هذا المشكل شائع جدا هذه الأيام كثر بسببه الطلاق

[أمنية غفران]

المشاركة الأصلية كتبت بواسطة وليد1990

مرحبا اختـــــي .....وبارك الله فيك

الحق أختي أن الأعضاء هنا المدافعون عن سكن الزوجة مع حماتها بعيدون كل البعد عن الواقع ويتكلمون بكل مثالية

فانا اتخيلهم دايرين كراع فوق كراع والقهوة والماء والمكيف يهبهب عليهم ويتحدثون وكانهم حكماء زمانهم ولكنهم

الحقيقة ليسوا كذلك انما يطلقون احكامهم على افتراض فقط بدون معايشة للواقع وبدون تصوير له وبدون اسقاطات

لاحكامهم عليه ونحن نعلم جيدا أننا لا يمكن البتة علاج مشكلة ما بفصلها عن الواقع أبدا ابدا ومن الغباء ان نعزلها عنه

أختي الكريمة نادرا ما اسمع عن زوج يشكوا السكن مع الأهل ولكن بالمقابل معظم مشاكل الزوجات هي مع حماتها

وبيت اهل زوجها ....فهي وحدها من تعاني ومي وحدها من تشكو الظلم هي وولدها ولا يمكن أبدا ان نصادر حقها في

الحياة الهنية والمريحة بكرامة وبدون مشاكل .....ولكن هذا الحق للأسف مصادر هنا في القسم لان بعض الأعضاء

يصرعوننا بمثاليتهم والتي ما يخصها إلا الموسيقى الحزينة على شاكلة .....ان الزوجة الي ماتقبلش بأمي مانقبلش

بيها........ طاعة اهل زوج من طاعة الزوج ...........المرأة لازملها تسكن مع زوجها وين سكن هواا .............المرأة الي

تطلب السكن وحدها شراطة ومافيهاش خير .......الخ من المثاليات ....

باختصار هؤلاء لم يعانوا ماعانت أمي

واظن انك اختي جديدة اذا مرحبا بك هنا معنا في هذا المنتدى وابشرك ستجدين ما يجعل مخك يحبس ...........

بارك الله فيك أخي الكريم ........... صح راني نشوف آراء الرجال هنا بعاد بزاف عن الواقع ..... هو مخبي راسه عند والديه وزيد أمه دايراته تحت جناحها و علاش يكسر راسه مادام كاين وين يرقد و لي يصرف .. لوكان يعيش وحده مع زوجته المسؤولية تتحط فوق راسه و يولي ما يعرفش راسه من رجليه و آسفاه و الضحيه الأولى هي الزوجة ......... ربي يقدر الخير

[أمنية غفران]

أخي صاحب الموضوع ......سكن الزوجة وحدها....... فيه تفادي كبير للمشاكل و الإحراجات مع عائلة الزوج ما نحكيش على والديه لالا........ تخيل خاوتو يخيطو و يزيطو في الدار و أنا نتسنى و قتاش يروحو باش نخرج من الدوش و الله قمة الإحراج هدا أبسط مثال...... و لا واش رايك يجو أخوات الزوج يقلبو البيت يشوفوني إدا راني نقي و نمسح الغبرة و يبدو يطيشو في المعاني ........ و إدا صابو حاجة تبدلت بلاصتها يبقو يزمرو على العجوزة كيفاه تخليها تمس الحوايج هادي دارك......... خلي و خلي......... صعيب الحال

[salah0407]

المشاركة الأصلية كتبت بواسطة أمنية غفران

أخي صاحب الموضوع ......سكن الزوجة وحدها....... فيه تفادي كبير للمشاكل و الإحراجات مع عائلة الزوج ما نحكيش على والديه لالا........ تخيل خاوتو يخيطو و يزيطو في الدار و أنا نتسنى و قتاش يروحو باش نخرج من الدوش و الله قمة الإحراج هدا أبسط مثال...... و لا واش رايك يجو أخوات الزوج يقلبو البيت يشوفوني إدا راني نقي و نمسح الغبرة و يبدو يطيشو في المعاني ........ و إدا صابو حاجة تبدلت بلاصتها يبقو يزمرو على العجوزة كيفاه تخليها تمس الحوايج هادي دارك......... خلي و خلي......... صعيب الحال

بارك الله فييييييك

[blanche rose]

أعجبني هذا الفيديو
أتمنى أن تطلع عليه أخي

أجده مفيدا و رائعا
يتحدث عن الاسباب الهدامة للزواج و تدخل الاهل

[https://www.youtube.com/watch?v=MvXhUpCLpA4

ان شاء الله يفيدكم

[مناع]

قلنا هناك من لا طاقة له يعني واقع معاش ,,, كامل الراجل تتقدر عليه ممكن يجد نفسه قي ضروف مادية صعبة ميقدرش يكريلها حاليا ولو كان مستيسر الحال مابخلها ,, إذا الراجل طلب منك أن تصبري معه في بيت أهله ألا تصبرين ألا تتحملين بعض الوقت إلى أن يفتح الله

[مناع]

المشاركة الأصلية كتبت بواسطة blanche rose

أعجبني هذا الفيديو
أتمنى أن تطلع عليه أخي

أجده مفيدا و رائعا
يتحدث عن الاسباب الهدامة للزواج و تدخل الاهل

[https://www.youtube.com/watch?v=mvxhupclpa4

ان شاء الله يفيدكم

تعلمي انت منه فقط ,,,,,, قبل ما انت تقررين أن هذا الشخص يتدخل بين زوجين وتبدين نصائحك له تأكدي كون أن هذا الشخص فعلا تدخل في أمور زوجين أم هو يقصد إصلاح ,,,,,, هناك نساء يا أختاه لا تتصورين حجم الضرر الذي تسببن فيه لأزواجهم وهمها الوحيد أن تتطلق ,,,, إذن شكرا لك على النصيحة رغم اني لا أقبلها منك ولا اريد تعليقك على مواضيعي شكرا بكل احترام

[habiba.31]

من حق المراة ان تنعم بالاستقرار ان لم تكن كدلك مع اهل زوجها

[مناع]

المشاركة الأصلية كتبت بواسطة habiba.31

من حق المراة ان تنعم بالاستقرار ان لم تكن كدلك مع اهل زوجها

اصلا المراة الحالية منذ البداية ترفض اهل زوجها والله متدخل داري اصلا

[زهرة لرضوان]

في الحقيقة أخي من حقها تفاديا للمشاكل كيما قلت لا تقولك لا أختك دارت ولا امك فعلت ولا باباك دارك هاك الباب إلي إيجيك منو الريح سدو وإستريح وشاور عقلك وردلي بالخبر

[مناع]

خلاص المشكل انتحل كل واحدة دبر راجل عنده سكن خاص وحده

[kikimnarim2]

الاتفاق على هذه الامور قبل الزواج

[مناع]

ايا تقدرت على راجلك كامل الراجل تتقدر عليه واش ديري تصبري ولا تطلقي ؟ جاوبيني اختي kikim

[hodayena]

المشاركة الأصلية كتبت بواسطة مناع

ايا تقدرت على راجلك كامل الراجل تتقدر عليه واش ديري تصبري ولا تطلقي ؟ جاوبيني اختي kikim

اذا كانت عندو قابلية او قابل للفكرة نصبر معاه باه يبني او يدير دموند تع سكنة مي منحي الفكرة كامل من راسو ومعول يا تحبي يا تكرهي هنا اسمحلي انا راني نعاني من نفس المشكل راجلي مراهش مقتنع بالسكن لوحدنا بصح في دار العايلة وكاين كيفاه يبني وكلش معندوش سبة مقنعة لالا هنا صبرت وصبري طال حتى خربها بيديه

[مناع]

على ما اعتقد اختي انك تقيمين في بيت اهله على الاقل انك صابرة لكن والله ياتي الفرج والله مهما بلغت رغبة المرأة في السكن لوحدها فلن تبلغ رغبة الرجل في ذلك لكن يجب ان تكون الزوجة متفهمة لأبعد الحدود ومادام انك في مدة في بيت أهله انت ادرى باحوال زوجك اذا كان قادرا على ذلك فاكثري والحي بالطلب فقط وسيفعل

[hodayena]

المشاركة الأصلية كتبت بواسطة مناع

على ما اعتقد اختي انك تقيمين في بيت اهله على الاقل انك صابرة لكن والله ياتي الفرج والله مهما بلغت رغبة المرأة في السكن لوحدها فلن تبلغ رغبة الرجل في ذلك لكن يجب ان تكون الزوجة متفهمة لأبعد الحدود ومادام انك في مدة في بيت أهله انت ادرى باحوال زوجك اذا كان قادرا على ذلك فاكثري والحي بالطلب فقط وسيفعل

نعم اقيم مع اهله والذي خلاني نطلب سكن وحدي تدخل امه بزاف وكل كلمة تقولها تقلبها ودارتلي مشاكل بزاف وثاني شيء عييت انا وحدي نخدم وعندي تربية ودار كبيرة وانا مانستعمل منها غير الغرفة النوم والحمام وكوزينة ويطالبوني بتسياق السطح والسحين في الطابق الاسفل وانا طلبت منو يبني بصح هو رافض الفكرة راهو يقول غدوا من غدوا الدار هاذي تولي ليه لاه يخسر دراهمو ويبني وراه ناسي بلي حياتنا راه تروح وعلابالو بلي يماه تاع مشاكل بصح راضي والان راني في قضية طلاق معاه هو الي رفعها على جال طلت السكن وحدي