اقتباس:
المشاركة الأصلية كتبت بواسطة ام عرفات
كي ديري désodorisant ديريه في التابي و الااراءك و لامب lampe كي تكون طافية كي تشعليها تطلق الريحة
الكويزينيار ديري بيكربونات
الريحة تع البوتاجي ديري التلوى تع القهوة لوحيها فيه و رمي عليها الماء
|
فكره جديده نتاع التلوى نتاع القهوه ان شاء الله نجربها ...مشكوره
اقتباس:
المشاركة الأصلية كتبت بواسطة نسيم الإيمان
سلام يا الفحلات حبيت نسقسيكم
عندي الكالكار في الدال دوسول في الطوالات كل اسبوع نغسل الطوالات بالماء و الايزيس و الجافيل و نحك بالبالية مليح
بصح ماحبتش تروح
ديما نحاول نجبد الماء بصح ماحبتش تروح
جربت ايغل تاع الكالكار نحالي بصح ماتنحاش كامل
|
والله يا اختي ماعندي حتى فكره ان شاء الله يجاوبوك لبنات
اقتباس:
المشاركة الأصلية كتبت بواسطة نهلةن
منكم نستفيد افكاركم رائعة بوركتم
انا عندي نظام ساعدني بزاف الماعن تاع الضياف مدايرتهم في بورت مونجي كبيرة تاع القهوة والجي وحدهم والصحونا والمغارف والسرافط وحدهم وحتى الكيكوت لكبيرة والبرمة بالسقو تاعهم مخبيتهم كامل فب البلاكار مع بعضاعم كي جوني الضياف نستعملهم كامل ونخلي الماعن تاعي الي نستعملهم بشكل يومي من جهة تبقى كوزينتي منظمة وفي نفس الوقت نستعمل الجديد لضيافي وكي يروحو نغسلهم ونخبيهم وتبقى الكزينة نظيغة ومرتبة
بصح لازم تمسحيهم مليح وتغسلي السرافط تاع ضيافك وتخبيهم والقاطو نديرو في بورط مونجي ونحطو في الكونجيلاتار هو والمقروط والباقلاوة كي جيوني الضياف نجبدهم ونحطهم في الميكوواند او الفور ونقدمهم
والصالون دايما نرتبو ونعطرو ونغلقو ماتدري ضيف الغفلة اما الكوزينة مدايرا نضام كي نبدا نخدم نحط ماء فيه ازيس وما تشلال واي ماعون نستخدمو نغسلو هكا ما يتلموش الماعن عليا ونمسح البوتاجي اذا ساحت عليه اي حاجة منخليهش يتراكم على بعضاه
والمقلة نستخدم اكثر من وحدة هكا يبقاو دايما نضاف وماتتلمش فيهم الزيت ويكحالو من التحت خاتر كي نكمل نحكهم تمتم اذا قاستهم الزيت من التحتلانو المقلة الي يخليها تكحال من التحت هو انو تسيح عليها الزيت ونبقاو نطيبو فيها النار تكحلها ومنقدروش نحيوها من باعد على هذاك انا ندير كل حاجة في مقلة ونكسب الوقت والنظافة
اتمنى نكون افدتكم واي حاجة نتفكرها راني نرجع السلام عليكم
|
فكره ماعين الضياف فكره روعه تنحي عليك التعب وتربحي الوقت ...فكره روعه تفيد خصوصا العاملات الي ماعندهمش وقت
فيما يخص المقله نضيف فكره بسيطه كيمن قلتي انك ديري لكل مقله وطيابها مقله للبغرير مقله للقلي مقله لشي أخر وهكدا باش يبقاو نضاف وتتهناي من الحكان
وان شاء الله تزيدي تتفكري وماتنسايناش