في رايك كم هو مبلغ المهر العادل الذي تستحقه المرأة ؟

[دادي84]

المشاركة الأصلية كتبت بواسطة عبد النور 1980

السلام عليكم و رحمة الله و بركاته
موضوع جد شيق *********المهر**********
و الله المرأة التي أختارها باذن الله تستاهل مال الدنيا و قصورها
و لكن و قد علمنا أن لكل شخص قدرات مادية و مالية محدودة فأظن-- و رأيي يلزمني أنا فقط-- أن المهر في أصله عندنا مقسم الى قسمين :
--الصداق الحقيقي الذي تأخذه المرأة و هو الذهب
--التجهيز من نفقات متعددة و ألبسة و غيرها
أرى مراعاة حالة الزوج قدر المستطاع من غير افراط و لا تفريط ، الزوج ما يفرط و أهل الزوجة ما يطمعوا و كلما نقص المهر و تيسر كانت البركة و من كل ذلك ربي يجيب العشرة الطيبة و الطيب كما يقال
أما أن أذكر مبلغا معينا لا أستطيع الآن لأن سعر الذهب و الألبسة و كل شيئ طاروا -الله يكون في العون-
حتى ندير mise a jour للأسعار و نخبرك هههههههها
بارك الله فيك
ســـــــــــــــــــــــــــــلام

هههههههههههههه والله يا الميزاجور
*الزوج ما يفرط و أهل الزوجة ما يطمعوا*........ بارك الله فيك و على مشاركتك الرائعة و ربي يرزقك بنت الحلال اللي ما تشرطش عليك الذهب lol تحيـــــــــــــــــــــــــــــاتي

[النجمة القطبية]

المشاركة الأصلية كتبت بواسطة دادي84

سلام أختي نجمة ...أعجبتني مشاركتك كثيرا بارك الله فيك ....لدي تعقيب واحد هو مادام مبلغ المهر الذي سيدفعه الرجل لزوجته سيعود اليه حتما فسوف ادفع ان شاء الله 30 مليون و المصيبة اذا عادت بأغطية و بعض الملابس فقط و الباقي يديهم باباها واااااااااااااااع ههههههههههههههههه والنصيحة التي قدمتها لكم الأخت نجمة هي لا تشترطوا المال بقدر ما تشترطوا الزوج الصالح

والله اتمنى لك و لكل الأخوات أن يرزقكن المولى عز و جل الزوج المثالي الذي تتمنين
قولو ااااااااااااااميــــــــــــــــــــــــــــــــــ ـــــــــــن

يا اخى وهل تصدق ان هناك اب فى الدنيا ياخذ من ابنته
لا يووووووووووووجد احن من الاب فى العالم ولا حتى الزوج صدق ذلك
اصلا البنات يرهقون كاهل الاولياء فى الزواج هذه هى الحقيقة وهذا الواقع
وكما قلت سابقا البركة فى القليل من الطرفين

[نسائم الهدى]

حسنا
سأقول رأيي
بما أنني قليلة حظ من كل شيء
فسأقبل حتى بخاتم من سلك
ولكن أبي لن يقبل
لأنه يظن /بما أني ابنته/ بأنني أساوي شيئا أو يظن بأنني شيء ثميييييييين
ولكنه لا يدرك بأنني لا أساوي شيئا في زمانكم
وبما أن الأمر بيد أبي وليس بيدي رانا صابرين والحمد لله على كل شي
سلاااااااااااااااااااااااااام

[نسائم الهدى]

المشاركة الأصلية كتبت بواسطة sabrac

هههههههههههههههههههههههههه ضحكتيني بزاف 500 الف دينار هي 50 مليون راكي مليحة في عقلك يا بنت الناس ،نصحك خليك من هاد الشرط راكي تقعدي عانس

علاش؟
قالك اللي ما تشرطش 50 مليون اللي تزوجت؟؟؟
افطنوا شوية حرام عليكم
والله ما علابالكم واش من البحر راكم فيه

[sabrac]

المشاركة الأصلية كتبت بواسطة أخت الرجال

علاش؟
قالك اللي ما تشرطش 50 مليون اللي تزوجت؟؟؟
افطنوا شوية حرام عليكم
والله ما علابالكم واش من البحر راكم فيه

طبعا ماشي بالضرورة لي ما تشرطش بزاف دراهم هي لي تتزوج ،هناك عدة عوامل تتسبب في زواج الفتاة منها الجمال والعقل والدين وكل هادو يدخلو في مكتوب ربي وكذلك المهر المرتفع هو سبب يرهن زواج البنت لان هذا منطقي كفاش في وقت الخدمة قليلة وحتى لي يخدم وما يقدرش يعطيها 50 لان العرس مافيهش غي المهر فيه تكاليف اخرى ....تجي تقولي نطلب 50مليون مهر يعني واين باقي التكاليف يعني 50 مهر وباقي الاشياء 50 وهي وصلت 100 مليون للعرس يعني نقعد عازب قاع حياتي وما ندفعش هاد المبلغ ،

[نسائم الهدى]

يا جماعة الله يوفقكم فهموني فيها والله ما قدرت نفهمها
انتوما في بلادكم تشروا بالمهر فراش وملابس وصوف وزرابي وأغطية؟؟؟؟؟؟؟؟؟؟؟؟
حنا في بلادنا هادوك الكل يشريهملك باباك هداك هو جهازك اللي يشروهلك أهلك
والمهر هو عبارة عن حقيبة فيها ثياب كل واستطاعته وطقم من ذهب أو قطع(سلسلة+خاتم+مناقش+مسايس)وكل واستطاعته أيضا وإن أعطى الخاطب لخطيبته نقود تشترتي هي به نفس ما ذكرته
ولا تشتري به الأغطية والأفرشة وحاجاتها الأخرى
وما تقولوليش العرس اللي تديريه في داكم(في بيت أهل العروس)يصرف عليه العريس تاني
اسمحولي فيف حنا الجهاز شريه بدراهمك أو بدرهم باباك
والعرس ديريه بدراهمك أو بدراهم باباك تاني و ديريه كيما حبيتي إي وين ما حبيتي لأنوا انت اللي تدفعي
كيفاش هدي اللي تقولوا المهر تشريه العروسة فراش للدار وعلاش المهر تشري بيه فراش؟؟؟

[madjid H]

انا ما نقدرش نقدملها اكثر من 200 دج هههههه البركة في القليل

[جسور المحبة]

شكرا على الموضوع القيم
اولا نحن في عائلتنا لا نشترط
ثانيا على حسب قدرة الزوج
ثالثا لازم يفهم من روحو راه عارف بلي كلشي غالي وياخذ الامر هذا بعين الاعتبار

[دادي84]

المشاركة الأصلية كتبت بواسطة أخت الرجال

أبي يظن بأنني شيء ثميييييييين
ولكنه لا يدرك بأنني لا أساوي شيئا في زمانكم
سلاااااااااااااااااااااااااام

أختي الكريمة ممكن توضحيلي هاذ النقطة ؟؟؟؟ ماذا تقصدين بها فهل أنت تستهزئين من نفسك لهذه الدرجة أم لها معنى اخر

[دادي84]

المشاركة الأصلية كتبت بواسطة madjid h

انا ما نقدرش نقدملها اكثر من 200 دج هههههه البركة في القليل

ههههههههههه أنت نورمالمو من جماعة بخلاء الجاحظ

[ميساء23]

السلام عليكم
حنا في عنابة المهر غالي بزاف يفوق 15 مليون
بالنسبة لخاتم من حديد ان لا اقبل به لانه سيكون اول ما يقدمه لي وزجي و لدلك ساحتفظ به و لن اغيره ابدا
بالنسبة لي في عائلتي ابي لا يشترط اي شيء لا مال ولا دهب
الشيء الوحيد الدي يطلبه هو المنزل يعني نسكن وحدنا ماشي كنة
فقط لا اكثر
وشكرا على الموضوع

[sabrac]

المشاركة الأصلية كتبت بواسطة أخت الرجال

يا جماعة الله يوفقكم فهموني فيها والله ما قدرت نفهمها
انتوما في بلادكم تشروا بالمهر فراش وملابس وصوف وزرابي وأغطية؟؟؟؟؟؟؟؟؟؟؟؟
حنا في بلادنا هادوك الكل يشريهملك باباك هداك هو جهازك اللي يشروهلك أهلك
والمهر هو عبارة عن حقيبة فيها ثياب كل واستطاعته وطقم من ذهب أو قطع(سلسلة+خاتم+مناقش+مسايس)وكل واستطاعته أيضا وإن أعطى الخاطب لخطيبته نقود تشترتي هي به نفس ما ذكرته
ولا تشتري به الأغطية والأفرشة وحاجاتها الأخرى
وما تقولوليش العرس اللي تديريه في داكم(في بيت أهل العروس)يصرف عليه العريس تاني
اسمحولي فيف حنا الجهاز شريه بدراهمك أو بدرهم باباك
والعرس ديريه بدراهمك أو بدراهم باباك تاني و ديريه كيما حبيتي إي وين ما حبيتي لأنوا انت اللي تدفعي
كيفاش هدي اللي تقولوا المهر تشريه العروسة فراش للدار وعلاش المهر تشري بيه فراش؟؟؟

نعم بالمهر عندنا يشرو الفراش وأغطية وملابس .....يعني من لحيته بخرله ،ويدفع الرجل تاني خروف وبعض المواد الغدائية والخضر والفواكه عندنا يقولوله الدفوع وتختلف التسمية في بعض المناطق الغربية لكن الاجراء هو واحد

[نسائم الهدى]

المشاركة الأصلية كتبت بواسطة sabrac

طبعا ماشي بالضرورة لي ما تشرطش بزاف دراهم هي لي تتزوج ،هناك عدة عوامل تتسبب في زواج الفتاة منها الجمال والعقل والدين وكل هادو يدخلو في مكتوب ربي وكذلك المهر المرتفع هو سبب يرهن زواج البنت لان هذا منطقي كفاش في وقت الخدمة قليلة وحتى لي يخدم وما يقدرش يعطيها 50 لان العرس مافيهش غي المهر فيه تكاليف اخرى ....تجي تقولي نطلب 50مليون مهر يعني واين باقي التكاليف يعني 50 مهر وباقي الاشياء 50 وهي وصلت 100 مليون للعرس يعني نقعد عازب قاع حياتي وما ندفعش هاد المبلغ ،

أترى ماذا كتبت في ردك
من عوامل زواج الفتاة ليس غلاء المهور فقط لاااااااااااااا بل
الجمالي والعقل والدين
لماذا لم تقل مثلا
الدين والعقل والجمال
أو
الدين والجمال والعقل
أتعلم لماذا ؟؟؟
لأنكم قوم تلهثون خلف الفااااااااااااااني(الجمال)
ولهذا عليكم أن تدفعوا فيه ما يستحقه من الفااااااااااااني(المال)
أترى الفرق بينهما حرف واحد فقط
وكل من يحب ويفضّل الجمال الفاني على الدين والخُلُق الذي لا يفنى يعذبه الله به
لذا عودوا لدينكم ولأصلكم وسيريح الله بالكم ويسهل أموركم كلها إن شاء الله
سلااااااااااااااااااااااااام

[نسائم الهدى]

المشاركة الأصلية كتبت بواسطة sabrac

نعم بالمهر عندنا يشرو الفراش وأغطية وملابس .....يعني من لحيته بخرله ،ويدفع الرجل تاني خروف وبعض المواد الغدائية والخضر والفواكه عندنا يقولوله الدفوع وتختلف التسمية في بعض المناطق الغربية لكن الاجراء هو واحد

لالا حنا عندنا في الدفوع يأخذون
2 أو 4 أكياس سميد(ليُفتَلَ طعام) +2 زيت +1 عسيلة +قفة مثلما يأخذون عندما يذهبون ضيوف(فيها 2سكر +2 بيمو +قهوة +لي بات +أي شيء كيما كي يروحوا ضياف عادي)
والكبش يجيبوه نهار قبل الحنة ويذبحوه هوما ويطيبولهم الكبدة +فريت +شربة + طاجين الزيتون أو اللوبيا خضرا +مثوّم +سلاطة +الفواكه + مشروبات غازية وعصير
يتغداو ومن بعد يشربوا قهوة بالقاطو + مقروط ومن بعد يروحوا
ومن بعد في اليل كي يتقطّع الكبش يعيطوا أهل العروسة لأهل العريس ويقولولهم شحال قطع من طرف لحم لكي يحضروا يوم العرس أشخاص بعدد نصف ما لديهم من طرف لحم (يعني النصف لأهل العروس والنصف يتغدى به أهل العريس ومن يذهب في الكورتاج /ولكن لا يأخذون سوى الرجال وخاااااصة الكبار أمّا النسوة فتذهب 6إلى 8 نسوة فقط/ ويتغدون عند أهل العروس عندما يذهبون ليحضروها المهم راك فهمتني؟)كما يشتري أهل العروس كبشا آخر من عندهم (حق بنتهم لعرسها)ولا نأخذ لا خضر ولا فواكه ولا أي شيء
والفراش والزرابي والأغطية والصوف والثياب الثقيلة والخفيفة وكل ذلك تشتريه العروس بنقودها وليس بنقود زوجها
حنا عندنا عيب وطيحة الوحدة تشري بالمهر فراش وأغطية يعايروها لازم الفراش يشريهلها باباها .

[الواثق]

المشاركة الأصلية كتبت بواسطة أخت الرجال

يا جماعة الله يوفقكم فهموني فيها والله ما قدرت نفهمها
انتوما في بلادكم تشروا بالمهر فراش وملابس وصوف وزرابي وأغطية؟؟؟؟؟؟؟؟؟؟؟؟
حنا في بلادنا هادوك الكل يشريهملك باباك هداك هو جهازك اللي يشروهلك أهلك
والمهر هو عبارة عن حقيبة فيها ثياب كل واستطاعته وطقم من ذهب أو قطع(سلسلة+خاتم+مناقش+مسايس)وكل واستطاعته أيضا وإن أعطى الخاطب لخطيبته نقود تشترتي هي به نفس ما ذكرته
ولا تشتري به الأغطية والأفرشة وحاجاتها الأخرى
وما تقولوليش العرس اللي تديريه في داكم(في بيت أهل العروس)يصرف عليه العريس تاني
اسمحولي فيف حنا الجهاز شريه بدراهمك أو بدرهم باباك
والعرس ديريه بدراهمك أو بدراهم باباك تاني و ديريه كيما حبيتي إي وين ما حبيتي لأنوا انت اللي تدفعي
كيفاش هدي اللي تقولوا المهر تشريه العروسة فراش للدار وعلاش المهر تشري بيه فراش؟؟؟

انا نقلك اختي كريمة احنا يكركرو كلش القش زيدها الفراشات وزيد المهر والذهب ويدو والسكر والقهوة والمواد الغذائية يلا يلا ستف الخيش ستف ..............وزيد الكباش كل شهر لازم كبش ....................انا بن عمي تزوج من تيبازة ادينا معانا كبش ههه اغمي عليه في الطريق من كثرة المنعرجات هههههه..........كي هبطنا عند اهل العروسة يحسبو الهلال الاحمر هبط عندهم تاع المساعدات ههه.........وهذا بالكريدي والراجل جبدها من دمو ..................وعلاه كامل الله اعلم ؟؟؟......................والله المستعان