أطباق رئيسية لشهر رمضان الفضيل

[narcisse lilas]

44444444444444444444444444444

[هندة 74]

يعطيكم الصحة لبنات تسلم ايديكم

[celia16]

يعطيكم الصحة

[ريحانتي]

منكن ندير كريمة الفرماج في بلاصة البيشاميل لاني مانبغيهاش

[sunshine2013]

يعطيكم الصحة

[merihabo]

https://www.********.com/groups/1425225927784385

[dabdoub077]

وااااااااااااااااااااااااااااااااااااااو رووووووووووووووووووعة شهيتينا يعطيك الف صحة وعافية حنووووووونة

[*أم جابر*]

السلام علكم ورحمة الله و بركاته
كلمار محشي بالجمبري من مطبخي امممممم.....ما شاء الله
هيا زعما زعما راني درت موضوعي لكن صدقوني بزاااف بنين خاصة اللي يحبو الماكولات البحرية

اولا بما انه الكلمار و الجمبري مجمدين يعني منظفين و منقييين الحمد لله ما نقيت ما والو ههههههه

قبل كلشي انقعي الكلمار في ماء مغلي و مملح لمدة 10او 15 دقيقة
وهنا درت حبة طماطم مكرفجة +سنينات ثوم +"ملح +فلفل اكحل+شوية كمون +رند+زعيترة +زيت الزيتزن +الجمبري "و درتهم يطيبو يعني ماكالاه تزيدي الماء لان الجمبري مجمد الاكيد راح يطلق الماء ديالوو تخليه حتى يطيب و يشرب الماء كلية

زدت حضرت شوية بيشاميل تكون ثقيلة شوية و خلطتها مع حشو الجمبري

و هذا الكلمار بعد ما نحيتو من الماء المغلي مسكيين شيان ههههه



من جهة اخرى حضرت صلصة الطماطم كل واحد و طريقتو انا درت 2 حبات طماطم كبار +سنينات ثوم +رند+ زعيترة +ملح فلفل اكحا +كمون شوية برك +كركم و درتها اطيب امبعد ما حشيت الكلمار و في نصف طياب تع لا صوص درتو يطيب معاها
هنا اختياري تحبي تنحي لاصوص تع الطماطم نصف طياب و اديري الكلمار و ادخليه للفرن يكمل الطياب تحبي تكملي على الكويزينيار و انت واش يساعدك انا كنت مزروبة شوية كملت على الفرن عادي
و تخليه حتى يشرب مليح الكلمار ما ياخدش بزاف الوقت للطياب
و هذا الشكل النهائي اللي درت معاه الارز



نسأل الله ان يبلغنا رمضان و يبارك لنا فيه السلام عليكم

[أم ضياء عبد الرحيم]

البسملة1
دجاجة محشية و خبز تركي

المقادير
دجاجة
2 بصلات مقطعين كبير كاس صغير ماء
للحشو
150 غ كبدة تاع الدجاج انا درت لحم طرف صغير باه يدير البنة برك
1 بصل مقطعة رقيق + 2 فصوص ثوم
60 غ فرميسال تاع الارز vermicelle de riz او ارز مطهوا في شوية تاع الماء
نصف ليمون محفوط مقطع رقيق citron confit
زيتون اخضر مقطع رقيق
معدنوس و كسبر مقطعين رقيق
1/2 م ص زنجبيل مطحون
1/2 م ص فلفل اسود
1/2 م ص بابريكا
1/2 م ص كركم
1/2 م ص ملح
2 او 3 م ك زيت

لدهن الدجاج

2 فصوص ثوم
50 غ زبدة
1/4 زنجبيل مطحون
1/2 م ص فلفل اسود
1/2 م ص كركم
1/2 م ص ملح
الموتارد

الطريقة
نحط البصل و الثوم يتقلاو مع الكبدة او اللحم
نحط الفيرميسال في ماء سخون نخليوها دقائق نصفيوها و نقصوها بالمقص و نضيفوها للخليط السابق و نضيف باقي المكونات و نزيدو نخليوها على النار 10 او 15 دقيقة
نحشيو الدجاجة بهذا الخليط ثم نغلقوها بعود الاسنان
نخلط الزبدة والموتارد و البهارات حتى تصبح متجانسة و ندهن بيها الدجاجة مليح حتى تحت الجلد نحطها في الوعاء الي نطيبوا فيه ونضيفوا البصل و الماء و تطها على درجة 200 الساعة الاولى مغطية و من بعد انحيولها الغطاء باه تحمار
الدجاج يجي حمر من البرى و طري من الداخل
المرق الي يجي مع الدجاج نقدموا به و اذا بقالك خبيه ديري بيه ارز يجي بنين
بقاتلي شوية حشوة زدتلها البيض و درتها على شكل بوراك
و درت معها الخبز التركي
























الخبز التركي
الوصفة هذه ديما نديرها و كي دورت في المنتدى لقيت هي نفس الوصفة الي اديرها الغالية ام اماني
المقادير
500 غ فرينة
1/2 ملح
1م ص سكر
1 م ك خميرة
150ml ماء دافئ
150ml حليب دافئ
2 م ك زيت
1 ابيض بيض
للدهن
1 اصفر بيض
قرصة ملح
50ml ماء دافئ
1 م ص فرينة
جلجلانية او سانوج
الطريقة
نخلط الماء و الحليب
نخلط الخميرة مع السكر و شوية فرينة و شوية خليط ماء و حليب و نخليوها 15 دقيقة
من جيهة اخري نخلط الفرينة الي بقات مع الملح و باقي المكونات و الخليط الاول و نعجن نتحصل على عجينة تتلاصق نغطيها و نخليها تطلع في مكان دافئ 1 ساعة نشكلها 2 خبزات و نخليها تزيد تطلع 15 د و من بع نشكلوها شكل دائري او بيضوي و نخليها تزيد تطلع نصف ساعة و من بعد ندهنها و بللت اصابعي بالخليط تاع الدهن و نشكلها باطراف الاصابع كيما في الصورة و ندخلها الفرن على درجة 200 من 15 الى 20 دقيقة *

[أم ضياء عبد الرحيم]

لسان بقري محشي في الفرن
الوصفة وجدتها في كتاب سميرة للأطباق المحشية عجبتني درتها مع بعض التعديلات
رابط تحميل الكتاب
من هنا
قبل ما نبدى في الوصفة نحب نقول بلي الوصفة تجي هايلة و حتى الي ما يحبش لحم اللسان راح تعجبو لانه الطعم انتاعو يجي كي اللحم العدي لكن اطرى انا اول مرة نجرب هذه الوصفة و اول مرة نذوق لحم اللسان و عجبني بزززززززززاف
المقادير
لسان بقري مغسول مليح غسلتو بالشيتة عند العين الوزن حوالي 1,5 كلغ
ورق غار رند
جزر
بصل ثوم
كرافس
الحشو
200 غ لحم مرحي
بصل مقطع رقيق ثوم معدنوس مقطع رقيق
بيضة كاملة
بيض مسلوق
خبز يابس مرحي
فلفل أبيض او اسود
ملح زيت
الطريقة
نخلط كل مكونات الحشو معدى البيض المسلوق
نفتح اللسان في الطول و انحي منوا شوية اللحم اذا تحبي ماتنحيش و نخليه هكذاك
قليت اللحم في شوية زيت و زدتو للحشو
ندهن اللسان بالزيت و نتبلو بالملح و الفلفل
نحشي اللسان انحط طبقة حشو ثم البيض المسلوق تقدري تخليه هكذاك و اذا شفتي بلي اللسان ما يتقفلش على الحشو انزعي الابيض قطعيه و ضيفيه للحشو و حطي الاصفر كامل نضيف طبقة اخرى حشو نخيط بابرة تكون شوية كبيرة لان الطبقة الخارجية خشينة و نحطوا في ماء فيه بصل جزر رند ثوم معدنوس و كرافس و نغلق الكوكوت و نخليه يطيب 50 دقيقة
كي يطيب نحيتلو القشرة الفوقانية و حطيتو في الفرن يتحمر شوية قدمتو مع بطاطا سوتيه و سلطة جزر







هنا كي طاب برشتو مليح من الجلدة انتاعو و اذا طار الخيط معها معليش لان الحشوة طابة ماتخرجش

حطيتو في الصينية و دخلتو للفرن دقيقة او ثنين باه باخذ لون هذه الخطوة اختيارية و تقدري ما ادريهاش خصوصا الي يحبوا اللحم يبقى طري بزاف





ان شاء الله يعجبكم و تجربوه

[ام البناات15]

السلام عليكم


واش نقوللكم ....كيما يقول بوبقرة الله يرحمه هااااايلة هاااايلة هايلة...........ربي يبارك فيكم.

[ام محمدْ ومريمْ]

جازك الله كل خير الهم بلغنا رمضان

[celia16]

غراتان كرم ذوقها راااائع بالخطوات المصورة من مطبخي

بسم الله الرحمان الرحيم

السلام عليكم اخواتي

جبتلكم اليوم طريقتي في تحضير غراتان الكرم ذوقها رااائع حتى الاطفال لي مايحبوش الكرم راح تعجبهم لان فيها الدجاج وكمية مليحة من الجبن لذلك ذوق الكرم مايظهرش بزاف اذن بدون اطالة نخليكم مع الوصفة.

https:// إضغط هنا لرؤية الصورة بحجمها الطبيعي.


المقادير:

صدر دجاجة حجم كبير
راس كرنب صغير الحجم
جبن
حبات بيض حوالي 3 حبات او اكثر حسب المول المستخدم
حبة بصل
سنينة ثوم
ملح
فلفل اسود
2 م ك شابلير
معدنوس

طريقة التحضير:

اولا نحضر مرقة بيضا بالطريقة العادية

في طنجرة نحط نصف كمية صدر الدجاجة +بصلة مسكرفجة+سنينة ثوم+م ك زبدة+ملح+فلفل اسود

https:// إضغط هنا لرؤية الصورة بحجمها الطبيعي.


نحط الطنجرة على النار ونخليها تتقلى على نار ناقصة من بعد نمرق بشوية ماء مانكثروش بزاف الماء ونخليها تطيب حتى نتحصل على مرقة او صوص خاثرة.

من جهة ناخذ الكرم


https:// إضغط هنا لرؤية الصورة بحجمها الطبيعي.


نغسله ونحط يفور حتى يطيب من بعد نحط في كسكاس يقطر مليح ونرحيه بيدي وهو فوق الكسكاس وفي نفس الوقت نتخلص من القطع الخشينة لي تكون فيه.

ناخذ نصف كمية الدجاج المتبقية ونرحيها ونضيفلها الكرم والكمية من الجبن

https:// إضغط هنا لرؤية الصورة بحجمها الطبيعي.

من بعد نضيف لاشبلير وكمية من البصل يكون مسكرفج ومعدنوس يكون مقطع رقيق وملح وفلفل اسود

ونلمها بالبيض ممكن نحتاج بيضة او اقل حسب الكمية يعني نضيف بالشوية كمية البييضة لازم الخلطة تكون متماسكة نقدر نكورها

من بعد نشكلها كويرات او صبيعات ثم نقليهم في شوية زيت على نارقليلة حتى تطيب وتاخذ لون ذهبي لازم نراقبها لانها تتحمر بسرعة

https://إضغط هنا لرؤية الصورة بحجمها الطبيعي.

ناخذ كمية الدجاج لي طيبناه في المرقة ونفتتوه ونضيفلو كمية مليحة من الجبن المقطع

ناخذ مول ندهنه بالزبدة ونحط الكويرات لي قليناهم ونزيد قطع الدجاج والجبن ونسكب عليه كمية المرقة ونخفق البيض ونسكبه من فوق

https:// إضغط هنا لرؤية الصورة بحجمها الطبيعي.

ندخل الغراتان حتى يتماسك وياخذ لون ذهبي

https://إضغط هنا لرؤية الصورة بحجمها الطبيعي.


نقطعها ونقدمها بالصحة والهناء

https:// إضغط هنا لرؤية الصورة بحجمها الطبيعي.


لاحظوا طبقات الدجاج مع الجبن امممممم


https://إضغط هنا لرؤية الصورة بحجمها الطبيعي.

[oumnia27]

بطاطا في الفرن على بساطة مكوناتها لكنها جد لذيذة وبنينة
ومع طريقة تقديم مميزة اكيد تكون مناسبة تماما لضيوفك
وفيمايلي مكونات الطبق مع طريقة التحضير:

صدر دجاح مرحي +ملح +فلفل اكحل+كسبر+معدنوس+سنة ثوم+بيضة+خبز مرحي(او فرينة)

إضغط هنا لرؤية الصورة بحجمها الطبيعي.

حبات بطاطا بحجم واحد مقطعة دوائر+طماطم دوائر+فلفل حار دوائر(يمكن تعويضه بالحلو)

إضغط هنا لرؤية الصورة بحجمها الطبيعي.

في مول مستطيل نضع على التوالي دائرة من الطماطم ثم البطاطا ثم كمية من اللحم ومرة على مرة ندخل الفلفل الحار كما في الصور:

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

نوجدو صلصة عبارة عن :طماطم مرحية+قليل من الطماطم حب+2سنة ثوم+ملح+فلفل اكحل+كمون

إضغط هنا لرؤية الصورة بحجمها الطبيعي.

نصبو على المكونات اعلاه كمية من الماء المغلي +5ملاعق زيت ومن جهة اخرى نحلو ملعقة صغيرة معمرة نشاء في فنجان ماء بارد ونضيفوها للمزيج ونخلطو الكل ويضاف الى البطاطا

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

نغطيو المول بورق الالمنيوم ونديرو فتحة صغيرة على شكل علامة +والى الفرن مباشرة وقبل مانخرجو الطبق بقليل ننزع الورق باش البطاطا تاخذ لون

إضغط هنا لرؤية الصورة بحجمها الطبيعي.

راهي تفور وريحتها امممممممممممممممم ولا اروع

إضغط هنا لرؤية الصورة بحجمها الطبيعي.

بالنهاية يمكنكن تقديم الطبق (بعد ما يبرد شوية)بهذا الشكل:

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[omdouaa]

دائما حاصلين في رمضان انهار كامل واش راح انطيبو ا سهلتو اعلينا الله ايسهل اعليكم دنيا واخره اكلات اتشهي حتى درك يا خلي في رمضان