الجزء 178 من كوزينة احلى رفقه كوزينة الاطايب للطيبات - الصفحة 50

ابني نور عيني · 2017-03-23, 07:02

اقتباس:

المشاركة الأصلية كتبت بواسطة أم يوسف2

نضتو ولا مازال؟؟؟؟؟
اييه توحشت البندير تاع ام عبيدة يادرا كيفاه راهي ؟؟
الهامو ادا مازالك سفنج هاتيه وارواحي نستقهواو بيه وصحيتي على الوصفة
ام محمد بووونجوغ

صباح النووور اختي

جيبي البندير نبندر على ام عبيدة راهي نساتنا بلاك تدخل راحت وما ولاتش ياريت تدخل عن قريب وتشوف حيوتة مع محمد مهدي

ابني نور عيني · 2017-03-23, 07:05

ام يوسف معلاباليش اذا بقى السفنج يكونو كملوه لالهام كامل اكيد خاصة اذا جاو ضياف الغفلة ههههه

انا درت المسمن لبارح جا امممم سخنتو اليوما ارواحي نستقهواو كيف كيف و ندردشو شوية

كاش تحضيرات للولادة ؟؟؟؟

ام هدول · 2017-03-23, 07:17

احلى صباح

أم يوسف2 · 2017-03-23, 07:18

معلاباليس علاه نكتب رد امبعد يرو ح بففف
سلام حبوبتي ام محمد يسغسي عليك الخير واذا كلاوه بصحتهم بصح مادا بيا جيبي المسمن اممممم
انا هاد اليامات راهو يجيني السطر نقول رايحة نولد وخلاااص الله لايحرم وحدة
التحضيرات هاد المرة تفنينت مازال ماوجدتش الكابة خخخخ مازال بعض الصوالح خاصيني عجزت نخرج
وغسلت الدار والمطبخ تهنيت ......

ابني نور عيني · 2017-03-23, 07:33

اقتباس:

المشاركة الأصلية كتبت بواسطة أم يوسف2

معلاباليس علاه نكتب رد امبعد يرو ح بففف
سلام حبوبتي ام محمد يسغسي عليك الخير واذا كلاوه بصحتهم بصح مادا بيا جيبي المسمن اممممم
انا هاد اليامات راهو يجيني السطر نقول رايحة نولد وخلاااص الله لايحرم وحدة
التحضيرات هاد المرة تفنينت مازال ماوجدتش الكابة خخخخ مازال بعض الصوالح خاصيني عجزت نخرج
وغسلت الدار والمطبخ تهنيت ......

سلام اختي
مليح كي نقيتي الدار انا صراحة ماكنتش قادرة في الشهر الثامن والتاسع وليت نحس روحي ثقيلة بززاف في خدمة الدار مع انو كنت في الاشهر السابقة نقوم باعمالي طبعا بلا ما نضغط على روحي لكن في الشهور الاخيرة حكمني التفنيين هههه بصح تحضيرات دخول المستشفى حضرت الكابة وكل لوازمي في بداية الشهر الثامن
ربي يقومك بالسلامة واستحفظي بروحك لانو راح تحتاجي هاد الطاقة منبعد

ابني نور عيني · 2017-03-23, 07:33

اقتباس:

المشاركة الأصلية كتبت بواسطة ام هدول

احلى صباح

احلى صباح لاحلى ام هدول واش الاحوال؟؟؟؟

ابني نور عيني · 2017-03-23, 07:34

نروح نخدم اشغالي سلام

ام هدول · 2017-03-23, 07:45

ام يوسف ماعندو مابقي وربي يسهلك ان شالله ...ام محمد ربي يعينك على شقاك وبصحتك لمسمن ....انا نروح عندي زوج كوات نغسلهم ..ولغدة مانعرف ....سلالالالام

x ام رحاب x · 2017-03-23, 08:18

صباح الخيرات لبنات واش راكم ان شاء الله اتكونو كمل في احسن الاحوال
انا هي رزيقة وام هدول وام رويدة وكل من فرحت كي شافتني انقولكم الله ايفرحكم بشوفت النبي ان شاء الله اتعيشو حبيباتي توحشتكم بزاااااااااااااااااااااااااااااااااف
توبة حبيبتي واش راكي وربي يشفيك يارب
الهام اهلا وسهلا حبيبتي نورتي الكوزينة
ام جوجو امممممممممممممممممممممم على الزرير ايشهي
ام هدول طاولتك اتشهي يالفحلة
ام يوسف كي اليوم نفرحو بيك
ابني نور عيوني واش راكي عزيزتي
حيوتي اهلا وسهلا بصح ممنوع عليك الكوزينة في هادا الوقت اقعدي عاقلة وخطيك من التليفون نصيحة من امك
كثر خيركم كلكم فحلات وطيابكم ايشهي تسلم ايدكم

البدرية · 2017-03-23, 08:58

السلام عليكم ورحمة الله وبركاته
كيف حالكم أخواتي ان شاء الله تكونو كلكم بأفضل حال

أختي حياة مبار ك عليك وجعل الله ابنك محمد مهدي من الذرية الطيبة الصالحة
والعاقبة ان شاء الله لرزيقة والقبايلية وأمنية اللهم آمين
مرحبا بأم رحاب الحبيبة وطههور ان شاء الله لأم جوجو
اليوم فطوري طعام بالفول والجلبانة

من فضلكم ممكن تعطوني كيفية الاحتفاظ بالجلبانة في المجمد فضلا لا أمرا

cilia · 2017-03-23, 09:30

اقتباس:

المشاركة الأصلية كتبت بواسطة إلهام07

ممممممممممممممممم توبة بصحتكم التاغتولات نتاع الليمون سخفتيني وععععع راني صايمة يم يم هاتي نتبادلو هاكي تاغتولات بالفراز وأعطيني بالليمون هههههههههههههههههه
نديرو تبادل تجاري

جاوك يشهوا الله يعطيك الصحة انا تاني درتهم بالعجينة نتاعك الا حبيتي تشوفيهم راهم في قسم التطبيقات

ابني نور عيني · 2017-03-23, 11:04

كملت شغلي ووليت

ام رحاب اهلا وسهلا بيك توحشناك نورتي الكوزينة كيفاش راكي؟؟؟

البدرية مرحبا بيك يارب دعائك يكون مقبول و بصحتك الطعام بالفول امممم و نعطيك طريقتي في الاحتفاظ بالجلبانة نقيها و حطيها في ماء مغلي فوق النار واتركيها من 3 الى 5 دقائق و صفيها و حطيها في ماء بارد و كي تقطر خبيها في اكياس التجميد و بهاذ الطريقة راح تبقالك خضرة و ماتروحلهاش القيمة الغذائية و تبقالك مدة طوييلة
وكاين لي يخبوها بدون غليها لكن تفقد شوية قيمتها الغذائية

cilia · 2017-03-23, 11:29

اختي حياة ألف مبروك البيبي و يتربى في عزك ان شاء الله و هذا باروكي ليك
[IMG][/IMG]

om kamilia · 2017-03-23, 11:30

احلى صباح لاحلى رفقات
ياعيني على طيابكم يهبل يشهي حبيباتي

ام رويدة · 2017-03-23, 11:39

صباااااح الانوااار
دخلت على طاولة أم هدول ممممم روووووعة. ......بصحتكم القعدة
وطمينة سيليا والله شهيتيني تبان بنييييينة

حيووتة هلت الأنوار... تهلاي في روحك في الوقت الحالي وفي البيبي طبعا
أم رحاب أم كميليا منورين اللمة
أم يوسف أم محمد سيليا البدرية صبااااااح النور
لهووومة تسلمي على الوصفة حنونة وكون غير تقدري تصوريلنا هديك الخميرة الجديدة
أم محمد وتوبة ربي يخليكم ويجعل ايامكم أفراح ومسرات