هل صحيح أن الادبيين يكرهون الرياضيات ؟؟

[mimi mino]

انا ادبية ونعشق الرياضيات ونموة عنها احسن مادة تعجبنى

[cilina17]

صح اكره مادة عندي الرياصيات من لي دخلت لليسي عمري فكرت نراجعها ولا نحل تمرين لاني نكرها ونكره استاذ .وحتى التلاميذ لي نقرا معاهم والله كل يكرهوها

[رجاء.]

انا كي ربحت البيام قسما بالله ربحته بمعدل 16.32ودرت ادبية نهار اللي دخلو الاساتذة و شافو المعدل نتاعي نخلعو فيا وقعدو يقولولي علاه درتي ادبية وما درتيش علمية مع اني نحب كل المواد ومعنديش اي نقص فيها ودائما اتحصل على المرتبة الاولى في جميع الاقسام وبفرق شاسع اما مادة الرياضيات ففي السنة الاولى ثانوي كنت نجيب فيها معدل من 17 الى 18 ولاحظت انو ايضا اصدقائي الادبيين ثاني يحبوها ويعملو جاهدين فيها وكانو يتحصلو على علامات جيدة وذلك بفضل الاستاذة نتاعنا كانت تفهم كل واحد فيهم بطريقة رائعة اما هذ العام راهي تقرينا استاذة من اللي تدخل وهي تحكي وكي نقولولها استاذة ما نديروش الدرس تقولنا اكتبو التعاريف في المنزل وتقولنا اللي يسمعكم تهدروا على الدرس يحسبكم علميين وانتوما غير ادبيين وآسفة اذا خرجت عن الموضوع بصح الاحظ بعض الاساتذة يطيحو بقيمة الشعبة الادبية والادبيين مثلا احنا عندنا اساتذة الفيزياء والعلوم قاع ما يشرحوناش الدروس ويقولونا انتوما ادبيين ما نكسروش راسنا معاكم وهذا العام ثاني في السنة الثانية رانا كاتبين درس ولا درسين في مادة الفيزياء والعلوم و ايضا الاستاذ هو اللي يخلي التلميذ يحب المادة نتاعو ويخدم فيها وآسفة على الاطالة وشكرا

[sakira]

oui sah ana nakraha fi al wa9t hada 3andi wadifa walah matouchitha

[roooki]

أنا أدبية نكره الجد انتاع الرياضيات كي كنقرى في الابتدائي والسيام وانا انعاني نحل التمرين وندير ليكور ومانديش المعدل فيها درك راني نقرة في2ثانية ثانوي و مانسمعش بالجد انتها اخلاص الا هي كاينة ولامكانش

[roooki]

كما قالت الاخت رجاء الاستاد تاني يعمل دور وخليك تحب المادة وديما يقلولنا انتوما ادبين واش الديرو بالرياضيات ماتسحقوها وانا في راي كل العلوم مترابطةومتسلسلة ومتكاملة

[djam-27]

انا سيونتيفيك و نحب الرياضيات ما نتيقش نقرا بلا بيها مي هادا العام عندنا استاذ سامط عندو طريقة ماشي شابة الوغ لازم نتعب روحي و صح الاغلبية تاع الادبيين ما يحبوهاش هادي كاينة منها شكرا على الموضوع

[tahadz54]

لاتبكي ابتسم دائمااااا

مع احلى عيد .......شكرااااا رائد كل عام وانت بخير انت وجميع الاعضاء والشرفين .............

[حكاية قلب]

oué c vrai
ana w l'math..
manetfahmouch
><

[الأمل الباسم]

حسب رأيي ... ومنطقيا الأدبي الحقيقي لا يحب الرياضيات قطعا بل يكرهها ..