مشاركتي في مسابقة شاف كوزينتنا الطبعة الثانية*حلويات*

[كوزينة هديل]

بما انو المكون السري كان الكوكا راح نبدا مباشرة في الموضوع

نبداو مع




1 النوقا


250 ج سكر
200 ج عسل
كوكاو



نبللو السكر ونحدوه فوق النار
كي يحمار نضفولو العسل



نحوه من فوق النار ونضفولو الكوكاو



ونشكلو بيها مباشرة واش رانا حابين نشكلو

أنا هنا درت كي شغل ميل فاي بلنوقا والمقرون في الوسط كيما ف صورة








البيسكوي


أنا هنا راني درت غير ثلث هاته المقادير لخاترش سحقيت كمية صغيرة

140 ج سكر
150 ج فرينة
3 بيضات
1/2 حبة عصير ليمون
كوكاو مرحي
باكي خميرة كيميائية
فانيلا


نذربو صفار البيض جيدا مع السكر كي يتضاعف نظيفو المقادير الأخرى وفي الأخير نظيفو بياض البيض بعد ما نكونو ضربناه مليح



وندخلوها طيب
كي طيب نقسموها على 2 ونواسيولها سيرو باش نشمخوها
نديرولها كريمة الزبدة ونديرو كوكاو

كريمة الزبدة تلقاوها ا في هاذ الرابط

https://djelfa.info:8080/vb/showthread.php?t=1203671



ونغطوها بلجاناش تلصاوها في هاذ الرابط

https://djelfa.info:8080/vb/showthread.php?t=1185385

ونشبحوها بكريم شانتيي ولاكريم شانتيي والمكرون



وصفة الماكرون

هاذ الوصفة باش تنجح معاك لازم تكوني جد دقيقة في المقادير تاعك

125 ج بودرة الكوكاو
125 ج سكر جلاسي
45 ج تقريبا بياض البيض
250 ج سكر
60g ماء
95 ج بياض البيض



في قدر نديرو سيرو بستعمال 250 ج سكر و-60 ج الماء

ديري 95 ج تاع بياض البيض لي هي تقريبا 3 بياض بيضات في إناء وضربيه مليح

كي يبدا هذاك سيرو يدير نبابل كبار ضيفيه لبياضه البيض لي تكوني ضربته وأضيفيه غير بلعقل





في إناء صفي بودرة الكوكاو مع سكر جلاصي

أضيفي له بياض البيض حتا تتحسلي علا عجينة تشبه عجينة اللوز



دخليلو أضحك البيض لي ضربتيه من قبل على 3 مرات غير بلعقل باش ما يتكسرش البيض



ونتحصل على



نقسم العجين ونديرو بألوان

وندخلو يطيب






دوك نجيبو شوكولا نحطوها تذوب في الميكرند ولا علا حمام مريم
ونضيفولها كوكاو مكسر وندهنو بيها لمول ونديرو وريقات صغار





كي تنشف نحوها ونشبحوها بكريم شانتشي ونديرو لوريقات تاع شوكولا



ونديرو حبات ماكارون ونديرولهوم كريم شانتي وكوكاو مكرمل كيما ف صورة ونلسقوه




وفي الأخير












راني درت بنوقا سوساتات صغار بنوقا ورمدتهوم بالكوكاو *


سمحولي على بالي راني طولت عليكووم بزاف إن شاء الله يكون موضوعي عجبكوم وإذا عجبكوم صوتولي

شكرا