ناس بكري قالوا

[crono]

الناس بكري واش قالو...��
-كيف تبدأ قول بسم الله وكي تكمل قول الحمد لله.
-ماتتعراش ونتا عرقان, ومتشربش الماء ونتا عرقان, وماتكسلش رجليك وسط الجماعة, وماتوكلش أولادك وسط الجماعة.
-ماتشربش بالواقف, وجهك نقيه ماتدري واش تلاقي بيه ولي فاتك بالزين فوتو بالتبسيمة, ولي فاتك باللبسة فوتو بالنظافة, ولي فاتك بالعلم فوتو بالظرافة, ولي فاتك بالصيغة فوتو بالسياسة, ولي فاتك بالمال فوتو بالقناعة.
-ولد السبع مايجي مشحاح والدفلة ماتجيب التفاح, دقيق البشنة مايجي منو طعام, وصوف الكلاب مايجي منو البرنوس, وكبير العرش طيعو, وكبير الراس والكرش بالرخس بيعو.
-زين السوق قعادو, وزين الفراش أولادو, وزينة الحديث كي يعود موش في الصواب سكاتو.
-عرة الفاكية البرقوق, وعرة النساء لي طيب وتذوق, وعرة الرجال لي سوق بعد سوق.
-إذا كنت شين أستر فضايحك وإذا كنت زين أستر روحك من العين.
إذا طاحو السنين تروح البنة وإذا راحو العينين تروح الدنيا وإذا راح النيف تروح الهمة. وإذا راحو رجال تروح الحرمة وإذا راحو الوالدين تروح اللمةï»؟
الله يرحم يا بابا

[crono]

المشاركة الأصلية كتبت بواسطة اللهم ارزقني عفةمريم

الله يبارك اختي ربي يحفظك موضوع رائع ابدعتي

يسلمك أختي هذا من ذوقك
نورتي الموضوع
جزاك الله خير الجزاء
آمين يا رب العالمين ولك بالمثل وأحسن .

المشاركة الأصلية كتبت بواسطة قصة كفاح

موضوع في القمة أختاه بارك الله فيك لقد سافرت بنا إلى الماضي الأصيل ووضعتينا بين أحضان أجدادنا.
شكرا^^

و فيك بارك
أجدادنا.اللي قالوه هذاك هو الصح
ربي يحفظك و يوفقك إلى ما يحب و يرضى.

[قرميط مجيد]

حكككككككككككككمممممممممة

[مداح محمد]

الثمانين (1980)
الصابة و الزرع فوق الركبة و كي يجي الليل الشراب و السكرة فالغابة.
التسعين (1990)
ما بقات صابة ما بقات جليبة بقاو غير الارهاب الضرابة.
الفين (2000)
بدات وئام و كثر الزحام، ولات المرأة بلا لجام، و كملت بالصدام.
الفين و عشرة (2010)
بدات في الصحرا في غرداية الصفرا بالنار و الحجرة.
من بعد صبح الرايس حجرة و خوه مرقها بالحقرة و دار نائب بقرة.
كملت بناس يحوسوا على دولة حرة، يطالبوا بتغيير الحقرة و الحجرة و البقرة.
الفين و عشرين (2020)
بانو و حداخرين، مراناش عارفين كي دايرين، يقولو حنا زينين مراناش سراقين.
بعدها بشهرين (2020)
تخلطت الموازبن و بقات الدبزة على الطحين ، هاذو داخلين و هاذو خارجين.
قالولي يا محمد واش راه صاري في بلادنا، قلتلهم كانت بالعشر سنين ولات بالشهرين.
الله يحفظ المساكين، من هاذ الناس الجيعانين عديمي الضمير و الدين.
كنا نشوفو النسا بالعجار و قليل مين يخرجو من الدار حتى صار اللي صار.
و بقاو الرجال كي النسا قاع لابسين العجار و قاعدين فالدار و يتصنتوا الاخبار .
قالو كورونا تتنقل فالهوى، لا فالحمان و بزاف اللي قالوا فالصمار.
قالو 9 لا 90 لا 900 و بداو يزيدوا الاصفار نهار مور نهار.
بلعوا الجوامع و بقى غير الاذان للسامع، ماعرفناه لا ضار ولا نافع.
هاذ العالم واسع فيه الراس النافع و الصدر المانع و العرب هما التابع.

[malak96]

من اجمل ما قيل تبارك الله اعجبتني جدا جدا هذه المقولة شكرا لك على مشاركتها 🌻

[أم ميرال و آرال]

اللوالى ما خلاو للتوالى ما يقولو

الحديث قياس و لي يطولوها يقصروها
كإضافة للموضوع يقول عبد الرحمان المجدوب
مشيت البر و تلفت ورايا
لقيت العدو يخرج من الدار و لا من الجار حذايا

[rouji_33]

شكرااااااا

[〆 بٰٰاولو 乄]

ناس بكري قالو يجي زمان يغلى فيه الدجاج و يكذبوا فيه الحجاج و يقعدوا النساء بلا زواج و حديثهم تفشفيش ومطرهم تغبريش وفلوسهم برشا وماتقضيش

[زائر خفيف]

شكرا.............

[زائر خفيف]

شكرااا................

[غربون]

أحسنت واصل