كيف تقتصدين في حياتكي اليومية.موضوع متجدد

[الشتاء البارد]

السلام عليكم
ان شاء الله تصيبها في ميزان حسناتك
عندي فكرة منيش عارفة ايلاقولتيها سمحيلي مقريتش قاع الموضوع هي الخبر المتيقي الي الناس يرموه كي ييبس نقطعهوه دوائر(خبز الباغيت العادي)و ندخلوه يتحمر شوي فلفرن يولي هايل يتكل مع القهوةندهنوه بالزبدة ولا بالمعجون ولا نرحيوه ونغلفو بيه المقليات و لا كاين وصفات تاع حلويات بيه زين بنان

[/زهرة عصفور الجنة/]

بارك الله فيك

المشاركة الأصلية كتبت بواسطة الشتاء البارد

السلام عليكم
ان شاء الله تصيبها في ميزان حسناتك
عندي فكرة منيش عارفة ايلاقولتيها سمحيلي مقريتش قاع الموضوع هي الخبر المتيقي الي الناس يرموه كي ييبس نقطعهوه دوائر(خبز الباغيت العادي)و ندخلوه يتحمر شوي فلفرن يولي هايل يتكل مع القهوةندهنوه بالزبدة ولا بالمعجون ولا نرحيوه ونغلفو بيه المقليات و لا كاين وصفات تاع حلويات بيه زين بنان

[chahrazedberrichi]

انا كدلك اختى الخبز البايت ندهنو بالفروماج ونزيد فوقه طبقة من خليط علبة تونة +صلصة طماطم ودخليه يتحمر ف الفور يجى هايل واولادى يموتو عليه

[chahrazedberrichi]

كدلك عندى اقتراح بالنسة للمناشف اي السرابيت انتاع الالدوش الي نمسحو بيهم الوجوه انتاعنا انا في الاول كى نشريهم نوضعهم لمسح الوجوه منبعد كي يبلاو نشري الجدد وهادوك البالين نديرهم لمسيح انتاع الرجلين وكي يزيدو يبلاو نمسح بيهم الارض خير من المنشفات الي نشريوهم باه نمسحو الارض وهكدا نستعملو المناشف ثلاث مرات هدا من تجربتى

[ام رهام]

شيئ جيد مشكورات اخواتي
وهذانصيحة لكل من لديها اطفال ولزالوا يلبسون الحفاظات ان تدرب صغارها الحيبوصة وهم في الشهور الاولى(5-6-7)شهور وتصبر على ذلك الى ان يصير صغيرها يدخل المرحاض وهو في سن صغيرة ما بين سنة سنة ونصف وهكذا تتخلص من الحفاظات وتستفيد منمصروف الحفاظات في شيئ انفع لطفلها
شيئ نافع لطفلها

[/زهرة عصفور الجنة/]

شكرا لاثرائكن الموضوع بالافكار الجيدة

[salima14]

موضوع مفيد بارك الله فيك
لي عودة إن شاء الله بنصائح وأفكار مفيدة

[شذا الربيع]

ما شاء الله موضوع رائع فعلا
أنا ما زال ماتزوجتش بصح أكيد رايحة نستفيد من أفكاركم وتجاربكم حتى نقدر نعيش بالبركة مع زوجي إن شاء الله
ولقيت روحي الحمد لله كاين بزاااف من تجاربكم لي نعرفها لأنو ماما معودتنا عليها من الصغر
ممكن نحب نضيف إضافة بالنسبة للخضر كي نشرو مصروف السمانة وتكون باقية عندنا من السمانة لي قبلها أنا نحط الجديدة من تحت والقديمة من فوق باش نكملو نستعملوها قبل ما تفسد وأحيانا نديرها la soupe ولا نرقدها ونلقاوها من بعد
بالنسبة للثوم لما نشروه في الفصل نتاعو نقشروه ونرحوه ونزيدولو ملح وزيت ونحتفظو بيه في بلاراة وهكا كل ما نجو نستعملوه نلقاوه واجد والبنة نتاعو تولي خير وما يفسدش كل ما تطول المدة نتاعو يتغير لونه للصفار وتكون بنتو خير وهكا نقتصدو حتى في وقت تقشير الثوم ونضيفو البنة للقدرة هههه زعمة راني ربة بيت ممتازة
حتى الليمون لما يكون الفصل نتاعو نسكرفجو ومن بعد نعصرو المبروش نتاعو نحتاجوه في صنع الحلويات والعصير نتاعو نحتاجوه في حوايج بزاااف وهكا ما نشريهش بسومة غالية لما نحتاجو باقي أيام السنة

بالنسبة للحوايج عندنا machine a laver بصح ما نغسلش بيها كلش ديما نحب نفرز الحوايج لي يجو فيها ولحوايج نتاع اليد وهكا نشغلها مرة في 15 يوم تقريبا
نستغل بقايا الصابون ونذوبها ونغسل فيها الحوايج باليد ودائما نبداو بالملابس ذات اللون الأبيض من بعد نديرو التدرج اللوني
بالنسبة للسرابت كيما ذكرت أخت سابقا في الأول نستعملها للوجه وكي تقدام شوية نستعملها للشعر أو الأرجل أعزكم الله
مخصصة سربيتة ولبسة قديمة للصبغة نتاع الشعر وهكا نحافظ على حوايجي
في فصل الصيف دايما نستعمل الشب ضد رائحة العرق أعزكم الله
بالنسبة للملابس كي تقدام ننحو منها الأزرار نتاعها وهي نقطعوها لعدة قطع ونخلوها لأبي يحتاجها لما يكون يصلح في السيارة
هذا ما يحضرني من أفكار الآن ومشكورين جدا جدا على هذه الالتفاتة الرائعة لأنه حقا محتاجين ربات بيوت يفكرو بطريقة صحيحة في تسيير أمور البيت خاصة مع غلاء المعيشة الآن

[/زهرة عصفور الجنة/]

بارك الله فيك

[هبة الكوثر]

بارك الله فيكم ويعطيكم الصحة خياتي

[سمية محمد عطية]

موضوع رائع جدا جدا درك رايحة نرقد بصح ان شاء الله لي عودة

[it's me]

فعلا لازملنا خبرة في هاذ المجال لانو المراة اللي ماتقدرش تقتصد في المصروف ماتقدرش تفضل بش دير حوايج اخرين للدار
نقدرو نشرو ماء زهر مركز و نخلطو شوي منو في 1 لتر ماء يخلي ذوقو و ريحتو و نكونو اقتصدنا ,ايضا بخصوص البساطات كي يكون عندك كاش ريدو باهي و رجع قديم يعني راحت الموضة تاعو ممكن تفصليه و تحشيه و ديريه بساط
ممكن ايضا نحطو قطرات من العطر المفضل في شوي ماء و نديروه في بخاخ لتعطير الجو افضل من شراء المعطرات لانها غالية

[it's me]

نسيت نقولكم على الوصفة السحرية ههه
كي يخسرلك قاطو ولا يتحرق نحيلو الطبقة المحروقة و رابيه و زيديلو العسل و القرفة و المكسرات اذا عندك وشكلاطة خلطي مليه و شلكي كريات و غلفي بالالمنيوم هكذا مانضيعوش و نربحو تحلية سهلة التحضير
سلااااام

[it's me]

صباح الحب و الشوق والابداع و التميز و النجاح و كل شئ جميل

[الأمنيات]

هادا وين راني نشوف في هاد الموضوع
كنت نتجول في المنتدى وطحت فيه ربي يجازيك اختي الكريمة على الطرح
قريت الصفحة الاولى والاخيرة صراحة النت راه ضعيف
لي عودة ان شاء الله