كيكة التفاح المبشور و الكاوكاو مممممممم ذوقها لا يقاوم

[lahna moka]

مرحبا حبيباتي الحلوات, عندي مدة ما حطيتش وصفة و جبتلكم اليوم وصفة كيكة لكن واش من كيكة مممممممممممم جربوها و ردولي بالخبر

نبداو بسم الله:



125 غ مرغرين طرية_ 50غ سكر عادي+ 50غ سكر ناعم_ 3 حبات بيض_ 100غ كاوكاو مرحي رقيق _ 50غ فرينة _ ملعقة صغيرة مملوءة خميرة الحلوى_ 3 حبات تفاح متوسطة الحجم مبشورة (ديريلها القارص باش ما تكحالش)_ فانيلا _ شوية كاوكاو مرحي باش نديروه على وجه الكيكة

قبل البدأ شعلي الفرن باش يحمى
اضربي المرغرين الطرية مع السكر الناعم و السكر العادي للحصول على شكل كريمة

أضيفي البيض بالتدريج واحدة واحدة . و ايضا أضيفي الفانيلا السائلة



اضربي جيدا ليذوب السكر و يصبح لون الخليط فاتح

أضيفي بعدها الكاوكاو و الفرينة المغربلة مع الخميرة و اخلطي بملعقة خشب او سباتول (باش تجيك هشة خفيفة جدا ما تكثريش الخلط بالملعقة بل تخلطي قيس ما تختفي الفرينة فقط دون مبالغة)

بعدها اضيفي التفاح المبشور و اخلطي ليختفي التفاح فقط

ادهني المول (قطره 22 سم) بالمرغرين و رشيه بقليل من الفرينة و في القاع ذرذري شوية كاوكاو

ضعي الخليط في المول و سوّيه و ضعي على الوجه شوية كاوكاو ايضا

أدخليه الفرن المسخن من قبل على درجة حرارة 150 درجة و خليها تطيب حتى تتحمر شوية ( اختبري النضج بادخال سكين و اذا خرج ناشف معناتو ناضج)

هاهي واجدة و اثناء الطهي كانت الريحة فالكوزينة رووووووووعة

شوفو كيفاه طرية و هشة و الماء اللي يطلقو التفاح هو اللي يخليها مشمخة تقول سقيناها بالشاربات ممممممممم





دعوة صغيرة تكفيني غالياتي