بيتك جنتك ورضاء ربك مبتغاك - الصفحة 5

نبض الفؤاد · 2013-01-21, 10:00

اليوم الصباح نهضنا للفجر ودخلت المطبخ باه نعمر البريس وجدت الكارثة المطبخ عايم بالماء نخلعت واش ندير
هذا هو عيب السكن الوظيفي تخدمي حاجة تطرطقلك حاجة أخرى
المهم شربو الاولاد الحليب وتوجهوا الى مدارسهم وبقيت انا مع ..............
ان شاء الله صلاة الضحى الان تكون بين لا ميتون

نبض الفؤاد · 2013-01-21, 10:09

وفاء بشوية على روحك سلامات والاخت نونو 1962اهلا بيك بيننا وان شاء الله تقاعد ميمون وربي يبارك لك في عمرك وأعمارنا
راني شفت باللي المهنة كانت استاذة كان الله في عونك
وان شاءالله تتمتعي بصحة جيدة

sondse1 · 2013-01-21, 10:22

صباح الخير عليكم حبيباتي
واش احوالكم ان شاء الله بالف خير
اسمحولي بزاف علابالي بلي طولت عليكم فوق اللازم
الله غالب هذا خارج عن يدي الظروف جات صعيبة عليا و ما قدرتش ندخل
المهم ذرك نطلب من المشرفات باه يثبتو موضوع ام ملوكة و يبقى تجمع واحد نتلاقاو فيه
و انا كي تسقم الاحوال راني ندخل معاكم
نتمنالكم اقامة طيبة مع ام ملوكة
و ان شاء الله تدوم صحبتنا
مع حبي
اختكم مريومة

فراشات العمر · 2013-01-21, 10:26

السلام عليكم
ام ملك راني خلصت كل شيء عندي ومكتوب في البرمامج كي فتحت الصفحة لقيت نبض الفؤاد تتكلم على صلاة الضحى والله غير فكرتني ضرك نوض ونصليها بارك الله فيك يا نبض الفؤاد

فراشات العمر · 2013-01-21, 10:28

اقتباس:

المشاركة الأصلية كتبت بواسطة sondse1

صباح الخير عليكم حبيباتي
واش احوالكم ان شاء الله بالف خير
اسمحولي بزاف علابالي بلي طولت عليكم فوق اللازم
الله غالب هذا خارج عن يدي الظروف جات صعيبة عليا و ما قدرتش ندخل
المهم ذرك نطلب من المشرفات باه يثبتو موضوع ام ملوكة و يبقى تجمع واحد نتلاقاو فيه
و انا كي تسقم الاحوال راني ندخل معاكم
نتمنالكم اقامة طيبة مع ام ملوكة
و ان شاء الله تدوم صحبتنا
مع حبي
اختكم مريومة

ليك وحشة كبيرة مريومة ربي يكون معاكم
هذا يوم السعد والهنا يا مرحبا واش حوالك وحوال العائلة الكريمة ارجوكي ما طوليش علينا

فراشات العمر · 2013-01-21, 10:29

ايا شكون لي خلصت راني اليوم متهنية من الغدا

Sabrina ALG · 2013-01-21, 11:16

صباح الخير اخواتي
اختي ام ملاك لاباس عليك المعدة انا ثاني نعاني منها من سنة و نصف ما نقدر ناكل كي الناس ما نقدر نصوم نقولك كيما قالي الطبيب ماتاكليش الرمان و اللفت و القهوة و النسكافي و الشيكولا و الجزر نبء و لاسوب ما تاكليهاش في الليل هادا بالنسبة للممنوعات و لقيت وصفة لخبيرة اعشاب قالت كل يوم عللا الريق ابشري حبة بطاطا و اعصريها و اشربي الماء تاعها يجيك حوالي ملعقتين ديريها 3 ايام فقط هاداك النشاء نع البطاطا يدير جدار عازل و الاكل ما بضركش حربتها وارتحت شوية

اسفة البارح ما قدرتش نكتب انجازي
نضت مع ادان الفجر توضيت صليت ممبعد رحت للمطبخ درت لخفاف و كاين اللي سموه سفنج ووقت العجن كنت نقرا ادكار الصباح لاني حافضتهم ممبعد حطيت القهوة و نوضت بنتي و شربنا و ديتها للندرسة و كي وليت فتحت النواقد و خملت لحوابج الموسخين و درتهم في الماشينة و و حطيت لفطور يطيب درت شطيطحة بقري بالشومبنيون و كسرة رخسيس و جيت نطل الحمد لله لقيت المنتدى لتفتحلي قريت البرنامج و رحت نطبقو و الحمد لله خاصة فكرة التوقيت عجبتني بزاف هاداك ما يليق مع واحدة كيما انا سلحفاة ههههه
و الى المساء بادن الله نحط واش درت اليوم

سمراء الدنيا · 2013-01-21, 11:32

السلام عليكم كي خلصت البرنامج قلت نطل عليكم و لقيت المفاجاة مريومة العزيزة طلت علينا يا اهلا بيك نورتينا .... و الله يكون في عونك و عون العائلة .... نتمناو نشوفوك في اقرب وقت

ام امجد14 · 2013-01-21, 11:41

السلام عليكم رانى مازال مع البرنامج ربى يسهل

امينة مناد · 2013-01-21, 13:24

السلام عليكم
اريد الدخول في هده الدورة ان شاء الله ولكن اريد اولا ان افرغ قلبي قليلا لاني غاضبة وقلقة
لا تعتبروني سخيفة ..........عندي سلفتي عندها بنتان وبنتها الاولى قد بنتي في العمر والمشكل ان ابنتي تحب اللعب معها بشكل ملفت للانضار وبما اننا نسكن في بيت واحد والباب امقابل الباب يعني لازم نشوفوا بعضانا دايمن وفي كل وقت وكل حركة من الطرف الاخر معلومة .......المشكل انها سلفتي محدرة بنتها متدخلش عندي اخلاص وكي انقوللها ارواحي تلعبي مع بنتي اتقولي.لالا ماما متخلينيش...........اما بنتي اتروح ليهم في كل وقت وما تسمعش اكلامي عندهم السن 3ونص يعني اصغار بصح ازعافي فشيتوا فيها اضربتها بزاف ..................قولولي كيقفاه اندير حتى راجلي قلقني .................................حكاية اطويلة ....سامحوني لان اول يوم ادخله معكم بلمشاكل

fati 17 · 2013-01-21, 13:25

مساءالنور البرنامج جاني صعيب التزام بجدول واعرة عليا واش اندير

fati 17 · 2013-01-21, 13:29

اقتباس:

المشاركة الأصلية كتبت بواسطة امينة مناد

السلام عليكم
اريد الدخول في هده الدورة ان شاء الله ولكن اريد اولا ان افرغ قلبي قليلا لاني غاضبة وقلقة
لا تعتبروني سخيفة ..........عندي سلفتي عندها بنتان وبنتها الاولى قد بنتي في العمر والمشكل ان ابنتي تحب اللعب معها بشكل ملفت للانضار وبما اننا نسكن في بيت واحد والباب امقابل الباب يعني لازم نشوفوا بعضانا دايمن وفي كل وقت وكل حركة من الطرف الاخر معلومة .......المشكل انها سلفتي محدرة بنتها متدخلش عندي اخلاص وكي انقوللها ارواحي تلعبي مع بنتي اتقولي.لالا ماما متخلينيش...........اما بنتي اتروح ليهم في كل وقت وما تسمعش اكلامي عندهم السن 3ونص يعني اصغار بصح ازعافي فشيتوا فيها اضربتها بزاف ..................قولولي كيقفاه اندير حتى راجلي قلقني .................................حكاية اطويلة ....سامحوني لان اول يوم ادخله معكم بلمشاكل

وعلاه تضربي بنت مسكينة خلي الطفولة تصرف بشكل عادي وصمطي سلفتك و ماتدريش عليها ومتخليش عقليتها تاثر على اسرتك

امينة مناد · 2013-01-21, 13:47

[QUOTE=fati 17;12778312]وعلاه تضربي بنت مسكينة خلي الطفولة تصرف بشكل عادي وصمطي سلفتك و ماتدريش عليها ومتخليش عقليتها تاثر على اسرتك[/Q
انا تان كنت انقول هكدا انخلي الطفولة تمشي ولكن ....................انقولك اكرهت كلش

امينة مناد · 2013-01-21, 13:52

انا عندي زوج ابيوت وكوزينة والكولاغ والدروج والحمام مع سلفتي و...............امالين الدار كيفاه رايح ايكون البرنامج

oummalak · 2013-01-21, 14:12

اقتباس:

المشاركة الأصلية كتبت بواسطة وفاء سعاد

صباحكم بالخير راني رايحة يامم لاك راهو البرنامج اليوم ساهل ماشي كي البارح السقف باتو كتافي في حالة

لاباس عليك وفائي ربي ما يجيبلك غير الصحة والهناء والعافية حبيبتي