موضوع مميز الجزء 16 من واش طيبتي اليوم شاركينا موائدك الرمضانية - الصفحة 51

islam1aya · 2013-07-15, 12:17

اقتباس:

المشاركة الأصلية كتبت بواسطة خريطة ضياع

السلام عليكم
الشاطرات كيراهم مع رمضان
هذي أول مشاركة ليا ونتمنى نكونو حباب
ماكنتش دايرة حسابي باه نحط الصور علاذاك ماصورتش
من اليوم ان شاء الله نبدا نصور ونوريلكم طيابي
وحبيتكم تساعدوني اليوم
راح ندير شوربة و جواز و بوراك و كفتة بطاطا وسلطة
وراني حابة نزيد صوالح خفاف معاهم لانو اليوم الفطور تاع إمام المسجد عليا وماعلاباليش واش نحط
واش رايكم , كي تحبو ترسلو الفطور واش تطيبو ؟

اختي مرحبا بك معنا ورمضان كريم في انتضار اطباقك

أم محمد تاج · 2013-07-15, 12:17

أم ابراهيم شكرا ليك يالغالية
ولهوووومة كانت الصباح بصح مانعرف علاه روحت بكري
أم اسلام راني عاودت حملتهم من مركز الخليج ونورمالمو راهم يبانو ضرك شوفي الصفحة لي قبل حنونة وطمنيني راه شعر راسي وقف من القلقة تاع لي فوطو وووواااااااعععععع

أم شيماءْ · 2013-07-15, 12:18

صباح الخير حبيباتي وشراكم هذا وين خلصت الميناج نروح نراجع دروسي ونولي

oum ibrahim · 2013-07-15, 12:19

اقتباس:

المشاركة الأصلية كتبت بواسطة islam1aya

صباح النوار حبيباتي

ان شاء الله لاباس

ام ابراهيم اطباقك مشهية وطريقة التقديم حطة يعجبني طيابك كاش مرة صورلي كيفاه تطوي البوراك مثلث ماجربتوش من قبل

ام محمد تاج الصور ماطلعوش منين راكي تحملي

ام ماجد وين راه طيابك تع امس واش من صفحة

الله يسلمك ام اسلام ما نجي والو قدام اطباقك الرائعة من عيوني غاااالية و الطلب رخيص

الزعيمة · 2013-07-15, 12:19

اولا مسالخير عليكم
ثانيا رمضانكم بالصحة و الهنا
ثالثا..راني في حصلة

خويا راهو يتوحم على السردين وقالي دبري راسك نحبو فالكوشة مشي مقلي...كرهنا مالمقلي..ولا هذا واش تعرفي اديري غير تقلي برك
قلت ماعليا غير نستشير طباخات المنتدى...الشافات قصدي..اكيد هوما اللي رايحين يخرجوني من هذا المأزق و يعطوني الوصفة السحرية
تعيشو عاونوي قبل مايرجع مالمارشي:s df:

islam1aya · 2013-07-15, 12:23

اقتباس:

المشاركة الأصلية كتبت بواسطة أم ماجد

هاهي السمبوسة تاع لايدي مليحة جاتني شوية مسوس فقط

وهذا صحن صحن الس

لاطة تحفاته روزا لعيون عمها وبعثاتولو مع الفطور

واحنا مادارتلناش كيفو

وهذا صحن لاكريم ثاني بعثتولهم

لحسوا الطباسى مساكن من العطش وعجبهم 44444444
راحت لي صورة صحن الفلفل مقلي والبطاطا المقلية مع الحوت للاسف

راني صورت قبل الفطور لان كي ياذن نرجع كي الثور واحد مايقدر يحكمني ههه

الان خارجة للشارع نشري حلابة للشربة وكاش مانلقى بورت مونجي مليحة عندي واحدة لكن تسيح

ماشاء الله عليك ام ماجد اطباقك هايلة يعطيها الصحة روزا على السلطة اسمها هايل شحال عمرها

ام ماجد الله يبارك راك تاكل وتوكلي حنينة الله يبارك ربي يقوي الخير عليك

المثلجات سخفونييييييي حبيت نجربهم مزال مكتبش ربي بصحتكم حنونة

بريق الامل& · 2013-07-15, 12:26

نهار الجمعة نطيبو كيف كيف علم وسينفذ اوك
حممونا وش نديرو
ام محمد ظهرتلي غير قرعة نقاوس العطش العطش
ام ابراهيم طيابك يشهي يعطيك الصحة
روزاراكي متهلية في عمك يعطيك الصحة ومليح يا الشاطرة تنوضي اديري السحور وتريحي الماما ربي يجازيك وصلاة وين واصلة في القران الله يبارك
ربي يحفظكم وخليلكم الوالدين الي رباوكم احسن تربية
مرحبا بضيفتنا الجديدة منورة وش رايحة اطيبي وغدوة ننتظرو الصور اوك ان شاء الله
بشرى مرحبا قربي
اوراسية قربي وشراكي

islam1aya · 2013-07-15, 12:27

اقتباس:

المشاركة الأصلية كتبت بواسطة صفاء البحر

ما احلى لمتكم ربي يدومها هادو بعض اطباقي ميني برغر جاء هايل و خفيف خير من لكبير علىبالكم رمضان من الماء يتعمر الواحد يزيد يشوف خبزا كبيرة ما يقدرش ياكلها درتهم صغار طارو بيهم و درت لي كروني بالتون و المثلجات شوكولا و درت بالخوخ تاني جات هايلة

اختي صفاء اطباقك هايلة بصحتكم شهني المني برغر امممممم

حمدية حرة · 2013-07-15, 12:28

حبيت نشكركم واقول اني جربت حساء الجبن وولادي حبوه وحتى زوجي وبناتي لكبار هههه اول مرة تجتمع العائلة على اكلة وما تختلفش الاضواق
راني غير نتعلم وجديدة على الانترنات وما نعرفش نصور ونحطنتعلم بربي شكرا

islam1aya · 2013-07-15, 12:29

سلام بروقة كيفك لاباس

واش المني تع اليوم

بنات راني معاكم يوم الجمعة

islam1aya · 2013-07-15, 12:30

اقتباس:

المشاركة الأصلية كتبت بواسطة حمدية حرة

حبيت نشكركم واقول اني جربت حساء الجبن وولادي حبوه وحتى زوجي وبناتي لكبار هههه اول مرة تجتمع العائلة على اكلة وما تختلفش الاضواق
راني غير نتعلم وجديدة على الانترنات وما نعرفش نصور ونحطنتعلم بربي شكرا

مرحبا بك اختي معنا ورمضان كريم

الزعيمة · 2013-07-15, 12:31

انا ما شفتونيش؟؟؟؟؟؟؟؟؟؟
ماشفتوش الرد نتاعي؟؟؟؟؟؟؟؟؟
ماشفتوش الحصلة نتاعي؟؟؟؟؟؟؟
ولا انا مبتدئة ومانعرفش نطيب و مانحطش التطبيقات و الصور تاع الافطار نتاعنا في رمضان على ذيك مكاش اللي يقيمني و يهتم بانشغالاتي باش نتعلم ونجرب
على الاقل باش نخرج مالحصلة اللي راني فيها
شكرا لكن على كل حال

درة بيتي · 2013-07-15, 12:32

اقتباس:

المشاركة الأصلية كتبت بواسطة sidali 2007

صباح لخير ياوجوه لخير وش راكم
رني جبتلكم فطوري لبارح لميتهم فلكوزينة وصورت ههههه قبل ما يتلمو
هذي شربة ملقدرة لعزيزة ههههه عشرة عمر

وهذا لحم محمر فلكوشة مع شمبنيون وبطاطا كنت رايحة ندير قوارب بطاطا تاع نينا فرات بصح سي سيد رمضن علي لحم فلكوشة علي قول ام ماجد هههه

بوراك درت نص عادي ونص مثلث لولاد خلوغير2 ههههه

وديسار وفلان وقازوز

ربي دومها نعمة

إممممممم طياباتك الله يبارك تشهييييي يإطيك الصحة وبصحتكم

ام لقمان02 · 2013-07-15, 12:32

رمضان مبارك وصباح الانوار علي الجميع

انا هذ وين طفيت علي الفطور خليت يبرد وندير في الثلاجة

اخت المنيات جربت قلب اللوز تلع ام رامي بالدقيق نصف خشن خرجلي مليح بصح لازم تحكي مليح الدقيق لامع السكر والعبر تاع ماء الزهز ما دريهش كامل

أم محمد تاج · 2013-07-15, 12:33

حبيبتي الزعيمة ماتزعفيش راني نحوسلك على طريقتي في السردين في الكوشة بصح مالقيتش
أسمحيلي راني مازلت نبحثلك