المتاهلات رسميا الى المسابقة.........والانطلاقة السبت مع صاحب الامل سطايفية وفريولة

[باسم وبيسان]

مساء الخير للجميع
ليوم وان شفت المسابقة نتمنالكم حظ سعيد وشوقتونى نشوفو الدرس باه نعطو راينا
اخ عمر شكرا على المسابقة راح تخرجنا من الجو الروتينى لى رانا فيه
ورانى فرحانة بزاف برجوع السطايفية

[mimimouni]

السلام عليكم.
شكرا جزيلا للاخ عمر اللي عطاني هاذ الفرصة باه نكون معاكم.
ربي يحققلوا واش يتمنى.
بالنسبة للدرس الثاني هذا وين فتح لي سؤال من فضلك هل ناخذو صورة
عارضة كيما لي استخدمتها ونحط حنا المكياج كيما نشوفوه مناسب،
ام نرسموها بالقلم ونديروا الالوان ياريت تجاوبنا بسرعة باه نطبقوا.

اما الاجابة عن : الدرس الاول:

الجواب رقم ١ :
الحقبة لي نشوفها مميزة هي حقبة ١٩٠٠ ، لانو نلاحظ ان المراءة كانت تلبس لباس محتشم
وفي نفس الوقت في كامل اناقتها ، خاصة انو كانوا يستخدمو الدنتال بزاف شئ رائع
يشبهو الاميرات و تحس بالثراء
حتى انو الصور نشوفها بالابيض و الاسود و تبين مدى جمال و اناقة الملابس لانو في وقتنا
في بعض الاحيان الالوان تطغى على التصميم.

الجواب الثاني:
الحقبة التي ارى فيها ابداع هي :
سنوات ٦٠ لانو نلاحظ انالمراءة رجعتلها اناقتها يعني ملابس جميلة ، انيقة
وفي نفس الوقت تنوع فالموديلات ، ويستعملو الوان جميلة .
نحس المراءة مرتاحة في لباسها ، لانو ساعات المصممين يهتمو بالزي ومايهمهم راحة المراة
و نلاحظ انو الحقبات التالية اخذت من هذه التصاميم
في امان الله

[صاحب الامل]

فيما يخص الدرس الثاني

طبقوا على هاته الصورة

( لان ممكن اغلبيتكم لا يتقن الرسم)

[fifiarch]

مساء الخير ..نتمنى الكل بخير

وصلت الدروس وتم الاطلاع عليها

اسفة التاخر لانو ثقل المنتدى منعني من التفاعل

بالنسبة للدروس والواجبات تخليك تحس انو في مدرسة تصميم ازياء واحنا على اول الطريق

نتمنى التوفيق للجميع ونتعلمو اكثر واكثر

الان مع اجابتي

الواجب الاول

* بالنسبة لي الحقبة المميزة في تصميم الازياء هي حقبة الخمسينات..الصراحة الفساتين الضيقة من فوق والمنفوخة من اسفل تشعرني بالانوثة اكثر...ولانو اغلبية هاذ الفساتين تكون متوسطة الطول فهذا يعطيها جمال اكثر وكذلك يسمح بظهور الاحذية اكثر....والصراحة انا اعشق الفساتين التي تسمح بتنوع في الاحذية وتخلينا نشوفو ها

* اما عن الحقبة التي ارى فيها ابداع اكثر فهي الحقبة الحالية....ممكن لانو كلنا نلبسو من تصاميمها...لكن الاكيد انها حقبة تشهد تطور كبير في مجال الازياء...يعني ممكن في نفس السنة بين موضة الخريف والربيع يحصل تغير جذري وهذا شيء جميل انو يكون فيه تجدد...وايضا لا ننكر انها حقبة تتميز يتنوع كبير من حيث الاقمشة والخامات المستعملة ...القصات....الالوان...وكل هاذ اجتمع حتى يخليها مميزة بنظري

الواجب الثاني

انا ميش شاطرة في الرسم على الكمبيوتر وللاسف مالقيتش العدة والوقت للرسم باليد
راح نشرحلكم شوي فكرتي

استعملت اللاينار الاسود وظل العيون باللون البني اللامع يكون في الجهة العليا الجانبية لكل عين
وركزت على احمر الشفاه يكون باللون الاحمر الفاقع grenat يكون على الحواف اغمق ومن الداخل افتح

اما احمر الخدود فيكون بلمسة ناعمة وبلون وردي فاتح ممكن لا يكاد يظهر

اخ عمر اسفة لانو عملت عين واحدة...

[mystiq1]

ألسلآم عليكم
اعيد ترتيب آلآجابة
الجواب الاول للدر س الاول
الحقبة 1920هي المميزة بالنسبة لي حيث اهم حدث هو تحرر النساء من لبس الكورسيه وثورة التيcoco chanel استعملت لآول مرة قماش الجرزي للباس المريح وتعتبرالانطلاقةالفعلية لباقي الحقبات
الجواب الثاني الدرس الاول
نظن انه أحسن حقبة(الي فيهآ ابداع) هي الحالية و الي تبدأ من 2000، و الدليل هو توفر الأقمشة الي ممكن حتى المصمم يصممها خصيصا للفكرة الي راه ينطلق منها جميع الألبسة الي تكون sa collection , توفر les logiciels الي هوما يخلوه يشوف كل صغيرة و كبيرة و يعدل، التقنيات التفصيل و الخياطة من بينها modelage .و التخصص الي ما كأنش من قبل حيث يمكن لمصمم انه يصمم للرجال فقط و الا للنساء فقط ، و كاين le prêt a porter و كاين la haute couture , بصفة مختصرة الحرية في التصميم و الكلمة الا خيرة هي الابداع.
السؤال الثاني

[نجاح 23]

الدرس الأول:
1- بنظري الحقبة الأكثر تميز هي حقبة الخمسينات لأن تصاميمها ناعمة و أنثوية.
2- الحقبة الأكثر ابداع هي الفترة الحالية وذلك لانفتاح الأسواق و بالتالي توفر كل لإمكانيات للإبداع و خلق تصاميم جديدة.

الدرس الثاني:
هذا نمط المكياج الذي يمكن أن أطبقه

[موجو جوجو]

السلام عليكم
يا اخي عمر الرسم واعر لوكان تحطلنا كاش سيت نقدرو نروتوشيو فيه ديراكت و نحطولك الصورة هنا
مثلا كيما الصورة لي درتها سور ماخدمتهاش ببرنامج الرسم

[موجو جوجو]

هده محاولتي خير من ما نحط والو و زيد خمم ادا تحطلنا سيت تاع برنامج نموديفيو فيه ولا...

[صاحب الامل]

صباح النور للجميع

وان شاء الله تكونوا بالف خير

*******

فيما يخص تطبيق الدرس الثاني


ماشي شرط تعملوه برنامج الكتروني

اعملوا طباعة للورقة و ديرو ببالالوان العادية ( خشبية او مائية او....المكياج....الخ)

المهم نحب نشوف طريقة التفكير نتاعكم

وممنوع مرة اخرى وضع صورة جاهزة من النت

الاغلبية نتاعكم لازم يعاود هذا التطبيق

******************

[صاحب الامل]

mystiq1
للعارضة نتاعك مستحيل يتم اعتمادها في العروض
وخاصة طريقة الشعر اللي عملتيها

انا ما حكيتش على الشعر يعني مكياج فقط
الالوان اللي استخدمتيها مليحة ولكن حاولي تركزي في التفاصيل
يجب اعادة التطبيق

fifiarch
احمر الشفاه مميز ولكن الشيئ اللي فوق العينين لا تعليييييييييق
يجب اعادة التطبيق

موجو جوجو
الفكرة نتاعك مليحة وحتى الالوان ولكن حسيتها مش منظمة
عاوديها بنفس الالوان ولكن حاولي تعملي تدرج لون في العينين
بين الاسود والبنفسجي
يجب اعادة التطبيق

[صاحب الامل]

لقد تم وضع الدرس الثالث

[أم معاذ أم معاذ]

الدرس الثاني
حاولت نعتمد على اللون الموف كلون أساسي في المكياج
مع جرءة في رسم العينين و لون جديد للآي لينر معتمد أيضا على الموف الغامق

[mimimouni]

السلام عليكم .

جواب الدرس الثاني
عارضة شتاء و خريف ٢٠١٥









بالنسبة لوجه العارضة حاولت نعاود نرسموا ونطبق عليه الوان خشبية ماتبان مليح
لكن المهم انو نستعمل يدينا احسن
بالنسبة للعينين :
الشتاء و الخريف نستعمل الوان داكنة لكن هذا ما يمنعش انو تكون مشرقة و جميلة
اسعملت smoky بالبنفسجى و البرونز ( البرونز استعمل قلم بني ودخلت من علبة المكياج لون برونز)
وحددت الايلاينر بالبنفسجي ليعطي العين اشراقة
حبيت تكون العين متوسطة بين الداكن و الفاتح ن شاء الله يبان

الحواجب : عاودت رسمتها بالاسود ودخلت عليه البني لتفتيحها

الخدود : استعملت وردي وبرتقالي باه نتحصل على لون pêche

الشفاه: نفس طريقة الخدود لكي اتحص على لون pêche مشرق


بالنسبة للدرس الثالث لازم نصور القماش او نهز من النات ونحط السعر
في امان الله

[mimimouni]

الصورة حملتها ٤ مرات لكن ماخرجتش من فضلكم كيفاه ندير استعملت مركزالخليج كيما موالفة

[أم معاذ أم معاذ]

أنا نستعمل الفيس بوك