السلام عليكم مرحبا بكم معي في الكوزينة147 شعارنا نعم للتفاؤل - الصفحة 50

x ام رحاب x · 2015-10-06, 08:04

ام حبوبة صباحو حبيبتي واش راكي

باسم وبيسان · 2015-10-06, 08:04

اقتباس:

المشاركة الأصلية كتبت بواسطة Oum Habouba

السلااااام عليكم صباااح الخيرات والمسرااات حبيباتي
الاماني المجد ام جوجو ليزااا ام امينة ام وابننننننننة داااااائمة الحمد شحال نفرح مين نشوفك حطيتي القهوة
زهرة الريف وام هبوبة منورات وام باسم وبيسااان وام سارة و ام ساااااجد واختي ss علاه تصعبي عليا اسمك ما عرفتش نقوله هههه
بالنسبة للتطبيقات واش رايكم كما اقترحوا الاخوات تطبيق للخبز تعرفو حنا غي تاع خبز وكل وحدة تختار الي يناسبها
وتطبيق مايونيز الاخت سماااح ولا اروع وصفة مضمونة ساهلة ويرجع ليكم الامر بالتوفيق

صباح الخير ام محبوبة انا ارانى ماك على الخبز بصح ميوناز سماح منقدرش ماعنديش لبرا اه نخدمها عندى مكسووور مالفة ندير بيه

أم ياسين الزهراء · 2015-10-06, 08:07

يوصل ام رحاب راح نستنى حتى لعشية ونعيطلها لان نورمالمو تخرج

دائمة الله يشافي الغالي وربي يشافينا الكل

نروح نتكى شوي استراحة محارب

ام عبدو و ملاك · 2015-10-06, 08:08

اقتباس:

المشاركة الأصلية كتبت بواسطة oum habouba

صبااح الفل ام ياسين يا درا كاش اخبار على ام تاج باينة بايتة مع واغ واغ واغ مسكينة الله يشافيها ويقومها بالسلامة
المعلمة الجديدة كي راكي اختي الله يعاونك ممكن تديري محاشي او تديري لوبيا او تديري قراتان

اقتباس:

المشاركة الأصلية كتبت بواسطة x ام رحاب x

السلام عليكم ورحمة الله وبركاته
كي اصبحتو حبيبات قلبي
دائمة الحمد الله يشفيك ويشفي الحبيب الغالي وريح بالك حبيبتي
ام جوجو مبروك على اختك بزيان السعد عليها
ام عبدو وملاك الله ايكون في عونك والله السبيطار ايعي اديري ليسوب ولا شطيطحة جاج ولا كاش ليقراتان ربي يعينك حبيبتي وربي يسهل عليها بالشفاء يارب
ام ياسين كاش اخبر على ام تاج امانة سلميلي عليها

ربي يعيشكم خواتاتي بالاك ندير شوفلور في الفور ونخبز كسرة
ايا نخليكم نروح نبدا اشغالي و ضربة ضربة نطل ما نصبرش عليكم هههههههههههههههههههههه

zahra30 · 2015-10-06, 08:08

صباااح الخيير عليكم كااامل ونهاركم مبارك باذن الله
ادخلت نيشان للصفحة الاخيرة باش نسلم عليكم قبل ما ينوضو الصعاليك انتاوعي او بالاحرى صعلوكاتي ههههههه
دائمة الحمد ام ياسووووو ام حبوبة ام عبدو وملاك لم سارة اك جوجو ام باسم وبيسان ووووووووووو الكل الكل صبحكم الله بالخير والعافية ونهاركم زيييين ان شاء الله
ام تاجو زيدت ؟ واش من طمامن

باسم وبيسان · 2015-10-06, 08:08

دائمة الحمد ربى نشالله يريح بالك ويشفيلك العزيز الغالى وهنيك ويهنى دارك وبقى عليك الستر ههههههههههههههههههههه
ام رحاب صباح الخيروشراكى رتاح صبعك
المعلمة ديرى كما قاتلك ام رحاب شطيطحة ولا جارى بيض بالفارمسور والكفتة حاجة خفيفة اللوبية درلها المصران وشبيك ام حبوبة هههه

دائمة الحمد · 2015-10-06, 08:08

ام عبدو ديريلها قراتان كيما قاتلك ام حبوبة تاع لوبيا خضراء راهي خفيفة وصحية
والدي لما كانت في منتجع صحي في تونس كل يوم لازم اللوبيا الخضراء تكون اما طبق رئيسي او مرافقة لاحد الاطباق
او اعملي قرتان بطاطا وفرماج ومعاه لحم مرحي او دجاج طايب ومفتت وديريه بالحليب يجيها اخف من الكرام فراش

دائمة الحمد · 2015-10-06, 08:11

امين حبيبتي ام باسم ويفرح قلبك ويهنيك
ام يس راه النهار طلع من واش راح تستريحي كنت راقدة هههههه
والله تعجبيني كي تقولي نتكى شوي
زهرة صباح سعيد ام تاج زيدت وشبعنا زرير ولا طمينا كيما تسموها

باسم وبيسان · 2015-10-06, 08:11

حبيت نسقسيكم سخفتوووونى على اللوبية ياسمينات خخخخخخخخخخخخخخ
ومعنديش حتى بعد يشريلى وانا مالفة نرنخة فى الماء قبل فليل باه الطيب وانتوما ترنخوها ولالالالالا

دائمة الحمد · 2015-10-06, 08:12

نروح لاشغالي
راني نخدم بسياسة المراحل
نخدم شوي ونرتاح ونجي نطل عليكم

دائمة الحمد · 2015-10-06, 08:13

ايه ام باسم لازمها تترنخ باش تجي صحية وهابية ما تضرش الكولون

Oum Habouba · 2015-10-06, 08:14

هدا تطبيقي للمايوناز ما تقطعش بزاف مليحة باش ما تطولش بزاف

ام باسم وبيسان والله دوماج ما عندكش قولي لام وابنة تسلفلك نتعها شرات واحد الباح خخخخخخ

omjoujou · 2015-10-06, 08:14

دائمة الحمد خرجوا التحاليل لي درتيهم؟؟؟؟؟وش قالولك عليهم؟؟؟؟؟ ربي يشفيك
ام رحاب لعزيزة تاعي يبارك فيك حنونتي ولعقوبة لوليداتك
المعلمة الجديدة ديري شربة تاع فريك وخبز الدار وزيدي اقلي شوي لحم
ام حبوبة برا ميكسور تاعي مكسر ان شاء الله يديه زوجي يريباريه في اقرب الاجال ونطبق المايوناز تاع سموحة
ام باسم وبيسان يسعدلي صباحك ونسيت نقولك المرقاز تاعك خرج هايل وباين ذوقو اروع بصحتكم وش راح ديري غذاك؟؟؟؟؟
ام ياسين سخفتيني في الشيفلور بلك غدوة نعاندك ونديرو
ربي يعينكم كامل
سلاااااااااااااااااااام

wahibaazel · 2015-10-06, 08:16

صباح الخيرات
دخلت على الصفحات الاخرين لقيت اختنا ام تاج سلكت على خير مبارك عليك حبيبتي وربي يهنيك بالمولودة الجديدة .

Oum Habouba · 2015-10-06, 08:18

ام بيسان انا شحال من مرة في حال الطوارئ نطيب اللوبيا بلا ترناخ وتطيب عادي شوالا هي ماتزيدش كيما المرنخة يعني زيدي شوية على العبر اللي موالفة تديريه
ام رحاب امنا الحنووووووووونة صباحك مبارك ومعطر بذكر الرحمان الله يفتح عليك ويحفظلك كل غالي يا غالية