اسمع حكاية بلهجتي ....

[novateen]

المشاركة الأصلية كتبت بواسطة جسور المحبة

قالك هذي مرا عندها بنتها امالا جات توصيها قالت ليها يابنتي صنعة ليدين خير من مال الجدين قالت ليها البنت مكاش منها كيفاش حنا من عايلة مرفهة ونخدم خدمة اليدين فقالت ليها امها غير نعلمك وروحي ماتخدميش المهم البنت تعلمت وتزوجت دارت الجهاز الله الله وحتا من لعمود تاع الخيمة بالدهب المهم فاتت سنين وهي تصرف في مالها على وتفشش في روحها امالا جا واحد نهار لي قضا قيه كلش الدراهم راحو وبدات تبيع في حوايجها وقربت تفقر فكرت وش دير مالقات غير حرفة ليدين وقالت ماغلطتش يما كي قالت صنعة ليدين خير من مال الجدين

يعطيك الصحة والله قصة شابة وعبرتها أجمل
جد مشكورة
ننتظر المزيد فلا تبخلي علينا بما في جعبتك

[يوسُف سُلطان]

السلام عليكم

عُلِّقَ الموضوع أعلاه لتأمينِ ارتياده وتسهيله على الأعضاء .

ملاحظة بسيطة :
يُرجى من المُشاركين التقيّد بعُنوان الموضوع .. بإدراجِ حكاياتٍ وأحجيات دافئة تتناسب والقسم ، لما فيها من ألغازٍ وعِبر..
أمّا التنكيت فلهُ قسمٌ مستقلّ .
والله الموّفق

[novateen]

المشاركة الأصلية كتبت بواسطة يوسُف سُلطان

السلام عليكم

عُلِّقَ الموضوع أعلاه لتأمينِ ارتياده وتسهيله على الأعضاء .

ملاحظة بسيطة :
يُرجى من المُشاركين التقيّد بعُنوان الموضوع .. بإدراجِ حكاياتٍ وأحجيات دافئة تتناسب والقسم ، لما فيها من ألغازٍ وعِبر..
أمّا التنكيت فلهُ قسمٌ مستقلّ .

والله الموّفق

جد شاكرة وممتنة لتثبيتكم لموضوعي
ان شاء الله راح يكون في سبيل اثراء المنتدى بحكايات ذات عبر وحكم
بارك الله فيكم
تحياتي

[novateen]

يحكى في زمان غير زماننا كانت كاينة بنت يتيمة وعندها مرت بوها
وهاد البنت كانت مخطوبة وقريب عرسها كانت دايما تجبدها على جنب وبعيد على بنتها وتوصيها مرت بوها وتقوللها كي تنقي دارك غير ما تتعبيش روحك وترمي الوسخ برا دسيه غير تحت الحصيرة .... متغسليش حوايجك ساعة ساعة وهكدا يعني كانت تنصحها غير الصوالح اللي ماشي ملاح
طبعا بنتها كان يحكمها الفضول وتحاول باش تسمع امها واش راهي توصي فيها
تزوجت البنت وفاتو ليام ...قررت مرت الأب باش تروح تزور ربيبتها وتستشفى فيها وهي دايرة في بالها بلي غادي تلقاها غارقة فالوسخ والريحة المعفنة
غير وصلت حتى تفاجأت بالنظافة والريحة الطيبة وكل شيء كان نقي
شورت مرت الأب وهي مستغايضة كيفاش ربيبتها مادارتش بتوجيهاتها
مرت أيام اخرى وكتب ربي لبنت المرة هادي باش تتخطب وتتزوج هي ثاني كانت أمها توصيها باش تنقي مليح وتحافظ على الريحة الشابة في دارها
بصح البنت كانت دايرة في بالها غير الكلام اللي كانت تسمع في أمها تقوله للبنت الأخرى
وغير تزوجت وراحت أمها باش تزورها حتى كانت الريحة فايحة من بعيد والوسخ مدسوس تحت الحصيرة
تفاجأت الأم من المنظر
تساءلت الام كيفاش بنتها ما عرفتش كيفاش تنقي وكيفاش مادارتش كيما وصاتها أمها
قاتلها أنا هكدا سمعتك توصي في ربيبتك ......فقلت اندير واش سمعت
أرجو أن تنال اعجابكم
العبرة واضحة

[انامل]

لــن أحكي حكاية هاهنا بل وددت أن اتطرق الى جملة أو لازمة كانت ترددها الجدات قبل كل قصة ..

تقول الجدات

بسم الله بدينا وعلى النبي صلينا
ياسادة ويا مَادَة خذينا طريق السعادة .... ولقينا سبع تفاحات قسمناهم وحدة وحدة مَاقـْمـَحـْنـَا غير الشيطان
وتبدأ قصتها

هناك من تقول عدد الحبات بعدد مستمعي القصة ... حتى لا تقمح احدا

لم اكن اعرف معنى مادة فقد وجدت في لسان العرب انها : للجارية التارَّة: إِنها لمأْدةُ الشباب وهي يَمؤُود ويَمؤُودة.

ويقال للغصن إِذا كان ناعماً يهتز: هو يَمْأَدُ مَأْداً حسناً.

ورجل يمؤود وامرأة يمؤودة: شابَّة ناعمة.

فمأدة هي المرأة الشابة الناعمة

لكن قمحنا معناها منعنا عن الشيطان اخذ التفاح ونقول في لهجتنا قــْمحني من الشي اي منعه عني

وقَمَحَ البعيرُ، بالفتح، قُمُوحاً وقامَحَ إِذا رفع رأْسه عند الحوض وامتنع من الشرب، فهو بعير قامِحٌ. يقال: شرِبَ فَتَقَمَّح وانْقَمَح بمعنى إِذا رقع رأْسه وترك الشرب رِيًّا
- لسان العرب
للاشارة فإن الخليجين يستعملون كلمة قــَمــَحَ مثلنا وبالمعنى نفسه

[sousoulife]

شكرا على القصة الرائعة

[novateen]

المشاركة الأصلية كتبت بواسطة انامل

لــن أحكي حكاية هاهنا بل وددت أن اتطرق الى جملة أو لازمة كانت ترددها الجدات قبل كل قصة ..

تقول الجدات

بسم الله بدينا وعلى النبي صلينا
ياسادة ويا مَادَة خذينا طريق السعادة .... ولقينا سبع تفاحات قسمناهم وحدة وحدة مَاقـْمـَحـْنـَا غير الشيطان
وتبدأ قصتها

هناك من تقول عدد الحبات بعدد مستمعي القصة ... حتى لا تقمح احدا

لم اكن اعرف معنى مادة فقد وجدت في لسان العرب انها : للجارية التارَّة: إِنها لمأْدةُ الشباب وهي يَمؤُود ويَمؤُودة.

ويقال للغصن إِذا كان ناعماً يهتز: هو يَمْأَدُ مَأْداً حسناً.

ورجل يمؤود وامرأة يمؤودة: شابَّة ناعمة.

فمأدة هي المرأة الشابة الناعمة

لكن قمحنا معناها منعنا عن الشيطان اخذ التفاح ونقول في لهجتنا قــْمحني من الشي اي منعه عني

وقَمَحَ البعيرُ، بالفتح، قُمُوحاً وقامَحَ إِذا رفع رأْسه عند الحوض وامتنع من الشرب، فهو بعير قامِحٌ. يقال: شرِبَ فَتَقَمَّح وانْقَمَح بمعنى إِذا رقع رأْسه وترك الشرب رِيًّا
- لسان العرب
للاشارة فإن الخليجين يستعملون كلمة قــَمــَحَ مثلنا وبالمعنى نفسه

بارك الله فيك أختي أنامل على ما خطت يداك معلومات جد رائعة
فعلا كلمة قمح نقولو قمحني من شيء أي منعني منه أو لم يعطني اياه أما المعنى الآخر فأول مرة نسمع بيه
جازاك الله خيا على مشاركتك المفيدة والرائعة
ننتظر المزيد فلا تطيلي علينا
تحياتي

[هيا الجزائر]

السلام عليكم
مبارك عليك تثبيت الموضوع اختي نوفا
وهدا ان دل الا على مدى روعة موضوعك
شكرا لكل من اتحفنا بالنكت دو فوائد وعبر

[novateen]

المشاركة الأصلية كتبت بواسطة هيا الجزائر

السلام عليكم
مبارك عليك تثبيت الموضوع اختي نوفا
وهدا ان دل الا على مدى روعة موضوعك
شكرا لكل من اتحفنا بالنكت دو فوائد وعبر

الله يبارك فيك أختي هيا هذا من ذوقك طبعا
شكرا لك على مرورك الدائم واهتمامك
في أمان الله
أبقي دائما بالجوار

[novateen]

كان حديدوان يعيش حدا الغولة وكان دايما يتمسخر بيها
كل يوم تروح عنده تقوله حديدوان أيا نروحو نسقو الماء (نجيبو الماء) هو يقوللها أن سقيت الماء من قبيل وجيت
كي تروح هي تسقي يقعد يلعب فوق الحمار تاعها وكي يشوفها جاية يهرب
واليوم التالي تقوله حديدوان أيا نروحو نحطبو يقوللها أنا حطبت وجيت وهكذا كل يوم يخليها تروح ويلعبلها بحمارها
كي عيات منه راحت عند وحد الشيباني حكاتله قصتها قاللها ننصحك ديرله مخ الشيباني فوق ظهر الحمار قاتله ما نلقاش شيباني خير منك وقتلاته وادات مخه دارته فوق ظهر الحمار
كي جا حديدوان باش يلعب لصق وحكماته الغولة ودارته في غار مع الفار وكل تعطيهم حبة تمر يتقاسموها بيناتهم
حديدوان تفاهم مع الفار كل يوم يوريلها كعالته باش تحسبه مازال ما سمنش وما تاكلهش
وفي يوم من الأيام أعطاتلهم غير نص حبة تمر
كلا حديدوان النص تاع التمرة وحده وما عطاش للفار
زعف الفار وقاله ما نزيدش نوريلها كعالتي
وكي جات الغولة قالتله حديدوان وريلي صبعك نشوفك لا سمنت ولا لا
ورالها صبعه ولقاته سمين
فرحت وداته باش طيبه
للحكاية تتمة ........
لا تنسوا تقييمكم

[هيا الجزائر]

المشاركة الأصلية كتبت بواسطة novateen

كان حديدوان يعيش حدا الغولة وكان دايما يتمسخر بيها
كل يوم تروح عنده تقوله حديدوان أيا نروحو نسقو الماء (نجيبو الماء) هو يقوللها أن سقيت الماء من قبيل وجيت
كي تروح هي تسقي يقعد يلعب فوق الحمار تاعها وكي يشوفها جاية يهرب
واليوم التالي تقوله حديدوان أيا نروحو نحطبو يقوللها أنا حطبت وجيت وهكذا كل يوم يخليها تروح ويلعبلها بحمارها
كي عيات منه راحت عند وحد الشيباني حكاتله قصتها قاللها ننصحك ديرله مخ الشيباني فوق ظهر الحمار قاتله ما نلقاش شيباني خير منك وقتلاته وادات مخه دارته فوق ظهر الحمار
كي جا حديدوان باش يلعب لصق وحكماته الغولة ودارته في غار مع الفار وكل تعطيهم حبة تمر يتقاسموها بيناتهم
حديدوان تفاهم مع الفار كل يوم يوريلها كعالته باش تحسبه مازال ما سمنش وما تاكلهش
وفي يوم من الأيام أعطاتلهم غير نص حبة تمر
كلا حديدوان النص تاع التمرة وحده وما عطاش للفار
زعف الفار وقاله ما نزيدش نوريلها كعالتي
وكي جات الغولة قالتله حديدوان وريلي صبعك نشوفك لا سمنت ولا لا
ورالها صبعه ولقاته سمين
فرحت وداته باش طيبه
للحكاية تتمة ........
لا تنسوا تقييمكم

ننتظر ......للقصة بقية ان شاء الله
شكرا لك اختي نوفا
دمت بخير

[Tea nawel]

المشاركة الأصلية كتبت بواسطة novateen

كان حديدوان يعيش حدا الغولة وكان دايما يتمسخر بيها
كل يوم تروح عنده تقوله حديدوان أيا نروحو نسقو الماء (نجيبو الماء) هو يقوللها أن سقيت الماء من قبيل وجيت
كي تروح هي تسقي يقعد يلعب فوق الحمار تاعها وكي يشوفها جاية يهرب
واليوم التالي تقوله حديدوان أيا نروحو نحطبو يقوللها أنا حطبت وجيت وهكذا كل يوم يخليها تروح ويلعبلها بحمارها
كي عيات منه راحت عند وحد الشيباني حكاتله قصتها قاللها ننصحك ديرله مخ الشيباني فوق ظهر الحمار قاتله ما نلقاش شيباني خير منك وقتلاته وادات مخه دارته فوق ظهر الحمار
كي جا حديدوان باش يلعب لصق وحكماته الغولة ودارته في غار مع الفار وكل تعطيهم حبة تمر يتقاسموها بيناتهم
حديدوان تفاهم مع الفار كل يوم يوريلها كعالته باش تحسبه مازال ما سمنش وما تاكلهش
وفي يوم من الأيام أعطاتلهم غير نص حبة تمر
كلا حديدوان النص تاع التمرة وحده وما عطاش للفار
زعف الفار وقاله ما نزيدش نوريلها كعالتي
وكي جات الغولة قالتله حديدوان وريلي صبعك نشوفك لا سمنت ولا لا
ورالها صبعه ولقاته سمين
فرحت وداته باش طيبه
للحكاية تتمة ........
لا تنسوا تقييمكم

قصة طريفة ننتظر النهاية

[novateen]

كي حكمت الغولة حديدوان اداته لبنتها اللي يسموها "العورة" باش طيبه وهي راحت تعرض شوايحها وروايحنا يعني الفاميلة تاعها من الغوالي
حديدوان فكر في حيلة باش يهرب وكانت العورة حاطاته في سجنة باش ما يهربش
قاللها" العورة العورة" قملة راهي في راسك هاتي نقلعهالك "
قاللها جيبي حجرة كبيرة وحجرة صغيرة باش نقتلوها "
دارت عليه وجابتله اللي قاللها ضربها ضربة جابها دودة أي قتلها لبس نواضرها وطيبها للعشاء
جات الغولة وجابت حباباتها وقعدوا ياكلوا
طلع حديدوان فوق الشجرة وقعد يغني " كيتكم وشيتكم كليتوا لحم بنيتكم راس العورة فالتليس "
قعدو الغوالي يضحكوا قالتلها هادي العورة راهي تغني ما علا بالهمش بلي كلاو لحم بنتهم العورة

[فلة أمينة]

اهلا نوفا واشراكي هادي غيبة توحشتكم بزاف

اوكي نحكيلك حكاية تع ضحك (جحا)

قالك جحا كان جايز مع الحمار تاعو و وحد الجماعة كانو واقفين واحد فيهم حاب يجيب بيه الوقت قالو ياه جحا و الله غير الحمار تاعك عقلتو بصح نتا و الله ما عقلتك ايمالا جحا قالو سي نورمال الحمير يعرفو بعضهم بعض

ايا ترجمي دوك و اهلاي فالموضوع

[فلة أمينة]

نوفا سمحيلي ما شفتش بلي غير للحكايات التراثية اذا حبيتي نحذف النكتة تع جحا