ما دورك في عيد الاضحى ؟ - الصفحة 5

منهاج · 2012-10-13, 19:31

اقتباس:

المشاركة الأصلية كتبت بواسطة السي محمد

السلام عليكم

في ما مضى كان دوري

الاسناد و الدعم اللوجيستيكي و التدخل السريع

في الذبخ السلخ تقطيع اللحم

هذه المرة دخلت في الدعم المادي المباشر

اضافة للمهام السابقة

مشاء الله عليك تدبح وتسلخ وتقطع وبصحك الدعم المادي عيد مبارك وعقوبة لكل عام شكرا لمرورك الاخ سي محمد

منهاج · 2012-10-13, 19:38

اقتباس:

المشاركة الأصلية كتبت بواسطة fares rog

انا الدور تاعي الضحك برك ، نضحك على الناس ... هذا راهوا يذبح كي شغل راهوا يقطع في الباتيسري هذا ماعندوش السوفل باه ينفخ . او مبعد يهربلهم كاش كبش .. كول عام كاين كبش لازم نجرو موراه . بصح العام هذا ما نخافوش الكباش قاع نجيبوهم بالبيبروات نورمامون عاقلين .
ههههههههههههههههههههههههههههههه ،،

كيفاش كل عام تجري مورا كبش وراك تقول غير تضحك برك هادا تاني دور .شكرا لمرورك الاخ فارس

منهاج · 2012-10-13, 19:44

اقتباس:

المشاركة الأصلية كتبت بواسطة mohamed160

سلام عليكم انا نهارى العيد نسلخ الكبش ونديرى البوزلوف والرجلين بالشليموا

الله يبارك عليك راك تعاون تاع الصح نهار العيد سوغتو كي تشوط كيما نقولو البوزلوف هداك الصح وصعيب

يعطيك الصحة وعقوبة لكل ان شاء الله شكرا لمرورك الاخ محمد

منهاج · 2012-10-13, 19:48

اقتباس:

المشاركة الأصلية كتبت بواسطة شيء من رجاء !

أصور .. نتعاون في تنظيف الأمعاء ، ورأس الخروف و.... آكل
بما أن النساء يطالبن بالمساواة عليهن أيضا تعلم الذبح والمشاركة في الذبح والسلخ

الله يبارك راكي تعاوني تاع الصح وراكي ناوية تدبحي عادة الله يعاونك شكرا لمرورك الاخت شيء من رجاء

منهاج · 2012-10-13, 19:51

اقتباس:

المشاركة الأصلية كتبت بواسطة فتـ حييةـاة

نخاف حتى نشوف الخروف قبل الذبح يغيضني
ا

الرجال =====الذبح والسلخ
الوالدة === تصنع الدوارة + تقطع الخروف ثاني ايام العيد
الباقيين === الشواء
انا======
اضافة الي
واش فالرابط نطيب الغدا والعشا ونظف المطبخ
بقية افراد العائلة ===== الاكل
اما نصيبك من الكبدة اعطيني رقم الفاكس يوصلك حقك

تنظيم محكم ولكل فرد من افراد العائلة دور دور كبير عندك بصح ما راه عندك حتى صلة بالكبش لا ملفوف

ولا لحم ولا دوارة ولا راس شكرا لمرورك ختي

منهاج · 2012-10-13, 19:57

اقتباس:

المشاركة الأصلية كتبت بواسطة soso sirin

انا نقي الدوارة مي لازم يمدوهالي واجدة انا نحطها في الماء السخون و نجبدها و نقيها مانديرلها حتى حاجةفي الاول الله غالب نعيف و قلبي يولي يدور

الله يعاونك اغلبنا نحن البنات نقو غير الدوارة ايه هدا هو العيد شكرا لمرورك الاخت سوسو سرين

منهاج · 2012-10-13, 20:45

اقتباس:

المشاركة الأصلية كتبت بواسطة chira-dz

و عليكم السلام اختي
تسالين عن دوري طبعا لي دور فعال في الاستهلاك و شكون ياكل الكبدة مممممم من ضرك راني نتوحم عليها ههه امزح فقط

نسال الله ان يبلغنا العشر من ذي الحجة و يبلغنا العيد و ان يجعله فرحا على الامة الاسلامية جمعاء
و ان يفك كرب اخواننا المسلمين في كل مكان

في عيد الاضحى نشوف ذبح الاضحية لانها لله عزوجل و ان شاء الله يتقبل منا و منكم اجمعين
نعاون في الشدان في عملية السلخ و بعدها كي نعلقوها
واش نزيدلك نتاكد من سلامة الاعضاء خخخ نبدا ننسف في الرية ههه تعجبني
نتفحص القلب الكبدة كل شيء و كاني ارى لاول مرة اضحية

و بعدها نعاون في الفطور و التشواط تع الزليف

و اليوم يكون متعب بصح حلوووووووووو

ربي يتقبل منا اجمعين يارب
كل عان و انتم بخير

ايا مزية كي راها وحدة هنا في المنتدى راها تكشف على الاضحية راكي طبيبة بيطارية شكرا لمرورك لاخت chira-dz

منهاج · 2012-10-13, 20:45

اقتباس:

المشاركة الأصلية كتبت بواسطة chira-dz

و عليكم السلام اختي
تسالين عن دوري طبعا لي دور فعال في الاستهلاك و شكون ياكل الكبدة مممممم من ضرك راني نتوحم عليها ههه امزح فقط

نسال الله ان يبلغنا العشر من ذي الحجة و يبلغنا العيد و ان يجعله فرحا على الامة الاسلامية جمعاء
و ان يفك كرب اخواننا المسلمين في كل مكان

في عيد الاضحى نشوف ذبح الاضحية لانها لله عزوجل و ان شاء الله يتقبل منا و منكم اجمعين
نعاون في الشدان في عملية السلخ و بعدها كي نعلقوها
واش نزيدلك نتاكد من سلامة الاعضاء خخخ نبدا ننسف في الرية ههه تعجبني
نتفحص القلب الكبدة كل شيء و كاني ارى لاول مرة اضحية

و بعدها نعاون في الفطور و التشواط تع الزليف

و اليوم يكون متعب بصح حلوووووووووو

ربي يتقبل منا اجمعين يارب
كل عان و انتم بخير

ايا مزية كي راها وحدة هنا في المنتدى راها تكشف على الاضحية راكي طبيبة بيطارية وتعونيهم

كي يسلخو وتنقي الدوارة ااااااااااااه نتي نستحقوك لراكي متعددة الخدمات ربي يعاونك شكرا لمرورك لاخت chira-dz

منهاج · 2012-10-13, 20:48

اقتباس:

المشاركة الأصلية كتبت بواسطة لحن الفرح

السلام عليكم
نحني للكبش ويوم العيد يوم رائع بحب كثير العيد .دوري يكون في المطبخ * العصبان + الزليف + القليان والشوى * امممممممممممم . انا نموت على اللحم المقلي .هي اكلتي المفضلة .

بصحتك ختي وبالهنا وشكرا ختي لحن الفرح لمرورك

منهاج · 2012-10-13, 20:50

اقتباس:

المشاركة الأصلية كتبت بواسطة rafik-12

انا نخدمكل شيء ماعدا الدبح وتقطيع اللحم

مليح كي تخدم كلشي شكرا لمرورك الاخ رفيق

منهاج · 2012-10-13, 20:55

اقتباس:

المشاركة الأصلية كتبت بواسطة mordia

عيدٌ بأيّةِ حالٍ عُدتَ يا عيدُ بمَا مَضَى أمْ بأمْرٍ فيكَ تجْديدُ

أمّا الأحِبّةُ فالبَيْداءُ دونَهُمُ فَلَيتَ دونَكَ بِيداً دونَهَا بِيدُ
أصَخْرَةٌ أنَا، ما لي لا تُحَرّكُني هَذِي المُدامُ وَلا هَذي الأغَارِيدُ
إذا أرَدْتُ كُمَيْتَ اللّوْنِ صَافِيَةً وَجَدْتُهَا وَحَبيبُ النّفسِ مَفقُودُ

يا احبائي اسمحولي انا العيد اصبح بلا طعم منذ وفاة زوجي حبيبي ولكني اتظاهر بالابتسامة والنشاط من اجل اولادي....

راكي مسامحة الله يرحمو وربي يصبرك ويعوضك خير وربي يخليلك وليداتك

منهاج · 2012-10-13, 20:56

اقتباس:

المشاركة الأصلية كتبت بواسطة mordia

عيدٌ بأيّةِ حالٍ عُدتَ يا عيدُ بمَا مَضَى أمْ بأمْرٍ فيكَ تجْديدُ

أمّا الأحِبّةُ فالبَيْداءُ دونَهُمُ فَلَيتَ دونَكَ بِيداً دونَهَا بِيدُ
أصَخْرَةٌ أنَا، ما لي لا تُحَرّكُني هَذِي المُدامُ وَلا هَذي الأغَارِيدُ
إذا أرَدْتُ كُمَيْتَ اللّوْنِ صَافِيَةً وَجَدْتُهَا وَحَبيبُ النّفسِ مَفقُودُ

يا احبائي اسمحولي انا العيد اصبح بلا طعم منذ وفاة زوجي حبيبي ولكني اتظاهر بالابتسامة والنشاط من اجل اولادي....

راكي مسامحة الله يرحمو وربي يصبرك ويعوضك خير وربي يخليلك وليداتك وشكرا لمرورك الاخت mordia

منهاج · 2012-10-13, 21:02

اقتباس:

المشاركة الأصلية كتبت بواسطة مريم الصابرة

السلام عليكم
هي فالحقيقة عندنا مدة 15 سنة ما ذبحناش من مات الوالد الله يرحمو لكن زمان كنت صغيرة وما ندير والو نتفرج برك وناكل هههههههه وانا مان حبش اللحم لكن يعجبني مشوي بزاف كان والدي يذبح ويسلخ وامي تعاونو في التنظيف وهو يتظف معاها الامعاء ويشوط البوزولوف بالشانيمو كانو ايام بقاو التصاور فقط ذكريات نتحسر عليهم كل ما نشوفهم
صحا عيدكم مسبقا وربي يعاونكم كلكم عيد مبارك شكرا

ربي يرحم بوك برحمته ويخليلك ميمتك وصحا عيدك شكرا لمرورك الاخت مريم