العجينة السحرية من المجمد الى الفرن على ضمانة أمنية ما تخافيش

[أمنية غفران]

[

CENTER]
السلام عليكم أخواتي الكريمات
رمضان كريم للجميع
............
عدت لكم بعد غياب قصير بصح بالجديد أكيد
مرحبا
.
.
.
المهم بعد تجربتي للعجينة السحرية أو عجينة 10 الدقائق و الي اكيد عجبتني حبيت نعتمدها دائما بصح بكوني موظفة ووقتي قليل فكرت ندير تجربة للعجينة السحرية نحطها في المجمد و كي نحتاجها نخرجها و نستعملها

الحمد لله نجحت التجربة و اصبحت نستعملها امالا أختي الكريمة خوضي التجربة و اكيد على ضمانتي و قولي يا مرحبا بعجينتي السحرية و فرحي العائلة الكريمة
راني حكيت بزاف اسمحولي من فرحتي ههههه

ملاحظة بعد ماتتخمر لك العجينة تحطيها في المجمد و كي تحتاجيها تجبديها قبل الاستعمال بوقت و رايحة تشوفيها عاودت تخمار من بعد ما تنحا ليها التجمد و تستعمليها عادي

استيس انا كي خدمت العجينة قسمتها في ساشيات يعني باش يسهال عليا الاستعمال واش نحتاج من العجينة نجبد
و كي تخرجيها من المجمد خليها بجيه و مع الوقت تشوفيها عاود تخمار ما شاء الله


صور مراحل العجن















..
..


العجينة المعتمدة:

كاس فرينة - كاس ماء فاتر - ملعقتين كبيرة خميرة خبز - ملعقة كبيرة سكر
- 3 ملاعق كبيرة زيت - ملح - فرينة نلمو بيها

أولا نخلط كاس الفرينة مع الخميرة و السكر ثم الماء الفاتر مع بعض جيدا و نتركها عشر دقائق
ثانياو بعد عشر دقائق نضيف الزيت و نخلط جيدا ثم نضيف الملح و الفرينة حتان تتلم و نتحصل على عجينة طرية لا تلتصق
بعدها تستخدم حسب الرغبة في الحال أو تجمد و الصور الي الفوق توضح أكثر
.
.
.
كمثال

حطيت العجينة في مول صغير نتاع كل شخص في العائلة الحشو كان تونة مع بطاطا مسلوقة و مرحية و شوية زيتون احمر مقطع و شوية فلفل حار مقطع رقيق درت طبقة من الحشو و فوقه حبة بيض مسلوقة مقطعة و غطيتها بالحشو و غلقت العجينة و طليتها بصفار البيض مخلط بشوية قهوة طايبة مرة و دردت عليه شوية سانوج تفضلن شوفو هاد الصور

.
.
.
.
شكرا للمشرفات الي ثبتو الموضوع
و كهدية ليكم
و لحبيباتي العضوات و الزائرات بيتزا بسيطة بالعجينة المجمدة اعملت ليها صوص طماطم و تونة و جبن مبشور
اعملتها اليوم 2 جويلية لعيونكم

شوفو هنايا راهي في المجمد




و هنايا راهي عاودت خمرت بعدما تنحا ليها التجمد يا سلام
.














وهادو ميني بيتزا


.
.
السلام عليكم اخواتي الي راكم في الكواليس تضربوا طلة و تهربو معليش دعاء في ظهر الغيب
و باش تعرفو بلي مانيش بخيلة نقدم ليكم هاد قلب اللوز من أعماق أعماق قلبي





صح فطوركم بالصحة و الراحة و العافية

[/CENTER][/CENTER]