~¤ô¦¦§¦¦ô¤~ بيتك جنتك و رضاء ربك مبتغاك 6 ~¤ô¦¦§¦¦ô¤~ - الصفحة 5

سمراء الدنيا · 2014-11-15, 16:14

برنامج مستمد من افكاركم

بعد ما اطالعت على برنامج كل وحدة فيكم ........... بالايجابيات و السلبيات خرجت بهاذ النتيجة

اول و اهم شيء النواض بكري و حاليا راه الليل طويل و رانا نشبعو رقاد

نقصو شيء من الاعمال في الليل .... مثلا تنظيف المطبخ و الحمام يكون في الليل احسن .... رايحة تحسي براحة اكثر كي تنوضي و تلقي الحالة نظيفة

اول شيء ديريه بعد الافطار هو تحضير وجبة الغداء ...... كي تتهني من الاكل الاعمال الاخرى تقدري تخدميها براحتك بدون ضغط

التقليل الى ابعد حد من النت و الهاتف و التلفاز في الفترة الصباحية

التسياق يكون مقسم للبيت للي يكون كبير ..... فمثلا عندي انا يوم للمطبخ و الاوول و يوم لغرف الاولاد و غرفتي و يوم للصالون و المدخل و باقي الايام مسح ارضية فقط

غسيل الملابس يكون مرتين في الاسبوع و طبعا حسب عدد افراد الاسرة

الكي و طي يكون اثناء فترة الظهيرة او في الصباح الباكر في عدم وجود الزوج و الاولاد

تخصيص يوم لتحضير بعض الحلويات او معجنات لفطور الصباح او قهوة المساء

للي تقدر تحضر لعشا مع لغدا يكون افضل لربح بعض الوقت و استغلاله في تدريس الاولاد

تخصيص نهاية الاسبوع للقاءات العائلية او التسوق و غير ذلك
مثلا الجمعة نخلوها للعبادة و السبت نعملو فيه اي شيء الا الاعمال المنزلية

بما اننا في فصل البرد نحاولو نقللو من سكب الماء و نعوضوه بالمسح فقط مثل مسح الجدران و النوافذ و الابواب ....و نحافظو دايما على النظافة .... وما نخلوش الحاجة حتى تتوسخ و كي نجو نظفوها تعبنا

يتبع

سمراء الدنيا · 2014-11-15, 16:14

برنامج يوم الاحد

التركيز قدر المستطاع على البرنامج الديني

الاهتمام ايضا بالجانب الجمالي

اختاري وقت مناسب و ابدئي بترتيب خزانة الملابس الخاصة بالاولاد

رتبي اعمالك اليومية العادية اول باول و من الاحسن نطبقو برنامج اختنا ام كلاك

اقتباس:

المشاركة الأصلية كتبت بواسطة oummalak

[color="darkred"][size="6"]

[color="sienna"][size="6"][center]تنظيم البيت
نخصص نصف ساعة يوم الاثنين والاربعاء ننظم خزانة لانستعملها دائما ..بلاكار ..قاراج ....حديقة.......
نقوم بفرز الملابس التي لانستعملها نخصصها للصدقة والتى نسترجع منها مناشف للمطبخ او ملابس لاولادنا ...........
الكراكيب التي لم نستعملها من سنين نرميها او نبيعها او نتصدق بها فالشيء الذي لم نستعمله من سنة لانستعمله ولو بعد 20سنة
[color="black"][size="6"]

اقتباس:

المشاركة الأصلية كتبت بواسطة oummalak

[color="blue"][size="6"]السلام عليكم ورحمة الله وبركاته
نفتتح على بركة الله تجمعنا هدا وليكن شعارنا بيتنا جنتنا ورضاء ربنا مبتغانا
اولا ما اقترحه على كل اخت هو انه اول ما تقومين به عند نهوضك من النوم هو الوضوء لصلاة الفجر
اقول صلاة الفجر لانها اساس يومك والا سيكون بناء يومك ايل للسقوط لان لاعماد ولا اساس له
بعد الوضوء نصلي ركعتين لله ونقرا من 15 صفحة قران الى 20صفحة الى ان يحين صلاة الصبح نصلي ونقرا الادكار الصباحية ونبدا على بركة الله نقول بسم الله توكلنا على ربنا
اول شىء نمشط شعرنا ونضع كحل للعينين لان الطلة المشرقة للانسان تزيد من ثقته لنفسه
الان نوقض الاولاد والزوج ونجهز القهوة وما نشربه معها
يجب ان نعود انفسنا على لاينقطع لساننا عن ذكر الله
والان بعد ان فطر الكل وخرجو نضع زيت للشعر ويكون هدا يوم بيوم
نبدا بالشغل اليومي والطريقة التي اتبعها وهي انني كل غرفة اضع لها وقتا اتحدى فيه الوقت الذي وضعته لاكمل هده الغرفة مثلا غرفتى اقول يجب ان اكملها في 15 د واتحدى واكملها في 12د مثلا وهكدا ............
وبد ذلك نقوم عمل من العميق الذى ساكتبه
وبعد ان نتهي منه نكون قد تحدينا الوقت واكملنا قبل الظهر واغتسلنا
واي طارىء ووراء الظهر نحن جاهزون له واى ضيف على الرحب والسعى ويازوجي تعال الى بيت نظيف وزوجة مرتاحة لاتعاني التعب لانها تعلمت كيف تنظم وقتها وتنظف بيتها من دون تعب ويا اولادي لن اصرخ في وجهكم لانني لست متوترة
انصكن اخواتي باخد قيلولة 10د انها تريح الجسم بعدها اكملي فترتك المسائية بنشاط وهمة
وفيما يخص جانبك الديني.. صلاتك لاتاخريها
حاولي ان تتبع سنن نبينا الحبيب كي تنجحي في حياتك
اقرئى المزيد عن سيرته واشرحيها لاولادك
الاستغفار ثم الاستغفار انه يصنع المعجزات
الادكا رالصباحية والمسائية وقبل النوم تحفظ الانسان من كل شر وشيطان
الان سوف ادكر لكن البرنامج العميق الدى تستطيع كل اخت ان تتبعه لانه 50د لااكثر في اليوم تستطيعي تطبيقه في الصباح او المساء وحتى الاتي يشتغلن يستطعن تطبيقه

أم شيماءْ · 2014-11-15, 17:26

مساء الخيرات انا برنامجي
7...................... نوض ونطيي القهوة ونصلي ونوض لبنات يفطرو ويروحو يقراو
ومبعد نوض زوجي ونفطر معاه ويروح يخدم تكون الساعة 8 نبدا نسيق ثم ندير لغدا ونعجن نخلص على 11و30
المشكل تاعي اني عصبية بزاف مع بناتي هما صغيرين الكبيرة في عمرها 9 سنوات والصغيرة 5 نضل نعيط عليهم

سمراء الدنيا · 2014-11-16, 09:09

سمراء الدنيا · 2014-11-16, 09:12

ياسمين1990 · 2014-11-16, 09:30

السلام عليكم ورحمة الله وبركاته
صباح الخير والبركة والصحة والعافية على الجميع
اهلا سمورتنا بارك الله فيك وشكرا لك على هذا البرنامج
وعلى كل ماتقدمينه في ميزان حسناتك ان شاء الله
بالتوفيق للجميع

شموخ امرأة · 2014-11-16, 09:47

السلام عليكم
صباحكم خير و نشاط و بركة من ربي يعاون كل ام في مسؤوليتها كلنا نعرفوا ان الام مسؤليتها كبيرة و صعيبة في نفس الوقت ......
اطلبوا من الاولاد المساعدة ايام العطلة و حتى الايام إلا خرى تكون مساعدة بسيطة لكنها تعلم الاولاد تحمل المسؤلية و الاعتماد على النفس و هذ الشي يخليهم يحسو ا بتعب الام و يحافظوا على نظافة البيت و كي تغيب الام يعتمدو ا على انفسهم
هذ المساعدة تطلب من الولد وخاصتا البنت .......وهكذا تتشارك العاءلة في تنظيف ما يلزمش تكون الام هي الوحيد ة المسؤولة على النظام ..........

oum sabrin · 2014-11-16, 10:28

صباح الهمة والنشاط والخير والربح يا نحولات
يعطيك الصحة أختي سمراء على البرنامج خفيف و ظريف
راني بديت مع غرفة أولادي ،دخلت فقط باش نقولكم بالتوفيق
لي عودة إنشاء الله للتفصيل

أم فاطيمة · 2014-11-16, 10:43

السلام عليكم صباح الهمة و النشاط
الاخت سمراء الدنيا شكرا على هذة الدورة لانها مهمة جدا لكل ست بيت
و انا من المتتبعات لهته الدورات و استفدت منها بزاف حوايج ربي يجازيك كل خير
من فضلكم اريد تصيحة منكم راني عارفة خرجت عن الموضوع بصح تبالي داخل في الاعمال اليومية
انا ولادي ماهمش منظميين و فوضويين و خاصة كي يدخل باباهم يجيهم لبكا
و التشاجر و كثرة الاسءلة فهمتهم بالعقل و العياط بصح مالقيت حتى
حل هذا ولا يديرلي لمشاكل في البيت

farawla01 · 2014-11-16, 13:39

ربي يعاون الجميع حبيت نسال الاخوات كيفاش اطيبو الغداء مع العشاء يكفيكم الوقت اختي سمراء ربي يباركلك في مجهودك

سمراء الدنيا · 2014-11-16, 21:39

اقتباس:

المشاركة الأصلية كتبت بواسطة ouricia

مساء الخيرات انا برنامجي
7...................... نوض ونطيي القهوة ونصلي ونوض لبنات يفطرو ويروحو يقراو
ومبعد نوض زوجي ونفطر معاه ويروح يخدم تكون الساعة 8 نبدا نسيق ثم ندير لغدا ونعجن نخلص على 11و30
المشكل تاعي اني عصبية بزاف مع بناتي هما صغيرين الكبيرة في عمرها 9 سنوات والصغيرة 5 نضل نعيط عليهم

مساء النور اختي اوريسيا ما شاء الله برنامجك منظم و هاكدا يبقالك وقت تهتمي بنفسك و ببناتك ........... بالنسبة للعصبية ما كانش للي ما تعانيش منها ... لكن لازم نتحكمو شويا في ميزاجنا و ما نخلوهش ياثر على نفسية اولادنا ....لبنات يحتاجو معاملة خاصة خصوصا لما يكونو على ابواب سن المراهقة و تعلمي تكسبيهم و تكوني ذكية في التعامل معاهم ..... اذا ما فهمتيهمش انت و حنيتي عليهم شكون يفهم .... انت ما عندك اعز منهم و هوما ما عندهم اعز منك و الكلام في هاذ المجال يطول و نتمنى كل وحدة عندها بنات تفيدنا بتجربتها

اقتباس:

المشاركة الأصلية كتبت بواسطة ياسمين1990

السلام عليكم ورحمة الله وبركاته
صباح الخير والبركة والصحة والعافية على الجميع
اهلا سمورتنا بارك الله فيك وشكرا لك على هذا البرنامج
وعلى كل ماتقدمينه في ميزان حسناتك ان شاء الله
بالتوفيق للجميع

شكرا على تشجيعك اختي ياسمين .. يا الله شدي الهمة و شاركينا يومياتك ... نعرفك من محبات التغيير للاحسن

اقتباس:

المشاركة الأصلية كتبت بواسطة شموخ امرأة

السلام عليكم
صباحكم خير و نشاط و بركة من ربي يعاون كل ام في مسؤليتها كلنا نعرفوا ان الام مسؤليتها كبيرة و صعيبة في نفس الوقت ......
اطلبوا من الاولاد المساعدة ايام العطلة و حتى الايام إلا خرى تكون مساعدة بسيطة لكنها تعلم الاولاد تحمل المسؤلية و الاعتماد على النفس و هذ الشي يخليهم يحسو ا بتعب الام و يحافظوا على نظافة البيت و كي تغيب الام يعتمدو ا على انفسهم
هذ المساعدة تطلب من الولد وخاصتا البنت .......وهكذا تتشارك العاءلة في تنظيف ما يلزمش تكون الام هي الوحيد ة المسؤولة على النظام ..........

عندك الحق شموخ لازم نعلمو اولادنا جانب من المسؤولية ......... هاذ البرنامج طبقتو العام الماضي كنت نمر بوعكة صحية و علمت الاولاد ينظفو البيت في نهاية الاسبوع لكن هاذ العام غيرت لانهم في مراحل صعبة و برنامجهم مكتظ و ان شاء الله في العطل نخرجها منهم ههههههه

اقتباس:

المشاركة الأصلية كتبت بواسطة oum sabrin

صباح الهمة والنشاط والخير والربح يا نحولات
يعطيك الصحة أختي سمراء على البرنامج خفيف و ظريف
راني بديت مع غرفة أولادي ،دخلت فقط باش نقولكم بالتوفيق
لي عودة إنشاء الله للتفصيل

اهلا بالنشاط و الحيوية و اول المطبقات للبرنامج ..... و فقنا الله واياك و في انتظار ك حبيبتي

اقتباس:

المشاركة الأصلية كتبت بواسطة أم فاطيمة

السلام عليكم صباح الهمة و النشاط
الاخت سمراء الدنيا شكرا على هذة الدورة لانها مهمة جدا لكل ست بيت
و انا من المتتبعات لهته الدورات و استفدت منها بزاف حوايج ربي يجازيك كل خير
من فضلكم اريد تصيحة منكم راني عارفة خرجت عن الموضوع بصح تبالي داخل في الاعمال اليومية
انا ولادي ماهمش منظميين و فوضويين و خاصة كي يدخل باباهم يجيهم لبكا
و التشاجر و كثرة الاسءلة فهمتهم بالعقل و العياط بصح مالقيت حتى
حل هذا ولا يديرلي لمشاكل في البيت

العفو اختي فطيمة ... رانا هنا لنستفيد من بعضنا البعض
بالنسبة للمشكل نتاع الفوضى .... عادي .... ما يكونوش طبيعيين لو كان ما يديروش الفوضى .... و الحل يتوقف على سن الاطفال اذا كان متقارب ربي يعينك ..

اقتباس:

المشاركة الأصلية كتبت بواسطة farawla01

ربي يعاون الجميع حبيت نسال الاخوات كيفاش اطيبو الغداء مع العشاء يكفيكم الوقت اختي سمراء ربي يباركلك في مجهودك

ربي يخليك اختي فراولة .... بالنسبة للعشا مع لغدا .. تقدري ديري طبق ثقيل و اخر خفيف مثلا اذا درتي طعام للغدا و جدي شوربة و اورداف للعشا و ماشي شرط تكمليها تقدري تجهزي المراحل الاولى فقط .... و نتمنى لبنات يفيدونا بافكارهم في الموضوع

سمراء الدنيا · 2014-11-16, 21:43

تطبيقي لليوم الاول

يوم الاحد ......... نضت 5/30 توضيت و قريت في المصحف حتى اذن صليت و قريت الاذكار و بعدها راجعت الحفظ و بديت في سورة النجم
https://www.djelfa.info/vb/showthread.php?t=1607326
شربت 4 اواب ماء على الريق و نوضت الاولاد و رحت للمطبخ حضرت لفطور و في نفس الوقت درت لوبيا بيضا طيب .... حطيت للاولاد يفطرو و كويت ملابس الزوج و بعدها لميت لفراش كي خرجو الاولاد حضرت قهوتي و جلسن عند النت حتى ل 9 خرجت مشوار و رجعت لقيت بنتي ناضت فطرتها و جوزت النشافة على الدار و رحت لغرفة الاولاد و معايا بعض مواد التنظيف من اهمها

مسحت بالانجات لي طاش الموجودين في الجدران و ايضا قواطع الكهرباء
و مسحت السقف و الجدران

نظم مكتب ابني

و خزانتو لقيتها منظمة .. مسحتها من الغبار

جاو الاولاد من المدارس تغدينا

و رقدت شويا و نضت صليت الظهر وغسلت ماعين لغدا و ريحت شويا عند النت
جاتني ضيفة درنا لاتاي و حطيت الكعك و غريبية و بعثتلي جارتي بسبوسة
جاو الاولاد شربو القهوة و قعدت معاهم نقرو هنا
https://www.djelfa.info/vb/showthread.php?t=1702611
اذن المغرب صليت و درت لعشا مقارون بالطون و سلاطة خضراء و اكتيفيا
قبل لا نرقد قريت الاذكار و عملت ترطيب لليدين و الرجلين

يوم الاثنين
البرنامج الديني تمام و الحمد لله
حفظ 9 ايات من سورة النجم
التلاوة الاية 232 من سورة البقرة
مع تقصير في صلاة الضحى

البرنامج الصحي و الجمالي
دائما مع شرب اربع اكواب من الماء على الريق
تفريش الاسنان ..... ترطيب اليدين و الرجلين
تقشير الوجه بزيت الزيتون و السكر
قناع بياض البيض

التنظيفي
بعد الافطار درت لغدا يطيب ....جلبان و معقودة و سلاطة بيطراف
لميت الدار و درت شوي قش في الماشينة
رتبت خزانة بنتي و مسحت الغبار و قواطع الكهرباء و الثريا
تغدينا و صليت الظهر و عجنت لمعارك و فصلت قماش نتاع جارتي
طيبت لمعارك و شربنا القهوة .... قريت ولدي شويا فرنسية و شويا رياضيات
و لعشا بقالي من لغدا
في الليل عاودت لميت الدار و نظفت الحمام و المطبخ

ماريا205 · 2014-11-16, 22:53

السلام عليكم ورحمة الله كتبت رد طويل وكلش رااح
اسفة على التاخر في الرد عندي مشكل في الميكرو الصفحة تتبلوكا في منتصف التحميل حتان عاودت installation
برنامجي اليومي على بالي مليان نقائص خاصة الجانب الديني
الصباح مرات نوض على 6 ومرات على 30و6 نصلي نوجد الفطور نةض لبنات يوجدو رواحهم نفطرو مع بعض يروحو للمدرسة نغسل مواعن الفطور المطبخ نكون رتبتو في الليل وسيقتو ومعاه الدوش والتوالات حاشاكم
نشمخ القش ادا كاين باش نحطو في الغسالة
نقعد نتصفح شوية ونحمل تمارين لقراية بناتي كي تنوض صغيرونتي تفطر ونقعد شوية معاها
نوض للغداء ننصبو ومعاه العشاء الا ادا راح ندير معجنات والا نزود من الغداء نكون تهنيت
نسيق باقي الغرف والا ننشف وغالبا التسياق بيوم الخميس باش الويكاند يقعد كلش نظيف
30و11يجيو باتي نحطلهم الغداء بعدها نغسل لماعن ننشر القش نصليي الضهر و مرات نرقد شوية مع بنتي
40و14 تجي بنتي تاكل لمجتها وانا كشما عندي ترقاع والا نرتب خزانة ونبداو المراجعة ما بين ما جات ختها نفس الشيء معاها يعني العشوة شارجي من هادي لهادي نتعشاو نغسل لماعن ونرتب
ونقعد مع الميكرو
هده يومياتي مش عاجبتني خاصة في الجانب الديني ما نرتل وما نحفظ كيما كنت ربي يشفيني ونرجع كي بكري
ثاني الاشغال اليدوية ما نمس والو

ماريا205 · 2014-11-16, 23:11

تطبيقي لليومالاحد
الجانب الديني نجاول نجاهد نفسي ربي يوفقنا بلا ما ننسى الاستغفار
الجانب التجميلي نعمل ماء البصل لفروة الشعر تقويه مع ترطيب اليدين والرجلين
الجانب التنظيفي اضافة للعمل الروتيني اليومي ترتيب الغرف مسحت الغبرة وسيقت الدار كامل طبقت القش ورتبت خزانة البنات والبلاكار تاع الافرشة
الغداء شطيطحة بوزلوف وسلاطة منوعة بعد ما جاو الاولاد من المدرسة تغدينا وغسلت لماعن صليت الضهر ورقدت شوي العشاء باقي من الغداء وزدت غرايف يحبوها المساء بقالى الوقت مع المراجعة
الجانب التربوي بديت قراءة قصة قبل النوم اختارو قصة بعنوان المعزاة المغفلة وطبعا القصة تخلق جو رائع بين الراوي والاطفال حكيتها بالفصحى باش يستفادو وان شاء الله نستمر كيما هكا

أم ياسين الزهراء · 2014-11-17, 08:17

صباح الانوار
الامنيات مشكلتي زوجي مايحبش يلقاني في الكوزينا يعني مانغسلش المواعن تاع العشاء مستحيل دايما نخليهم للصباح وفي الصيف البنات اللي يتكفلو بالكوزينا

اوريسيا كنت كيما انت نضل نعيط على ولادي الدكورة الكبار ومنبعد درت تجربة مانعيطش بكل بساطة كينجي نعيط نستغفر ونشهد ونسكت درتها مرة زوج ونجحت نحي العياط يقلق الاولاد ويكرهم فينا ويولو يشوفوك فم محلول غير للعياط صدقيني حاولي ودوق تنجحي

الدار الكبيرة نضفوها بالدفعات هكى راني ندير يوم للفوق ويوم للتحت

الماكلى طيبو الصباح خير وخلو العشية للاولاد وللقراية وللزوج الكريم طبعا

راني بديت ندير في تجربة نخدم بالعقل صحتي مابقاتش كيما بكري ولقيتها خير وحسن اللي مازالت صغيرة تعود روحها على العقل في الخدمة

الاخت نسيت السم اللي عندها مراهقات البنات يحبو يماهم داصرهم وتحكي معاهم صاحبيهم واحكي معاهم ولو في المسلسلات والحكايات راح يستانسو بيك بالعقل برك جيل واعر ومايستعرف بحتى حاجة ربي يحفظهم

نهار الميناج ماتحلوش الميكرو هو اللي يقضي على الوقت هدي نصيحة مجربة