لا حول ولا قوة الا بالله
الله يرحمهم
ارقدوا يا شعب الجزائر ارقدوا
صار همكم غير دراهم باي وسيلة وباي طريقه وسمحتوا في تربيتكم وثقافتكم وقبلها دينكم سكتوا عن الحق ورضيتوا بالمنكر
واش زرعنا رانا نحصدوا فيه
ولينا ناكلوا في بعضنا ونسرقوا بعضنا ونقتلوا بعضنا ولي فوق لي سفقتولهم وشطحتولهم راهم مشغولين بعهده رابعه وسرقة
سوناطراك ويديروا فجنسية تانية وتالته ويشريو فيلات في اوروبا ويفتحوا شركات
ونتو ريحوا هدا يخطف هدا
هدا يقتل هدا
هدا يسرق هدا
هدا يغتصب هدي
هدا يغش هدا
ارقدوا ارقدوا
ولينا منقدروش نخلو دار فارغه لانه يدخلوا لصوص للدار
تخاف تركن سيارة برة خطرش يسرقوها ومتلقاهاش
تخاف تركب حافله يسرقوك
تخاف تمشي فتريق يجبدوا عليك موس يسرقوك
تخاف تخلي ولادك صغار يلعبوا برة يسرقوهم
تخاف تشري حاجه عند واحد متعرفوش يخدعك
تخاف كي يكونو عندك دراهم كان يكونو مزورين
ارقدوا يا جزائريين ارقدوا
لا خدمة لا سكنة لا مستقبل
كولوا بعضكم البعض
اسكتوا ومتهدروش كي تشوفوا منكر متوقفوش مع بعضكم البعض كل واحد يحوس على روحوا قلدوا الكفار فلبستهم وثقافتهم
وهدرتهم وتربيتهم والله غير تندموا ندمة كحلة
اخاف فقط ان تندموا يوم لا ينفع الندم
ارجعوا لدينكم
ارجعوا لثقافتكم
ارجعوا لتربيتكم
اوقفوا مع بعضكم
اوموروا بالمعروف وانهاو عن المنكر اخطيكم من عقلية تع اخطي راسي خطرش راسك وراس كل جزائري في شاشية وحده
اخطيكم من تقليد الغرب فلبسة فهدرة فعقلية في كلش متخرجكمش هد تريق راكوا تشوفوا وين وصلنا
ثقافتكم خير من ثقافتهم
تربيتكم خير من تربيتهم
وقبل هدا وداك دينكم خير من دينهم ان كان لهم دين اصلا
ارجعوا لتقاليدكم
ارجعوا كيما كنتوا هدا يوقف مع هدا هدا يعاون هدا هدا ينصح هدا
سينوا والله ثم والله ثم والله غير تولوا هدا يسرق هدا وهدا يقتل هدا وهدا يغش هدا ورانا عايشين فيها
وسمحولي ايلا غلطت خطرش قلبي راه يتحرق على بلادي وشعب تع بلادي على وين وصلنا
والسلام عليكم ورحمة الله وبركاته
( تقرير عن مشاركة سيئة )، و الموجودة أسفل كل مشاركة .
2013-03-14, 10:50
العرض العادي
