دورة تعلم التريكو مع الأخت ام سفيان

[sofiane2075]

المشاركة الأصلية كتبت بواسطة أماني الجزائر

بالفعل حبيت نتعلم معاكم او كنت متحمسة، دوكا ارجعت من برة، حوست على الصوف ما لقيتش، كامل رفدوها، قالك مشي وقتها، الصوف في الشتا، ما فهمتش واش من منطق يخدموا بيه في الشتا الناس تلبس ولا تخدم؟؟؟

عندك الحق لازم نوجدو في الصبف باش بلقاو في الشتاء احنا العكس نوجدو في الشتاء و ادا ماكفاناش الوقت نلبسوها العام الجاي ادا كنا حيين واش نحبي هادا هو القماش ادي ولا خلي المهم ادا حاية تتعلمي شوفي تريكو قديم و اتكلي على الله

[samsoon city16]

المشاركة الأصلية كتبت بواسطة sofiane2075

و الله خجلتيني راني ما درت والو و انت تشجعي في بارك الله فيك بصح قولي لي واش راكي اديري كي القطة في وسط الكبات كاش ما تعلمتي

واعرا بزاااااااااااااف راسي كان خفيف في الكروشي مي التريكو لي نتعلمها اليوم غدوة ننساها ما فهمتش . تخلطت عليا
ما نعرف كي جامي رفدت لي زيقوي ولا واش ....دربوني بعين يا لطيف .....لي يجي لدارنا يعيّط : آآآآآآآآآآه آآآآآآآآآه واش هادا راكي تتعلمي الكروشي البرودري لي زيقوي ما خليتي والو ...... يا لطيف ولطف بينا ..... يضبحو حتى في أبسط الامور.... راح ندير فترة راحة و نقاهة نسّيهم شوية ... و نولي نخدم غير في اللليل خفاش الليل

[sofiane2075]

المشاركة الأصلية كتبت بواسطة samsoon city16

واعرا بزاااااااااااااف راسي كان خفيف في الكروشي مي التريكو لي نتعلمها اليوم غدوة ننساها ما فهمتش . تخلطت عليا
ما نعرف كي جامي رفدت لي زيقوي ولا واش ....دربوني بعين يا لطيف .....لي يجي لدارنا يعيّط : آآآآآآآآآآه آآآآآآآآآه واش هادا راكي تتعلمي الكروشي البرودري لي زيقوي ما خليتي والو ...... يا لطيف ولطف بينا ..... يضبحو حتى في أبسط الامور.... راح ندير فترة راحة و نقاهة نسّيهم شوية ... و نولي نخدم غير في اللليل خفاش الليل

بي يبعد عليك العين و الحسد

درك كيتبطلي ماتخدميش يولو يقولو واش هاد الفنيانة ما تعرف والو و ما تخدم والو

هههههههههههههه

ما تتقلقيش راهو ساهل ان شاء الله تولي محترفة في التريكو قريبا

حنا تاعنا هنا يقولولي

تاعنا ما يخدمو لا بدرعين لا بلكرعين

حتى درك وليت مريضة بلاغتغوز وليت نسخف نخدم

[samsoon city16]

المشاركة الأصلية كتبت بواسطة sofiane2075

بي يبعد عليك العين و الحسد

درك كيتبطلي ماتخدميش يولو يقولو واش هاد الفنيانة ما تعرف والو و ما تخدم والو

هههههههههههههه

ما تتقلقيش راهو ساهل ان شاء الله تولي محترفة في التريكو قريبا

حنا تاعنا هنا يقولولي

تاعنا ما يخدمو لا بدرعين لا بلكرعين

حتى درك وليت مريضة بلاغتغوز وليت نسخف نخدم

ربي يجيبلك الشفاء خالتي لعزيزة
الكروشي و الخياطة و ..... صح صنعة زينة مي مع الوقت تدور على خادمها .....العينين يفشلو يعوارو و الظهر يتعوج و....
الله غالب واش نديرو ... نفضل نخدمها بيدي و نقتصد دراهمهم نشريهم حاجة اخرى ..مليون ونص حق اليد و قماشو و...و.... نخدمهم انا خير و كيما جات جات ياك نفرشهم انا ويلا جاو خلعة نعميلو عينو باه ما يشوفش الكوارث...

[sofiane2075]

ربي يعطيك صحتك و تخدمي حاجة مليحة تفرحي بيها روحك هنا تاني نفس العقلية عندي لي ماتحبش يخدمولها الناس
تقولك نخدم وحدي خير باش ما تجينيش الحسبة طالعة
و تاني ندير كيما نحب انا و مانديرش كيما الناس كامل و تاني على حساب دوقي

ربي يهنيك و يقدرك تخدمي كلش و واش تحبي و تتمناي

[sofiane2075]

خلاص تعلمتو ولا شفتو الصيف جاي بطلتو المهم تكونو بخير ان شاء الله

[إيمان الجزائرية]

السلام عليكم ورحمة الله تعالى وبركاته
شكرا لك ام سفيان
على الإفادة جزاك الله الف خير

[sofiane2075]

المشاركة الأصلية كتبت بواسطة إيمان الجزائرية

السلام عليكم ورحمة الله تعالى وبركاته
شكرا لك ام سفيان
على الإفادة جزاك الله الف خير

و عليكم السلام و رحمة الله و بركاته العفو اختي هادا واجبي و انا في انتظار تفاعلكم نورتي الموضوع

[salima saradj]

رب يبارك الطريقة واضحة والشرح مفصل حتى انا نحب نتعلم الامور هدي لانها باهية كثير وراني بديت نخدم ونتبع الشرح الي قدمتيها وستفدت كثير
رب يجازيك بكل خير ويحقق لك ما تتمني لاني بيك وصلت لشئ كنت نبحث عليه هدي مدة

[sofiane2075]

المشاركة الأصلية كتبت بواسطة salima saradj

رب يبارك الطريقة واضحة والشرح مفصل حتى انا نحب نتعلم الامور هدي لانها باهية كثير وراني بديت نخدم ونتبع الشرح الي قدمتيها وستفدت كثير
رب يجازيك بكل خير ويحقق لك ما تتمني لاني بيك وصلت لشئ كنت نبحث عليه هدي مدة

ربي يبارك فيك و الله هادا واجبي و ادا قدرني ربي راح نساعدكم و ربي يوفقك

[وفاءص]

السلام عليكم اناعندي مشينة تاع التريكو وما عرفتش نخدم بيها نمشيها بصح مانعرفش الفصالة و الحسابات باش نخرج تريكو على حساب قيس الواحد على هذا كاش وحدة عندهاخبرة في هذا المجال تساعدني و تنورني ربي ينورها شكرا

[sofiane2075]

المشاركة الأصلية كتبت بواسطة وفاءص

السلام عليكم اناعندي مشينة تاع التريكو وما عرفتش نخدم بيها نمشيها بصح مانعرفش الفصالة و الحسابات باش نخرج تريكو على حساب قيس الواحد على هذا كاش وحدة عندهاخبرة في هذا المجال تساعدني و تنورني ربي ينورها شكرا

و عليكم السلام و رحمة الله و بركاتهشوفي هنا اختي و ان شاء الله تستفادي

https://www.anaqamaghribia.com/vb/sho...C7%E6%E1/page3

[وفاءص]

السلام عليكم شكرا اختي ربي ينور ياماتك كيم نورتيني في هذه الجمعة المباركة.

[sofiane2075]

العفو اختي شكرا لدعواتك و لك بالمتل ايضا ان شاء الله تكوني لقيتي الاحابة على سؤالك انا تاني كانت عندي ماشينة تكسرت و مازالها في بالي الله يوفقك

[زرابة]

ممكن طريقة حداء بيبي