[ لمة الأحباب ] ......... الليلة الثانية

[مريم الصابرة]

المشاركة الأصلية كتبت بواسطة ام فيفي

سلام عزيزتي ياسمين...هنّاك ربي منو ...من يومو طامع في دراهم باباك...كون جا راجل صح...وعندو النيف ما يطلبش من زوجتو المستقبلية دراهم و يقولها افليكسيلي هذا طماع كبير...كون تتزوجي بيه يقولك روحي لداركم يكسيوك في العيد وووووووووووووووووو...........والامثلة نتاعو كثيرة في مجتمعنا....إلاّ من رحم ربي......الله يخلف عليك بأحسن منو خاطر راه يشوف فيك صوارد...كيما نقولوا حنا ناس العلمة و بالتوفيق

السلام عليكم اخت ام فيفي
أهلا وسهلا جزاك الله كل خير
للأسف رجال نتاع زمان والنخوة والكلمة راهم قلال بزاف رجع الخاطب ما يحشم ما والو اولا يختارو الخدامات ويقولها عاوني روحك الشهر الأاول يبدا يديلها الشهرية وبعدها يحوسو علىوحدة عندها دراهم عندها 40 يديها واحد عندو 25 واااااااااع يا ربي ما خلاونا والو
والله انا وحدة من الناس لو عندي دراهم ما نزوجش نجيب راجل نصرف عليه وعلاه عليا نروح نتبنى يتيمين نكبرهم وندي الأجر
ربي يهديهم

[*سندوسة*]

المشاركة الأصلية كتبت بواسطة مريم الصابرة

السلام عليكم اختي يسمين
والله قريت قصتك مع اللي كان خاطبك هذا دخل على طمع اما التلفون وعلاه نكذبو الكل يقولو حرام وكذا ولكن أغلب الخطاب يطلبو الرقم هو الأاول ويبدا يجرب فزهرو وزيدي الشابة هو يهدر ويعبر وما يحشمش ويقتلك كي قولك إسمحيلي راح نصلي قيام الليل ههههههههههههههههههههههه ياخا على قيام الليل قبل نص ساعة كان يشبه للشاب حسني كوارث مرات يجيني الضحك نقول شبابنا سبيسيال ماكانش كسما هوما فالشعوب
والله يا اختي نستعرف بيك مازلت صغيرة وربي يعوضك باللي خير منو وصعيبة شوي لما يكون عندكم الرزق واعرة باه تختاري لانو تخافي كلهم طماعين
شوفي نقولك ذاك المهبول اللي جا خطبني عتريس الغفلة ههههههههه قالي انا اول ما نجيب دارنا ماكان حتى واحد يحكم فيك ووقت ساعة تنفحلي نجي نشوفك يقولي راسي على 3 نتاع الصباح نجي نشوفك قتلو على خاطر انا رومبوا اللي قدام داركم وقت تحب دور عليها دور وواحد ما يحكم فيا يعني امي ما عندهاش حكمة عليا حسبتو خويا وانا مان عرفوش ههههه واااااااااااااع كي نتفكرو تجيني الدوخة ندمت على اني ما عطيتوش كاش ضربة بمقلى او مهراس حتى يشفى عليا هههه
مهابل تشوفي العجب ربي يرزقك بغيرو وليد اصل يعرف قيمتك

اهلا اختي مريم
وعليكم السلام ورحمة الله وبركاته

هذاك الرزق لي كان طامع فيه تسرق هههه
رانا عاد باديين من جديد معنده فاش يطمع ضرك ههه
والله هم يبكي وهم يضحك

ولاو يعيشو كيما لمخطوبين وهوما مزال ماتخطبوش ويعيشو كيما لمزوجين كي يتخطبو ههه وكي يتزوجو يطلقو
عجائب وغرائب

الصوالح نتاع الاصول كيما الفاتحة والعقد يأخروهم بصح الخرجات ونجي نشوفك في داركم هي لولة هههه

انا قاع مامعاياش اللعب هههه
ربي يقدم لي فيه لخير اختي مريم
والحمد لله على كل حال

[*سندوسة*]

المشاركة الأصلية كتبت بواسطة مريم الصابرة

السلام عليكم اخت ام فيفي
أهلا وسهلا جزاك الله كل خير
للأسف رجال نتاع زمان والنخوة والكلمة راهم قلال بزاف رجع الخاطب ما يحشم ما والو اولا يختارو الخدامات ويقولها عاوني روحك الشهر الأاول يبدا يديلها الشهرية وبعدها يحوسو علىوحدة عندها دراهم عندها 40 يديها واحد عندو 25 واااااااااع يا ربي ما خلاونا والو
والله انا وحدة من الناس لو عندي دراهم ما نزوجش نجيب راجل نصرف عليه وعلاه عليا نروح نتبنى يتيمين نكبرهم وندي الأجر
ربي يهديهم

ههههه
مريم والله نتي وحدك قتلتيني بالضحك

[مريم الصابرة]

المشاركة الأصلية كتبت بواسطة سندوسة يسمين";3993146280][b][font="arial

ههههه
مريم والله نتي وحدك قتلتيني بالضحك[/font][/b]

اهلا
شوفي نحسبوها بالعقل انا عندي دراهم ومانيش متزوجة نجيب راجل يدير طونوبيل على ظهر ي ويسمان ويلقى صحتو ويروح يخدعني برا ويركب المرا فطونوبيلتي واااااااااااااااع ويا ربي نحرقو هو وياها وعلاه ما نجيبش زوج يتامى نكبرهم وندخل بيهم للجنة شوفي الفارق الاول تحرقيه وتقتليه تروحي للنار وما تربحي والو الأولاد يتامى تدخلي بهم للجنة
وكي راني زوالية اكيد نحوسي نزوج

[ibtihal18]

تشرفنا بمعرفتك يا يسمين الله يبارك ربي يتمملك حياتك بخير.معليش جيت روطار مي النت راحتلي البارح و خلاتني كيما الغولة وحدي........سلام

[*سندوسة*]

المشاركة الأصلية كتبت بواسطة ibtihal18

تشرفنا بمعرفتك يا يسمين الله يبارك ربي يتمملك حياتك بخير.معليش جيت روطار مي النت راحتلي البارح و خلاتني كيما الغولة وحدي........سلام

اهلا اختي
انا فرحت لي راني بيناتكم
والله يحفظك اختي

[غزلانْ]

المشاركة الأصلية كتبت بواسطة سندوسة يسمين";3993145273][b][font="arial

نظرا لاهتمامكم بالموضوع ولتعم الفائدة سأذكر سبب فسخ للخطوبة

اولا انا من النوع لي كي تظهرلي القليل من محبة نظهرلك الكثيرة تعطيني حفنة من الاهتماما نعطيك اكثر واكثر واي حاجة صغيرة تأثر فيا وانا مرانيش متطلبة
يعني نبغي ناس تحترمني وتعرف قيمتي

جا نهار لي تعرفت فيه على خطيبي
جاب اهله وبقينا نتواصلو فالهاتف انا ضد لي يقول الكلام فالهاتف في فترة الخطوبة ماشي مليح بالعكس طريقة الشخص في كلامه هي لي تخلي لواحد يحترمك ولا يقلل ادب معاك فالكلام ولي يعرف يتصرف يتعرف اكثر على شريك حياته من خلال الهاتف
الحمد لله كنت فارضة احترامي
المهم اول حاجة بما انه عرف حالتنا المادية مليحة داه الطمع كان كي يدخل لدارهم يقولي نسيت باش نفليكسي عيطيلي نسحقك هو موظف وداير شركة مع ولد خالته مرة ماعيطش وكي استفسرت قالي عندي مشكل وخصني دراهم
هو كان شوية تقيل من جهة تيليفون يعني مرة على مرة يعط ويتحجج بالخدمة ومرة بعتلي مساج قالي درت حادث انا حسبت صح

بقينا يامات قالي خاصني دراهم باش نخدم لوطو انا هادي لحاجة لي ماعجبتنيش المهم بقيت نتهرب مالهدرة معاه
وحتى لمن بعد اكتشفت انها كذبة على خاطرش هو كان في وسع ربي وماكانش يعيط كيفاش نهار دار حادث بعتلي مساج
المهم كي عرف انا مانقدرش نعطيه دراهم بقا يدوموندي مني نخرج معاه انا رفضت الفكرة حتى يكمل اجراءات الخطبة يعني حتى بعد الفاتحة
هو ماعجبهش الحال وبغاني نعيش معاه كيما المتزوجين اسفة ولكن هذه هي الحقيقة لي اغلبية الشباب يفكرو هكا
بقا يفورصي عليا بصح انا كلمت الوالدة وصارحتا واش كان يقولي المهم هو ماقعدش يتصل بيا بحجة انه مشغول كي كثر عليا بعتله مساج وقتله لواحد كي يختار شريك حياته باش يهني راسه ماشي يزيد لروحه وجع الراس
لوالدة قاتلي نعرفك كيفاش تخمي راي لي ديريه راني معاك
المهم هو تجاهل هذاك المساج قعدنا حوالي 4 اشهر مرة شافني برا قعد يبيبيلي تجاهلت الموضوع

وبعد 7اشهر كنت مع لوالدة تلاقيته صدفة فتنا على بعضانا كأننا ولا كأنه كانت بينانتا حاجة بالرغم من انني كنت نحوس على واش درتله بالرغم من معاملتي الطيبة معاه يعني خلاني معلقة المهم لحقنا بالوطو وبقا يعيط لماما برقم خاص تجاهلنا الموضوع

بعد مدة اتصل بالوالدة وقالها راني باغي نطلب سماح من عيشة ومنك وبقى يترجاها قالها راني باغي نشرحلها ونطلب منها سماح انا خممت مليح وترددت بصح الفضول قتلني وبغيت نعرف علاه خلانيبلا حتى سبب

المهم حكا معايا قعد يبكي وطلب مني سماح وقالي ظروفه كانت صعيبة قتله انا علاه ماصارحتنيش راه مدة 10 شهر ماحوستش عليا

كي قتله سامحتك قالي علابالي قلبك كبيرة وعمرك ماضريتيني قالي انا لي معرفتش قيمتك وضريتك بزاف قالي يلا مراكيش مرتبطة نتمنى توليلي قتله ربي فيه لخير والزواج مكتوب

قالي ليوم من بعد كي تخمي جاوبيني

انا تخذت قرار لي مايعرف قيمتي كي نكون معاه مكان علاه يحوسعليا كي نبعد عليه

بعدها مارديتش عليه بقا غير يعيط بصح انا تخذت قراري[/font][/b]

السلام عليكم و سمحيلي نقولك يا سندوسة ما تقوليليش قلتي لخطيبك لي في بالي و بالك الدراهم لي تلقايهم هههههههههههه مزاح فقط

[*سندوسة*]

المشاركة الأصلية كتبت بواسطة MANAL31

السلام عليكم و سمحيلي نقولك يا سندوسة ما تقوليليش قلتي لخطيبك لي في بالي و بالك الدراهم لي تلقايهم هههههههههههه مزاح فقط

وعليكم السلام ورحمة الله وبركاته
ضحكتيني لالا ماقتلوش لوكان علابالو لوكان خطفني هههه

[غزلانْ]

شكـــــــــــــــرا خاص لمريومة على لمة لحباب

[نارينا]

دام تألقك ياسمين يعطيك الصحة أختي

أنت نشيطة الله يبارك ,,,,دمت ذخرا للمنتدى

كما أشكر الاخت الغالية مريم على اضفائها لهذا البريق على قسم يومياتي

مشكورة وجزاك الله ألف خير ..
سعيدة بقرائتي لاستضافتك الثانية في المنتدى ياسمين

[مريم الصابرة]

المشاركة الأصلية كتبت بواسطة manal31

شكـــــــــــــــرا خاص لمريومة على لمة لحباب

السلام عليكم اختي منال اهلا وسهلا
العفو غاليتي بارك الله فيك شكرا

[مريم الصابرة]

المشاركة الأصلية كتبت بواسطة نارينا

دام تألقك ياسمين يعطيك الصحة أختي

أنت نشيطة الله يبارك ,,,,دمت ذخرا للمنتدى

كما أشكر الاخت الغالية مريم على اضفائها لهذا البريق على قسم يومياتي

مشكورة وجزاك الله ألف خير ..
سعيدة بقرائتي لاستضافتك الثانية في المنتدى ياسمين

السلام عليكم اختي نارينا
اهلا وسهلا نورت الصفحة
شكرا لك ويسرني ان يلقى الموضوع كل هذا الترحيب
جزاكم الله كل خير يا رب
شكرا

[*سندوسة*]

المشاركة الأصلية كتبت بواسطة نارينا

دام تألقك ياسمين يعطيك الصحة أختي

أنت نشيطة الله يبارك ,,,,دمت ذخرا للمنتدى

كما أشكر الاخت الغالية مريم على اضفائها لهذا البريق على قسم يومياتي

مشكورة وجزاك الله ألف خير ..
سعيدة بقرائتي لاستضافتك الثانية في المنتدى ياسمين

ان شاء الله اختي نارينا
الله يرزقك من فضله
نورت الموضوع

[أثر]

السلام عليكم
الجماعة كلها هنااااااااااااااااااااااااا
احجزوا لي مكاااااااااااااااااااان.....ولي عودة لرؤية الضيف
غدوة نخدم ....لازم نرقد ضرك
غدوة نجي نقرعج

[*سندوسة*]

المشاركة الأصلية كتبت بواسطة الأثر الجميل

السلام عليكم
الجماعة كلها هنااااااااااااااااااااااااا
احجزوا لي مكاااااااااااااااااااان.....ولي عودة لرؤية الضيف:d
غدوة نخدم ....لازم نرقد ضرك
غدوة نجي نقرعج

وعليكم السلام ورحمة الله وبركاته
مريم دارتلنا التحويل ههه ربي يبارك فيها

مرحبا بيك اختي لكن لكل موضوع يومين ويغلق
والآت احلى واجمل مع مريومة
بالتوفيق واحلام سعيدة
اما نحن انا مافي ورايا لا عمل ولا اولاد ههه راني سهرانة هنا مع لمة الاحباب مطفرة غير فيكم ههه