وسام احسن عضوة في هذا القسم ....لالهام07

[بعيدة المنال]

أوافق تقدير لهومة اللهلوبة بوسام الشرف فأنا من المعجبات الى حد الهيام بإلهام

[اسمهان79]

كلاااااامك لا غبار عليه الهام رااااااااائعة بكل معنى الكلمة سواءً في وصفاتها او في طريقة الشرح في كل شيئ حقيقتا مبدعة راهي قليلا عليها
تستاهل اعضم وسام في المنتدى
اكيد نحبها كلنا ونتمناولها كل الخير
ربي يحفضك اختي على هاذ المبادرة الطيبة
جعلها الله في ميزان حسناتك

[ام البنتين]

مليح لي ظهرتي يا الهام اديت البخص على جالك ...............ولكن ماعليش تستاهلي نعم و لهذا السبب حنا قلنا لي جربو وصفات الهام و عجبتهم ما يبخلوناش بردودهم و قلتا حتى لي ما عجبوهومش يعطيونا تعليق راني ما نيش ندير في دعاية او حملة انتخابية ايتها المشرفة ام كوثر .نعم الهام اللقب لي تحت اسمها يكفيها لكن هل ما تستاهلش تشريف خاص ب العضوات المبتدئات ؟ و الا ما تحبوش المبادرات الفردية يا خي ما راناش في حزب سياسي .مع احترامي لرايك لاني من المعجبات بوصفاتك و طبقت كثير من وصفاتك و نجحت و الكلام لي قلتو اني ما زالت متمسكة بيه و هي ملاحظاتي فقط وموش مطلوب مني نجامل و نقول كل شي مليح كما يفعل البعض غير يشوفو اسم عضوة معروفة حطت وصفة يطيحو عليها مجاملات و تشكرات حتى و ان كانت الوصفة معروفة عند العام و الخاص و الا حتى مسروقة مثل وصفة العجينة السحرية او عجينة العشر دقائق .....باش نكونو في المستوى راه مليح النقد و الاجمل ان نتقبل النقد ماشي لي قال كلمة خارج اطار الشكر ما يعجبش و يلزم التدخل لردعه .على كل حال مشكوريـــــــــــــــــــــــــــــن على ما تقدمون و عمنا قوقل راه موسوعة في كل المجالات و الف تحية لكل من قدمت وصفة تنفع بها اخواتها و الف تحية لكل من وجدت ضالتها في هذا المنتدى .....اختكم التي لا تحب المجاملات مجانا تعتذر منكم جميعا و تقول لكم الف سلام فقط كلمة اخيرة و هي مثل شعبي قديم يقول ( انا كلمتي نقولها و لي عشايا عند و يديرلي فيه الرهج......)

[samsouma70]

أنا اواااااااااااافق فالهام تستاهل كل خير
أنا بصراحة من معجبيها و معجبي وصفاتها ونصائحها و خفة دمها
وتمد كلشي من قلبها

[leila-alger55]

w llah kol ma9oltih fi ha9aha 9alil lahlouba f tabkh ma3a roh mariha tadkhol fel 9alb merci w rabi jazikkkkkkkkkkkkkkkkkkkkkkkkkkk

[أم الحبايب 26]

عندك الحق طاريقة تقديمها للواصافات رائعة لميافهمش يفهم من شرح نتاعها زدي معا طاريقة لتدخل بيها واصور لتحطهم ماتماليش من قرايا غرا كاملتها حتى وتكون طويلا انا يعاجبوني واصافات نتاوعها رابي يقاد=رها

[aryèm]

الهااااااااااااااااااااااااااام و الله اول ما ندخل منتدى الطبخ نفتش على جديدك انت و الكثيرات لكن تعجبيني و تعجبني طريقتك العفوية

[tong2]

صح الله يبارك ماشاء الله عليها
واكيد هي عضوة محبوبة

[jojo dj]

يعطيك الصحة كلامك صحيح تستاهلي احسن وسام والله الهام مواضيعها مميزة تحسي دايما عندها جديد مش مواضيع معادة من مواقع اخرى وصح كامل مواضيعها فيهم des secrets et des astuces تمدلنا من قلبها وتساعد من قلبها معندهاش غيرة في قلبها ربي يخليها ويعطيها ماتتمنى

[jojo dj]

تستاهل احسن وسام انا لاحظت هنا مايزعفوش مني الاخوات كاين لي تحط وصفة صح قمة نلاحظ انهم مايطوش تشجيعات مافهمتش زعمة موضوع تافه ولا على بالها بيه وهي راها تعرفو من قبل ما فهمتش مثلا موضوع الاخت فلة اخر وصفة حطتها ماكانش الردود والتشجيعات زعمة موضوع مايستاهلش ولا غيرة جات تدي في بلاصتهم مافهمتش مانحبش ندكر الاسامي مي عيب راهم كبار على هادو الحركات نتمنى يدو برايي بكل روح رياضية

[ام البنتين]

أخيرا ظهرت وحدة تقول رأيها بدون مجاملة

[cuisineshowdalatifa]

شكر ا أختي هذا التكريم لفتة رائعة منك و احلام تستاهل الكثير لما تقدمه و اهم شيءفيه روحها المرحة و المعطاءة
اجمل شكرلك إلهام

[جزائرية 16]

بارك الله فيك اختي علي المبادرة الرائعة
الهام محبوبة الجميع بقلبها الطيب و تواضعها الرائع تعلمنا منها اشياء كثيرة لذا كلمة شكر لاتكفي وكما قالت اختنا ام كوثر يكفي ان ندعوا لها كلما جربنا وصفاتها فالدعاء اختي هو اغلي شيء نستطيع ان نقدمه لها

[jojo dj]

والله اختي نهدر من قبلي انا كيما انت مانحبش المجاملات ومولات خير اقل حاجة يديروهالها والحمدالله مانيش منافقة لي تعجبني وماتعجبنيش نقولعا في وجه الانسان لي مقابلني نتمنى برك من الاخوات يفهمو الدرس ويكبرو شوية على هاذو les getes

[ام سهام 02]

الهام الحبيبة تستاهل كل خير ربي يعطيها ومنيها اااااااامين