دورة خطواتي الواثقة لأصبح ربّة بيت متألّقة

[جهينة اليقين]

اسيل بصحتك التحويسة والمشتريات راكي كيم انا نموت على الماعن ما صبت وين ندير ههههههههه

[~اسيل ريحانتي~]

ام البنين وجهينة اليقين ربي يخليكم حبيباتي
انا نقطة ضعفي الاواني هههههه عاد مازال نزيد نشري سارفيس تاع قهوة وحليب عجبوني بزااااااااف
اخواتي شفت ماراكمش تحطو تطبيقاتكم كيما موالف حتى انا معاكم ياريت وحدة فيكم توقف علينا تقوللنا واش نطبقو بعد المطبخ انا بقالي غير الكوزينيار ونكمل واش تقتارحو نروحو لغرفة النوم او غرفة الجلوس ولا واش

[~اسيل ريحانتي~]

فراشاتي لازم نرجعو لنشاطنا كيما في الاول مالازمش نستسلمو رانا مسؤولات على دار وزوج واولاد انا اليوم حكمني العجز والكسل بسبب سفر زوجي بصح عاودت تعوذت من الشيطان وراح نرجع لنشاطي كما في السابق هيا فراشات نورونا

[omelbanin]

أسيل، انا اليوم مادرت والو من غير الروتين اليومي، قلت نريح، باش غدوة ان شاءالله، انطلق.
انا قلت كون نبداو غدوة انشالله غرفة النوم. وشوفو انتوما.
جهينة ،حنا دارنا عندهم حانوت تاع لماعن، ارواحي ليا نزورك بكاش سارفيس هههه.

[ام تينة]

سألوها :

لِمَ زوجك يحبكِ ، ولا يرى فى الكون غيرك ،
وهناك من هن أجمل منكِ ؟!
قالت :
... قد لا أكون الأجمـــل.. وقد لا أكون الأروع ..
ولكن إن آذانى زوجى أصفح ..
و إن جاءنى مهموماَ اسمع ..
و إن أعطانى كثيرا أمدح ..
و إن أعطانى قليلا أقنع ..
هكذا علمنّى ربى ..
..الود لا أقطع ..والطاعة لا أمنع ..
ومهما حصّدت شوكا أظل للورد أزرع.. ♥

((ضعي بين عينيك أنه لا يوجد شخص كامل الصفات .. وأنك لن تتزوجي من فارس الأحلام .. و لن تفعل ذلك أي امرأة ، ففارس الأحلام نحن من نصنعه بحبنا و نظرتنا الإيجابية و محاولة غض بصر القلب قبل العين .. كل ما يهم .. أن يكون الزوج على خلق و دين حتى يحافظ عليك و يتقي الله فيكِ....))

[حياتي كلها امل]

بصحتك اسيل المشتريات
انامن رايك لازم منفشلوش ونتعاونو كامل في الدورة وام تغاريد اذا قدرت طل علينا ولو مرة في الاسبوع
انا غدا انكمل المطبخ وراني حابة لو نبداو في غرفة النوم
ولو تتكرم واحدة تحطنابرنامج اسبوعي نمشو عليه في دورتنا اي كل يوم على واش نتحدث

[جهينة اليقين]

ام هارون كي نجي للعاصمة اديني لحانوتكم امالا نبدا من ضرك نلم حصيصة مليحة انا كذلك معاكم في غرفة النوم ونزيدو نفرزو الملابس تاع الصيف والشتاء والزيادة نمدوهم او نصرفو فيهم انا مازال لي جهة تاع بلاكار فالكوزينة عجزت عليها لكثرة المشاغل والله حتى نطيح كااااااااااااااااااااااو

[ام هزار]

حبيباتي راني خليتلكم سؤال في قسم المنزل و متطلباته. يا ريت اللي تعرف تفيدني . و شكرا جزيلا

[omelbanin]

السلام عليكم،هاذيك هيا جهينة ،نبداو غرفة النوم باش فرزو حوايج الشتاءوالصيف.
والاسبوع هذا ،ابتداء من الغد ، اللّٰه أعلم ماكانش الشتا شفت في النت ،نبروفيتيو،نخرجو لفراش والملابس لي كانت مخبية للشمس ولمضربا ولي عندها كاشما فراش يتغسل ،انا ععندي زوج بساطات نغسلهم و لي ديصوند دو لي

[~اسيل ريحانتي~]

كيما قلتو راني معاكم نبداو بغرفة النوم ان شاء الله من تغيير الستائر وتغيير الافرشة ترتيب ملابس الدولاب وتعطيره وتنظيم التسريحة وغسل الحيطان مع الارضية وووووو راكم تعرفو هههههه

[~اسيل ريحانتي~]

تنظيف الثريا ماتنسوهاش ومسح زجاج النوافذ
انا لي سوندلي راني عاد كيف غسلتهم
تصبحن على الللف خير فراشات غدا ان شاء الله

[amel...]

مساء الخير عليكم يا الشاطرات راكم الله يبارك ما شاء الله

انقطعت بسبب انقطاع النت و اليوم راني وليت

ان شاء الله كامل تكونو بخير و الصحة بخير

رايحة نراجع وش فاتني و غدوة تولي لسرب الفراشات ...

اسيل ريحانة عندي ليك مفاجاة غدوة نوريهالك و ان شاء الله نقدر نفرحك

و نطلعلك المورال كيما طلعلي انا

سلام لكل الفراشات و الى الغد ان شاء الله

نروح نراجع شوية

في امان الله

[ام اكرم31]

مساء الخير حبيباتي واش راكم
انا راني معاكم في فكرة غرفة النوم
نظفوها ونزينوها نظربو طله عاى الموضوع السابق تع ام تغاريد راهي دايرة افكار رائعة في تنظيم غرفة النوم

[ام اكرم31]

الحمد للله انا بديت نولي لنشاطي مزال غير الفرز تع الاوراق الموجودة في ادراج المكتب والتسريحة غدوة ان شاء الله نرتب كلش انا نحب نرتب قبل ما نخمل والا المورال يطيح هههه
تصبحوعلى خير اخواتي

[arwa alaa]

السلام عليكم يا فراشات
انا اليوم درت غير روتيناتي اليومية لانو يوم راحة بالنسبة ليا
وراني معاكم في غرفة النوم
وراح نعمل الطوزينة منطقة ساخنة باش نلحقكم