أستاذ قام بإهانتي

[سارة البوسعادية]

المشاركة الأصلية كتبت بواسطة عاشقة السكـون

khaled1976


انت انت عبد حابس وانت اللي تستاهل الدق
ياعبد ربي هذا اجراء عادي وروتيني لازم يعرفوا نسبة الاضراب واحصاء عدد المضربين حتى ولو نقصو لهم من الشهرية لكن سينالون مبتغاهم ولا حبيتهم يضربون و تروح الدروس على التلاميذ ومايخسروا والو
ثم الله يبارك وبدون حسد مافهمناش واش راهم حابين الاساتذة
واعلم ان الاستاذ كي يكون ماشي متفاهم مع الادارة يبرد زعافه في عقود ماقبل التشغيل وهو يلحق للمدير ولا الادارة ولا المفتش يولي رخيص مايسوى والو
يعني بركانا من الكلام الزايد ديالك ولوكان كاين الرجلة ناع بكري امراة ولا بنت ماخرجت تخدم بصح الله غالب راني في مجتمع ذكوري راحت منه الرجلة حاشا اللي مايستهلهاش

يعطيك الصحة تبردي القلب نتاع الصح

[سارة البوسعادية]

اختي ماتاخدي راي حتى واحد يقلك حبسي الخدمة لانك شادة بيها يديك وزيدي
الدل راها ولا علامة مسجلة لانك ادا حبستي الخدمة ومديتي يديك لخاوتك وباباك راح تسمعي كلام مايعجبكش ويمرضك
رانا شايفين وعارفين ومن ربي خاييفين
واحد ما يجي يهز في كتافو ويقلك تستاهلي بلعكس انتي انسانة محترمة وواحد ما يقدر يقول عكس هدا وهدا التصرف يعكس سلوك وتربية الاستاد وهووووووووووووووووووو الي غالط مخلليين الموضوع الاصلي وحاكمين يدبرو عليك ويقلولك بطلي
الغلاء راه وصل لدرجة ماتتصورش ودراهم العقود اصبحت بمثابة مصروف نتاع نهار
وكيما قتلك الدل رانا شايفينو في كل بلاصة
لان الناس ضبعت
نعطيك مثال ديفوا يجوني للصال نسا وبعد ما يكملو جلساتهم وتطالبيهم بحق الجلسة تبهدلك وتقلك غالي حتى كاين وين تمتنع انها تخلصك وتزيد تسبك
غير قلنا نبطلو لالا التبطال مش حل بلعكس زيادة مشكلة عليك وعلى داركم
وكيما قالت الاخت كون جاو الرجالة رجالة المرا ماتخرجش من دارها
وربي يفرج عليك

[adel3232]

الاخة رانا في الجزائر وكل شيء ممكن ادا حبيتي تبقاي في منصبك هددي بحرق نفسك وعيطي باعلى صوتك ولا روحي لمدير التربية لانهم ماش بمزيتهم ربي ماك و معانا

[sibersibo]

من جهة أقول للأخت ان ما تعرضت له من إهانة له ايجابياته, لان هذا يعطيك فكرة عن عالم الشغل, أي مكان عمل في العالم توقعي مثل هذا التصرف من اي كان. وهكذا تكتسبين مناعة مسبقة ضد مثل هذه التصرفات.
الأمر الثاني, امامك عالم الاتصال مفتوح على الجرائد والقنوات الفضائية. فإذا فعلا هزتك هذه الحادثة, وانك لم تجدي من يقف إلى جانبك, فهذا أمر طبيعي, أنت جامعية, ويجب أن تتصرفي بناءا على هذا المبدأ.
أبسط رد فعل, هو أن تفتحي صفحة في الفايسبوك, تدعين إليها كل من تعرفين, وكذلك وخصوصا وبالاخص الصحفيين, فهم متواجدون على الفايسبوك بشكل خيالي.
وبهذا ستحاصرينه إعلاميا, هو والمدير وغيره,
يا اخت بن علي ومبارك والقذافي طيحهم الفايسبوك, وين يبان هذا الأستاذ تاع التنقاز

[قَاسِمٌ.قَاسِم]

هداه الله ورعاك الله يا ـأختنا عليك بسلاح الدعاء

[dalal batna]

هاذ le geste لي داروا شبه استاذ هذا normalement يخليكم تنوضو و طالبو بحقكم في العمل يا رجال الجزائر اجدادنا دارو ثورة وانتم يا رجال اليوم قاعدين تتفرجوا و تتستاو الخدمة تجي عندكم انفضو الغبار على رواحكم وفيقو من النوم

[anouar0771]

أنا في الخدمة ضارب النح والسكات ما نقول طابت مانقول تحرقت............
خليها ما تخلى على ريسانهم......... حتى يجيب ربي ساعة الفرج

[sabrindz]

أنا عندي ليسانس علم النفس العيادي وأعمل بمؤسسة تربوية لكني فرضت وجودي عللى الجميع وعملت أخصائية نفسية وواحد مايقدر يهدر معايا ولا يذلني بالعكس الجميع يقدرني مدير أساتذة مراقبين وحتى التلاميذ وعندي مكتب خاص وبالعكس كامل يقولولي انشاء الله يدمجو العناصر الفاعلة كيما أنتي يعني حبيت نقلك بلي لازم الواحد يكون قوي الشخصية واثق من نفسو ويفرض وجودو باحترام ماشي بالقباحة والذل

[بنت روسيكادا]

واااااااااااااااااااا وشي هدا احنا الحمد لله الاساتدة تاعنا يضحكو و يتمسخرو معانا سلامات تاعنا متربيين الحمد لله يسمعو كلامنا يقولولنا انتوما الجيل الجديد

[lamine2282]

اولا اختي كي لحق و سبك كون بهدالتيه بحكم انك فتات وهو راجل وباش تدي حقك يليقلك باركور كبير تكتبي تقرير بالسب والشتم وتبعثيه للمدير ولمفتشية العمل ونقابة العمال ونقابة الاساتدة والمليحة وكلي عليه ربي

[adel3232]

المهم الاخت ماتقدميش اي اعتدار

[nadjib25]

أختي الكريمة كان الله في عونك وأظنك أخطأت بتسمية هذا الشخص بهذه التسمية فلو نظرنا إلى شخصيته لوجدناه شخص معقد وربما لا يحمل حتى شهادة جامعية ولكن الله غالب هاذي بلادنا ونصيحتي لك أختي الكريمة ابتعدي عنه وعن غيره قدر الإمكان ...

[midoandmido]

كون عطيتيه كف على وشو

[Marisssa]

المشاركة الأصلية كتبت بواسطة khaled1976

الصر احة يا اختي لو كنت نمكانه لفعلت مثل ما فعل مع احتراماتي لك .....وهذا لان الدولة من جيها وزدتيه انتي من جيهة + الدولة تخدم فيك في عقود العبودية ورايحة تخدميلها مخابرات على الاساتذة المضربين ....مع ىاحتراماتي لك طبعا تستاهلي طريحة ثاني باش ما تزيدش تعاودي واخطي من الرابور لخطرش رايحين يردوك غالطة وصفي بالك مع الي يحكمو فيك اقبلي بالذل ولا شوفي راجل يسترك واقعدي في الدار

اضافة على لي قالوه ليك نتا واحد kaviiiiiiiiiiiiiiiiiiiiiiiiiiiiiiiiiiiiiiiiiiiiiii iiii و ماتعرفش تهدر wمسكين w هي راهي مخطوبة خمم على روحك يا ..................................عندك 2 mois كتبت................السلام عليكم
ابحث عن استخلاف في اللغة العربية ، لمن لديه معلومات عن توفر منصب شاغر فأنا في امس الحاجة إليه وبارك الله فيكم ..........................هدا موضوع تاعك ابا راكم قاع كيف كيف الله يهدينا

[khaled1976]

المشاركة الأصلية كتبت بواسطة marisssa

اضافة على لي قالوه ليك نتا واحد kaviiiiiiiiiiiiiiiiiiiiiiiiiiiiiiiiiiiiiiiiiiiiiii iiii:d:d و ماتعرفش تهدر wمسكين w هي راهي مخطوبة خمم على روحك يا ..................................عندك 2 mois كتبت................السلام عليكم
ابحث عن استخلاف في اللغة العربية ، لمن لديه معلومات عن توفر منصب شاغر فأنا في امس الحاجة إليه وبارك الله فيكم ..........................هدا موضوع تاعك ابا راكم قاع كيف كيف الله يهدينا

انا لعلمك استاد واحمل شهادة الماجستير والاستخلاف الدي تتحدثين عنه كان من اجل خدمة انسانية فقط ....ثانيا كل من تحاملت علي اخطا ت من حيث اخدتها العاطفة الانثوية لاني قلت راي صريح وهدا لاننا في الغالب نجد الفتاة تطبق تعليمات لا ناقة لها فيها ولا جمل فكان الاولى بها ان تلزم عملها المخصص لها حسب القانون وكفى لا ان تشتغل ضد اساتدة يتجرعون هم كدلك المرارة من نظام بن بوزيد وسامحكن الله جميعا