الى ام اسيد1 وكل وحدة حاصلة واش الطيب - الصفحة 5

ام اياد ولؤي · 2014-09-17, 20:33

مشكورة حبيبتي على المجهود رانا فالمتابعة وعجبتني طريقتك فالطياب

ام حمزة22 · 2014-09-17, 21:15

عفوا بارك الله فيك
مشكوووووووووووووورة

ام حمزة22 · 2014-09-18, 09:44

سلام
صباحكم سعيد
طبق اليوم هو( باقات الشفلور المقلية مع البطاطا المقلية )
] المرقة نحضرها ببصلة حميصة قرفة فلفل اكحل ملح وزيت
اما العجينة لي نقلو بيها الشفلور تتكون من بصل معدنوس ملح فلفلاكحل وكاس حليب حبة بيض و3مغارف فرينة معمرين مليح انا كنت نستعمل غير البيض بصح درك اكتشفت هاد الطريقة هي اقتصادية
هنا نغطس البوكي نتاع الشفلور في الخليط من بعد نقليه
[مرقتنا وجدت والبوكيات والبطاطا وجدو نصيحتي ما تكثريش المرقة باه كي جي تصخنيها الشفلور والبطاطا ما يتشمخوش بالمرقة ويسخنو غير ببخار المرقة لي تسخن يقعد هاد الطبق على حالو حتى في المساء
[هدا طبقنا اليوم
نسيت نقللكم على طريقة ديروها باش ما تخرجش ريحت الشيفلور كي يكون يغلي وكامل نعرفو الريحة القاسحاة عند غليان الشفلور
والطريقة هي وضع البابة نتاع الخبز في الماء لي يغلي فيه الشفلور (البابة هي الابيض لي يجي داخل الخبز)

صدفات · 2014-09-18, 10:10

صباح النور يا أختي الفاضلة
المقارون درته البارح جا هايل خصوصا فكرة انك تشليه بالماء ما جاش معجن bravo
و اليوم درتي طياب زمان مممممم عجبتني فكرة البيض و الفرينة نجربها إن شاء الله و نردلك الخبر

ام حمزة22 · 2014-09-18, 10:40

صباح الانوار صدفات
شكرا حبيبتي و ردودك تسعدني خاصتا انك راكي جربي الاطباق وتعجبك بصحتكم
بارك الله فيك

ombouchra · 2014-09-18, 12:08

نشكرك بزاف اخت ام حمزة بصحة فطورك جاك يشهي
ارتحتلك بزاف اذو اطباق معظم الجزئريين ماشي ديما يتوفر اللحم وكل واحد و الميزانية ديالو
ممكن اضافة اذا سمحتيلي زيدي في الخليط تاع الشفلور ملعقة صغيرة خميرةكيميائية باه ايجي خفيف هدا عن تجربة
اما عن درسة تاع الفلفلالاحمرطريقتك صح لكن هناك خطوات اخرى انا هدي الطريقة اعتمدتها على ماما
عاوديه في الرحيوة تاع اليد في الرقيق باه تنحيلو القشور و يجيك رطب ثم ديريه فوق النار زيديلو شوية زيت وخلطيي على نار هادية بالاك يلصقك ينشف من الما وما يخخسرلكش و ادا عندك حبة الحلاوة مرحية ضيفيهالو ماشي لازم لكن تعطيه ريحة شابة
اتمنى ان يعجبكي ردي واصلي و رانا معاك

ام حمزة22 · 2014-09-18, 12:23

ردك اسعدني كثيييييييييييييراااااااااااااااااااااااا
مادا بيا كل وحدة تدخل تحب تزيد اضافة تتفضل على الرحب والسعد
اما عن الفلفل الاحمر يعطيك الصحة ام زوجة اخي اعطاتني وصفة مثل وصفتك بارك الله فيك
مشكووووووووورة

ام انيس2 · 2014-09-18, 16:06

بارك الله فيك وشكرا على مساعدتنا والله نهار كامل واحنا حايرين واش نطيبو

oumyacine · 2014-09-18, 16:28

yatik saha wassili rana mtab3ine m3ak

ام ظافر · 2014-09-18, 17:22

بصحتك البروكلو
فعلا لاحظت انك ماتعتامديش على اللحم بزا في طيابك ولا على جومبو لتعويض البنة
طيابك بسيط وصحي وفي متناول اي ربة بيت
سعدات اسرتك بيك

رتيـل · 2014-09-18, 18:36

بارك الله فيك و جزاكي كل خير

متابعين ان شاء الله

ام حمزة22 · 2014-09-18, 19:41

اقتباس:

المشاركة الأصلية كتبت بواسطة ام انيس2

بارك الله فيك وشكرا على مساعدتنا والله نهار كامل واحنا حايرين واش نطيبو

شكرا ان شاء الله استفدتي من الموضوع

اقتباس:

المشاركة الأصلية كتبت بواسطة oumyacine

yatik saha wassili rana mtab3ine m3ak

الله يسلمك بادن الله ساواصل مادام راكم تابعوني

اقتباس:

المشاركة الأصلية كتبت بواسطة ام ظافر

بصحتك البروكلو
فعلا لاحظت انك ماتعتامديش على اللحم بزا في طيابك ولا على جومبو لتعويض البنة
طيابك بسيط وصحي وفي متناول اي ربة بيت
سعدات اسرتك بيك

الله يسلمك حبيبتي
ولادي ما يحبوش اللحم لهادا ما نطيبوش اما عن الجومبو عمري ما استعملتو البنة جي بلا بيه كي نقلي مليح الجواز ونخليه يطيب على نار قليلة يجي بنين

اقتباس:

المشاركة الأصلية كتبت بواسطة رحيـلْ

بارك الله فيك و جزاكي كل خير

متابعين ان شاء الله

شكرا رحيل جزاك الله بالمثل

سمسومة 05 · 2014-09-18, 22:21

يعطيك الصحة والله هنيتي كل ربة بيت تخمم كل يوم وش دير الغداء والعشاء وبافكارك البسيطة والرائعة نلقاو احلى الاطباق شكرا لكي

kati83 · 2014-09-19, 00:15

يعطيك الصحة جربت القرسة مع السردين حاروا فيها معرفوهاش وكى داقوها عجبتهم قالولى
ديما ديريها

ام حمزة22 · 2014-09-19, 09:11

اقتباس:

المشاركة الأصلية كتبت بواسطة سمسومة 05

يعطيك الصحة والله هنيتي كل ربة بيت تخمم كل يوم وش دير الغداء والعشاء وبافكارك البسيطة والرائعة نلقاو احلى الاطباق شكرا لكي

الله يسلمك ربي يقدرني ونكمل معاكم
شكرا على مرورك الطيب

اقتباس:

المشاركة الأصلية كتبت بواسطة kati83

يعطيك الصحة جربت القرسة مع السردين حاروا فيها معرفوهاش وكى داقوها عجبتهم قالولى
ديما ديريها

الله يسلمك و بصحتكم والحمد الله كي عجبتهم انا ولادي ساعات نكون مزروبة ونديرلهم القرسة يزعفو علية