السلام عليكم مرحبا بكم معي في الكوزينة147 شعارنا نعم للتفاؤل - الصفحة 5

samira135 · 2015-10-04, 10:14

ام رحاب و الله بكيتيني الحمد لله لي رجع ابنك بخير

راكي كما ماما غيييييير يطول خويا الصغير تعود تبكي مي غير يجي تعطيلو طريييييييييييحة كبييييرة ههههههههههه يا درى ضربتيه ولالا

غدايا مووووودر راني بين شواء و فريت وسلاطة و لا عدس ولا روز نتاع ام سراج حابة نجربو نعجن المطلوع و نخمم

x ام رحاب x · 2015-10-04, 10:15

ام جوجو كل عام وابنتك بالف خير حبيبتي وبصحتك الارنوبة حبيبتي

x ام رحاب x · 2015-10-04, 10:17

سميرة 135 لالا مادربتوش الاني كنت في غيبوبة وكي فطنت قلت الحمد لله يعطيك وليدي جاني بخير وقلت لباباه باه مايدربوش

باسم وبيسان · 2015-10-04, 10:20

[img]وشبيهم مراكز التحميل هبلووووووووووووووووووووووو[/img]
[IMG][/IMG]

باسم وبيسان · 2015-10-04, 10:21

اقتباس:

المشاركة الأصلية كتبت بواسطة باسم وبيسان

باروكى لاحلى حبوووووووووووووبة[
[[IMG]

[/IMG]

رانى عودت حملت

x ام رحاب x · 2015-10-04, 10:23

هادا بروكي طورطة تاع بنتي اخدمتها انا وابنتي ا

باسم وبيسان · 2015-10-04, 10:26

اقتباس:

المشاركة الأصلية كتبت بواسطة x ام رحاب x

امين دائمة الحمد والله نهار الجمعة كنت رايحة انموت على وبناتي قريب ماتو كي شافوني هاكداك
هي الحكاية خرج وليدي من التاسعة صباحا موالاش كامل للدار وانا قلت راه ايحوس عند الدار ودوك ايولي لحق وقت الفطور مادخلش وليدي عمرو مادارها صغير ويقعد عند الباب ولا راه يلعب في البالون عند الباب هاداك النهار ماعرفتش وين راح راح ايحوس عليه باباه مالقاهش وقالي النروح للجدارمية وقلت بلاك اداوه كيما راهم ايديرو المهم مالقيناهش في حتا بلاصة راح راجلي للصلاة وقالي كي انروح للجامع انحوس عليه بلاك نلقاه انعيطلك كي راح مالقاهش وزادو خرجو من الجامع ووليدي جامي غاب على الدار نسمع في واحد الراجل قالو راحو ايعومو في واحد اللاصة الي روح ليها ايموتو فيها وانا داك الوقت ماقعد فيا والو تغاشيت ماجبت حتا خبر الانو وليدي مايعرفش ايعوم وقلت راه مات خلاص طاحلي السكر قريب مت واتغاشيت وبقاو اينوضو فيا وباباه راح لهاديك البلاصة القا 3 صحابو هو مالقاهش قال هادا خلاص مات وخباوه عليا باه مانديرولهم والو وبقا يزقي عليهم وقالولو قال راح الحال عليا انروح لدار وبقا يكلم في لبنات ويقولهم جا للدار ولا لالا ويقولولو ماجاش يحسبو غرق وماحبوش ايقولولو حتان 4 تاع لعشية باه جا وقالي ماحسيتش للوقت علابيها طولت وانا هو جا وانا قريب مامت واش دارولي ماحبش يطلع السكر ادخلت في غيبوبة بسيف باش افطنت والدوركة راني مريضة من الخلعة والفشلة قتلتني والحمد لله وليدي ولالي بخير هادا ماكنت نطلب من ربي ايولي برك ماعليش يعطيك ايكون بخير راكم تعرفو قلب الامهات الله غالب

والله قطعتيلى قلبى وحسيت بيك حبيبتى الحمد لله لى رجعلك حتى من ليمات هادى تاع لى خطفوووو لولاد شتى انيس مسكين حتى لليوم مابان عليه حتى خبر ربى يرجووو لميمتووو ويفرحها كما فرحك ربى برجعتوووو ربى يحفض ولادنا ووو ليدات المؤمنيييين يارب

x ام رحاب x · 2015-10-04, 10:27

اقتباس:

المشاركة الأصلية كتبت بواسطة باسم وبيسان

رانى عودت حملت

الله ايبارك تحفة حبيبتي اتشهي
تسلمي حبيبتي الله لايشوفك هاد الحزن حبيبتي وربي يرجع انيس لميمتو بالف خير

بسمة2003 · 2015-10-04, 10:32

اختي ام رحاب على سلامتك وسلامة وليدك راني حاسة بيك خيتي انا دايما ندعي يا رب احفظلي وليداتي و وليدات المومنيين هاذي دعوة امي جامي ويلا نحاتها من فمها كثريلو الدعاء ودايما استودعيه في رعاية الله كل ما يخرج وربي يحفظهولك من كل شر ويجيبلك الشفاء
غدايا لابيري مع اللحم مقلي والسلاطة والحمد لله

بسمة2003 · 2015-10-04, 10:34

ام تاج شخشوووخة تهبل تهبل سخفتيني راني معولة عليها هاذو اليومين باْذن الله ومديرها حمرا وحارة اممممم فوطو كوبي على نتاع دار باباك بصحتكم

بسمة2003 · 2015-10-04, 10:37

ام باسم وبيسان امين يا رب ربي يرجع انيس لميمتو يارب ويحفظلنا وليداتنا
على فكرة طورطة روعة هاتي نذوق:d انا لحد الان خاطييني الطورتات بصح درتولي القلب نتعلم

ام عبدو و ملاك · 2015-10-04, 10:41

ام و ابنة صباح الخير
ام رحاب الحمد لله على سلامتك و الحمد لله كي رجع وليدك و الله الخلعة واعرة انا نهار الثلتاء اللي فاتت دارتهالي المعلمة تاع بنتي تاع الفرنسية عوضتلهم من 11 لل 1 وهي موالفة ال11 وعشرين تكون في الدار على الشعرة و قلبي حبس عيطت لباباها ج من الخدمة يجري و الله ما وصل للمدرسة و عيطلي و قالي راها تقرا فات في راسي الف سيناريو و غير نبكي و شبعت سبان في المعلمة خلعت الوالدين تاع التلاميد جاو كامل يجريو
المهم اتولهي لروحك السكر مع الخلعة ماشي مليح و ربي يحفظلك اولادك
نروح نكمل اشغالي
سلااااااااااااااااااااام

ام سراج وملاك · 2015-10-04, 10:45

صباح الخير عليكم كلمل
ام حبوبة مبروك الكوزينة لجديدة حبيبتي ان شء الله تكون عامرة بالخيرات روووووووعة واش حطيتي من طيابات وحلويات لبنات ثاني ربي يبارك روعة واش حطيتو
ام رحاب الحمد الله كي لقيتي وليدك رانا كامل ولينا نخافو كي يبعدو والحمد الله عللى سلامتك واعر السكر كي يهبط اتهلاي في روحك
ام ياسو كتلتنبي بالضحك متفكرو ماوالو بصح جاب القضيان معاه منساهش نسا غير شكارة الدقيق

x ام رحاب x · 2015-10-04, 10:47

شكرا ليكم بسمة 2003وام عبدو وملاك ربي يحفضلكم وليداتكم من كل شر تسلمو

Oum Habouba · 2015-10-04, 10:48

سلااااام لبنات قبل كل شيئ ام رحاااااااب لحمي تشوووووووك وانا نقرا شتا صرالك يا ما خيتي الحمد لله على سلامتكم للزوج والله يشافيك شفاءا لا يغادر سقما وشكرااا.على التارت رهييييبة
ام تااااااج وشحااال نبغي الشخاشخ نتاوعكم لوكان غي وحدة تعرضني عندها
البحر الصافي شكراا حبيبتي وعشاااك ممممممم روعة
ام بيسااان خرجتلي التارت يمي يمي هادي نتاعي انا وحدي
دائمة الحمد شكرا لكي اختي على الاطراء ولو اني نحس روحي ما نستاهلش قدام ابداعاتكم وشكرا على الباروك مممم
ام وابنة هاداوين حتا كلاو ورفدو كلشي خخ لاعنداك راني موخرتلك حقك
ليزا راني معمرتها بالفيوند اشي
ام سيرااااااج حنونتي الله يبارك فيك انت الاروعععععع
ام اسلااااام الله يبارك فيك ويطول في عمرك وبصحتك المادلان
ام هبوووووبة الحمد لله على سلامتك مين نشوفك دخلتي نفرح الله يفرحك مرة على مرة رقبي علينا وشكرا على تشجيعاتك لي