الجزء51من واش طيبتي اليوم؟خفيف شبابي عصري - الصفحة 5

بشرى2008 · 2014-01-14, 20:30

aفروديت 16 الله يخليك غدوة نشالله قوليلي ل-gout ديالو كيفاش عند شحال أو أنا نجل نجربو خفت مايكونش مليح

touta2010 · 2014-01-14, 20:35

اقتباس:

المشاركة الأصلية كتبت بواسطة أم ياسين الزهراء

توتة مول الخير دواه الخير قريت بلي جابولك الرقاق تسهالي كل الخير فرحتلك فوق ماتتصوري غاضتني كلمة قلتيها مولاة الرقاق حقراتك ضربتني في القلب ربي يحفظك يااحلى توتة

شكرا حبيبة الله غالب هي عندها لشان متقدرش

أم ياسين الزهراء · 2014-01-14, 20:35

حنا ن الله يعطيك الصحة سخفتوني في الشخشوخة يروح وليدي ونديرها ان شاء الله

افروديت تعيشي حنونة غدوة قوليلي الطعم انتاعو

aphrodite16 · 2014-01-14, 20:36

بشرى نقولك من دوك هدا وين هبطت دقتو ما صبرتش هههه
مالغري مازال ما شربش مليح مي هااااااااااااايل
تامني تقول كيما اللي يتباع
انا تان عندي شعال وانا نحوس على قلب اللوز تجي فيه البنة كيما اللي يتباع
كان يخرج مي ما يرضينيش 100 بالمية

بشرى2008 · 2014-01-14, 20:37

تصبحوا بخير خواتاتي

R I A D · 2014-01-14, 20:38

اقتباس:

المشاركة الأصلية كتبت بواسطة أم ياسين الزهراء

ام ماجد واش مافهمتيش فهميني نفهمك ههههههههههههههه

راني قريب نلقى الوصفة هههههههههههههههههه يافرحتي

ام ياسين تعيشي كي تلقايها حطيها لي

aphrodite16 · 2014-01-14, 20:40

حنااان بصحتكم الشخشوووخة تشهييي و ربي يخلليلك ماماك
مي عفسة حيرتني
ههههه الطيمنة
علاه كحلة ههه

بشرى2008 · 2014-01-14, 20:42

قلب اللوز تاع أم رامي والله غير جاني كما ليتباع
aphrodite 16 شكراا mwaaaaaaaaaaaaaah

أم ياسين الزهراء · 2014-01-14, 20:43

ام ماجد صبت الوصفة شكرا راهي في الصفحة 45 من الجزء 50 ماقدرتش نهزها اللي تقدر دير فينا اجر باش ماتتبحرش وشكرا

aphrodite16 · 2014-01-14, 20:47

وي سييتو بشري مي جاني شوية تقيل
تاع اليون سييت اللي بلبن خرج فوور

nihale89 · 2014-01-14, 20:51

مبروك الكوزينة
روزا عيد ميلاد سعيد حبيبتي
يعطيكم الصحة على طيابكم كلش روعة مالقيتش بواه نصور كي نعدل لاباراي
نحط الصور

*عاشقة الجنة* · 2014-01-14, 20:51

السلام عليكم
صح مولودكم حبيباتي
ينعاد علينا وعلى الأمة الاسلامية أجمعين بخير ان شاء الله

روزا مبروك افتتاح الكوزينة....وعيد ميلاد سعيد
عقبال مئة سنة.......ربي ينجحك حنونة ويوفقك ويعطيك ما تتمناي ان شاء الله
الله غالب راني في فترة الامتحانات c nn عمرتهالك طياب شبابي هههههه

جيت نقرا وكي شفتكم كامل حطيتو عشاء المولد قلت انا تاني ملا نحط

هذا أولا عشاء يناير درناه نهار الاحد
بربوشة بالحليب والخليع

هذي الطابلة وجدناها مع لعشية انا واختي وخويا الصغير

هذي جينواز عادية درتها بالزربة مع روحت من الجامعة على 5 تاع لعشية

وهذا لعشا ... شخشوخة دارتها ماما مع جاج محمر

وهذو للسهرة تاي وقهوة

وصلى الله وسلم على سيدنا محمد وعلى آله و صحبه أجمعين

aphrodite16 · 2014-01-14, 20:52

اتفضلي ام ياسين
راني جبت الوصفةتاع "حلوة النقاش"

المقادير
1 كغ فرينة(أقسميها على 3كيلات)
1كيلة سمن طري ناقصة 2 أصابع و كملي الكيلة بالزيت
1باكي خميرة كميائية(نوارة)
100غ نشاء
250غ سكر عادي
لافاني
قرصة ملح
1كأس ماء زهر
قشور القارس
الحشوة
التمر
شوية سمن
ماء الزهر (يعطي ريحة زكية و خاصتا يعطي طراوة للتمر و ما يخيه ييبس في الفرن)

التحضير
في اناء حطي السكر العادي+ماء الزهر+قشور القارس و خلطي بالملعقة ثم أتركيه على جنب....(1)
حضري الحشوة و شكلي حرابش صغار
في وعاء أو قصعة ديري الفرينة المغربلة+ملح+لافاني+النشاء+الخميرة الكيميائية و خلطي باليد
أضيفي ليدام و خلطي مليح

إضغط هنا لرؤية الصورة بحجمها الطبيعي.

و في الأخير أبدي ترشي الخليط ب المزيج رقم (1) ألي هو السكر+ماء الزهر مع القارس بدون عجن استعملي غير أطراف الأصابع sinon العجينة راح توليلك ماشي هشوشة بل elastique ..شوفي نحي من العجينة و أضيفيها من الفوق هكداك راح تتشربلك السائل ألي راكي أضيفي فيه كما في الصورة
ما شي شرط أتكملي كل الخليط رقم(1) هذا حسب نوعية الفرينة المستعملة

شوفي كيفاش أتكون العجينة

إضغط هنا لرؤية الصورة بحجمها الطبيعي.

شكلها كور ثم خليها ترتاح في كيس بلاستيكي لبعض الدقائق هذا قانون العجائن ألي فيهم ماء هههههههههههههه

حلي لعجينة و تكون رقيقة ثم ضعي الحربوش الرقيق و لوي أو دوري عدة مرات حتى تتحصلي على الحجم ألي حبيتيه لكن ما دريهش عريص بزاف خطارش راه فيه خميرة تاع الحلوة+ كمية مليحة تاع ليدام

إضغط هنا لرؤية الصورة بحجمها الطبيعي.

الغلقة ديما أتكون من التحت كيما السكندرانيات
قطعي الزوائد تاع الحربوش ثم شكلي اساور و ديري فتحة في كل طرف من الحربوش ديلك

إضغط هنا لرؤية الصورة بحجمها الطبيعي.

لاقيهم مع بعضاهم و أغلقي مليح كيما في الصورة

إضغط هنا لرؤية الصورة بحجمها الطبيعي.

ثم أبدي النقش حسب الرغبة..أنا عن نفسي كيما راكم أتشوفو ما نعرفش مليح لكن ماما ربي يحفضها professionnelle ..
بالنسبة للنقاش كاين أنواع كثيرة ..أستعملي تاع الحديد..و أستعملي ألي حجمو صغير هو الأفضل..الكبير حنا نستعملوه مثلا للمشكلة و و صفات أخرى انشاء الله نشارككم بيها في اللأيام المقيلة

إضغط هنا لرؤية الصورة بحجمها الطبيعي.

اذا خفتي من الأحسن متنقشيش غير أتكملي الحبة بل حتى أتكملي قيس سنيوة تاع الفرن ثم أبدي تنقشي
و أيضا رمدي النقاش نتاعك في شوية فرينة باش ميلصقلكش في لعجينة (أنا عن نفسي مندرهاش لكن هدي نصيحة فقط)

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

والله متعة كي تكوني تخدميه و خاصة كي تكوني تكلي فيه هههههههههههههههههههههههههههههه

حطي الحبات في صحن الفرن المدهون ولا ديري ورق الطهي
سقمي الحبات باش أجي شكلها دائري و جميل يعني شوية trafic هههههههههه

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

الفرن يكون مسخن مسبقا على درجة حرارة متوسطة 180ْ

إضغط هنا لرؤية الصورة بحجمها الطبيعي.

هاهو شكلو النهائي

إضغط هنا لرؤية الصورة بحجمها الطبيعي.

hanane220 · 2014-01-14, 20:54

اقتباس:

المشاركة الأصلية كتبت بواسطة aphrodite16

حنااان بصحتكم الشخشوووخة تشهييي و ربي يخلليلك ماماك
مي عفسة حيرتني
ههههه الطيمنة
علاه كحلة ههه

امين شكرااا حبيبة و هذيك طمينة جديدة مخدومة بالشوكولا ماروخا عن قريب نحط الوصفة

hanane220 · 2014-01-14, 20:56

https://www.djelfa.info/vb/showthread.php?t=1510968