توفي مولودي والحمد لله.....

[أم تيم الله]

و الله يا حبيبتي كي قريت توفي مولودي و الحمد لله بكيت قبل مندخل و كي دخلت زدت بكيت كثر و كثر لانو اليوم بالذات من الصباح و انا نتفكر في الشي لي صرالي و لولدي

اختي انا ولدي توفى نفس حالة ولدك شرب الماء الامينوسي المخضر و لكن ماشي اختناقا اثر عليه في الامعاء نتاعو و قعد غير 3 ايام معايا

حسيتهم دهر كي مات مأمنتش و عندو عام و شهرين تقريبا من توفى و لحد اليوم منيش مصدقة كل يوم تقريبا نشوفو في منامي و كل يوم نقول ياريتو كان حي

متصدقيش قداه استنيتو و فرحت بيه و لكن لله ما اعطى و لله ما اخذ ربي سبحانو حنين كريم اكثري من الحمد و قولي انا لله و انا اليه راجعون و اصبري و احتسبي

اختي منقولكش متبكيش لاني انا بكيت و لكن حاولي متكثريش راكي نافس و البكا يضرك في عينييك و حافظي على صحتك انا راني عانيت من التهاب الغدة الدرقية

من ورا الحمل و متولهتش مع روحي و كي حبيت نحمل مرة اخرى منعتني الطبيبة و قاتلي حتان نتخلصو من الالتهاب ديت عام و 2 شهرين باه تخلصت من الالتهاب

و اليوم و الحمد لله درت تاست و لقيت روحي حامل و ان شاء الله ربي يرزقني و اياك بالذرية الصالحة و السالمة و المعافاة يا رب

طولت عليك بالهدرة اسمحيلي و لكن موضوعك قاسني في قلبي ربي يعوضك ان شاء الله ديري ربي في بالك و باذن الله متخيبش ظنك بيه هو القادر على كل شيء

[أم عروة]

ربي يصبرك اختي اميرة
إن لله ما أخذ ، وله ما أعطى ، وكل شيء عنده بأجل مسمى ، فاصبري واحتسبي
ربي يعوضك

[جلفااوية]

لا حول ولا قوة الا بالله العلي العظيم ربي يعوظك اختي انشاء الله ويعطيك الصبر

[ام ياسمين10]

ربى يصبرك اختى ويعوضك ان شاء الله

[imi25]

السلام عليكم
ربي يصبرك ويعوضك خير يا رب
عندي بنت خالتي زيدت في جانفي 2012 وجابت طفل وفي شهر اوت 2012 توفالها لقاتو مقلب على وجهو في سريرو صدقيني هبلت وحنا هبلنا معاها والحمد لله صبرها الله وكملت حياتها
وفي عام 2013 جوان زيدت وجابت طفل وفي عام 2014 جويلية جابت بنت
بالرغم من انها جابت لولاد هادو مزالت منساتش عبد الرحمان ولحد الساغة تتفكرو وتحكي عليه وتدمع عينيها
ان شاء الله يصبرك ربي ويزيد يرزقك بواحد يا رب

[prettylady]

ان لله وانا اليه راجعون ربي يرزقك بالصبر و يكون معاك ان شاء الله و يعوضك بالذرية الصالحة الي تقر بيها عينك
اصبري و احتسبي الاجر عند الله

[amira19]

المشاركة الأصلية كتبت بواسطة أم تيم الله

و الله يا حبيبتي كي قريت توفي مولودي و الحمد لله بكيت قبل مندخل و كي دخلت زدت بكيت كثر و كثر لانو اليوم بالذات من الصباح و انا نتفكر في الشي لي صرالي و لولدي

اختي انا ولدي توفى نفس حالة ولدك شرب الماء الامينوسي المخضر و لكن ماشي اختناقا اثر عليه في الامعاء نتاعو و قعد غير 3 ايام معايا

حسيتهم دهر كي مات مأمنتش و عندو عام و شهرين تقريبا من توفى و لحد اليوم منيش مصدقة كل يوم تقريبا نشوفو في منامي و كل يوم نقول ياريتو كان حي

متصدقيش قداه استنيتو و فرحت بيه و لكن لله ما اعطى و لله ما اخذ ربي سبحانو حنين كريم اكثري من الحمد و قولي انا لله و انا اليه راجعون و اصبري و احتسبي

اختي منقولكش متبكيش لاني انا بكيت و لكن حاولي متكثريش راكي نافس و البكا يضرك في عينييك و حافظي على صحتك انا راني عانيت من التهاب الغدة الدرقية

من ورا الحمل و متولهتش مع روحي و كي حبيت نحمل مرة اخرى منعتني الطبيبة و قاتلي حتان نتخلصو من الالتهاب ديت عام و 2 شهرين باه تخلصت من الالتهاب

و اليوم و الحمد لله درت تاست و لقيت روحي حامل و ان شاء الله ربي يرزقني و اياك بالذرية الصالحة و السالمة و المعافاة يا رب

طولت عليك بالهدرة اسمحيلي و لكن موضوعك قاسني في قلبي ربي يعوضك ان شاء الله ديري ربي في بالك و باذن الله متخيبش ظنك بيه هو القادر على كل شيء

راني حاسه بيك ......يعجز اللسان عن التعبير

بارك الله فيك و الف مبروك على الحمل

[amira19]

بارك الله فيكن

اختي ايمي صدقيني ابتسمت تفاؤلا كي قريت حكايه بنت خالتك

ربي ما فيه غير الخير

ادعيولي اخوتي

احبكن في الله

[amira19]

بارك الله فيكن

اختي ايمي صدقيني ابتسمت تفاؤلا كي قريت حكايه بنت خالتك

ربي ما فيه غير الخير

ادعيولي اخوتي

احبكن في الله

[imi25]

السلام عليكم
والله فرحت كي قلتي ابتسمت تفاؤلا ولحمي تشوكت
راني حاسة بيك على خاطر شفت بنت خالتي قدامي وهي تنهار فليامات الاولى لصرات فيها الوفاة معندي منقولك مقدرناش نصبروها حتى ولينا نقولولها احمدي ربي لمزالو والديك عايشين ووليدك ان شاء تخلفيه
المهم صبرت والان عندها عبد الرحيم وجمانة شوية نساوها في عبد الرحمان
وصدقيني اختاه بكيت بزاف كيما سمعت بيك وان شاء الله منحبسش الدعاء ليك حتى تقولينا راني بالحمل يا رب

[ام مهدي 03]

تلقايه فى الجنة ان شاء الله
وربى يعوضك فى الدنيا

[amira19]

يا رب يا رب

ربي يحفظك يا ايمي يا لحنينه ربي يرزقك من حيث لا تحتسبين

[نور الرحمة]

انا لله وان اليه راجعون

[زينب 83]

شوفي حبيبتي نحكيلك حكاية عجوزتي
عجوزتي ماشي كبيرة ، توفالها بنها الاول و كان في عمرو عام و نص و من دون سبب دارلو الم في البطن ساعة وحدة مات ، و عجوزتي قاتلي قريب هبلت و ماصبرتش
بعدها بعامين رزقها ربي بتوأم لي هوما زوجي و خوه و من بعدهم جابت 6 اخرين بين بنات و ذراري و ماشاء الله خرجو كامل صالحين ، و دوكا قاتلي راني ندمت كي ما صبرتش لآني ماكنتش نعرف للدين كيما دوكا ، و خالي ماتلو بنو الصغير عمرو 13 عام و كان هو قرة عينو و ماصبرش نهائي لكن بعد بفترة ندم و قال كون يبتليني ربي مرة اخرى راح نصبر بعدها بعامين سبحان الله اختابرو رب العالمين وزاد مات أبنو لكبير تخيلي
و خالي واحد اخر مات أبنو الوحيد فوق 6 بنات لكن صبرو كان عجيب حتى انو الناس استغربو منو
و القصص بزاااااااااااف ،
علابالي حبيبتي الامر صعيب و صعيب بزاف خاصة على الام لكن انتظري فرج الله عن قريب و انا متاكدة تمام التأكد انو سيعوضك خيرا حبيبتي ، و قال رسول الله صلى الله عليه و سلم في حديث من تصبر صبره الله ، يعني انت حاولي الصبر و ربي راح ينزل عليك السكينة من عندو ، و ابنك مفارقتش حبيبتي مجرد فترة قصيرة في هذه الدنيا و راح تلقايه يأخذ بيدك لباب الجنة بإذن الله ، اصبري و ربي راح يكون معاك الم يقل و بشر الصابرين فانتظري البشرى

[ام خليل §]

ربي معاك الله يصبرك