الجزء 72 من واش طيبتي اليوم????

[lahna moka]

باتيلا عجبني البرتقال كيفاه درتيه و غيرتيني بيه هههه
الامنيات بصح المقارون و السردين و الدلاع مممممممممممممم و ماكلتك ممم يعطيك الصحة
أم رياض غاليتي ههههههه أنا ساكنة بعيدة على البحر ب90 كم هههههه و اللي يبانلك ماشي بحر هاذاك غير شوية ساحل فيه واد, و على الكسرة ربي يحفظك عينيك الشابين و الحميس انا كي يطيب نهرسو مممممممم
أم ياسو ربي يحفظك غاليتي لوكان جيتي هنا و الله نديرهالك على عيني و راسي
أم ماجد البغرير رووووعة سلمت يداك و ربي يقوّيك
منال بالنسبة للمواضيع هاذوك في الموقع ماشي منقولة لاخاترش أنا شفتها من قبل و راسلت أم كوثر قالتلي هاذي خدمة بين الجلفة و هاذاك الوقع
أم اناس موااااااح كبيرة ليك
زهرة يا زهرة كلشي روووعة و طياباتك يعجبني

[راجية غفران ربها]

لبنات لي طلب فقط اريد ان اصنع لي بلاكار نتاع الكوزينة و ليزيليمو و لقيت ثلاث انواع نتاع مادة الصنع لقيت

ميلامين امدياف و القلوص سؤالي و رجائي هة شكون فيكم خادمة بهده الانواع و ويناه لمليح و يقاوم ميديتي و الما و البخار من فضلكن افيدوني و ادا مافيهاش ازعاج صورولي لي مودال تالعكم و الف شكر مسبقاااا

[راجية غفران ربها]

شكراااااااااا ليك لهنا على الافادة و الله نخلعت

[راجية غفران ربها]

هاي ليكم باه تتقهواو

[zahra30]

هذي مقارونة بالبيشامال






وهذا غدانا اليوم






وهذي المرقة انتاع الطعام


وهذا التشيز كيك انتاع ايمانوووو الله غالب درتو البارح في الليل واليوم القيتو مازال ما شدش روحو ؟؟؟؟ المهم رجعتو في الكونجيلاتور امبعد ونشوف حالتوووو

[kaouka]

mahabouch yithamlouli sowar

[zahra30]

شكرااااا لهنة ربي يخليك هذا من ذووقك و ربي يتمملك على خييير ونفرحو بيك ومعااااك
نروح نوزع شوية ايونات ونرجع ما نحبش الاقتباس الا للضرورة هههههه

[أنواار الإيماان]

بصحتكم كامل واش طيبتو

جبتلكم قاطو ام اماني راااااااااااااااااائع مااااااشاااء الله






ومثلحات ممممممممممممممممممم راني جبت شوية وجيت لكم ماحطيت في صحن ما والو مبااااااشر من موقع التخلاط ومن امام الميكرو هههههههههه لي تحب تمد يدها

[R I A D]

المشاركة الأصلية كتبت بواسطة أم ماجد

و صديقات ام ماجد واش ياكلواااا ....ديريلنا السفنج برك فيها بركة
اه يا حبيبتي انتوما الصح نقلشكم ونزيد جابلنا الشيخ اللحم تستاهلوه هيا اشرطوا وانا ننفذ

الله يبارك ...كريمة بنت كرماء ...مش غريبة عليك حبيبتي....
انا حابة ناكل شخشوخة الظفر وشكرا لك و يعطيك الصحة

المشاركة الأصلية كتبت بواسطة batila137

riad ارواحي هنا
ضرك تعطيني وصفه السباقيتي صوص بولونيز!!!!!!!! معوله ندير سباقيتي للعشا نمووووووووت عليه سيغتو كي يعذبني في الماكله هههههه نسوفري باه تاكلو بلا ما ننسى الأصوات المزعجة بصح هاااااااايل

هاكي باتيلا : هذي وصفة ماشي محرفة وصفة ايطالية

قلي حبة بصل و مبعد 2 سنات توم ثم ارمي اللحم المفروم و قليه معاهم و ابقاي امعسيه بالفرشيطة باش ما يكعبرش حطي عليه من الماء الي راهي تطيب فيه السباقيتي " 2م و لا 3م ك"
حطي عليهم الصوص طوماط" انا نشريها واجدة مخدومة بالحبق"...انت ارحي الطماطم بلا قشور وزيدي 1 م ك طماطم مصبرة و ملح و ف. اكحل و شويييية زعتر و شويية بازيليك "الحبق"
و نقصي للنارخلااص و خليهم يطيبو
حتى تنقص الصوص و يتبخر الماء و يطيب اللحم المرحي

السباقيتي بعد ما غليتها و قطرتيها حطي لها طرف زبدة
قدمي السباقيتي في صحن و صبي فوقها الصوص بولونييز
وزيني بورقة حبق في النص


و هاكي الوصفة المحرفة انا حرفتها و راهي ساهلة
حطي الزيت في المقلاة , قلي اللحم المرحي كي يبدا يتلون حطي له3م ك ماء السباقيتي , ثم حطي الطماطم المرحية و طماطم مصبرة و ملح و فلفل اكحل و خليهم على نار هادية حتى تتسبك مليح و خلاص , كلها تديلي قولي وحد ال10 دقايق

واذا كاينة صوص طوماط تتباع ديريها هي خير خاطر تجي شوية خاثرة مليحة



جربي الي تعجبك و بصحتك مقدما

و يا ربي تعجب باتيلو و يفرح بيك

المشاركة الأصلية كتبت بواسطة أم إناس

صحه غداكم اخواتي.
ام ياسين بصحتك المطلوع والرخساس
باتيلا اممممممم يعطيك الصحه فحله
رياض غاليتي بصحتك السباقيتي.
لهنه حنونه غداء ضريف خفيف هذا لي يعجب اممممممم صح ليكم
الامنيات بصحتك المقرون.
ام ماجد يعطيك الصحه على الرغيف وصح غداك ومبروك عليكم السيارة. بالبرك عليكم
بقالي المسفوف. من البارح قطعت عليه فلفل وطماطم اممممممممم بنه المهم من الصباح وانا نستنا في السيد يجئ. يدي البنات لسيرك. والحمدولله

الله يسلمك عزيزتي و بصحتك المسفوف بالرايب و بصحتك واش طيبتي كل شيء

المشاركة الأصلية كتبت بواسطة lyzzabel

سلاااام حبيباتي صح فطوركم كامل و ربي يدوم عليكم النعم
هذا فطورنا اليوم السفة الزبيب و البيض و التمر و السكر و معاها اللبن و الحمد لله على نعمه حمدا كثيرا


وهذا عشانا تاع البارح المخ بلاصوص تومات و لا بيري و الحمد لله




حبيباتي من بعد نولي انشالله و نراجع

اللهم انت السلام و منك السلام تباركت يا ذا الجلال و الإكرام

ممم ليزا السفة تهببل و زينتيها على الكيف بصحتكم حنونة
و المخ يبان يشهي تاكلوهم بالصحة و الهنا على قلوبكم

اللهم اني اصبحت على فطرة الاسلام و على كلمة الاخلاص و على دين نبينا محمد صلى الله عليه و سلم و على ملة ابينا ابراهيم حنيفا مسلما و ما كان من المشركين

[lyzzabel]

بناااات يعطيكم الصحة كاااااامل شفت طياباتكم كلها تشهي كل وحدة باسمها راني عارفة غادي ننسى كاش زوج ولا ثلاثة و يغيضهم الحال بصحتكم حبيباتي
منال واه انا تاني شفته و لقيت قاااااع مواضيعي منقولة تما و لي هناني ان الأخت مخلية اسمي فالعناوين و ما نقصت ولا حرف او كلمة مالوصفات عرفت بلي كاين علاقة مع منتدانا الغالي علابيها ما هدرتش عليهم قاع
نهال اللللف مبروووووك لمحمد ياعمري يستاهل الفوز ولو ان كل الأطفال ابتساماتهم بريءة و راءعة و العقوبا لنهار تفرحي بنجاحاته فالدراسة
باتيلا ييييي حبيبتي أدي الصحن تاع السفة و معاه اللبن راه مخلط مع الرايب ممممم مام انا كي نتوحم على حاجة نقعد نبغيها حتى للأخير ههههه
ام انوستي صح كي تتوحمي على حاجة بسيطة تجيك أحسن من أكل المطاعم خمس نجوم هههه وانا تاني نعيف طيابي نتشهى تاع وحدخرا
ام يس و ام زاكو بارك الله فيكما على المعلومة و جعلها الله في ميزان حسناتكما
حبيبتي ام رياض ربي يخليك و بصحتكم السباقيتي بلاصوص بولوناز ممممم

لا حول ولا قوة الا بالله

[lahna moka]

الادب العربي حبيبتي تعيشي وصفة المثلجات سخفتني بيهم أم برهوم و ماعطاتنيش الوصفة أيا طيحي بيها حلوتي

[راجية غفران ربها]

لبنات لي طلب فقط اريد ان اصنع لي بلاكار نتاع الكوزينة و ليزيليمو و لقيت ثلاث انواع نتاع مادة الصنع لقيت

ميلامين امدياف و القلوص سؤالي و رجائي هة شكون فيكم خادمة بهده الانواع و ويناه لمليح و يقاوم ميديتي و الما و البخار من فضلكن افيدوني و ادا مافيهاش ازعاج صورولي لي مودال تالعكم و الف شكر مسبقاااا

[zahra30]

لبنات بديت بالصدفة على ص 40 القيت الزلابية انتاع ام ماجد اممممم تبان هايلة والذوق يادرى كيما انتاع برى ؟؟؟؟ بصحتكم
لهنة ماشاء الله قاطو نص بنص هااااايل واعجبني المنظر الطبييعي بصحتكم ينحي على القلب واغروووم ثاني نقولوها احنا بالشاوية ههههه
رياحييين شفتك اهنا بصح واش راهي ندى دارت العملية ولا مزال ؟؟؟؟؟
لبنات نخليكم عيطتلي جارتي لعشية تجي تدي حوايجها رقعتهم بالماشينة زعمة تفاهمنا على غدوة واعععععع
تفضلو هذو امبعد ان شاء الله





وهذو التميرات

[راجية غفران ربها]

كيما هدوما

[~اسيل ريحانتي~]

نهاركم مبروك حبيباتي
وصح غذاكم يعطيكم الصحة
هذا واش درت ليوم

الحمد لله على النعمة