مساعدة حول اعوان الشرطة 2016 هل من جديد

[brahimbba34]

النهم خاوتي راهم يعيطو وانهار لخميس يفوتو a +b وقالولي رانا نزيدو نعيطو للباقي

[سعدودي]

بتوفيق للجميع والي يعقب نهار الخميس مينساش يجبلنا الاخبار وكيف كانت الامور

[toufik berradia]

انا عيظولي نهار 28 في دار بيضاء و بقيت على حسب علمي في ايام مقبلة ان شا لله

[" سرحات "]

انا غدوى رايح للمسيلة قولولي وش يديرولناا كي صقصيت في امن الدائرة قالولي متديش بدلة رياضية

[سعدودي]

المشاركة الأصلية كتبت بواسطة toufik berradia

انا عيظولي نهار 28 في دار بيضاء و بقيت على حسب علمي في ايام مقبلة ان شا لله

بتوفيق لك وللجميع راهم يعيطو حسب الحروف... A...b. C

[سعدودي]

المشاركة الأصلية كتبت بواسطة " سرحات "

انا غدوى رايح للمسيلة قولولي وش يديرولناا كي صقصيت في امن الدائرة قالولي متديش بدلة رياضية

حسب علمي تجوز امتحان كتابي والله اعلم تاريخ وجغرافيا وثقافة عامة خويا يمكن ميطلقوكش للعشية وانت من الجلفة حاول تهز معاك دراهم بزاف .......... حاو تمشي بكري من الجلفة

[iscomadrid]

يا خاوتي أنا لحد الأن ما وصلني والوا هل بعني مافيش أمل نروح ندبر على روحي

[سعدودي]

المشاركة الأصلية كتبت بواسطة iscomadrid

يا خاوتي أنا لحد الأن ما وصلني والوا هل بعني مافيش أمل نروح ندبر على روحي

يا اخي العملية راهي بتدرج رنااااا قلنا ونعاودو فيها راهم يعيطو حسب الحروف a-b-c...... وهيا مشيا واذا حبيت عيط لمكتب التوظيف الي دفعت فيه الدوسي وستفسر من عندهم

[" سرحات "]

خويا سعدوي انت من مسيلة وكيفاش ندير ربي يخليك قصدي منعرفش وين جا ليكوور نتاع شرطة وبعيد على محطة ام لا

[سعدودي]

المدرسة في وسط مسيلة أمام مركب الرياضي والمسبح شبه أولمبي قريب من الإقامة الجامعية كيفية الدهاب هناك عندل حل من زوج كي تهبط في محطة المسافرين إما تحكم سيارة اجر وتقولوا المدرسة الشرطة أو الحافلة رقم واحد 01وتقولوا يحبس عند المركب الرياضي وثماك راهي تقابلك المدرسة و بالتوفيق إن شاء الله ......


ملاحظة انا منيش من مسيلة سونطر انا من سيدي عامر تبعد حوالي 100 كلم متر بصح تبع وش راني قتلك رايح تيقا المدرسة ان شاء الله المدرسة مهيش بعيدا بزاف عن محطة نقل مسافرين

[" سرحات "]

سلام عليكم حصريا من عين المكان
رانا واقفين انام باب مدرسة الشرطة بالمسيلة نحن الان في الانتظار البنات دخلوا مزال احنى ...... الذكور ساعة 7:04 اي جديد سوف اضيفه

[سعدودي]

بتوفيق ان شاء الله ومتنساش كاش جديد

[" سرحات "]

السلام عليكم
حصريا من عين المكان نحن اجتزنا طبيب العيون و قياس القامة و الوزن ثم قالولنا روح للغداء هههه تشري قدراهمك
100دج طون +خبز+ 3حبات فورماج
ثم الان نحن عند طبيب العام يعني نزع الملابس كلياا الا الداخلي ثم عند الخرووج اذا سلمك الطبيب بطاقة تعريف مبروووك عليك رايح تجوز على بسيكو اذا معطاهلكش مرفووض ويمكنك الطعن
انا الان في انتظار طبيب العام يوجد 18 فوج كل فوج فيه تقريبا اظن 40 شخص او 50
هههههه

[سعدودي]

ربي يسهل عليكم ان شاء الله

[" سرحات "]

شباب انا قالولي ارجع الاثنين ........
باش نفوت بسيكو كاين لي فوتو وكاين لي قالولهم امبعد ارجعواااا
المهم قالولي صحابي لي جوزووو البسيكو درولهم اسئلة مثال :
هل تحب ان تشاهد المباراة وسط الجمهوور .
نعم ام لا
لو كنت تتقاضى راتب شهري نفسه في كلا الخدمتين ماذا تختار .
رئيس فندق او باحث كيميائي
لو وجت وضيفة ماذا تعمل :
ميكانيكي او فنون
ثم تنتقل الى الاشكال الهندسية
ثم الى لعبة الدومينووو الصعب كما وصفها لي الاعضاااء
والله ولي التوفيق