تحبون غسل المواعين أم لا .. نريدكم هنآ بالقرب .. نفيدكم و نستفيد منكم تلك هي غايتنا .. تفضّلوا .. أهلااا بالجميــــــــع

[معاً إلى الله]

جيت نكحلها عميتها ..


بمعنى درت موضوع باش نديرلكم الهمّة و نشجّعكم .. تعمر البوطاجي تاعي من قبوووعي هنا ..




لوكان نتبعكم ما نغسلش موااااااااااعني اليوم ..


.. كونوا هنا بالقرب .. راني ندور و نرجع ..


سلااااااااااام للجميع ..

[قوس*rainbow*المطر]

شكرا اختي وجعتينا قلوبنا
انا نكره نغسلها بصح لازمة عليا نغسلهم برك علاجال باش نظم الدنيا
والدار ونعاون ماما
الماعن الي فيهم الدهون بزاف*المقالي.....*نحط فيهم الماء والصابون ونغليهم ونغسلهم بالماء الحامي والصابون والحكاكة نتاع الحديد
باقي الماعن تغسلوا نورمال ندير الباسينة فبها الماء والصابون ونحكهم ونحطهم على جنب كي نكمل نظف الكوشة
ونسيح ماء الصابون ونعمر الباسينة بالماء نتاع التشلال *علاجال باش مانبذرش الماء*قادرة نغساهم من العين ديركت
ونشلل ونحطهم فيسلة باش يتقطروا
ولا احيانا نمسحهم ونخبيهم









استمتعوا بغسل الماعن

[صابرة2013]

ليس لي مشكل مع غسل المواعين أثناء تحضير الأكل و كلما فرغت أقوم مباشرة بغسلها حتى لا تتراكم ويصعب علي غسلها للعلم أنني أحب الترتيب والتنظيم في كل شيء خاصة أنني أنا التي أقوم بكل الواجبات من تنظيف وطهي الاكل وكل ما يتطلبه البيت من أشغال

شكرا ياأختي موضوعك مفبد جدا

[الأستاذ *قداري*]

كان الله في عونكن وخاصة غسيل الاواني نتاوع الضيوف30 ضيف مثلا كيف يكون الحال ؟؟؟؟؟

[sara Belabes]

صراحة انا كي نشوف الاواني متراكمة اصاب بالدوار و نتفنين على بيها نحب نغسلهم في هاديك الدقيقة ضربة وحدة واش رايكم في وهل من نصيحة باه نقضيو على فكرة التاجيل و التاجيل الى ان ينتهي اليوم ههههههههههههههههههههههههههههههه مشكورينننننننننننننننننننننننننننننن

[إكرام ملاك]

المشاركة الأصلية كتبت بواسطة أبو أيوب 14

كان الله في عونكن وخاصة غسيل الاواني نتاوع الضيوف30 ضيف مثلا كيف يكون الحال ؟؟؟؟؟

السلام عليكم

30 شخص لا أعتقد عدد قليل (ليسمى ضيوف)) راه عرس ؟؟؟؟؟ربي يدوم الافراااح

[ام وائل فخر الدين]

السلام عليكم اختي الفاضلة و جميع الاخوات انا استمتع و انا اقرا مشاكلكم عن غسيل الاواني

و الله يا اختي انا نخب الماعلين لي نستعملهم تم تم نغسلهم و بالطبع نكون موجدا على حدي 2 باسينات واحدة رغوة و تشلال

مي لوا كا عندي شغل بزاف و ما نقدرش نغسلهم كي نستعملهم منبعد كي نكملو الماكلة كامل نحطمهم في الارض

و نحكمهم ننزع منهم كامل الاوساخ (بقايا الاطعمة و غيرها ) و هكدا يسهل عيا غسلهم و في وقت قللللللللللللللللللللللللللليل


و في انتظار تدبير الاخوات و على فكرة شكرا اختي المشرفة على القصة كانت معبرة فعلا لكن هدا هو الحال احيانا نتظمر لغسلهم لكن العكس تماما نجد متعة في الغسيل ممثلا نكونو نغسلو خنا و وحدوخرين و نتبادلو الحديث مثلا عن ايام المدرسة ررررررررررررررررررررررررررررررررررعة و متعة لا مثيل لها علابالي راني طولت في الحديث راني غير هنا ندور في الموضوع

[معاً إلى الله]

المشاركة الأصلية كتبت بواسطة زهورالفل

ههههههههههههههه المواعين وما ادراك ماغسيل المواعين
شبح شبح مرات نقول والله مانغسل كرهت والله كرهت الصباح الغذا العشية والليل بزااااااااااااااااااااااااااااااااااااااااااااااف تقول نرميهم احسن
ولا مانكل مانوسخ مواعين مانغسل
راح نبكي
كنت منظمة وفلت كل شي من يدي
وافضل رمضان على سائر الاشهر يكون مزاجي عالي
ونغسل اول بأول لااترك شيئ او اجله
لكن مؤخرا رجعت قريب نبكي من غسيلهم مرات يتغسلو في الوقت ومرات نلمهم ونخليهم كي نعجز على غسيلهم
ههههههههههههههههههههههههههههههه وزوجي كي يقول وعلاش ماغسلتيش واش هو الحل يا ترى للنفاذ من التنقريش ؟
سؤال وجيه لكن جوابه سهل سيدتي احكمي قرعة الازيس خبيها وقوليلو الازيس خلاصلي لكن قوليهالو روطار ههههههههههههههه
كي تحسي الحوانت غلقو كامل
هههههههههههه وهكذا تكوني نفذتي من غسيلهم ومن تنقريشو هو
راني نضحك بصح راح نبكي

مممم علا حساب تلك الضحكة الطويلة و العريضة ..
باين قلبك معمّمممممممممر منها ..

أهلا بيك يا زهوووور الفل ..

لازم ترجعي كما كنتِ من قبل تغسليهم أوّل بأوّل ..
و معااا سنحاول نزع فكرة التسويف من قاموسنا ..

إيـــــــــــهيه راكي تمدّي في الحيل للتهرب من غسل الأواني ..


ما تدري هو يخرج و يلقى حانوت ما محلول ..

مالا الحل الأمثل و الجواب المثالي هو
أحم أحم
>
>
>
>
>
>
>
>
>
>
>

أجرحي يدّك ..



لكــــــــن مصيرك تبرااااي و تغسليهم ..

ربي يكون في عون كلّ وااااحد ..

سعيدة جداااا لحضورك المميّز .. كوني دوماااا بالقرب ..

[معاً إلى الله]

المشاركة الأصلية كتبت بواسطة younesi

راح نشارك اخواتنا الموضوع
الخاص بهم (..)
لا ينكر احد ان هاته المهام تعتبر شويا صعبة كونها تدخل ضمن الروتين اليومي
والروتين الدائم لا احد يحبه...
في الحقيقة يحسن العون وخلاص
لكن ما يلفت الانتباه تشاجر الكثير اليوم من الاخوات في البيوت
اليوم دورك ..الاخرى لا دورك انتِ
النوبة كيما يقولوا
لكن ما قد يجهله الكثير اليوم هو البنات التي تدرس
تخيل ترجع للدراسة في المساء وتجدها في المطبخ تغسل بشكل عادي
الا يؤثر ذلك على دراستها فهو يمنعها التحضير وزيد مع التعب
اعتقد ان البنت التي تدرس من الاحسن تكون معفية من هاته المسائل
خاصة في وقت الدراسة

ان شاء الله نكونوا عطينا فكرة على الموضوع
من ناحية تفكير الرجل

مرحباااا بالأخ يونسي بين أخواتــــــه ..

إيــــــــــــه نعم الموضوع خاص بينا و شكون قال العكس ..
و من مناااا يحبّ الروتين بالله عليك ..
مهما كان العمل جيّد فإن دخله الروتين يصبح مملّ بل جدّ ممل ..

ايييييه يحسن العون قولها و عاودها ..


.. لقد أثرتَ نقطة جدّ مهمة يا أخي .. ألا وهي الدوووور ..
أو كيما نقولوا حنايا : الداااالــــــــــة ..

هو في الحقيقة كي يكونوا هناك بنات بزاف في الدار ..
من اثنين فصاعدااا ..
لابدّ أن يديروا الدااالة ..

لأنو لو ما يديروش الداااالة خلاااات على وحدة فيهم ..

.. الدالة راح تخلي وحدة منهم ديمااا عندها شبه راحة لتستأنف فيما بعد من جديد و بنشاط أكثر ..

فكّرتني كي كنت ندير الداااالة مع أختي ..

يا حسرااااه على زمان .. أما الآن فلا دالة و لا هم يحزنون ..
كلّ شيء يستنى فياااا .. و الله المستعان ..

أما فيما يخصّ الدراسة ..
أنا نشوف أنو لو ساعدت البنت أمها في غسل الأواني أو تنظيم البيت مش راح تخلى الدنيا يعني ..

.. التفنيين مش مليح .. و أكيد الوالدة مش مهبولة تجبد الميناج لبنتها في أيام الدراسة ..


.. أنا نشفى كي كنت نجوّز البااااك ..
كنت نعاون أمي ربي يحفظها و في نفس الوقت أدرس ..
كنت نستغل وقت غسل الأواني في الحفظ و ترديد ما يجب حفظه ..

و الحمد لله جبت الباك ديالي من أوّل مرّة و لله الحمد و الشكر ..

**********

نشكرك كثيرااا أخي يونسي على تواجدك الجميل و الطيّب ..
كن بالقرب دومااا ..

[*ام عبد الكريم*]

بارك الله فيك اختي "معا الى الله"على هذا الموضوع الجد مميز ...سبقلي وقريت القصة من قبل و تاثرت فعلا احنا في نعيم ماحسينش بيه ....بكل صراحة كنت اكره لاماعن لدرجة لا توصف لان قرابة 10 سنين و انا اغسلهم 4 خطرات في اليوم لوحدي ...و الان تغيرت الامور لم اعد اكرههم ...فقط بعض الاحيان نخلي تاع لغدا ء مع تاع لعشية و ما نخليهمش في الليل بدون غسيل ابدا ...نغسلهم و نمسح البوطجي و الكوزنيار و نسيق الكوزنا هكذا في الصباح كل حاجة في مكنها و نظيفة ...بناتي بداو يكبرو مرة على مرة يغسلهم لكن تحت اشرافي كون نخليهم وحدهم ما نلقى حتى صحن ..و هي من الامور الواجبة على المراة و هي مجاهدة في بيت زوجها وحبيت نضيف لي قالوا خليو لبنات مع دراستهم و متخليوهمش يخدمو في البيت انا اقول المراة و لو اصبحت تقود الطائرة تنزل منها و تروح لبيتها و تدخل للكوزينة و تخدم شغل البيت كامل لهذا ليس عذرا غسلنا لماعن و سيقنا و الحمد لله قرينا و وفقنا ربي ...جزاك الله كل خير

[دروب التابعين]

لو ان العائلة صغيره فيها اقل من خمسة افراد ساكون افضل من ساندريلا في التنظيف ولن اتذمر اطلاقا
بصح يا حبيبتي حنا اكثر من سبعة افراد فلاعائله تقول لواحد يروح يقاجي طول عمرو ومايوليش للكوزينة
شوفي حبوبتي
كيما قاع الجزائريين
نحط باسينة فوق البوتاجي عالية مش هابطه ونكثر الما والصابون ونبدا نغسل تقول راني انايا نسبح فوسط الرغوة
ومن بعد نشلل مش في باسينة لالا تحت العين ديراكت
وقبل الغسل نرتب الاواني كيما تلاميذ المدرسه نديرلهم الصف ولكن قبل ذلك نحيلهم قاع فضلات الطعام وماتنسايش الجافيل بويسكو كيتغسليهم بلا جافيل تقعد فيهم ريحة تاع الماكله
وقتلك نشلل الفناجل الكبار ونعلقهم فلحيط
ونحط مغارف فالسله والطباسه ومن بعد الكسارن كبار كينشللهم منخبيهمش فلبوتاجي حتى ينشفو برا ونحطهم في سله برا ينشفو بويسكو حاجة مشمخه ديريها داخل البوتاجي تديرلك الفطريات والجراثيم
وفالاخير نمسح البوتاجي بالرغوة ونشللو بلماء وفي الاخير نحصل على اواني مرتبه ونظيفه

[دلوعة أبيها]

والله خلتيني نزيد نخدم اكثر مدام الصحة رزقني بيها ربي
ومدام الاستقرار الاسري موجود والحمد للهكل هاته الاشياءكلها نعمة من عند ربي
نحب الطبخ ونحب غسيل لماعن وطريقتي فيهم تشبه تاع الخت لقالت كننصب الغداء او العشاء نحطو اطيب من بعد ننغسل الماعن منتركش الحوايج وانا قاعدة نسنى الطبق اطيب ديما نخدم كلش وانا واقفة في الكوزين ة هاتهية طريقتي ربي اعونا واقدرنا

[رزان.]

المشاركة الأصلية كتبت بواسطة معاً إلى الله

مرحبآآآ بكِ نور الهدى ..
أهلاااااااااااا أختي الغالية
مممم أنتِ ثان تحبّي تغسلي المواعن ..
و راكي تقولي خااااصة في رمضااان ..
واقيلا اخلعتك
السؤاااال الذي يطرح نفسه بإلحاااح ..
هو :

متى في رمضااان .. ؟
في وقت الصيام .. ؟ >>>>>>>> سيلوووجيك ..
ما بعد الإفطاااار .. ؟ >>>>>>> سيبااالوجيك ..










سيبااالوجيك ..:d:d:d:d

أضحك الله سنك

انفضل نغسلها بعد الافطار و اكتشفي السّر وحدك :d






.. ممم ابقِ بالقرب من هآ هنآ ..
و أفيدينا بطريقة محبّتك للمواعين ..
ما هو السرّ في ذلك يا ترى .. ؟
لي عودة بإذن الله بعد ما نخليك تكتشفي السّر
أشكر حضورك المميّز .. في انتظارك .. لا تبتعدي كثيراا ..

ربي يخليك أختي راني هنا و متابعة كل ما سمحت لي الفرصة طبعا


موضوع رااااااااااااااائع

[soumia bougaa]

انا مانحبهمش بدليل ضرك راهم يستناو فيا هههههههههه

لكن الحمد لله طريقة غسيلي منظمة

حتى انو امي تقولي كي تحكمي الكوزينة تبرديلي قلبي هههههههه

ومام كامل يشهدو عليا بلي ملكة المطبخ

هاذ العام راني باك والوالدة تاعي مسكينة عيات

راهي كل يوم نفس الخدمة وخاصة خاوتي صغار تعيا معاهم بزاف

امالا نحاول نعاونها بحيث تغسل لماعن تاع لعشا

تقبلي مروري

[عمري ضايع]

عن نفسي مش غير المواعين بصح الميناج كامل وكل حاجة فيها رغوة وغسيل وتنظيف نبغيها ..مهووسة بالرغوة هههه لكن لا علاقة مع الطبخ ..نطبخ وانا نتذمر ونشتكي...
المهم الاواني منخليهمش يتراكمو اي حاجة نستعملها نرغويها ونشللها ونشفها وترجع لبلاصتها...