يلا يا لبنات رواحوا شاركونا هنا يومياتكم في الدار

[هاجر 76]

المشاركة الأصلية كتبت بواسطة omo mazen

شكرا علي الموضوع انا عندي الغربة و الدار مهبليني فانا بعيدة عن الوطن و الاهل و كل ام يمياتي شبيها مع بعض المشقات و خاصة في الطبخ بما انني اسكن في نيو يورك و اللحم الحلال صعب لحصول عليها لانه المحلات المسلمة بعيدة و لدا فصعب الشراء كل يوم فبعد صلات الفجر احضر الغداء لزوجي و اولادي مازن و سارة و دلك لانهم يدرسون من ٨ ال٣ مساء هدا من جهة و من جهة اخري لاحرص علي اكلهم اكل حلال و بعد اخدهم للمدرسة ا عود لترتيب المنزل و بعد دلك التسوقلشراء اغاض المنزل و العودة لتحضىر ما يلزم تحضيره للمساء ثم الدهاب لاحضار اولادي من المدرسة و مساعدتهم في الدراسة و حل التمارين

مرحبا بيك اختى ام مازن الله يقويك فى غربتك الزوجة تتبع زوجها فى اى مكان على جال لقمة العيش المهم الصحة والستر
وهنا رانا كاع معاك نواسوك

[حبييبة]

مساء الخير لبنات
كي راكم هاد العشية

جبتلكم معايا هاذ الكيك



إيا خفو كل واحدة تدي حقها
ما تحشموش
خيرما تحوسو عليها تلقوني كملتها

[mina3]

السلام و عليكم حبييييييييبة حرام يك كي شفتيني دايرة ريجيم مي اسمحيلي قاتوا كيما هذا منقدرش نقاوموااااا

و لا بلغة التنمية البشرية لا اريد مقاومته
هههههههههههههههه

[حبييبة]

هههههههههههه
كولي كولي بلا ريجيم بلا شيكي
راني خليتلك حقك

[هاجر 76]

المشاركة الأصلية كتبت بواسطة حبييبة

مساء الخير لبنات

كي راكم هاد العشية

جبتلكم معايا هاذ الكيك

إيا خفو كل واحدة تدي حقها
ما تحشموش
خيرما تحوسو عليها تلقوني كملتها

سلام يالحبيبة ان شاء تكونى بخير
:d اعقلى فيها شهيتينى وانا دايرة الحرب على الرجيم هههههههههههههه

[حبييبة]

هههههههههههههههه
عجبتوني
قاع راكم دايرين ريجيم
غاية قاع هاكدا خلولي حقوقكم أنا ناكلهم
مادابيا

[mina3]

نونو اسمحيلي راح الريجييييييييييييييم

نوكل نوكل هههههههههههههههه

[حبييبة]

أنا ليوم
بكرت كيما كل يوم
كنت شوية مريضة
بصح المرض ما يغلبنيش
شنيت حملة النظافة اليومية نتاعي
دخلت للكوزينة بديت بالفرن و الحيطان اللي على جنابو
طيبت الفطور
نظفت البوتاجي و الطاولات
و بيبان البلاكارات و الأدراج و المجلى و الحنفية
غسلت المواعين
و من بعد رحت رتبت الغرف الباقيين وحدة بعد وحدة
و نقيت الحمام و المغسلة و المراية و الحنفية و لمعتها
وأختي عاونتني نظفت الدرج و الحوش و المدخل و مسحت الأرض في الدار
و من بعد المغرب رايحة نكمل أعمال الجدول

[mina3]

انا اليوم مادرت والوا بكل صراحة بعد تنظيفات البارح لقيت الدار مازالت تشعل

خرجت و روحت

[mina3]

جاوبيييييييييييييينييييييييييييييييييييييييييييييي ييييييييييييييييي

[هاجر 76]

ايه حبيبة نسيت نقولك مبروك ال 50 مشاركة وعقوبة لل1000
انا اليوم رقدت بعد صلاة الفجر مانضتش حتى 8.30 طيبت القهوة ومن بعد نوضت كامل الدار بالبورتابل خملت الدار ودرت شوية سبور باش ننحف وغسلت المعين ونضفت كامل الكوزينة ديجا كنت منقيتها تسمى مسحة خفيفة وطيبت الفطور نوبتى نقوللكم شاطيبت __المحمر بالبطاطا مقلية والسلاطة_
وغسلت المعين نتاع الفطور نوبتى دايما وبديت نخدم فعلاقات المفاتيح مزال مكملتهمش مقيلتش منبغيش القيلولة

[هاجر 76]

ايه نسيت نقولك بصحت حبيبة ومبروك 50 مشاركة وعقوبة لل 1000
انا اليوم رقدت بعد الفجر ونضت على 8.30 خويا هو لىى نوضنى دانى النعاس طيبت القهوة ومن بعد نوضهم بالبورتابل رفدت الفراش وخملت ومسحت الغبرة _كل اليوم دايرة عندنا ظل درت شوية سبور بالاوربيت 10د برك ومن بعد رحت للكوزينة غسلت المعين ومسحت الطباخة والفيونس والبيبان مسحة خفيفة كنت ديجا غسلتها من قبل ودرت الفطور _المحمر الحم بالبطاطا مقلية والسلاطة ومن بعد غسلت المعين دايما المعين نتاع الفطور عليا وقعت تفرجت غير شوية وقعدت نخدم فى علاقات نتاع المفاتيح مزال ما كملتهمش وهنا كمل الميناج نتاع حتى الغدوة نبدا

[اية الرحمن1988]

عجبني موضوعكم بزاف الله يبارك عليكم
حبيت نشارك معاكم هاد وين شفت الموضوع مع أني كل يوم هنا
بالنسبة ليا تخرجت هاد الصيف أنا ثاني كنت نقرا تجارة تخصص محاسبة
وضرك راني ماكثة في البيت .بما أنو أمي تعمل فكل شغل البيت عليا عندي أخت وحدة هي ثاني تقرا
فيما يخص يومياتي نوض الصباح نصلي الفجر ومباعد نرقد شوي حتى 8.30 وقت يخرجو كامل لدار
نبقى وحدي نبدا بالصالون نظمو شوي لأنو في أي لحظة يدخل ضيف و صحاباتي ديما عندي
بعدها ندير الغداء كل يوم نتعلم حاجة جديدة منعرفهاش اليوم تعلمت المحاجب والحمد لله جاو ملاح
ونظف الغرف نتاع خاوتي نغسل الدوش ونشف كلشي وكي يبقالي الوقت هكاك 11.30 أحيانا نهز نقرا كاش كتاب ولا ندير شوي رياضة
أما المساء نتفرج شوي ومرات ندخل للنت حتى تخرج الوالدة من العمل نطيبلها الحليب والقهوة وندير العشاء بعدها ندخل للنت
وهكذا جدولي اليومي وكل مرة نحاول ندير حاجة جديدة باش منكرهش من الدار
قررت ندخل نقرا اعلام الي كتقن سامي هاد العام بإذن الله راني نسنى ف التسجيلات نح نستغل وقتي احسن استغلال
هادي هي يومياتي ان شاء الله تعجبكم

[حبييبة]

المشاركة الأصلية كتبت بواسطة mina3

جاوبيييييييييييييينييييييييييييييييييييييييييييييي ييييييييييييييييي

راني هنا و رايحة نجاوبك
باينة راكي غاية هاد العشية
كليتي الكيك ولا خليتيهلي؟
ماشاء الله عجبتيني على كلمة مادرت والو
لازم كل يوم تشقري على الغرف اللي نقيتيها تحلي النوافذ و تمسحي الغبرة
ما تخليش لروحك وقت فارغ علا خاطر الشيطان يستغل هاداك الوقت الفارغ و يخلينا نتلفوه في صوالح خايبين ما ينفعوناش
غير إيلا استغليتي هاداك الوقت باش تعملي كاش هواية ولا تقضي كاش شغال كنت مأجلتها و لا حاولتي تتعلمي حاجة جديدة طوري بيها نفسك باش تحسي كل يوم أنك أحسن من اليوم اللي فات

[حبييبة]

المشاركة الأصلية كتبت بواسطة petra imad

ايه نسيت نقولك بصحت حبيبة ومبروك 50 مشاركة وعقوبة لل 1000
انا اليوم رقدت بعد الفجر ونضت على 8.30 خويا هو لىى نوضنى دانى النعاس طيبت القهوة ومن بعد نوضهم بالبورتابل رفدت الفراش وخملت ومسحت الغبرة _كل اليوم دايرة عندنا ظل درت شوية سبور بالاوربيت 10د برك ومن بعد رحت للكوزينة غسلت المعين ومسحت الطباخة والفيونس والبيبان مسحة خفيفة كنت ديجا غسلتها من قبل ودرت الفطور _المحمر الحم بالبطاطا مقلية والسلاطة ومن بعد غسلت المعين دايما المعين نتاع الفطور عليا وقعت تفرجت غير شوية وقعدت نخدم فى علاقات نتاع المفاتيح مزال ما كملتهمش وهنا كمل الميناج نتاع حتى الغدوة نبدا

مساء الخير petra imad
ماشاء الله عليك عجبتيني كي راكي حابة تحسني من نفسك كي راكي ديري الرياضة هذا شي نشجعك عليه و أعجبني فيك بزاف
ضحكتني فكرة تنوظي خاوتك بالبورتابل
ههههههههههه
هذا تفنيين ولا حسن الإستغلال الكامل للأدوات الالكترونية؟؟؟؟؟