موضوع مميز كوزينة حراير المنتدى - الصفحة 5

فاتي 05 · 2018-08-01, 18:56

اقتباس:

المشاركة الأصلية كتبت بواسطة حياة نور الدين

السلام عليكن ونهاركم زين

ملوكتي يااااا سلاااام اعطيني نبرد قلبي البارد يشهي وتطبيقات روووعة وهده كوزنتنا الكل حبيبتي ربي يخليك على وقفتك

اسوم على قول ملوكة وين رااه تلبازك ومرانيش نصور لانه تابلات تخسرت

موستا حبيبتي وجهك خير وربي يلحقك على خير للبلاد وفكرتيني بفيفي تع لندن ربي يسمعنا عليها الخير

فاتي ماشاء ه عليك وعلى البريوش والحلويات ويعطيه الصحة خوك فطرنا اليوم ههه بصحتهم

فطوري اليوم تليتلي بالدجاج والحمد الله

حيوتة يالحنونة ليك وحشة كبيرة و و مشكورة على كلامك و بصحتكم تليتلي انا ناويا غدوا نديرو فطور

فاتي 05 · 2018-08-01, 19:01

اقتباس:

المشاركة الأصلية كتبت بواسطة idem16a

فطوري اليوم حساء الخضر مع المرقاز
وعشايا البارح الكباب والسلاطة والحمد لله
كنت راح نحط باروكي لقيت هاذو برك،،درك نزيد نحوس

بصحتكم حبيبتي كلش يشهي بالعافية عليكم

فاتي 05 · 2018-08-01, 19:28

جبتلكم شوية من أرشيفي المتواضع و كي العادة الحلو قلت نعمر بيه الكوزينة انشاء الله يعجبكن

فاتي 05 · 2018-08-01, 21:20

صح عشاكم جميعا راني ندور وحدي في الكوزينة راهي تصفر جيت نحطلكم عشانا اليوم تفضلو

dima 08 · 2018-08-01, 21:29

الله ..الله على بنات بلادي كل صبع بصنعة ...ما شاء الله عليكم دمتن متالقات حبيبات ...كل من حيوته صاحبة الكوزينة والاطباق الرائعة وام يوسف وريم وملاك وتوبة وفاتي واريج والباقية اطباق رائعة انشاء الله نشارك في هدا اللمة الحلوة

dima 08 · 2018-08-01, 21:36

وهدا من الارشيف حنوناتي

dima 08 · 2018-08-01, 21:41

dima 08 · 2018-08-01, 21:50

راني غير انا وانت لي ندور معليش رانا مزهينها ههههههه..... حتان يلتحقوا الحراير... ما شاء الحلويات يسلم هذو اليدين

dima 08 · 2018-08-01, 21:54

اقتباس:

المشاركة الأصلية كتبت بواسطة فاتي 05

صح عشاكم جميعا راني ندور وحدي في الكوزينة راهي تصفر جيت نحطلكم عشانا اليوم تفضلو

بالصحة والهنا حنونة .... والله غير حرنا واش نديرو في هذا السخانة ..... انا قولت لماما ندخل للمنتدى كشما نلقى صحباتي درو نهو عليهم ...لقيت غير انا وانت لي ندور ههههه .عشانا كانا بطاطا في الكوشة مع سلاطة وكسرة ..للاسف ما صورتش

dima 08 · 2018-08-01, 21:58

وراكم يالحراير .... انشطوا ولا راكم بحرين ههههه

*توبــــة* · 2018-08-01, 22:20

مسااااااااؤوووووووو فنفووونات
خاااااااااااااه اليوم تقتلوني رجعت بلا باروك خخخخخخ
خلووو نراجع شوي ونجيكم

نور<3 · 2018-08-01, 22:27

الله يبارك عليـــــكم يالفحلات ^^

*توبــــة* · 2018-08-01, 22:35

الحمد لله رجعت شاويتي الفحلة... فاتي والله كنتي ديما في بالي
ونقول مانعرف وش راهي .... تزيدي تغيبي نقتلك يا موصيبة
اطايبك رووووووعة ماشاء الله خاصة خاصة خاصة لي كرواصون
وبتي بان... تاع من لاروسات.. راهم في بالي حابة نجربهم ان شاء الله
حقااااااااااااا بصحتهم المشوي.. يااامااااااااااااااامي

ملوووووكتي علاه الحالة ماتعجبش هههههههه رانا هنا برك اكي على بالمك
العطلة والبحر ولعراس مايقعدوش باش يدخلو.... اني نصبر روحي خخخخخخخ
تطبيقاتك هااااايلة ماشاء الله تبارك الرحمن .. ربي يزيدك نشاط ونشاط خخخخخخ

ام ياسمين رح تنوري الجزائر يا الحبيبة.. والله توحشناك بزاااااااااااف
تلحقي بخير ياااااااااااااارب

حيوووووووووووتي حبيبة ألبي مام احنا اليوم غدانا تليتلي
خسااااااااااارة ماراكيش تصوري.. صدقيني نشوف صور طياباتك ننفح نلبز انا ثاني

idem16 اولا وقبل كل شئ قوليلي كيفاه نعيطولك ههههههههه
والله شهيتيني في طياباتك ماشاء الله
الكروكي متحوف ومتقون ماشاء الله.... هاتي هاتي لاختك نشرب بيه حليبي غدوة
يااااااعملي على وليدك.. ربي يحفظو ويجعلو من الذرية الصالحة يااارب

dima حبيبتي كيفاه نعيطولك... دمدوومة؟ هههه نورتي حنونة

أستغفر الله وأتوب اليه

أم يوسف2 · 2018-08-01, 22:54

سلام حبيبااتي ياعمري دخلوا الغايباات
تعيشو شكون تمدلي وصفة مضمونة ومجربة تاع ليبينيي بلييز

فاتي 05 · 2018-08-01, 23:07

اقتباس:

المشاركة الأصلية كتبت بواسطة dima 08

الله ..الله على بنات بلادي كل صبع بصنعة ...ما شاء الله عليكم دمتن متالقات حبيبات ...كل من حيوته صاحبة الكوزينة والاطباق الرائعة وام يوسف وريم وملاك وتوبة وفاتي واريج والباقية اطباق رائعة انشاء الله نشارك في هدا اللمة الحلوة

مشكورة حبيبتي على كلام الحلو الفحلات راهم راقدين و بصحتكم بطاطا كوشا