الزوج........وعمل زوجته؟؟؟؟

[المرح جدا]

خذيها نصيحة مني اختي : اذا كانت من سترد عليك هنا وتكون مع الزوجة العاملة فهي يا اما موظفة او تريد ان تكون موظفة في المستقبل
والتي ضد الزوجة العاملة فهي مقتنعة بأن عمل الزوجة ليس منطقي خارج بيتها . او فُرض عليها عدم العمل
يعني للاسف دائما ما تكون الاجابات تخضع للعاطفة وليس للمنطق.
مع العلم انا لا اريد ان تكون زوجوتي عاملة .وانا لست ضد عمل المرأة في حالة الضرورة القسوى.

[جمعي البشاري]

لا للمراة العاملة
++
هدا علاه كثر البطالة والعنوسة والطلاق
الارقام تتحدث
+++لا اتحدث عن حالات خاصة++

[جمعي البشاري]

قال تعالى " فلا يخرجنكما من الجنة فتشقى "
لماذا قال " تشقى " ولم يقل " تشقيان "

قال الشنقيطي في (أضواء البيان) : ((أَخَذَ بَعْضُ الْعُلَمَاءِ مِنْ هَذِهِ الْآيَةِ الْكَرِيمَةِ وُجُوبَ نَفَقَةِ الزَّوْجَةِ عَلَى زَوْجِهَا لِأَنَّ اللَّهَ لَمَّا قَالَ إِنَّ هَذَا عَدُوٌّ لَكَ وَلِزَوْجِكَ فَلَا يُخْرِجَنَّكُمَا مِنَ الْجَنَّةِ ، بِخِطَابٍ شَامِلٍ لِآدَمَ وَحَوَّاءَ، ثُمَّ خَصَّ آدَمَ بِالشَّقَاءِ دُونَهَا فِي قَوْلِهِ ‫#‏فَتَشْقَى‬ دَلَّ ذَلِكَ عَلَى أَنَّهُ هُوَ الْمُكَلَّفُ بِالْكَدِّ عَلَيْهَا وَتَحْصِيلِ لَوَازِمِ الْحَيَاةِ الضَّرُورِيَّةِ لَهَا: مِنْ مَطْعَمٍ، وَمَشْرَبٍ، وَمَلْبَسٍ، وَمَسْكَنٍ.))

[eBusiness]

المشاركة الأصلية كتبت بواسطة سرور2

السلام عليكم

انا ماكثة في البيت ووجعني قلبي من مواضيعكم انتاع المرءة العاملة الي تخدم ربي يسهل والي تقعد ربي يسهل والي مخليها رجلها تخدم بينها بينو الراجل راجل روحو ويناه الي قلكم مش راجل عشتو معاه ولا شفتوه

ربي يهدي كل يوم واحد يخرج موضوع على لمرى بطرقتو الي مش حابة تخدم متخدمش علاش تروحو للخدمات والله غير ربي يهديكم وبطلو متعسو في الي يخدمو ولا قاعدين كل واحد راه في دارو وعندو اسرار وانتم وش دراكم علاش يخدم كاين الي محتاج واين الي حاب يخرج وكاين الي يحب مرتو تعاونو

وعليكم السلام ورحمة الله تعالى وبركاته
صدعتو راسنا بهذا الحرية الشخصية والخرطي هذا كله... هذه اللي حابة تخدم الله يسهل عليها لا وجود لها في الشرع، خروج المرأة للإختلاط بالرجال دون أن تكون مظطرة حرام حرام حرام لا نقاش فيه ثم المسألة ليست شخصية كما يتوهم القوم لأن المرأة بخروجها عارية وإختلاطها بالرجال فهي تفسد ديننا نحن الرجال وتحتم علينا النظر إلى ما حرم الله تعالى لهذا المسألة ليست شخصية بل القضية قضية مجتمع يترنح ولو كان الأمر يتعلق بخروجها من الصالون والذهاب إلى المطبخ في بيتها فتلك حرية شخصية أما أن تخرج عارية وسط الرجال فهذا يسمى هراء... عفونا من الكلام الزائد والتراهات

المشاركة الأصلية كتبت بواسطة سرور2

والله غير حرت في لعباد ربي يهدينا ان شاء الله

وانت الي درتي الموضوع ياما راكي راجل وتتمسخري لانو مكانش مرى مدافعش على النساء 1 و2 اما انك تعرفي وحدة خدامة وغايرة من خدمتها

ربي يهدي ان شاء الله

أختي طلعي نيفو شوية وإتقي ربك يعني بالنسة لك حتى الرسول محمد صلى الله عليه وسلم حينما أوصى نساء المسلمين بالبيت كان يغار منكن أم ماذا والله هذه هدرة جايحة... قلتها من قبل سيأتي يوم فيه حينما يتحد الواحد منا بالشرع يخرج عليه القوم ويتهمونه يا بالجنون يا بأشياء يبكي لها الفؤاد... أختي راجعي كلامك هذا فأراك خرجتي عن قوقعة الحياء ودخلت قوقعة التخريف

[om hind]

انا نشوف من المستحيلات السبع تغدر توفق المرأة بين العمل والبيت لأنو ربي خلق المرأة بطبيعتها ثمثم تتعب نفسييا يعني كون واحدة تخدم في النهار وراجلها يخدم في الليل وقتا يتلاقاو وزيد تربية الأولاد عندي صحبتي ولادها يقراو و عندهم المطعم على 12هي ماتخليهمش يوكلو ثم قتلي باه نتلاقى معاهم ومعلمهم احاديث و مراجعو شوي قرآن والله ولادها نعم التربية هي تعبت ورباتهم مليح في الصغر =رايحين يطيعوه ٌا رغما عن انفهم في كبرها و أيضاً الله تعالى قال(وقرن في بيوتكن)وهاذا لحكمة عظيمة انا شخصيا كون زوجي يقلي تخرجي كما تحبي و ديري واش تحبي نحسو ما يغير ًش عليا وانا ديما ندفعو باه نشوف الغيرة تاعو (ما نهدر وش اللي الله غالب عندها ظروف قاهرة تخليها لازمً تخدم)

[هالة اسماء]

المشاركة الأصلية كتبت بواسطة زينب [size=6

لكن،،،،،،،،،،،،، التوفيق بين البيت و العمل مستحيييييييييييييييييييييييل[/size]

شكرا لك اخت زينب كلامك واقعي من المستحيل ان توفق المراة العاملة بين العمل والبيت ونحكيلكم على زميلة زوجي فالعمل و عندها طفل واحد و الان هي بعيدة على دارهم كل مرة هداك الطفل مسكين مرمي عند امراة
و كل مرة تلقاه في وضعية خاصة انو رضيع و ما عندهاش الوقت حتى باش تخليه يمارس طفولتو كباقي الاطفال مثلا راه الان في مرحلة الحبو و لازمو يتعلم ياكل الاكل الصلب هي تقول راني نحطو مربوط باش ما يبوجيش و زيد نعطيه غير الحليب ما نتعبش روحي ونقعد نوكل فيه ببساطة الطفل مسكين محروم حتى من حقو فالحركة لان الام تتعب و ماعندهاش الوقت مع انو زوجها خدمتو لاباس بيه هادي كحاجات بيولوجية طبعا دون ان ننسى الحاجات النفسية من عطف وحب و احتواء لان المتضرر الاكبر هو الطفل
و لا انكر العمل للضرورة و الحالات الخاصة التي سبق ذكرها
ربي يهدينا و يهني كل زوجين

[0ibtissam]

انا ضد عمل المراء في حال كان الزوج ميسرو الحال وعلاه عليها تعب روحا
اما اذا كان مش قدار معليش يتعونا انا زوجي الاثنين نخدمو مش لحقين معا لمعيشة الغالية ربي يقدرنا

[أم مبين]

انت يا من تقول انا المراة العاملة خارجة عن الشرع اتقي الله في نفسك فلست الله حتى تقيم الناس فما ادراك انت ربما هي تسبقك للجنة لانكم ببساطة اصبحتم انتم تحددون من يدخل الجنة ومن يدخل النار انا امراة عاملة وافخر بنفسي والحمد الله موفقة بين عملي وبيتي واحب من احب وكره من كره والحمد لله لست اخرج عارية ولا لا لمزاحمة الرجال اخي الكريم بل لاني ارفع منك شانا انا قريت وانت قعدت حاكم الحيطان ودوك تخفيت وراء الدين وقاعد تحلل وتحرم اتقو الله شكون انتم حتى جايين تحللو وتفسرو على هواكم السديسي وقال انا لا افسر ولا افتي جايين انتوما تحددو شكون تدخل النار وشكون المراة الصالحة وشكون هي الي شيطانة فعلا ناس غريبة

[غزلانْ]

و لكن المرأة كيفاش يخليها قلبها تخدم و ترمي ولادها في لاكريش و لا في دار من ديار المربيات هدي تجيها صعيبة و ثقيلة عليعا بزاف من ناحية و لكن تجدينها دائما جميلة متأنقة و هدي سهالة عليها

[nouha nounous]

و الله شوفو انا بنت امرأة عاملة وحنا ولادها يضربو بينا المثل في الترببة و الاخلاق عمري ما حسيت بلي ماما منقصة علينا حاجة كلشي في بلاصتو ماشيين كي الساعة و شاءت الاقدار اني نكون ام عاملة و وليدي رغم انه رضيع لكن لله الحمد منظمة حياتي و عارفة اهدافي و لاقية راحتي الحمد لله التخطيط الجيد و النظام هو كلش الله المستعان

[جنان14]

المشاركة الأصلية كتبت بواسطة om hind

سبحان الله حتى كلام ربي تستهزئين به الله يهديك راجعي نفسك يا أختاه

علاش تفسرو الكلام مثل ماحبيتو انا لم استهزء بكلام الله حتى تاتي وحدة مثلك وتقولي انا قالت هدي الكلمة ماتنطبقش فقط على العمل لكن على المراة عموما يعني انو ماشي ماتخدمش لكن كل يوم برا واولادها في الشارع وتعرف سومة كل شيء وتظل في الاسواق حتى هدا شارع وفيه اختلاط واكثر من مكان العمل لانو الشارع فيه المنكرات اكثر:rolle yes:

[om hind]

المشاركة الأصلية كتبت بواسطة جنان14

علاش تفسرو الكلام مثل ماحبيتو انا لم استهزء بكلام الله حتى تاتي وحدة مثلك وتقولي انا قالت هدي الكلمة ماتنطبقش فقط على العمل لكن على المراة عموما يعني انو ماشي ماتخدمش لكن كل يوم برا واولادها في الشارع وتعرف سومة كل شيء وتظل في الاسواق حتى هدا شارع وفيه اختلاط واكثر من مكان العمل لانو الشارع فيه المنكرات اكثر:rolle yes:

انا راني معااك في المرأة الي ظلا تدور في الاسواق دون حاجة بصح نهار تحتاج كش حاجة و لازم هي اروح واش تدير و كذلك المرأة اللتي تعمل دون حاجة نسألك كيفاه راكي توفيق بين العمل والبيت و فداك توجديه بكري على 4تاع الصباح وما تقوليليشندير سوندويتش بالكاشير ولاتسخني لي كون سارق تاع بلاط ماتجيش عيانية من الخدمة غير لا عدتي قرانداي زر ماتتعبيش

[eBusiness]

المشاركة الأصلية كتبت بواسطة om hind

انا راني معااك في المرأة الي ظلا تدور في الاسواق دون حاجة بصح نهار تحتاج كش حاجة و لازم هي اروح واش تدير و كذلك المرأة اللتي تعمل دون حاجة نسألك كيفاه راكي توفيق بين العمل والبيت و فداك توجديه بكري على 4تاع الصباح وما تقوليليشندير سوندويتش بالكاشير ولاتسخني لي كون سارق تاع بلاط ماتجيش عيانية من الخدمة غير لا عدتي قرانداي زر ماتتعبيش

واش نقولك يا لالة النسا... الله يسترك على هذا الكلام الرائع والذي هو في الصميم... فيما يخص النساء ليس هناك كلام بعد شهادة النساء والسلام عليكم.

[sarra 19]

الاخوة و الاخوات الي راهم ضد عمل المراة قوليلي الكوكب الي راكم عايشين فيه نجي نعيش معاكم
اجزمتم ان العاملة مقصرة في بيتها و مع اطفالها و الطامة الكبرى في دينها
و الماكثة في البيت هي التقية النقية الي ولادها متربيين

و الله انا في الكوكب الذي اعيش فيه نشوف العكس
انتم هزيتو حالة امراة واحدة لا تريد الانجاب لانها عاملة و عممتوها و هزيتو حالة امراة مش قادرة توفق و عممتوه و .....

انا ايضا عندي قصص كثيرة عن تقصير الماكثات في البيت في حق ازواجهم و اولادهم ولكن لا اريد ان اقع في القذف و التعميم
لانه المراة تقاس بتربيتها و شطارتها سواء عاملة او لااا