كل وحدة تدخل و تحط سر من اسرار الطبخ ولها جزيل الشكر

[wala]

السلام عليكم شكرا على تتقدمون به من نصائح يجعللكم ان شاء الله فى كل خطوة الستر انا عندى اليوم لى بولات الخاصة بالمثوم او ضىفهم فى اى شيى المهم كريات اللحم باش تزكيه خاصة فى الاعراس حتى فى بيت كى يكون عندى لحم مرحى قليل نضيفلو الروز مغلى ومصفى ومرحى فى رحيوة او الروبو او استعمل الكسكس يابس او تشيشة المرمز او الفريك او خبز يابس مرحى ومحمر شوية فى الكوشة مع قطعة جمبو بقر فتيها مع الخبز المهم كاين بزاف يعرفو الوصفة هده وكاين العكس انا اريد منكم ان تزودونا حبيباتى بمعالجة الكوكاو لانى لااحب رائحته واجر الجميع عند المولى عز وجل

[ريان 7]

وين رحتو ؟؟؟؟؟؟؟؟؟؟؟؟؟؟؟؟

[wala]

السلام عليكم الجلبانة باش تتقشر بسرعة غليها بقشورها فو الماء لمدة 3 دقائق ثم قشريها ونشفيها وانثرى عليها قليل من سكر قلاصى لى جلبانة نتاعهم صامطة لان الحلاوة حسب المناطق ثم عمريهم فى قارورات سعيدة الصغار او قارورات لى يفرغوا فى العرس احسن من صاشيات اريد ان اسال لمدا هدا الصفحة مايزوروهاش باش يكسبو الحسنات فى عطائهم

[chedni]

مشكورين اخواتي على هذه المعلومات المفيدة ومشكورة صاحبة الموضوع
أما عن السر: لكي يجيك قاطو صابلي طري ويذوب في الفم زيدي مع الفرينة كاس مايزينة دائما ولما طيبيه في الفرن خليه يصفار برك ولما يكون سخون ديريه في بسينة صغيرة أوة كسكاس وغطيه بساشي حتى يبرد زينيه مثلا إذا إستعملتي الشوكولا خليها حتى تنشف ومن بعد دسيه في علبة وأغلقي عليه يبقا طري وكل ما طول يزيد يطرا ويبنان .هذا سر القاطو نتاعنا في الدار سر تعلمتو من أمي كل ماجي وحدة عندنا تقوللنا قاطوكم سامبل بصح يذوب في الفم ونزيدلكم ما تضيفوش لقاطو صابلي الحليب يجي يابس ولا الماء غير بالبيض والزبدة غير مذابة نصيحة تهمكم بزاف راني قلتهالكم غير نتوما .أدعولي برك .مع السلامة .

[mounira titi]

موضوع مفيد مشكورة اختي عليه و كل من شاركت معك فيه .
اما سر من عند امي العزيزة هو ان لا نقلي لحم البقري بل نقلي البصل و ما معه ثم ارمي اللحم و مباشرة امرق بالماء و هدا لا يجعلها شارفة كما نقول يعني لا تطيب جيدا و تنشف .
و السر التاني هو غسل الدوارة بماء ساخن ولمصارن لخشان من تلك المادة الملساء بالملح و احك جيدا ثم بالماء و اعيد عدة مرات حتي ازالته تماما.

[وردة زمن]

انا عندي سر سمعتو من السيدة رزقي ان كي نغليو الشوفلور في الماء نتجنبو مانغطيوهش باش ما يصفارش
وثاني نصيحة من جونقومة او في مسلسل جوهرة القصر عند وجود رائحة غير مرغوب فيها في المرق مثال رائحة اللحم المجمد لمدة طويلة نضيف له ملعقة او اكثر بقليل من الخل
وهاذي من عندي اللحم والا الحمص الا كونت مزروبة باش نطيبو نزيدلو شويا خميرة القاطو راهي مضمونة

[wala]

السلام عليكم نفور الخضر فى السكاس انا اضع الخضر مقطعة صغيرة حتى جلبانة لى نستعملها فى المسفوف وتكونى مزروبة ضعيها فى صحن حديد وضعيه فى حمام مائى داخل الكوكوت شكرا جزيلا اخواتى على المعلومات ربى يجعلها فى ميزان الحسنات

[m_bendjeddou]

كي تجيكم الشربة حامضة من الطماطم ظيفي القليل من الحليب

[fifyana]

سلام عليكم
اليكم مشاركتي المتواضعة
كي طيبي كا حاجة وتجيك مزيته حطي فيها دنجال ني مقطع على ربعة تمتص كل الزيت الزائد تقبلو تحياتي

[امل12]

المشاركة الأصلية كتبت بواسطة fifyana

سلام عليكم
اليكم مشاركتي المتواضعة
كي طيبي كا حاجة وتجيك مزيته حطي فيها دنجال ني مقطع على ربعة تمتص كل الزيت الزائد تقبلو تحياتي

اختي مافهمتش واش تحطي واش هو هاد الدنجال

[ام ظافر]

لما تغسلي الدجاج وتقطعيه وينشف قبل ما تحطيه في اكياس وتخبيه ذري عليه شمة ملح + شمة فلفل اسود + شمة سكنجبير + شمة قصبر مرحي + شمة كروية وخلطي مليح ومن بعدها خبيه في المجمد لما تطبخي بيه تحسي بالفرق في الطعم واختفاء الرائحة المزعجة تاع الدجاج والزفرة تاعو

[wala]

السلام علكم شكرا فيفيان على فكرة شرب الزيت لان زوجى معقد من اليدام وهل البنة ماتجيش فى الماكلة تع التنجال واشكر اخت ام ضافر على التتبيلة ربى يجازيكم

[الخامسية]

راه وقت الليمون استغلي الفرصة قبل ما يغلى و وجديه لرمضان
1 - رابي حبات الليمون وعمري الزست في علب صغيرة
2- اعصري الحبات و املئي قوالب لاقلاس الي يجو مع الثلاجة مين نشروها . لما تجمد انزعي القطع المتحصل عليها وخزنيها في كيس و بالتالي تستطعين الاستعمال بالقطعة في كل مرة .
3 - حبات الليمون الي بقات ( وراهي معصورة ) ما ترميهاش ضعيها في كيس ودريها في المجمد تستطعين استعمالها عندما تغلي الشوفلار او الزيتون تمد لهم بنة شابة .

[algeriana-31]

السلام عليكم
شكرا لكم على هذا الموضوع المفيد وشكرا لكل من قدمت نصيحة
عندي عفسة خاصة بالوبيا والباقوليات بصفة عامة لما تنسي ما تنفخيهاش(أي ما تبيتيهاش فالماء) كي تديريها تطيب ديري في الكوكوت مغرف(مغرف تاع اينوكس) وغلقي الكوكوت راها تطيب بلخف عن تجربة جربتها البارح وناجحة 100%

[ام طيب]

لنجاح اطباقكمممم اذكر الله بقولكن بسم الله على بركة الله