الجزء29 من واش طيبتي اليوم؟ - الصفحة 50

إلهام07 · 2013-09-28, 09:12

هيا الحمد لله كي لقيتيه من لصباح وأنا نحوس في قسم الوصفات المقولة لاخاطر كاين وحد كيفو المهم لقيتيه

أم ماجد · 2013-09-28, 09:17

واش ناويين للغدا بنات ؟

أم محمد تاج · 2013-09-28, 09:29

لهووووووووووووووووومة راكي تفطري بالغريبية ولا بالبان كايك ولا بقاطو الطبقات هيا قولي؟؟؟؟
أم ماجد راسي مفريني حاصلة واش راح ندير للغدا واااااع

أم ماجد · 2013-09-28, 09:33

انا اليوم الشيخ غائب في العاصمة واقيلا نشري جاهز وننفض روحي
شجعوني نحط بعض تطبيقاتي الكسل الكسل واعععععععععع

maloo · 2013-09-28, 09:41

إلهام07 · 2013-09-28, 09:43

ههههههههههههههههه مالو ضحكتيني ههههههههههههههههههه

أم محمد تاج ماهي حتى وحدة أصبري دقيقة نحمل الصور

أم ماجد دواك عندي تنشطي بغرضك لا نجي نداويك واش قلتي ؟

أم شيماءْ · 2013-09-28, 09:48

صباح الخير لبنات وشراكم كنت في العرس والله روععععععععععععععععععععة
لهومة الصالو تاعكم يهبل قولولي احسن وصفة تاع سفنج رايحة نديرو لجارتي تتوحم وبسرعة

oum ibrahim · 2013-09-28, 09:50

صباح الخيرا بنات

maloo · 2013-09-28, 09:54

اليوم غذايا ا ن شاء الله

راهمes mexicainsا انتاع فيوزة

أم محمد تاج · 2013-09-28, 09:56

صباحوووو أم برهووووم
مالوووووووو ههههههههههههههههههههه إذا أربع ملايين راه رخيس عندنا في باتنة خخخخخخخخ
لهووومة حطي لا نجيك
أم ماجد شوي همة أنفضي الغبار وهاي ليك الساحة

إلهام07 · 2013-09-28, 10:04

البارح في الغداء بقالي حساء الجبن من عشاء الخميس وزادت قلات ماما شوية فلفل حلو والخبز نسى بابا ماشراش زحنا ماعندناش السميد ولينا نحوسو على طراف الخبز اليابس وناكلو ههههههههههههههمليح الشر ساعة على ساعة هههههههههههه باش الواحد مايطيرش خخخخخخخخخخخخخخخخخخ

العشية ماما وأختي خرجو لقيت رايي في الكوزينة شوفو واش درت :

1- طبقت وصفة أم كوثر نتاع القناوية :
يالهوي ....يالهوي على البنة ممممممممممممممممممم ناكل ولساني يرقص من الفرح هههههههههههه
هاهي طايبة وصلصة خاثرة وبنينة باللحم البقري وماتفتحتليش وما تهرستك لاخاطر ماحركتهاش

2- كي قريب توجد لقيت باللي ماكانش الخبز قاتلي ماما ديري قرصة كسرة بصح تكون كبيرة تقول رايحة توكل الجيران ( سخفت عليها هههههههه ) بصح قاتلي نحوس على كسرة السطايفية ( ماما ماشي سطايفية ) حنا نديرو الرخسيس جي مبسسة تهبل والسطايفية يديرو وحد الكسرة فيها غير شوية زيت كي تكون سخونة بنينة بصح كي تبرد لو طارشي بيها واحد تدخلي فيه للحبس قاتلي نحوس لى اليابسة مابغيتش المبسسة أفهمو مع هذو العباد
شوفو القرصة قدماه قد الطاجين خخخخخخ وعمري لادرت هذي اليابسة قلت خلي نتعلم فيها ههههههههههه

3- درت مع القناوية قرصة بيتزا عندي أجبان خفت يفسدولي درت قرصة بيتزا :
درتها كي اعادة لحم مفروم +جين طبيعي+ كامومبير + شيدار + جبن أبيض بصح العجينة لبارح جات روعة معمر ثقوب وخفيفة بزاف مع أنو كل شيء كيما العادة

4- سهرنا بالآيس تي مممممممممممممممم درتو بدون تزيين تكاسلت

5- درت في كيكة الرعب ماشي كيكة التوفي نتاع أم أماني ملي بديت ندير فيها وهي رعب حتى خلصت بصح النتيجة واااااااااااااااااااو مممممممممممممممممممم تهبل ورطبة ماشي ناشفة هايلة

قذعتلي 24 حبة لأنو المول نتاعي أكبر من نتاع ام اماني أنا البلاطو 25*33سم وهي البلاطو 26*15سم بصح البنة هايلة

نبدى القصة :
* وجدت كل المقادير وخدمت في البيتران والحاجة اللي نخلص بيها نخبيها كي خلصت لقيت الفرينة قدامي وععععععععععع كيفاش الكيكة بدون فرينة مت باللعة تأكدت والله ماتسعى فيها الفرينة
وليت توكلت على ربي درتها وخلاص
* كي جيت نصب في الباطو لقيت مقاييس البلاطو نتاعها صغير وانا أصغر بلاطو عندي كبير عليها بزاف وليت غامرت درتو وخلاص
* كي جيت ندير الكاراميل قلت والله نندير كيما في فتافيت ياخي يحركو بلاسباتول بديت نحرك والكاراميل يدير في الخيوط واش هذ ا نخرك والخيوط تزيد
حتى قريب ذابت لاسباتول كامل باش انتبهت باللي هوما لاسباتول نتاعهم سيليكون ماشي بلاستيك
المهم رميت هذاك الكاراميل وعاودت واحد آخر

* استعملت كرام فراش ماشي سائلة الخاثرة كي صبيتها خلعت بانتلي كلي دارت كتل كي حركت مدة تنحاو
* وانا نحرك بانلي الخليط جاري خلعت قلت أكيد الكيل راني غالطة فيه ولا كي عادت الكريمة ماشي كيما نتاع أم أماني
* كي بقيت نحرك زمان ذاب السكر وغلات رجع الخليط خاثر
* خليتو برد والو ما حبش يجمد حطيتو على الكيكة ويدي قلبي وحطتها في الثاجة
* وحد النص ساعة طليت لقيتو جمد الحمد لله
* زينت بالشكلاطة وكي جيت نقطعها قالت لا فحلة ونطير من البلاطو مع أنو جديد ومايلصقش
الحبة الأولى تهردت ومن بعد تفكرت قراطوار شراهولي بابا حبيبي كي شافني ندير بزاف لي تارت هايل طارو الحبات ثم ثم

المهم فيلم رعب والنتيجة بنننننننننة وخفة ممممممممممممم:19

تستعرفة بديت على 18.30 على 21.00 كان العشاء واجد وحدي في الكوزينة

:

ام عبودة · 2013-09-28, 10:06

صباااااح الخير واش راكم
انا راني كنت عند طبيب الاسنان بصح رجعني للعشية الغاشي بزاف
ام ماجد واش هذا الكسل ما عهدناك هكذا
هيا الهمة الى المئتين ههههههه
انت الاولى وحنا خلفك واش قلتي

ام عبودة · 2013-09-28, 10:12

لهومة وحكايتك حكاية مع القاطو كون جات خيتك في بلاصتك يا بووووه تقتلني عزوجتي بالمعاير ههههههه
انا نخاف نجرب حاجة وانا مع الغاشي دايما نروح للحوايج اللى نحسهم قراب الى امكانياتي التطبيقية ههههه
حقا راني حابة نجرب كيكة فدرة قادر وخايفة حابة ننجح فيها من اول مرة ههه راكم عارفين الكونترول على راسي ما نجمش نرمي للسلاحف

أم محمد تاج · 2013-09-28, 10:12

ههههههههههههههههههههههههه لهومة انت تحكي وأنا نتخيل كل التفاصيل والله فيلم رعب خخخخخخخخ يعطيك الصحة ويسلم يديك وكيكة التوفي ممممممممممم والقناوية صراحة عمري لاذقتها ماستحسنتهاش واشي هو ذوقها؟؟؟؟؟؟

أم محمد تاج · 2013-09-28, 10:13

ههههههههههههههههههههههههه أم عبودة فيلمك يخلع كثر من فيلم لهوووومة خخخخخخخ ربي معاك حنونة