الجزء 181 لكوزينتنا المنورة بالأحباب وأشهى الأطباق - الصفحة 50

lyzzabel · 2017-09-07, 17:22

مسلخييير حبيباتي صح فطوركم و صحة قهوتكم

سحووووبة وييي وصلتني رسالتك و رديتلك حبيبتي بالاك ما شفتيهااش ولا ما فاتتش .. راني عاودت رسلتلك روحي شوفي ويلا ماكانش امالا المنتدى ما بغاش مين وليت خخخخ ديجا كتبت رد قبيلا و ما لقيتهش دروك بوغتون الكونيكسيون ما انقطعتش. . و بصحتكم الغراتان حنوونة

زقزووقتي بصحتك تطبيق البطاطا راهي تشهيي و زيد بالزعتر و زيت الزيتون محبوبي قلبي يميييي تسلم ايديك يا الحرة ممممممم

اسووومتي بصحتكم الكسرة و الملفوف يميي يميي انا ما نشبعهش لا بغا نشويه كليوم ما تقهمني لا ريحته لا والو هههه بصح اللحم مشوي ما نجمش خخخ ايه و آتونسيون تكتري الهندي حنا نقولو كرموس النصارى ..اما منصف زاد في 18 أفريل 2013 و حنا بغينا ندخلوه يقرأ التحضيري مشي ديراكت السنة الأولى ما عارف فيها والو مع معقن ما يبغيش يروح للحضانة تسمى ينغبن كي يلقى صحابه يعرفو خيرمنه فالسنة الأولى... و نتي ربي ييسرلك أمورك و تجي تبشرينا كيما اليوم بإذن الله

أمنية قبيلا كتبتلك فالرد لي ما لقيتهش خخخ المهم حبيبتي ربي يسهلك و تتوفقي فالدورة التكوينية يااارب

نهال السورية يعطيك الصحة كلشي يشهي حنووونة

حياتي أسمى مرحبا بيك حبيبة و بصحتكم لي قاتو

يادرا حيوووتة كي راه ولدك ريح شوية. .. ما بنتيش اليوم إن شاء الله المانع خيير

lyzzabel · 2017-09-07, 17:27

اقتباس:

المشاركة الأصلية كتبت بواسطة أم يوسف2

تعيشو جاوبوني وليدي مريض وتاس داري قالولي نديرولوا الزيت ولكحل في فمو هدي طريقة صحية؟؟؟؟؟؟؟

كيفاش هدا الكحل اول مرة نسمع بلي ياكلوه .. ولدك شحال في عمره بالاك نجمو نفيدووك .. و تاني قوليلنا شا راه يضره من غير الحمى

بيان 5 · 2017-09-07, 18:06

السلام عليكم واش راكم يا لفحلات حياتي اسمى يعطيك الصحة على الأطايب اممممممم نهال المقروظ تحفة سحوبة لقراتان فووووور يعطيك الصحة ضحكتيني كي قلتي زكارة في اللحم ههههك
توبة الكسرة قريب تنطق والملفوف يامامي ماخلافيا والوا

بيان 5 · 2017-09-07, 18:08

ام حمزة وام جوجوا حلوياتكم اكثر من رائعة راهي تقول كولوني يعطيكم الصحة حبيباتي

سحابة باردة · 2017-09-07, 18:49

ليزابال ميرسي حبيبتي وصلتني رسالتك الثانية شكرا الله يحفطك
أم يوسف أنا ننصحك بلاكي اديريلو الزيت مع الكحل ممكن يحكمو تسمم لاقدر الله حنا عمرنا مامدينا للأولاد هذا الوصفة أديه لطبيب أطفال خير الله يشفيه
بيان رانا غايا كيراكي أختي وشكرا عيونك الحلوى
واش عاطيبي العشا؟

بيان 5 · 2017-09-07, 19:31

سحوبة ليوم كي روحت من العمل درت ميناج ودرت دوش وغسلت لقش علابيها مالقيتش اسهل من السباقيت

زخرفة اختي واش دير بنتك راحتلها الحمى خيوتة واش يدير مهدي تحسن ودعاء عجبتها المدرسة ولا لا

lyzzabel · 2017-09-07, 19:39

سحابة راني جبتلك وصفة من وصفاتي درتها غي قبل العيد بسبوسة بالنوتيلا و الكريمة جات تهبل تهبل و راهي من مخاميخي يا عيني نتمنى تعجبكم حبيبتي

و مزية وصلاتك رسالتي الزاوجة واقيلا لولة داها الريح خخخخ

أم يوسف وين راكي طمنينا على ولدك .. لاكان صغير ما تعطيه والو ترهجيه اديه للطبيب احسن و ربي يشفيه و يعافيه يااارب

عشانا بيض و سلطة اليوم غي الخييف و طعام بالحليب للأولاد ما ياكلو والو الموصايب هههه ربي يحفظهم .. صح عشااكم حبيباتي و إلى الملتقى بإذن الله

اللهم لك الحمد كما ينبغي لجلال وجهك ولعظيم سلطانك و صل اللهم و بارك على نبيّنا و حبيبنا محمّد و سلم تسليما

lyzzabel · 2017-09-07, 19:45

اقتباس:

المشاركة الأصلية كتبت بواسطة بيان 5

سحوبة ليوم كي روحت من العمل درت ميناج ودرت دوش وغسلت لقش علابيها مالقيتش اسهل من السباقيت

زخرفة اختي واش دير بنتك راحتلها الحمى خيوتة واش يدير مهدي تحسن ودعاء عجبتها المدرسة ولا لا

بصحتكم حبيبتي السباقيتي راه يشهيييييي مممممم

ساعة ساعة نضرب طلة بالاك نلقى حيووتتي دخلت إن شاء الله تطمناا

في حفظ الرحمن غاليااتيي

إيمان احمد · 2017-09-07, 19:52

بصحتكم 😊😊😊😊

أم يوسف2 · 2017-09-07, 19:52

حبيباتي اديتو لطبيب قالي عندو قراجم مقيحين اتخيلوا خمس اشهر في عمروا
شربتلوا الدوا وعجوزتي جابت لكحل وقالتلي نحكلوا في فموا رايحة نهبل قلتلها لالا قالتلي امبعد نديرلوا راح نهبل ضك وليدي عرق يتسمى فاد فيه الدوا مازال ماقدرش يرضع راني نقطرلوا في فمو مسكين يعطيكم اصحة ماتنساوش دعواتكم اليوم عشية كامل مادخلتش للكوزينة وعندنا ضياف الله غالب

mina nada · 2017-09-07, 20:11

مساءكم ورد وريحان يا فحلات بلادي ربي يبارك فيكم كل وحدة باسمها انا ممتتبعة في الخفاء وستفدت منكم بزااااااف ربي يجعلها في ميزان حسناتكم ان شاء الله شكرا جزيلا

ام صفصف · 2017-09-07, 20:18

مساء سعيد يا حراير الكوزينة
ان شاء الله تكون كامل بخير وعيدتو مليييح
انا نتبعكم مرة على مرة من وراء الكواليس
يعطيكم الصحة كامل وربي يباركلكم في رزقكم
وحبيت نبارك لسحابة على افتتاحها لهاذ الجزء من الكوزينة، وهذا باروكي حلويات العيدï؟½ï؟½

بيان 5 · 2017-09-07, 20:39

اختي ليزا بارك الله فيك اختي
ام يوسف ربي يشفي ولدك يارب

بيان 5 · 2017-09-07, 20:39

ام صف صف يعطيك الصحة اتحفتنا بالحلويات الجميلة

أم فاطمه · 2017-09-07, 21:43

السلام عليكم اخواتي
يعطيكم الصحة على اطباقكم و على الحلويات اني خونتلكم شوية من كل طبق ههههههههههههه

اختي ام يوسف ربي يشافي وليدك و يحفضوا
اختي امينة ربي يوفقك انشاء الله
اختي توبة ربي ينجحك و انشاء الله يعيطولك
اختي حياة وين راكي مابنتي
اختي بيان و سحابة و زخرفة ربي يعطيكم الصحة
و تحية لكل الاخوات كل وحدة باسمها

هدا عشايا الامس و فطوري اليوم