السلام عليكم مرحبا بكم معي في الكوزينة147 شعارنا نعم للتفاؤل - الصفحة 51

باسم وبيسان · 2015-10-06, 08:20

اقتباس:

المشاركة الأصلية كتبت بواسطة Oum Habouba

هدا تطبيقي للمايوناز ما تقطعش بزاف مليحة باش ما تطولش بزاف

ام باسم وبيسان والله دوماج ما عندكش قولي لام وابنة تسلفلك نتعها شرات واحد الباح خخخخخخ

مانتفهموش هكا ام حبوبة بديت التطبيق ديجا ومسنتيناش

مانضنش تمدهولى ام وابنة راه جديد مزالووو عزيز عليها

اقتباس:

المشاركة الأصلية كتبت بواسطة omjoujou

دائمة الحمد خرجوا التحاليل لي درتيهم؟؟؟؟؟وش قالولك عليهم؟؟؟؟؟ ربي يشفيك
ام رحاب لعزيزة تاعي يبارك فيك حنونتي ولعقوبة لوليداتك
المعلمة الجديدة ديري شربة تاع فريك وخبز الدار وزيدي اقلي شوي لحم
ام حبوبة برا ميكسور تاعي مكسر ان شاء الله يديه زوجي يريباريه في اقرب الاجال ونطبق المايوناز تاع سموحة
ام باسم وبيسان يسعدلي صباحك ونسيت نقولك المرقاز تاعك خرج هايل وباين ذوقو اروع بصحتكم وش راح ديري غذاك؟؟؟؟؟
ام ياسين سخفتيني في الشيفلور بلك غدوة نعاندك ونديرو
ربي يعينكم كامل
سلاااااااااااااااااااام

صباح النور ام جوجوووووو المرقاز جاء امممممممممممم سى السيد قالى بركاى ماتلبزى اكى تعدبى فى روووحك برك مهما ديرى مايجيش كما المرقاز وكى داقوووووووووو مالقا مايهدر ساعة وهو يشكر فيه

والله غدايا مودر سخفونى بالوبية حوست فليل معنديش وحبيت نديرها لغدة مى دوماج لازم تترنخ

دائمة الحمد مشكوووورة والله حبيت نديرها لغدة واش رايحة ندير درك

زهرة الريف* · 2015-10-06, 08:21

دائمة الحمد ربي يريح بالك ويشفيك ويشفي لك العزيز ويطمنك يارب
أم حبوبة صباح الأنوار راك ناشطة ماشاءالله
أم رحاب أم سارة أم جوجو ام باسم زهرة منورين حباباتي
أم ياسين هذا وين نضتي وين تتكاي إن شاءالله تكوني لباس ومكيش مريضة بعيد الشر

باسم وبيسان · 2015-10-06, 08:26

اقتباس:

المشاركة الأصلية كتبت بواسطة زهرة الريف*

دائمة الحمد ربي يريح بالك ويشفيك ويشفي لك العزيز ويطمنك يارب
أم حبوبة صباح الأنوار راك ناشطة ماشاءالله
أم رحاب أم سارة أم جوجو ام باسم زهرة منورين حباباتي
أم ياسين هذا وين نضتي وين تتكاي إن شاءالله تكوني لباس ومكيش مريضة بعيد الشر

منورا بيك زهرة الريف

اقتباس:

المشاركة الأصلية كتبت بواسطة oum habouba

ام بيسان انا شحال من مرة في حال الطوارئ نطيب اللوبيا بلا ترناخ وتطيب عادي شوالا هي ماتزيدش كيما المرنخة يعني زيدي شوية على العبر اللي موالفة تديريه
ام رحاب امنا الحنووووووووونة صباحك مبارك ومعطر بذكر الرحمان الله يفتح عليك ويحفظلك كل غالي يا غالية

ام حبوبة سخفتنى كما تع البنات خشينة وملبيا خلى غدوة ونديرها

Simassim · 2015-10-06, 08:26

صباح الخيرات حبوبات واش اخباركم.

كاش اخبار على ام تاجو ولهونة. مابانتش ؟؟.

شهيتوني فاللحم المفور. تبلتو البارح نفطروه اليوم ان شاء الله ونشوف نزيد روز او بطاطا معاهم

خصني نلبز حاجة حلوة لقهوة غدوة وتالفة وزيد يويف راه فالدار اليوم

مواحات تقاسموها. راني نراحع ونعجز عل الردود.

دائمة الحمد · 2015-10-06, 08:28

ام جو جو الله يخليك عزيزتي
والله يا حبيبتي ام جوجو زادوني عرام تحاليل اخرين ههههههه
والحمدلله واش رانديرو

Simassim · 2015-10-06, 08:31

.

.
المغتربات كل مرة نحوس نسقسيكم وننسى. واش ماهي ماركة تاع الموتارد لي تشروها ماتكونش فيها خل الكحول. كنا نشريو واحدة معند البوشي وانقطعت ولي موجودي فالاسواق اغلبهو فيهم حكول.

omjoujou · 2015-10-06, 08:33

اقتباس:

المشاركة الأصلية كتبت بواسطة دائمة الحمد

ام جو جو الله يخليك عزيزتي
والله يا حبيبتي ام جوجو زادوني عرام تحاليل اخرين ههههههه
والحمدلله واش رانديرو

ان شاء الله يلقاوهم كامل صافيين وملاح حبيبتي
ربي يشافيك ويعافيك استاذتي

om wassim · 2015-10-06, 08:35

صباح النور عليكم
يا رب تكونو صبحتو بخير و عافية
ليزا امبعد نحطلك الوصفة تاع الصابلي بالكريمة
راني رايحة لاشغالي ربي معانا

zahra30 · 2015-10-06, 08:36

شكرااا حبيبتي دائمة الحمد و الحمد لله كي سلكت على خييير مبرووووك عليها البنوتة تتربى في عزهم ان شاء الله وربي يشفيلك الغالي ياغالية وكل المرضى يااارب
ماشاء الله ام سهاااام على الطمينة تهبل تهبل يعطيك الصحة
لحراير سمحولي ما نيش نراجع مليييح مالقيتش الوقت بصح اعلبالي باللي راكم حراير وكل اصبع بصنعة ربي يحفظكم
ام ياسوووووو ما تزعفيش مني كي نستقر برك في داري نتواصل معاك مواااااح
هذو انتاع اختي ولعشية اذا صلحت نزيد نحط اخرين

سلالالالالالالالالالالام لكل وحدة فيكم

زهرة الريف* · 2015-10-06, 08:39

المعلمة الله يعينك وفي ميزان حسناتك واحتسبي الأجر والثواب من عند الله واتكلي عليه هو يرشدك
انا عجوزتي دخلت 20 يوم لسبيطار وكان عندها أمراض الدنيا ولازم أكل خاص وكانت معها سلفتي وكنت كيفك انا لي نطيب وديما نحتار واش ندير
وليت تكلت على ربي وديما نقول اللهم دبرني فإني لا أحسن التدبير وقدر لي فأنا لا احسن التقدير واحتسب كلش لله سبحانه وتعالى
صدقيني يجيني كلش ساهل وتتدبر الفكرة من عند ربي سبحانه
كنت ندير تقريبا كل وصفات أختنا أسمهان ربي يرزقها الصحة والخير حاطة وصفات خفاف وبنان روعة وكنت نوع في السلايط وديما نديرلها عصير طبيعي
أو كوكتال فواكه على شكل سلطة أو عصير وكنت نحاول نزينلها الأكل ونبعثوا في ماعن شابين باش نفتح شهيتها للأكل راكي تعرفي جو السبيطار
ربي يشفي مرضانا ويرزقنا الصحة
ربي يعينك أختي ويقدرك راه عندك أجر كبير

Oum Habouba · 2015-10-06, 08:44

ام باسم ووسام خلاص حبيبتي على راحتك ونزيدك تدبيرة انا نديرها بعض المرات نرنخ اللوبيا وندوبلي العبر باش نكوجليها طبعا كل عبر وحده وكل عبر نديره في شكارة وحدها وندخلها للمجمد نهار نحتاجها نلقاها واجدة والحمص تاني نديرله هكا
انا نطيب ان شاء الله المطلوع والفطور البرانية والان نتحول الى سندريلا نتاع الشقا مشي كي تكون اميرة خخخخخ سلاااااام

باسم وبيسان · 2015-10-06, 08:50

اقتباس:

المشاركة الأصلية كتبت بواسطة Oum Habouba

ام باسم ووسام خلاص حبيبتي على راحتك ونزيدك تدبيرة انا نديرها بعض المرات نرنخ اللوبيا وندوبلي العبر باش نكوجليها طبعا كل عبر وحده وكل عبر نديره في شكارة وحدها وندخلها للمجمد نهار نحتاجها نلقاها واجدة والحمص تاني نديرله هكا
انا نطيب ان شاء الله المطلوع والفطور البرانية والان نتحول الى سندريلا نتاع الشقا مشي كي تكون اميرة خخخخخ سلاااااام

والله درت العدس هاكا قشرتووو وخبيتو نهار جبدتووو ماحبش يطيبلى

x ام رحاب x · 2015-10-06, 08:53

[QUOTE=Oum Habouba;3994432723]ام باسم ووسام خلاص حبيبتي على راحتك ونزيدك تدبيرة انا نديرها بعض المرات نرنخ اللوبيا وندوبلي العبر باش نكوجليها طبعا كل عبر وحده وكل عبر نديره في شكارة وحدها وندخلها للمجمد نهار نحتاجها نلقاها واجدة والحمص تاني نديرله هكا
انا نطيب ان شاء الله المطلوع والفطور البرانية والان نتحول الى سندريلا نتاع الشقا مشي كي تكون اميرة خخخخخ سلاااااام[/QU
الله ايبارك في صحتك هاد التدبيرات ايديروهم الناس الشاطرين باش مايحصلوس خلاص ربي يعطيك حبيبتي ويرزقك واش تتمناي
البنات الي عندنا في الكوزينة كامل ماشاء الله عليهم

x ام رحاب x · 2015-10-06, 08:55

على حساب شوفتي رايحين الطيبو المايوناز والخبز ان شاء الله غدوة ايلا حب ربي نطبقهم اليوم راني لاهية رايحة انطيب حلوة الطابع وفطوري اللوبيا بصل وطوماطيش والخبز شريت برك

x ام رحاب x · 2015-10-06, 08:58

اقتباس:

المشاركة الأصلية كتبت بواسطة باسم وبيسان

حبيت نسقسيكم سخفتوووونى على اللوبية ياسمينات خخخخخخخخخخخخخخ
ومعنديش حتى بعد يشريلى وانا مالفة نرنخة فى الماء قبل فليل باه الطيب وانتوما ترنخوها ولالالالالا

اللوبيا لازم اترنخيها في الماء باه اجيك ساهلة
وربي يحفضك على السؤال صبعي ريحت منو الحمد لله وضفري راه يخلف بشوية