت بواسطة omelbanin

[size="6"]السلام عليكم حبيباتي ،اليوم نضت شوية روطار نضت نجري ،درت الحليب للاولاد ذهبو للمدرسة ،بعد بعد ما رتبت الغرف ،غسلت الاواني ،ومسحت الفايونس والثلاجة وقلت نداوم هكذا باش يبقاو نقايا وسيقت ا
المطبخ ورحت للخزانة عولت عليها اليوم طلعت فوق المكتب تاع وليدي مسحتها ماافوق ومسحت الفاليزات ،طويت حوايجي وحوايج زوجي، البارح غسلت الجاكيطات خبيتهم ، ورميت ما يجب رميه ،مازلت لاكوموند نتاع وليدي الصغير ممكن العشيا
رحت درت بيتزا وليدي قالي[c[/color]] وجربت شوية بطاطا نتاع سمورة جات روعة
بالنسبة للموضوع ،موضوع صح مهم وممكن من المناقشات نقدرو نفيدو بعضانا

يعطيك الصحة أم البنين

[آسيا 25]

شكرا أخواتي على المواساة و النصائح المشكل أنو كل ما نعمل فيها خير تزيد تهز روحها عليا مثلا في عيد ميلادها عملتلها كعكة و قلت نفاجأها بيها و زوجي فرح بزاف و لما ديتهالها ما حبتش تاكل منها و قالتلها مرت سلفي دارتهالك على الأقل ذوقي منها قالتلها لا مانيش قادرة و طرزتلها قندورة و قدمتهالها هدية ما حبتش تلبسها بالرغم أني خيطتهالها عند خياطة مشهورة جدا و لما وراتها لأختها هبلت عليها لكن أمامي ما تحبش تلبسها و راني و الله عمري ما عايبها ولكن.... لست أدري أين المشكلة?

[سيرين 5]

المشاركة الأصلية كتبت بواسطة الدر المكنون 7

السلام عليكم ورحمة الله وبركاته
أنا متتبعة للدورة منذ بدايتها الحقيقة استفدت كثيرا مما تقدمونه أخواتي كلكن دون استثناء جعله الله في ميزان حسناتكم

بارك الله فيك على المشاركة الدر المكنون

[سيرين 5]

المشاركة الأصلية كتبت بواسطة فراشات العمر

أأأأأأأأأأأأأأآآآآآآآآآآآآآآآآههههه
تحرقتلي المرقة خصصارة رحت نفضت لعجوزتي وكل ما نقيلها شوية نلقى بانت حاجة اخرى ونسيت لغدا حتى ولا فحم
نستنى الضربة على جنابي وخلاص
بالنسبة للموضوع انا عن تجربتي عشت الظلم والكذب والحقرة وحرام عليا وحلال على بناتنا
المهم خرجت من الدار بمرض مزمن كنت ما نريبونديش لاطنسيو والربو
واليوم دار الزمان ولاو ليا انا لي رافدتهم بعد ما شافو الويل من نسا لوسي لخرين ولات تجي تحكيلي واش راهم دايرينلها
زمان والله زمان عجب

سلامة راسك أنا ديتها واحد السمانة كل يوم نحرق حاجة ههههههههه
يعطيك الصحة الاعمال لي قمت بها

[سيرين 5]

المشاركة الأصلية كتبت بواسطة آسيا 25

شكرا أخواتي على المواساة و النصائح المشكل أنو كل ما نعمل فيها خير تزيد تهز روحها عليا مثلا في عيد ميلادها عملتلها كعكة و قلت نفاجأها بيها و زوجي فرح بزاف و لما ديتهالها ما حبتش تاكل منها و قالتلها مرت سلفي دارتهالك على الأقل ذوقي منها قالتلها لا مانيش قادرة و طرزتلها قندورة و قدمتهالها هدية ما حبتش تلبسها بالرغم أني خيطتهالها عند خياطة مشهورة جدا و لما وراتها لأختها هبلت عليها لكن أمامي ما تحبش تلبسها و راني و الله عمري ما عايبها ولكن.... لست أدري أين المشكلة?

كملي هكذاك ما تيأسيش يجي نهار و تلين و تستعرف بارك الله فيك

[سيرين 5]

المشاركة الأصلية كتبت بواسطة الدر المكنون 7

أخواتي أعلم اني خرجت عن المناقشة المطروحة فاعذروني لأني أريد أن أذكر نفسي واياكن أننا في شهر شعبان فلنكثر أخواتي من الصيام قراءة القرآن ومن كل قول أو عمل يقربنا من الله عز وجل
يقول رسول الله عن هذا الشهر " ذاك شهر يغفل الناس عنه بين رجب ورمضان، وهو شهر ترفع فيه الأعمال إلى رب العالمين، فأحب أن يرفع عملي وأنا صائم "

عطيتيني فكرة بارك الله فيك

واش رايكم اليوم أو ماعليش هاذ الأيام كل وحدة فينا تقدم هدية لعجوزتها بالشيء لي تقدرو عليه يا لوكان خبزة سخونة؟
أنا عن نفسي راح نطيبلها خبز بالياوورت الطبيعي تاع أم أماني تموت عليه و نقدمهولها بنفسي ؟
الرسول عليه الصلاة و السلام قالنا تهادو تحابو ، هكذا نتقربو أكثر من بعضانا
و في نفس الوقت ننويوها صدقة لوجه الله تدفع البلاء و أجرها في شعبان أعظم

[سيرين 5]

المشاركة الأصلية كتبت بواسطة omelbanin

[sizمالزعافe="6"][/s فكرتوني في همي ،رحت درت رفيس وكليت حبةize]

هههههه ماعليش حبة ما دات ما جابت بصحتك الرفيس راكي غيرتيني و أنا راني مريجمة ههههه

[سيرين 5]

حماتي قنبلة ذرية !! حماتي مصيبة كبرى !! حماتي لا تحبني !! حماتي سبب مشاكلي !!
تلك العبارات هي أكثر العبارات شيوعاً على لسان المتزوجات عندما يتعلق الامر بالحماة خاصة و اهل الزوج عامة، فما تلبث الفتاة أن تدخل عش الزوجية، إلا وتبدأ في التصريح بتلك الكلمات القاسية عن اهل الزوج ،، كما تُحذر غيرها من الفتيات البريئات من الزواج بالقرب من حماتها ( ذلك الغول الذي لا يرحم )، حتى أصبحت الفتيات يحكم على اهل الزوج او حماتهن من قبل الزواج بأنّها شخصية صعبة وقاسية، بل لا تدخل البيت إلّا وقد أعدت العدة التي ستتعامل بها ضد حماتها وبنات حماتها كذلك.
ولكن . هل فكرتِ عزيزتي مرة كيف تكسبين أهل زوجك ؟؟؟ هل سألت نفسك يوماً كيف أنال حب حماتي بدل كرهها ؟؟ !! هل تعلمين مدى الفائدة العظيمة التي ستعود عليكِ وعلى أسرتك عندما تكسبين قلوب اهل الزوج ؟؟
لماذا كسب قلوب اهل الزوج تأكدي عزيزتي أنّه كلما بذلت جهداً أكبر لتفوزي بقلب اهل الزوج ، كلما فزتِ بقلب زوجك وازددت في قلبه حباً وفي نظره وفاءً وإخلاصاً، لذا سيعمل جاهداً على أن يُحسن معاملتك ويهتم برغباتك وطلباتك .
المعاملة الطيبة التي ستعاملين بها اهل الزوج والتي ستعود عليكِ بالحسنى أيضاً ، ستنشر جواً أسرياً لطيفاً يملؤه الحب والسكينة والهدوء ، وهذا له عظيم الأثر على صحة أولادك النفسية ، وعلى دراساتهم الأكاديمية ، وعلى تربيتهم الأخلاقية .
إذاً هل يستحق الأمر بعض الصبر وبعض الجهد ؟؟ نعم يستحق فالعائد عظيم تتمناه أي زوجة .
أهم وأنجح الطرق لكسب اهل الزوج وبكل بساطة ؟؟ في البداية يجب أن تمحي من تفكيرك الأسلوب العدواني تجاه أهل زوجك ، وتضعي في اعتبارك أن بزواجك لن تفوزي بشخص واحد ستقتلعينه من أسرته ليعيش لكِ بمفردك ، بل ستدخلين أسرة كبيرة مترابطة يجب أن تبذلي جهدك حتى يكون لكِ مكان داخلها.
كل إنسان له مميزات وعيوب ولكن الذكاء يكمن في أن تفهمي تلك العيوب، ومحاولة تجنبها قدر المستطاع، والعمل دائماً على الاستفادة من مميزاته .
الأم تحب أن ترى ابنها دائماً محل احترام وتقدير من الجميع، لذا كلما احترمتِ زوجك وقدرتيه أمام أهله وأمام أمه خاصةً، ازدادت محبتك في قلبها، وبادلت احترامِك لابنها – الواجب عليكِ في الأساس – احتراماً لكِ وود ومحبة .
اجعلي حماتِك وبناتها مركز اهتمامك في المنزل، شاركيهم في الأمور البسيطة التي لن تؤثر في حياتك الخاصة كإعداد الطعام وكيفية تنسيق المنزل وغيرها، فعلى الرغم من بساطة تلك الأمور إلا أنها في نفس الوقت ستجعلهم يشعرون بأهميتهم وأهمية آرائهم ، فتزداد محبتهم لكِ .
تجنبي الخلافات مع حماتِك على أبسط الأمور، وإن اشتد الخلاف – لأي سبب كان – حاولي التقليل من الكلام ولا تقومي بمجاراتها في الحديث والتراشق بالكلمات لأن ذلك يوغر صدرها ، وحتى لو انتهى الخلاف ستظل متذكرة لأسلوبك معها وردود أفعالك القاسية ، ومهما حدث بين زوجك وأهله من خلافات لا تتدخلي في الحوار، بل دعيهم يسوون خلافاتهم بأنفسهم، فهم سيتصالحون حتماً في نهاية المطاف، ولن يتذكر الجميع – بما فيهم زوجك – سوى ردود أفعالك وكلماتك .
وفي النهاية – عزيزني – تأكّدي أن الكلمة الحسنة لها مفعول السحر في أذن الزوج وكذلك اهل الزوج جميعاً ، ولا مانع من إهدائهم بعض الهدايا من الحين والآخر ، حتى تقوى بينكم أواصر المودة والمحبة ، فأهل زوجك هم أهلك وأهل أولادك فاحرصي دائماً على محبتهم وودهم .

منقووول طبعا للفائدة

[حبيييبة]

مساؤكم خير و بركة
على هاذ اللمة الحلوة
ماشاء الله عليكم
حب و تلاحم و تساند
ربي يدومها نعمة علينا ياا رب
و يجمعنا تحت ظله يوم لا ظل الا ظله
و تكون في ميزان حسنات من كان سببا في جمعنا هنا باذن الله

[امّ اياد]

مس الخير عيكم