النت حطم زواجي

[(( هبة الرحمن ))]

نتحدّث وكأننا في دنيا الملائكة
جلّ من لا يخطئ ،
لماذا لا تعطيك فرصة ثانية إكراما لابنتها ، دون الوصول إلى الطلاق .....
أخي انت تبت ونادم ،كل بنو آدم خطاء ، فعلت ما بوسعك لإرضائها ، اترك لها المزيد من الوقت وكل ما كتبه الله سيكون مهما فعلنا ، واش راح تعمل أكثر مما عملت ، ، ، ، ،
خليها على ربي وخلاص .....أنت سعيت حبت ترجع ترجع ما حبتش الله يسهل عليها ، واش ربي يغفر والعبد حاط روحه فوق الجميع ...
ربي يهديها .....

نقولك أخي لوكان أي رجل أو امراة ركب كاميرا خفية وراقب الطرف الثاني لما بُني بيت أبدا أبدا ، كيف وربّ العباد من صفاته الستر والمغفرة ....................

خلاص ماتزيد تجري وراها أعتقد أنها تضخم الأمور أكثر من اللازم ، لوفكرت بمنطق : لماذا اتصلت بها هذه المرأة ، أليس الهدف تهديم البيت ، كان من المفروض تغضب في دارها وتعاقبك وهي في دارها ، عقاب يجعلك تندم على فعلتك ( يكفي ان تقتلك بالبارد ) ، دون أن تشهر بك أمام عائلتها وعائلتك لأنك مهما فعلت أنت أبو ابنتها حفاظا عليها تظهرك بأفضل صورة .

[(( هبة الرحمن ))]

المشاركة الأصلية كتبت بواسطة هدى ام ريماس

ديرلها حركات رومنسية كما المسللات التركية توليلك

يا عزيزتي رومنسية الأتراك تذلّ الرّجل ، رومنسية الجزائري على طريقته أفضل بكثير لأن فيها من الرجولة ما يكفي ....
واش حابة وردة ويبكي تحت التاقة ، أنا واحد بهذا الشكل ما نرجعلهش خلاص نزيد نصب عليه الما من الفوق .....

[أم معاذ أم معاذ]

أنا نقولك باه ترجع زوجتك أنت توب توبة نصوح و تعزم أنك ما تعاودش هاد الأعمال تاع المراهقين
ثانيا تحلل زوجك مليح و ما فيها لاإهانة لا هم يحزنون
هاذي زوجتك و نحسبها صالحة إذا أبذل كل ما بوسعك لإرجاعها
ماهزتش عليه الهاتف كاين المساجات
كاين النت قدرتي تراسل الفاسقات و زوجتك ما تقدرش تراسلها
تقول أرسلتلها جماعة الفايدة فيك أنت كي تروحلها و تحكي أنت معاها و تتحدى كامل ظروفك باه ترضى عليك زوجتك لأنك أنت الغالط من البداية

وربي يجعلك زوج صالحا لها و يجعلها زوجة صالحة لك

ملاحظةفقط
- ماكان لاه تقولو طلقها و أنها زادت عن حدها وووو لأنو ممكن يدخل في تخبيب الزوج على زوجته
- ثانيا ما توجهوش الكلام للزوجة لأنو طالب النصيحة الزوج و الزوجة لا تقرأ هذا الكلام و الله أعلم

[محمد جديدي التبسي]

ردة فعل زوجتك مبالغ فيها لكن لها ما يبررها أكيد لذلك حاول ان تشرك عائلتك وعائلتها في محاولة تهدئتها
وعلى زوجتك ان تتذكر ان كلمة مطلقة لبست سهله أما انت فيمكنك اعادة الزواج بسهولة لكن قبل كل ذلك لابد لك من توبة نصوح وابتعد عن الانترنت نهائيا فهي لا تليق بالسذج!
ربي يفتح عليكم

[oum imane83]

والله ياخي الخيانة واعرة بزاف ولا يمكن تقبلها .. الخيانة ماشيء لازم تكون زنا او تلاقيت بها او ماتلاقيتتيش ..


بما انك فكرت في مراة واحد اخرى من غير زوجتك وصرات خلوة بيناتكم عن طريق الهاتق والمحاداثات تعتبر خيانة ... كما يقول الشيخ شمس الدين ماكنتوش تدرسو امور الدين في احاديثكم ..

مكانش حاجة تقدر تجرح مشاعر المراة انوثتها كبريائئها ثقتها كما الخيانة ... ..

لا اقول انه مستحيل لكن صعيب جدا ترجع الامور لمجراها الطبيعي بسهولة .. هي قادرة مع الوقت ترجع ليك على جال ولادكم ولا خوف من نظرة المجتمع للمطلقة بصح واش يضمن بلي راج نثق فيك مجددا وترجع الالفة والمودة بيناتكم .. لازم جهد كبير منك باش تقنعها ماشي بالكلام وانما بالافعال ..

صحيح اانه الانسان ضعيف ويغلط وربي يستر عباده ومايفضحش الا الانسان الذي تمادى وحاب يفضح هو نفسه بنفسه وخاصة الشخص المحصن


وان شاء الله الي يخمم انه يلعب ببنات الناس يكون جزائه اكثر من هدا ....

الخيانة في كلتا الحالتين سواء من جانب الرجل او من جانب المراة يستحق العقاب عليها ..

[hiba0991]

يداك اوكتا وفوك فنخ

هذا جزاء من يدخل للطريق الحرام

واش نقولك يا اخي انت درت غلطة كبيرة ولازم تسلك

هذه هي سنة الحياة
100/100

[مواطنة]

ادا راحت الزوجة لدار باباها معناه المشكل تفاقم شوية امال لازمك تعطيها الوقت حتى تشفى الجرح دون الضغط عليها و اصلا الخلع مشي ساهل بالنسبة ليها
لكن الامر الاكيد انو الزوجان لازمهم يعيشو في بيت واحد و المصلحة الكبرى
مشي في الدخل الشهري ة انما السكينة و كي تروح السكنى واش فائدة الزواج
ادا ماراحتش لدارهم افضل متظغطش عليها ان تكون طبيعية و حاول دير روحك مكانها هدي ازمة وتجوز على خير بادن الله تعالى لكن اعطيها حقوقها وكمل دور الزوج المسؤول عن اسرته و احيانا ابعتلها رسائل لطلب السماح او ان اردت التكلم معها ادعها للخروج لرؤية الطفلة فقط و بعدها حاول التكلم معها
حقيقة انو كاين اهل الزوجة لي بدافع حزن البنت لا يقبلون التفاوض و يملؤون راس البنت لكن نصيحتي انك تبقى مسؤول من جهتهم وخاصة المصروف الخاص بيهم باش ما يزيدولكش تهم اخرى
و شيء اخر لازمك تعرف ادا سبب توران الزوجة هو فقط لي صرى اوكاين مشكل اخر او وضعكم الحالي بالنسبة لعملك بعيدا و تحملها لوحدها المسؤولية

[أمل94]

يا اخي الحمدلله لي اعترفت بذنبك وندمت وهذا اساس حل المشكل متتقلقش اخي وحاول تلم شمل عايلتك حتا وان تطلب الامر الرضوخ لزوجتك وترجيها بكل الوسائل لانك الظالم والغلطان وانشاله ربي يكون معاك

[aissambayern]

ربى يفرج عليك اخى

[loubna87]

هذه نتيجة تلاعبك ببنات الناس . كي قلت للبجاوية بلي راك مزوج , من قبل ما كنتش عارف بلي راك مزوج و عندك امرأة . بماذا قصرت معك زوجتك ؟؟ علاش تحوس أخريات رغم أنه عندك إمرأة و تزوجتو حديثا ؟؟ وقتك كنت عطيتو لزوجتك و ابنتك .
بالنسبة للفتاة البجاوية راك حاب تدورها هي السبة في تحطيم أسرتك . لا ماشي هي المسؤولة . عاتب نفسك و خلصاتك كيما لازم .
و إن شاء الله تكون عبرة لكل من يستهزئ بمشاعر البنات . ألحقت الأذى بزوجتك و ابنتك خلي البنت في حالها .

[SIRIN NERSIN]

يا اخي الحمدلله لي اعترفت بذنبك وندمت وهذا اساس حل المشكل متتقلقش اخي وحاول تلم شمل عايلتك حتا وان تطلب الامر الرضوخ لزوجتك وترجيها بكل الوسائل لانك الظالم والغلطان وانشاله ربي يكون معاك

[* دموع الشوق *]

حرام عليك يا اخي و الله
هاذيك البنية واش ذنبها
و زوجتك الي دمرتلها حياتها و هي مازالت في ربيع العمر حسبما يبدو
انا لو زوجي عملها أجتثه من قلبي من جذوره حتى و ان بقيت معه
عليك بالتوبة الخالصة لله قبل الجميع و زوجتك ديلها الجاه و الهدايا و بينلها ندمك لعل و عسى ترجعلك
و لكن تاكد انها مش راح تنساهالك و بينلها انك تحبها و بين لها استقامتك و توبتك و تهلا فيها
و دعي ربي
و الله يوفقك أخي و الله تقطع قلبي لهاذه الحال

[maleksak]

مرتك زايدتلها شوية...انا نظن كانت على سبة....كان من الاجدر ان تغفر لك الخطا وتستمر الحياة هاذي غير شبعة

[sam2016]

ربي يكون في العون لا يوجد اصعب من الخيانة
اخي خليها ترتاح قليلا بعيدا عنك. و بينلها معزتها عندك و ان هذا من فعل الشيطان الله ينعلو و يخزيه و قلها خير الخطائين التوابون و بينلها ندمك. الشديد و حاولو تخلو القصة بيناتكم و اصبرو حتى ربي يفرج

[الزوجة البارة]

ربي يستر الاحوال حاول تهديها برك و ربي يستر عليكم و يلم شملكم