وصفات حراير الكوزينة الجزء الثاني - الصفحة 50

idron0 · 2015-05-06, 11:52

الدهان الحقيقي دائمة الحمد

خرجي الزبدة من الفريجيدار وصبي عليها شوي ماء شليها من الحليب وحطيها على برى كيتشوفيها طرت ميليها يتنحى الماء وخبطيها بيدك شوي +كمية مليحة ملح وزيدي خلطيها بايدك مليح وحطيها في بلارة وحطي عليها الملح من فوق وحطيها في البلاكار تاع الكوزينة واغلقي عليها مليح وساعة لا ساعة طلي عليها فرغي منها الماء مدة اسبوع كي تفتحيها تشمي ريحةالدهان حطيه في الثلاجة كاين لي يزيدولولحشاوش لكن هذا هوالدهان الحقيقي.
ملاحظة :الزبدة الصفراء تاع البقر والبيضاء تاع الغنم وراهي قليلة وغالية وفي اثنين يصلحو .
باش ما يديرش الخضورة ديما فرغي منوالماء وهزي منو بمغرفة نظيفة وشايحة وما تلمسيشو باليد.

idron0 · 2015-05-06, 12:01

كوليي لي فراز ام محمد تاج

نخبط الكرام شونتيي مع باط ياؤورت ذوق فراز او فاني راح تجيني عاقدة نضيف الحليب بالشوي ونبقى نخبط حتان نوصل للقوام لي حاباتو نضيفلها زوج فرماجات ﻻ فاش كي ري يكونو على درجة حرارة الغرفة يعني طريين ونخبط مليح نحطها تبرد مليح
من جهة اخرى نرحي الفراز مع السكر الخشين مليح ونخليه ثاني يبرد
نجي للمونتاج طبقة الفراز وطبقة الكريمة وهكذا حتان نكمل والتزيين اختياري
حبيباتي راح يجيكم طعم روووووعة بي ملوحية وحماضة الفروماج وبين حلاوة الفراز مممممممممممممم .

إضغط هنا لرؤية الصورة بحجمها الطبيعي.

sarah 3 · 2015-05-06, 17:56

Ya3tikom saha wasafat raw3a lah yahfadkom jami3an

idron0 · 2015-05-06, 20:40

وصفة السمبوسك om wassim

2 كاس فرينة
2 م كبيرة لحظة
ملح
3/ 4 كاس شاي زيت
ماء ملازمش جي طرية لازم شادة روحها باش تقرمش
تخليها ترتاح
توجدي الحشو لي حبيتي
انا درت بصل مقطع قليتو حتى تبدل لونو + صدر جاج و فلفل اسود و قرفة ،ملح
كي يطيبو نقطعلهم معدنوس و ندير الفرامج قريار و تاع الحبة يعني لي يكون متوفر
نشكل الحبات ندخلهم لثلاجة يريحو منبعد نقليهم فزيت سخون على نار هاديه.

إضغط هنا لرؤية الصورة بحجمها الطبيعي.

idron0 · 2015-05-06, 21:19

الدهان ام سهام 02

احكمي الزبدة اتاعك وديري لها الماح والماء وخاليها اتبات باه ايذوب الملح غدوى من ذاك اخدميها واعجنيها بصباعتيك ودخلي في بعضهم ومليح امنبعد احكمي بالكمية واعصري امليح بيديك حتي اتشوفي حتي قطرو ما تنزل هكذا حتي تكملي , بلاك مع السخانة ما تقدريش اتلميها دخليها في الماء باااااااارد واخدميها .

إضغط هنا لرؤية الصورة بحجمها الطبيعي.

idron0 · 2015-05-06, 21:23

الهمبرغر ام ايمان 11

هي لاحدى عضوات المنتدى و انا غيرت شوي في الوصفة الصراحة اسهل همبرغر و خفيف و نشكلو تاني خبيزات
المقادير
500 غ فرينة
مغرفة كبيرة خميرة الخبز
سكر+ ملح +نص كاس تاي زيت
ونعجنو بالمائ الدافئ حتى نتحصل على عجينة طرية ثم نخليها تخمر
نشكلها كويرات او خبيزات و نخليها في الصينية ترتاح و نخليها حتى تخمر مليييييييح وندهنها بالبيض و نرش عليها السانوج و نديرها تطيييييب . و شهية طيبة .

إضغط هنا لرؤية الصورة بحجمها الطبيعي.

idron0 · 2015-05-06, 21:41

شباح سفرة اقتصادي ريتاج التيارتية

هايل مانعرف لا تعرفوه ولالا انا ديتو على ماما تخدمو من بكري
كي تطبو الحلو نتاعكم ديرو قطعة تاع صدر دجاج معاه يطيب كي يطيب نحوه وفتوه مليح وديرو نفس الكمية نتاع الجاج كوكوكاو مرحي نضيفلها مغرف صغيرة لافاني وشوي قرفة

إضغط هنا لرؤية الصورة بحجمها الطبيعي.

ونخلطهم مليح ونلمهم ببياض البيض ونشكلهم كرات ونرمدهم في الكوكاو مرحي خشين

إضغط هنا لرؤية الصورة بحجمها الطبيعي.

ونحمرهم في شوي زودة ومن بعد كي نولي قريب نطفي نرميهم في المرقة تاع الحلو يغلو غير شوي ونطفو

إضغط هنا لرؤية الصورة بحجمها الطبيعي.

*بيتي مملكتي* · 2015-05-06, 22:13

السلام عليكم و رحمة الله و بركاته

حبيت نطل عليكم نشوف وإلا نسيتوني ولا مازالت عندي بلاصة صغيورة في قلوبكن
قبلاتي للجميع إن شاء الله تكونوا كاااااااامل في صحة جيدة

أم محمد علي · 2015-05-07, 18:58

جزاكم الله خيرا

idron0 · 2015-05-07, 19:41

غربية الكاوكاو ام سوهيل

عبر زيت او سمن يكون دايب من قبل وعود جمد ,
عبر سكر قلاصي تقص صبع
وحلطيهم مليح حتى يولو كما البوماد
ضيفي عبر كاوكا مقلي ومرحي رقيق وحلطي تما عبر فرينة مقلية وخليها في صفاية بش مدرلكش كويراة ولمي ما تبق بي الفرينة عادي ختي
تتخصلي على عجينة طرية
اما ديريها في مول تع المعمول او كما انا طبعتها بي الطابع وزينيها كما حبيتي
اما الحميرة انا استعملت كيس حميرة الخلوة عي لكن هي في الوصفة متستعمليش كامل الكيس.

idron0 · 2015-05-07, 20:25

طريقة حفظ الخرشف ام ماجد

انا نقيه ونعصر عليه الليمون ونحطو في كيس بلاستيكي والى الثلاجة,او رمديه في الفرينة وحطيه في الثلاجة حتى تحتاجيه اغسلي واخدمي جربي وشوفي.

idron0 · 2015-05-07, 21:09

صوص البوري ام ايمان11

ديري الزيت قلي فيه سنينات توم قليهم شوي بلا مايتحرقوا راح يعطك بنة هايلة بعدها +ملح +فلفل ك + شوييييية كمون +فلفل احمرحلو نص مغرفة صغييرة +ملعقة طماطم مصبرة +ورقة رند+ ديري فيه تاني تومات مرابية قليها مليح+و كمشة زيتون مقطع قليهم مليح ثم ضيفي شويا ماء حوالي كاس و خليه يغلي مايطولش و يعقد و طفي .على فكرة يجي بالمعدنوس بصح انا ماكانش عندي .

إضغط هنا لرؤية الصورة بحجمها الطبيعي.

idron0 · 2015-05-08, 07:57

تارت التفاح ارزاق

انا درت عجينة الترتلات تاع ام اماني تخرج رووووعة بعد مطابت وبردت حطيت عليها كريم بتسيار ودرت عليها ابراج التفاح ساير داير يكونو شويا رقاق ذريت شويا قرفة اذا تحبي ذوقها لكن متكثريش رشة خفيفة برك وذريت السكر العادي و شعلت من من فوق حتان يذبال التفاح وكي تخرجيها ادهنيها بمعجون مخفف بشويا ماء يمد لمعة.

ام سهام 02 · 2015-05-08, 14:38

اقتباس:

المشاركة الأصلية كتبت بواسطة أم إياد أحمد أمين

السلام عليكم و رحمة الله و بركاته

حبيت نطل عليكم نشوف وإلا نسيتوني ولا مازالت عندي بلاصة صغيورة في قلوبكن
قبلاتي للجميع إن شاء الله تكونوا كاااااااامل في صحة جيدة

اهلا وسهلا بالحبيبة ام اياد واش ركي وواش راهم الاولاد ان شاء راكي في صحة جيدة

مازالتي قي صموم القلوب وانتمنى اتعاودي ترجعي معنا كما قبل

ريم اياد · 2015-05-09, 10:02

ما شاء الله