الجزء149 من واش طيبتي اليوم كوزينة التجديد والتنويع في الاطباق

[omjoujou]

المشاركة الأصلية كتبت بواسطة fadila34

درت شخشوخة الضفر لغدا وقعدتلى لعشة راه حكمني التفنيان وبصحتك البواقي

الله يسلمك وبصحتك نتي تاني الشخشوخة

[omhadil]

سلاااااااااااااااااااااااام لبنات وصح عشاكم انا عشايا طعام بالخضرة واللحم
اختى جوجو اروااااحى يا مرا نحكيلك تموتى عليا بالضحك
مقبيل كى دخلت لقييت انك رايحة تباركى لبنت عمك
تعرفى واش جا بالى
حنا تانى اليوم جاونا ضياف يباركو لسلفتى كى ولدت وتصدقى جات بنت عمها مع يماها وكى قرييت ردك قلت مايكونش انتى لى جاية لعندنا ههههههههه
والله قعدت نخمم ونطلع ونحبط وزيد دخلت لملفك الشخصى نشوف من اى ولاية انتى
ههههههههه قعدت نضحك مع روحى والله منى صح واش رانى نهدر بلاكى تقولى ام هديل هبلت ههه
تصدقى تمنييت تكونى انتى

[الرجاء الاماني المجد]

مساء الخير ام جوجو وفضيلة وشراكم
ام حبوبة مبنتش
المعلمة الجديدة بصحتك التحوس

[الرجاء الاماني المجد]

ام هديل مساء الفل وشراكي

[أم ماجد]

حبيت نحط شوية طيايات للاسف الميكرو فسد وانا من ميكرو محمول الان نطالع بصعوبة ماحملتوش خلاص
اعدريني حبيبتي مولات الكوزينة

[omjoujou]

المشاركة الأصلية كتبت بواسطة omhadil

سلاااااااااااااااااااااااام لبنات وصح عشاكم انا عشايا طعام بالخضرة واللحم
اختى جوجو اروااااحى يا مرا نحكيلك تموتى عليا بالضحك
مقبيل كى دخلت لقييت انك رايحة تباركى لبنت عمك
تعرفى واش جا بالى
حنا تانى اليوم جاونا ضياف يباركو لسلفتى كى ولدت وتصدقى جات بنت عمها مع يماها وكى قرييت ردك قلت مايكونش انتى لى جاية لعندنا ههههههههه
والله قعدت نخمم ونطلع ونحبط وزيد دخلت لملفك الشخصى نشوف من اى ولاية انتى
ههههههههه قعدت نضحك مع روحى والله منى صح واش رانى نهدر بلاكى تقولى ام هديل هبلت ههه
تصدقى تمنييت تكونى انتى

ههههههههههه انا من باتنة
انا بنت عمي راهي في دار باباها مزال مراحتش لدار زوجها وانا لقيت عندها عجوزتها ومرت سلفها
زعمة راح نصور السنية تاع القهوة لي حطوها بصح حشمت من عجوزتها خخخخ

[fadila34]

المشاركة الأصلية كتبت بواسطة الرجاء الاماني المجد

مساء الخير ام جوجو وفضيلة وشراكم
ام حبوبة مبنتش
المعلمة الجديدة بصحتك التحوس

مساء الفل والياسمين اختي الرجاء الاماني الحمد لله السوال عليك

[ام سارة18]

اختي سوسو انا نحط شوية زيت في المقلا ونحرك باه يتدهن كامل وحطي البطاطا والنار تكون قليلة وكيسخن شوية تسمعي تششش حطي البيض المخفوق وخليها على نار هادية وكيتشوفي بدات طيب من الشطوط حركي المقلة شوية تتحرك لوملات ومبعد نجيب طبسي نحطو بلمقلوب ونفرغ لوملاط فيه ومبعد نحطها على الوجه الاخر وحركي شوية تطيب بسرعة خاطرش المقلة سخونة ومبعد زيدي حطي الطبسي كيما الاول وهي واجدة
علابالي دوختك
فضيلة قعدتلي عجينة مورقة ديرنها محشية بالطون طماطم وشكشوكة وفرماج

[omjoujou]

المشاركة الأصلية كتبت بواسطة الرجاء الاماني المجد

مساء الخير ام جوجو وفضيلة وشراكم
ام حبوبة مبنتش
المعلمة الجديدة بصحتك التحوس

يسعدلي مسائك حبيبتي الرجاء راني مشفتش الخبز لي درتيه وشمن صفحة حطيتيه
نضم صوتي لصوتك ام حبوبة مبنتش زعمة وش كانت دير من ورانا

المشاركة الأصلية كتبت بواسطة أم ماجد

حبيت نحط شوية طيايات للاسف الميكرو فسد وانا من ميكرو محمول الان نطالع بصعوبة ماحملتوش خلاص
اعدريني حبيبتي مولات الكوزينة

ان شاء الله تريباري الميكرو تاعك قبل متخلاص كوزينتي ونشوف طيابك نموت ونشوف الصور تاع اطباقك ام ماجد

[دائمة الحمد]

حبيبتي سوسو شكرا على المعلومة وراح نقول لسي السيد يجيبلي عسل التمر
واحيانا حبيبتي لما يكونو الصور كبار ما تتفتحليش الصفحة تتبلوكا خاصة وانو النت عندي ضعيفة

البحر الصافي هذا راه بروكلو باني او شوفلور كيما تسموه اسمحولي راني نحب نستعمل لهجتي في الكلام



بعد لا تنظفي البروكلو وتقصيه زهرات تحطيه يطيب في الماء مع شوية ملح وسنة ثوم وما تخليشو يطيب خلاص لازم يبقى شوي حاكم روحو
لما يطيب صفيه وحطيه يقطر
في صحن غامق ديري 2او 3عظمات حسب حجم الراس تاع البروكلو +شوي ملح +ثوم مرحي مع كمية افاح+كمون مرحي +فلفل اكحل للي يستعملو انا مانطيبش بيه +2ملاعق فرينة
وحطي زهرات البروكلو بالوحدة في الخليط ثم في الشابلير واقليه في زيت ساخن وقطريه وقدميه بالطريقة المناسبة

وهذي راهي سفيرية البروكلو




طيبي البروكلو في الماء كيما الطريقة الاولى وتخليه يطيب مليح تصفيه تخليه يقطر وارحيه بالفرشيطة برك +ملح وما تكثريش الملح +فلفل اكحل +كمون +ثوم مدروس مع افاح +ربع ملعقة صغيرة موتارد+عصرة قارص ولي يحب الحار شوي هريسة+معدنوس مقطع رقيق+2 او 3 ملاعق فرينة وكي يكون وقت البصل الاخضر قطعي شوي من المنطقة الخضراء رقيق تعطي فيه بنة كبيرة فرماج رابي او قطع فرماج وخلطيه مع بعض وهزي بالمغرفة واقلي في زيت سخون ما تقلبيشو حتى يبدى يحمار اذاكان تحل راه ناقص فرينة زيدي شوي لما يتقلى حطيه يستقطر
وتكوني مطيبة صوص باللحم خاثرة شوي اذاكانت الصوص بيضاء ديري معاها شومبينيون اذاكانت حمراء ديري حمص مرنخ
لماتطيب لاصوص قدميهم بالمعدنوس والقارص

[الرجاء الاماني المجد]

ام جوجو هدا هو الخبز

[البحر الصافي]

المشاركة الأصلية كتبت بواسطة samira135

هاهي ليك طريقة تصغير الصور سااااااهلة ماااااااهلة

مش عارفة اذا تبانلك الصور ولالا اذا ما بانوش نحملهملك واذا ما فهمتيش راني هنا

فيه موقع مثل الفوتوشوب تلاقوه على هذا الرابط تقدروا تستخدموه لتصغير الصور او تكبيرها

https://pixlr.com/editor/


لما تضغطي على الرابط تطلع الصفحة الرئيسية فيها الخيارات التالية

اضغطي على الموضح في الصورة حتى تفتحي صورة من جهازك



راح تفتح صفحة جديدة فيها ملفات جهازك اختاري الملف اللي حفظت فيه الصورة وعادة تكون في مجلد الصور



من خاصية image اختاري image size اي حجم الصورة



وخلي عرضها اكثر شيء 600 بكسل وممكن تصل حتى ل 700 لكن لا اكثر حتى ما تطلع كبييرة كثيير



وحتى تتاكدي من حجمها الحقيقي لانه احيانا تظهر صغيرة خاصة لو فتحت صور كثيييرة مرة وحدة اضغطي على التالي



واخيرا احفظي الصورة




اضغطي على ok





وهنا اضغطي على save






تقدري تغيري واجهة الموقع للعربية





وهذه النتيجة صورة صغيرة ومرتبة

بارك الله فيك اختي لكن الصور لاتظهر
راني جربت ونجحت في ميزان حسناتك

[أم ياسين الزهراء]

اللي سقسات على صور فلة تاع قاطو اسبنيول راهم عندي شوي صور بصح صابريني كينقعد نحطهملك واكيد ماشي مع الويكاند مشغولة بصح ماننساكش اختي

اهلا ام ماجد ليك وحشة

ام هديل ام جوجو منهنا عندنا راكي غالطة هههههههههههههه

دائمة نموت على البروكلو خاصة كيصبح امممممممممممم

نزنق شوي واسمحولي مانراجعش عجدزت صح

[omhadil]

المشاركة الأصلية كتبت بواسطة الرجاء الاماني المجد

ام هديل مساء الفل وشراكي

مرحباااااا اختى الرجاء الامانى ومساءك منور انا رانى بخير وانتى واش احوالك
واش درتى عشاك

المشاركة الأصلية كتبت بواسطة omjoujou

ههههههههههه انا من باتنة
انا بنت عمي راهي في دار باباها مزال مراحتش لدار زوجها وانا لقيت عندها عجوزتها ومرت سلفها
زعمة راح نصور السنية تاع القهوة لي حطوها بصح حشمت من عجوزتها خخخخ

لوكان عرفت انك من باتنة مايدخلنى الشك ههههههه
والتصاور اكيد ماتقدريش تصورى قدامهم تحشمى
المهم مبروك عليها وربى يهنيها لعقوبة لكل واحدة يارب

[omjoujou]

المشاركة الأصلية كتبت بواسطة الرجاء الاماني المجد

ام جوجو هدا هو الخبز

الرجا الاماني خسارة مخرجتليش الصورة