كوزينة 113 كوزينة متعونا بابداعكم

[عازفة الناي]

سلام لبنات
راكم كلكم تووووووووووووووووووووووووووووووووووووووووب
ام ماجد نستنى في غداك هههههههههههههههههههههه
غدايا بطاطا بالبيشاميل اممممممممممممممممممممممممم
عجبتني باقلاوة ام اماني واااااااااااااااااااااااو وعندي لوز راني نخمم نديرها

[lyzzabel]

المشاركة الأصلية كتبت بواسطة wahibaazel

البنات صح غداكم كامل حبيباتي، ماشاء الله عليكم كامل واش حطيتو، وشكرا على التشجيعات ربي يحفظكم، اختي المازة المعذرة الجايين أن شاءالله نعود نكبرهم، ليزا العزيزة تفضلي:
من حافظ على أذكار الصباح والمساء وأذكار بعد الصلوات وأذكار النوم عد من الذاكرين الله كثيرا.
الأذكار للنووي

مشكووووورة وهييييبة جعله الله في موازين حسناتك و صح فطورك

ام امانيييي صح فطورك غاليتي

[ام نهوله]

نهال اطاقك مممممممممممم بصحتك
ام الاء انشالله قلب اللوز يصدقلك هكذا باش تذوقينا
ام وسيم ربي يخليلك الام تعيش و تجيبلكم و ربي يرزقك بسكنى بصح علاش ما تدخلش راكي قنطتيني ربي معاك

[ام نهوله]

ان غدايا لوبيا و زدت درت العجينه السحريه نصفها بيتزا لاولادي و النصف الاخر درتهم ليبينيي
واش نقوللكم عجينه رائعه ربي يخلي مولاتها

[بصيرة2]

السلام عليكم اخواتي ربي ينوركم ويفرحكم عندي سؤال في الدردشة خاص بالغسالة جاوبوني سلمكم الله ونوركم وعطر ايامكم امييييييييييييييييييين

[om wassim]

ربي يحفظك ليزا حتى انا تغيضني و طيحلي الدمعة كي جي غير قدام الباب كانت تدخل عادي بصح عجوزتي تشنف مايحبوش الناس
و شافو راجلي فرحان باهلي خاصة انه وقفوا معاه بزاف لكن لقاو الفرصة كي كنت نتوحم كرهت زوجي و تناقشت انا و هو و كانت هذاك اليوم جات عندي ماما و بابا قاتلو عجوزتي لراجلي يماها راهي جي بزاف غير باش تحرشها و تعمرلها راسها كي سمعو دارنا من عندهم هاد الهدرة خلاص ولاو مايدخلوش و يعجبك دوك عجوزتي ولات تقولي وعلاش ماجيش يماك ماعليش ربي يهديهم
ناس داري ماعندهمش والديا عاونوهم بزاف حتى ماما غاضتها عجوزتي و شراتلها ماشينة تاع الحوايج و كل ما تقضيلي تقضيلهم كيف كيف و و و و
المهم حكيتلكم قصة حياتي قلبي راه معمر و انتوما خياتي علابيها زادلي الكولون راني نخمم كي نولد كيفاه هنا ماكاش لي يرفدني و راجلي ما نعرف لايخليني نروح لدارنا راني على ناااار
ربي يهدينا و خلاص

[ام نهوله]

و هادو ليبينيي مممممممممممم نموت عليهم و فارغين لداخل

[ome loudjeine]

صح غداكم كامل.
هدا تطبيقي للعجينة السحرية تاع ام اماني درت بيها خبز باغيت وخبيزات صغار.
غدايا لوبيا نسيت ماصورتهاش وسلاطة وديسار والحمد لله.

[Omrihem]

[rahma2014]

مساء الانوار والسعادة و الحب في طاعة الله على احلى صحبة يعطيكم الصحة كامل واش حطيتو راه 444444 ام كاميليا كلامك روعة ام ماجد فكرتيني في ماما ديفورماتلي يديا من العجين وهيبة مشكورة على الحكم واخيرا ربي يدوم هذه اللمة

[ome loudjeine]

ام وسيم حبيبتي ربي يخليلك والديك ويحفظهملك وربي يهدي دار راجلك ان شاء الله يفرج ربي عليك بسكنى وتفرحي وتستقبلي اهلك وتكرميهم.
بالنسبة للزيادة ماتحطي والو في بالك ربي حنين كريم ماتدريش من لهداك الوقت واش يكون ربي يكملك حملك ويسلكك على خير ويفرحك بالبيبي.

[مياسم75]

صح غداواتكم وربي يبارك لكم في رزقكم
غدايا عيش بطلب من الأولاد
شفت كلش الله يبارك بصح ما قدرتش نعلق راسي ضرني هاذو يومين وانا بيه
شفيت على رفيف ربي يشفي أمك عاجلا غير آجلا يارب وتفرح بالبيبي نتاعك يارب
ام وسيم والله الدمعة طاحت على كلامك ربي يفرج عليك عاجلا غير اجلا وتفرحي ميمتك يا رب

[ome loudjeine]

زينب يعطيك الصحة على الوصفة ان شاء الله نجربها.
رنيم يعطيك الصحة على الغداء.
نيهال كلشي حطيتيه هايل.
ام الاء ان شاء الله يصلحلك قلب اللوز تاكلوه بالصحة.
حنان انا جربت الباناكوطا عندي مدة وماصلحليش واحد ماكلاه جاني كارثة شكيت فلاكرام فراش.
ام نهولة بصحتكم البيتزا والبيني يشهو.
ام ريهام واش راكي حبيبتي ويسلم يديك على الغداء.
رحمة مساءك فل وصح غداك.

[Omrihem]

صح غداكم حباباتي غدانا اليوم حوت في الفرن مع الارز ومطلوع الفرينة وصفة ام ميتا وخبيزات السميد وصفة شيبيبا

[مياسم75]

شكراااااااااا ربي يجازيك انتظري التطبيق بإذن الله

المشاركة الأصلية كتبت بواسطة زينب 83

مياسم حبيبتي شوفي

جبت 4 كيسان حليب ، انا بدلت كاس بكريم فراش و اذا انت ماعندكش عادي ، و زدت 2 مغارف معمرين نشاء ، و نص كلس صوص الفراولة و حركت مليح و عطيتهم على النار حتى خثارو لكن ماشي بزاف يعني تبقى سائلة باه جي soupleماجيش ثقيلة و خلطت مليحة ملعقة فاني و ملعقة ملء زهر و خلطت مليح و حطيتهم يبردو و مباعد زينت بصوص الفراولة لي بقات، انا مادرتش السكر لانها جاتني حلوة و انت اذا حابة تزيدي زيدي ، لازم تحركي المهلبية حتى طيب باه جي ذائبة مافيهاش الحب و مالازمش جي عاقدة بزاف

صوص الفراولة

كمية من الفراولة تقريبا نص رطل مقطعة زدتلها ثلث كاس سكر و وشوي ماء قيس ما غطاها و طيبتها حتى عقدت

الصوص جي كيما هذي