~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[سيرين 5]

المشاركة الأصلية كتبت بواسطة آسيا 25

صباح الخير سيرين و الله موضوع في الصميم أنا عن نفسي راني نعاني خصوصا أني من النوع الساكت حتى زوجي ما نشكيلوش و هوما ربي يغفرلهم ما يرحمونيش خلاص بالرغم من أنهم ماشافو مني غير كل خير حسبي الله و نعم الوكيل.

آسيا راح نحكي بالتفصيل عن الموضوع و ان شاء الله راح نخرجو في الختام بحلول و حنا راضيين

[حياتي كلها امل]

شكرا اختي سرين راكي كلما نحط صورة تخرجيهالي.
بالنسبة لموضوع اليوم انا ساكنة مع اهل زوجي لكن في اتاج قاسماتو انا وسلفتي صراحتا انا عجوزتي وشيخي لباس عليهم وناس ملاح انا لواساتي لشوية واعرين ويحبو يدخلو في كل شيء حتي حياتك الخاصة، باه منكونش ظالمة مشي كامل لكن الاغلبية وانا كيما الاخت الي قبلي منحبش نهدر ومنحبش المشاكل وزوجي نفس الشيء،وسلفاتي ملي جيت عروسة وهي قاتلتهم الغيرة خاصة عندما شفوني مليح مع دار شيخي وعجوزتي تحبني.

[omelbanin]

[SIZE="6"]السلام عليكم حبيباتي ،اليوم نضت شوية روطار نضت نجري ،درت الحليب للاولاد ذهبو للمدرسة ،بعد بعد ما رتبت الغرف ،غسلت الاواني ،ومسحت الفايونس والثلاجة وقلت نداوم هكذا باش يبقاو نقايا وسيقت ا
المطبخ ورحت للخزانة عولت عليها اليوم طلعت فوق المكتب تاع وليدي مسحتها ماافوق ومسحت الفاليزات ،طويت حوايجي وحوايج زوجي، البارح غسلت الجاكيطات خبيتهم ، ورميت ما يجب رميه ،مازلت لاكوموند نتاع وليدي الصغير ممكن العشيا
رحت درت بيتزا وليدي قالي[C[/COLOR]] وجربت شوية بطاطا نتاع سمورة جات روعة
بالنسبة للموضوع ،موضوع صح مهم وممكن من المناقشات نقدرو نفيدو بعضانا

[فراشات العمر]

أأأأأأأأأأأأأأآآآآآآآآآآآآآآآآههههه
تحرقتلي المرقة خصصارة رحت نفضت لعجوزتي وكل ما نقيلها شوية نلقى بانت حاجة اخرى ونسيت لغدا حتى ولا فحم
نستنى الضربة على جنابي وخلاص
بالنسبة للموضوع انا عن تجربتي عشت الظلم والكذب والحقرة وحرام عليا وحلال على بناتنا
المهم خرجت من الدار بمرض مزمن كنت ما نريبونديش لاطنسيو والربو
واليوم دار الزمان ولاو ليا انا لي رافدتهم بعد ما شافو الويل من نسا لوسي لخرين ولات تجي تحكيلي واش راهم دايرينلها
زمان والله زمان عجب

[omelbanin]

[size="6"]حبيبتي فراشات العمر ،والله تقول ركي تحكي عليا ،انا في بداية زواجي عشت معا دار شيخي شفت انواع الظلم،وهوما دار عيال ونخدم غير انا بوختو كانو عندي سلافاتي، كي تهدري يقولك هذيك راهي تربي ،هاذيك راهي تتوحم وانا مرو عليلي قاع المراحل ونخدم وسكت (وحم ،تربية وليدي لكبير كنت ضال نجري في الطبيب ) وهكذا ما رحمونيش ،وشنو كنت نخدم بنيتي نقوم لعجوزتي في عراسها[/ و وسلافاتي تلقايهم يجدو غير في اللبسة .بصح الان الحمد لله عجوزتي كي خرجت ولات تشتعرف بي والحمد الله غير انا في سلافاتي لي راني نسكن وحدي لي يخدم بنيتو ما يخافشsize]

[آسيا 25]

يا خواتاتي أنا مشكلي أني مرا خدامة و نهار جاو خطبوني قالولي دارك وحدك راكي طاج وحدك و بابك بالمفتاح و دروجك على برا و واحد ما يجيك ووووو,المهم دارولي الجنة نهار رحت في السابع تاعي قالت عجوزتي لراجلي أعطيني الدوبل تاع مفتاح الدار نتوما في زوج خدامين باش نعود نجي نفقد ما تدريش واش يصرى!!!!!!!!و دات المفتاح وانا ما عجبنيش الحال بصح سكت من بعد ولات بكل وقاحة تدخللغرفة نومي فرجعت نقفلها بالمفتاح و أيضا استعمرتني في المطبخ لما نكون فالمنزل ما تجيش و ما تعفسش داري أنا نروح نخدم و هي تجي تفتح الباب و تروح للمطبخ و تهز لماعن تاعي تهبطهم بدون استئذان و تهز مستلزمات الأكل من عندي و من بعد كي نقول لراجلي خلصت هاديك الحاجة يقولي أنتي مبذرة و لما نقولو داركم احتاجو هزو يقولي لا ماليا ما يهزوش بلا ما يقولولي!رجعت نغلق على الرافيطايمون بالمفتاح عاداوني و الله يا خوتي ما نبخل كون يطلبوني نعطيهم ماش بهذه الطريقة هادي راهي سرقة هدا واحد من المشاكل فقط.

[آسيا 25]

و نهار نمرض ما يجيوش حتى يسقسيو عليا طاس ماء ما يمدوهوليش;و الحقرة دارو عشاء المولد وانا خدامة ما عرضونيش و عرضو مرت سلفي بالرغم من أني 3 مرات وانا نعرضهم من نهار تزوجت و نكلف نفسي على حساب وقتيالضيق و الأخرى اللي عرضوها عمرها كبرت بيهم و لا عرضتهم!و بالرغم من ذلك عملت عشاء يوم المولد و بعثتلهم منو.
و في عرس سلفي الثالث فتحو داري أنا اللي خدامة و ما فتحوش دار مرت سلفي اللي في الدار و خلاوني حاصلة وحدي ما عاونونيش و قعدت حتى الليل وانا ننظف في المنزل وحدي و غدوة صبحت خدامة و هوما راقدين,ما يديروش القيمة لوالديا جا أبي من العمرة ما باركولوش و كذبو على الناس أمامي و قالو رحنالو!!!!و ما يعرضوهمش في الأعراس,أنا نخدم عليهم و نبعثلهم من أكلي و هوما جامي مؤخرا نفضت داري لرمضان ما جاوش حتى يقولولي نلمو معاك الماء,و خلي و خلي سامحوني ممكن قلقتكم بصح ما عنديش لمن نحكي حاسة روحي مضغوطة بزاف

[loudjaine]

السلام عليكم انا مشكلتي مختلفة نوعا ما انا مع دار شيخي الحمظ لله القرصات كاينين لكن عادي كيما كل دار انا زوجي هو لي ما يتفاهمش معاهم لكن هاذ المرة الاخيرة المشكل كبير و منعني نروح انا و الاولاد انا قلت كاش نهار نروح و خلاص كي نروح نقولو راني كنت في دار باباك ماعلابليش رد الفعل واش يكون انا مقلقة لان هو ولدهم يتصالحو يوليو لبعضهم لكن انا تبقى العداوة كيفاش ندير؟

[حياتي كلها امل]

يااختى اسيا رهو ساري عندك كيما راهو صاري في ديار بزاف اذا شافو العروسة عاقلة وتحشم ومتحبش تقابح يطلعو فوق راسها واذا شافو وحدة واعرة وظل نايضتلهم يقيموها ويدرولها مية حساب.
بصح كاين واحد المثل يقول اذا اكرمت الكريم ملكته واذا اكرمت اللءم تمردا يعني اذا عاملت الناس بالاحسان ورجعولك الاساءة هذوك ناس لاماء
الحاجة لنقولهالك وكلي امرك لله وعرفي ان دنيا دوار وربي ليس بظلام للعبيد ،ومتربحيش العيب مع ملين راجلك لانهم يبقاو اهلو وصدقيني يجي انهار تقعدي تتفرجي

[loudjaine]

اخت اسيا انا نقلك ديري الخير و خلي على ربي (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34). انا نمشي بهذا المبدا العجوز تحب الحنانة بانواعها تخب اللبسة تحب الصوارد تحب الماكلة تحب الخدمة انتي بمقدورك خطرة déodorant خطرة عشاء خطرة كسرة سخونة خطرة 500 da قال اشري بيها شامبوا و كي اكسبي الشايب يوقف معاك قال ابعثي شوي عشاء قال هذا لعمي سقسي على صحتو اشريلو porte feuille اشريلو بشماق للوضوء ولا قندورة قولو تصلي بيها الجمعة ...
السلافات نقلك انا واش يحبو يكونو هما توب الا لبست حاجة حديدة قلها واو زادت فيك النص الا مرضت عندك تقلها ماكان والو قلها ياااا راكي في حالة يحبو اللسان الحلو
و نقلك كثرمن هذا كلو واحد يدعي ربي يهدينا و يهديهم

[الدر المكنون 7]

السلام عليكم ورحمة الله وبركاته
أنا متتبعة للدورة منذ بدايتها الحقيقة استفدت كثيرا مما تقدمونه أخواتي كلكن دون استثناء جعله الله في ميزان حسناتكم

[سيرين 5]

واش نقول أنا يا النساء ؟
والله دخلت لعندهم بالصفاء و النيا
و عجوزتي طايرة من الفرحة بيا
بصح ما كملتش سمانة عليا
حتى عرفت الحصلة لي بيا
ما جازش شهر عليا
عايرتني و قاتلي تبهدلي بيا
زعفت و طلقت شنايفيا
دورتهالي غربة حرشت مالين دار عليا
و لي غاضتني كثر قاتلي ترجعني لماليا

هههههههههههه رجعوني نشعر حبيت نحكيلكم حكايتي هكذا هههههههههههههه باش نضحكو شويا هم يضحك وهم يبكي

[سيرين 5]

واش نقول أنا يا النساء ؟
والله دخلت لعندهم بالصفاء و النيا
و عجوزتي طايرة من الفرحة بيا
بصح ما كملتش سمانة عليا
حتى عرفت الحصلة لي بيا
ما جازش شهر عليا
عايرتني و قاتلي تبهدلي بيا
زعفت و طلقت شنايفيا
دورتهالي غربة حرشت مالين دار عليا
و لي غاضتني كثر قاتلي ترجعني لماليا

هههههههههههه رجعوني نشعر حبيت نحكيلكم حكايتي هكذا هههههههههههههه باش نضحكو شويا هم يضحك وهم يبكي

[الدر المكنون 7]

المشاركة الأصلية كتبت بواسطة loudjaine

اخت اسيا انا نقلك ديري الخير و خلي على ربي (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34). انا نمشي بهذا المبدا العجوز تحب الحنانة بانواعها تخب اللبسة تحب الصوارد تحب الماكلة تحب الخدمة انتي بمقدورك خطرة déodorant خطرة عشاء خطرة كسرة سخونة خطرة 500 da قال اشري بيها شامبوا و كي اكسبي الشايب يوقف معاك قال ابعثي شوي عشاء قال هذا لعمي سقسي على صحتو اشريلو porte feuille اشريلو بشماق للوضوء ولا قندورة قولو تصلي بيها الجمعة ...
السلافات نقلك انا واش يحبو يكونو هما توب الا لبست حاجة حديدة قلها واو زادت فيك النص الا مرضت عندك تقلها ماكان والو قلها ياااا راكي في حالة يحبو اللسان الحلو
و نقلك كثرمن هذا كلو واحد يدعي ربي يهدينا و يهديهم

ما شاء الله عليك أختي عين الصواب
((..ولو كنت فضا غليظ القلب لانفضّوا من حولك ..)) ال عمران

[الدر المكنون 7]

أخواتي أعلم اني خرجت عن المناقشة المطروحة فاعذروني لأني أريد أن أذكر نفسي واياكن أننا في شهر شعبان فلنكثر أخواتي من الصيام قراءة القرآن ومن كل قول أو عمل يقربنا من الله عز وجل
يقول رسول الله عن هذا الشهر " ذاك شهر يغفل الناس عنه بين رجب ورمضان، وهو شهر ترفع فيه الأعمال إلى رب العالمين، فأحب أن يرفع عملي وأنا صائم "